బీరోలు గ్రామపంచాయతీలో ఘనంగా బతుకమ్మ

ఖమ్మం జిల్లా తిరుమలాయపాలెం మండలం బీరోలు గ్రామంలో గ్రామపంచాయతీ ఆధ్వర్యంలో బతుకమ్మ వేడుకలు ఘనంగా ప్రారంభమయ్యాయి. సర్పంచ్ గుమ్మడి దేవబిక్షం, పాలకమండలి సభ్యులు ఈ కార్యక్రమంలో పాల్గొన్నారు. మహిళలు, గ్రామ పెద్దలు, యువతీ యువకులు, చిన్నారులు రంగురంగుల పూలతో బతుకమ్మలను పేర్చి ఉత్సాహంగా సంబరాలు జరుపుకున్నారు. తెలంగాణ సంస్కృతి, సంప్రదాయాలకు ప్రతీకగా నిలిచే ఈ వేడుకలతో గ్రామంలో పండుగ వాతావరణం నెలకొంది.