నక్క నిజంగా జిత్తులమారా?

పంచతంత్ర కథల్లో నక్కను ‘జిత్తులమారి’ అని చదువుకున్నాం. నక్క ఎప్పుడూ కుయుక్తులు, మోసాలు చేసే జంతువుగా చూపించడం వల్ల మనకు అలా అనిపిస్తుంది. కానీ జంతు శాస్త్రం ప్రకారం నక్కల ప్రవర్తన వెనుక ఎటువంటి కుతంత్రాలు లేదా చెడు ఆలోచనలు ఉండవు. ఇవి చాలా తెలివైన జంతువులు. ఏదైనా ప్రమాదం వస్తే ఎలా తప్పించుకోవాలో, ఆహారాన్ని ఎలా వేటాడాలో వాటికి బాగా తెలుసు. పెద్ద జంతువుల నుండి తమను తాము కాపాడుకోవడానికి దాక్కుంటాయి. ఈ తెలివితేటలనే మనం కుతంత్రాలు అని అనుకుంటాం.