గోవా ప్రజలది.. అమ్మకానికి కాదు: రాహుల్ గాంధీ

By Lokesh· 1h ago· X

రాహుల్ గాంధీ ఈ రోజు గోవాలోని మార్గావ్‌లో కాంగ్రెస్ నిర్వహించిన 27 రోజుల ‘గోయ్ రాఖోన్న్’ (గోవాను కాపాడండి) యాత్ర ముగింపు కార్యక్రమంలో పాల్గొన్నారు. సెప్టెంబర్ 22న ప్రారంభమైన ఈ యాత్ర గోవాలోని మొత్తం 40 అసెంబ్లీ నియోజకవర్గాల్లో సాగింది. రాష్ట్ర భూములు, గోయెంకర్‌పొన్ గుర్తింపు, పర్యావరణం, సంస్కృతిని కాపాడటంతో పాటు భూముల మార్పిడి, నిరుద్యోగం, అవినీతి వంటి అంశాలను కాంగ్రెస్ లేవనెత్తింది. “గోవా ప్రజలదే.. అమ్మకానికి కాదు” అని రాహుల్ గాంధీ అన్నారు.

More in National

▶

National· 11m ago

ఉంగ్లీ తో ఉఠేగీ..హల్లాబోల్ మార్చ్

ఢిల్లీలో కాంగ్రెస్ విద్యార్థి విభాగం NSUI ఈ రోజు ‘ఉంగ్లీ తో ఉఠేగీ – హల్లాబోల్ పేరుతో మార్చ్’ నిర్వహించింది.న్యూఢిల్లీలోని NSUI జాతీయ కార్యాలయం నుంచి జంతర్ మంతర్ వైపు మార్చ్ చేపట్టింది. నిరసనలో పాల్గొన్న విద్యార్థులు తమ వేళ్లపై గాయం అయినట్లు కట్టు కట్టుకొని వేళ్లను చూపిస్తూ ‘ఉంగ్లీ తో ఉఠేగీ’ అంటూ నినాదాలు చేశారు. అంటే, ఓటర్ల హక్కుల విషయంలో ప్రశ్నలు అడుగుతూనే ఉంటామని చెప్పడం ఈ నినాదం ఉద్దేశం.

National· 22m ago

పబ్లిక్ టాయిలెట్లు క్లీన్‌గా ఉండాల్సిందే: ఢిల్లీ హైకోర్టు

పబ్లిక్ టాయిలెట్లు శుభ్రంగా ఉండటం కూడా మన జీవించే హక్కులో భాగమేనని ఢిల్లీ హైకోర్టు చెప్పింది. టాయిలెట్లు ఎలా ఉన్నాయో తెలుసుకోవడానికి విద్యార్థులతో సడన్ చెకింగ్ చేయించాలని చెప్పింది. ఢిల్లీ యూనివర్సిటీ, జామియా మిలియా ఇస్లామియా, అదితి మహావిద్యాలయ విద్యార్థులు టాయిలెట్ల ఫొటోలు తీసి రిపోర్ట్ ఇవ్వాలి. టాయిలెట్లను శుభ్రంగా ఉంచకపోతే బాధ్యులైన MCD అధికారులపై ఏం చర్యలు తీసుకుంటారో చెప్పాలని కోర్టు కోరింది. ఈ కేసుపై నవంబర్ 2న మళ్లీ విచారణ జరగనుంది.

National· 1h ago

Horlicks, Nestléకి FSSAI నోటీసులు!

Horlicks, Nestlé ప్రొడక్ట్స్‌పై ఫుడ్ సేఫ్టీ సంస్థ FSSAI నోటీసులు ఇచ్చింది. Horlicks Women’s Plusలో ఎముకల బలం పెరుగుతుందని, No Added Sugar అని చేసిన క్లెయిమ్స్‌పై అభ్యంతరాలు వ్యక్తం చేసింది. Horlicks Women’s Plus తింటే బిడ్డ ఆరోగ్యకరమైన బరువుతో పుడతాడనే ప్రచారంపైనా ప్రశ్నలు అడిగింది. Nestlé Nescafé Drinks లేబుల్స్‌లో తేడాలు, కిడ్నీ పేషెంట్ల కోసం తయారు చేసిన Resource Renal Powderకు అప్రూవల్ లేకపోవడంతో నోటీసులు ఇచ్చింది.

National· 1h ago

చాక్లెట్ అడిగితే చేతిలో పిస్టల్ పెట్టిన మామ

జార్ఖండ్‌లోని బొకారోలో విషాద ఘటన జరిగింది. చాక్లెట్ అడిగిన మూడేళ్ల బాలుడు సాహిల్ రాజ్‌కు అతడి మామ రాజేష్ కుమార్ (21) పిస్టల్ ఇచ్చినట్లు బాలుడి తల్లి తెలిపింది. దాన్ని పట్టుకుని ఆడుకుంటుండగా తుపాకీ పేలి బాలుడు ప్రాణాలు కోల్పోయాడు. ఆస్పత్రికి తీసుకెళ్లినా అప్పటికే మృతి చెందినట్లు వైద్యులు తెలిపారు. ఘటన తర్వాత మామ తుపాకీతో వెళ్లిపోయినట్లు కుటుంబ సభ్యులు చెప్పారు. పోలీసులు కేసు నమోదు చేసి అతడి కోసం గాలిస్తున్నారు.