Latest
మూడో విడత రైతు భరోసా నిధులు విడుదల!
తెలంగాణ ప్రభుత్వం రైతు భరోసా మూడో విడత నిధులను విడుదల చేసింది. 3 నుంచి 4 ఎకరాల భూమి ఉన్న 6.39 లక్షల మంది రైతుల అకౌంట్లలో రూ.1,330 కోట్లను డిపాజిట్ చేశారు. ఇప్పటివరకు మొత్తం 61.35 లక్షల మంది రైతులకు రూ.5,402.37 కోట్ల ఆర్థిక సహాయం నేరుగా బ్యాంక్ అకౌంట్లలోనే జమ అయింది.
షాకింగ్ యాక్సిడెంట్.. మిరాకిల్ ఎస్కేప్
TG: నిజామాబాద్ జిల్లా రెంజల్ మండలం వీరన్నగుట్ట శివారులో ఒక కారు అదుపు తప్పి పక్కనే ఉన్న విద్యుత్ స్తంభాన్ని బలంగా ఢీకొట్టింది. అనంతరం పొలంలో బోల్తా పడింది. ప్రమాద ధాటికి కరెంట్ పోల్ పూర్తిగా విరిగిపోవడమే కాకుండా, విద్యుత్ మెయిన్ లైన్ తీగలు తెగి నేరుగా కారుపై పడ్డాయి. ఆ టైమ్‌లో కారులో ఉన్న వ్యక్తి కారు అద్దాలను పగులగొట్టుకుని సకాలంలో బయటకు దూకేశాడు. విద్యుత్ తీగలు కారుపై పడినప్పటికీ, సదరు వ్యక్తి కేవలం స్వల్ప గాయాలతో ప్రాణాపాయం నుంచి బయటపడడంపై స్థానికులు విస్మయం వ్యక్తం చేశారు.
నిజాలను దాచేందుకే ఫుటేజ్ డిలీట్: జగన్
AP: ఇటీవల సెల్ఫీ వీడియో తీసుకొని ఆత్మహత్యకు పాల్పడ్డ దళిత యువకుడు క్రాంతికుమార్ కుటుంబసభ్యులను YSRCP అధినేత జగన్ మోహన్ రెడ్డి పరామర్శించారు. YSRCP తరఫున అన్ని విధాలా అండగా ఉంటామని భరోసా ఇచ్చారు. జగన్ మీడియాతో మాట్లాడుతూ..ట్యాక్సీ నడుపుకుంటూ జీవిస్తున్న క్రాంతికుమార్‌పై ఎలాంటి కేసులు లేవని స్పష్టంచేశారు. పోలీసులు పెట్టిన చిత్రహింసల వల్లే తాను చనిపోతున్నట్లు క్రాంతికుమార్ తన మరణ వాంగ్మూలంలో స్పష్టంగా పేర్కొన్నాడని గుర్తుచేశారు. నిజాలను దాచేందుకే కృష్ణలంక PSలో CCTV ఫుటేజీని రాత్రికిరాత్రే డిలీట్ చేశారని ఆరోపించారు.
ఇన్‌స్టాగ్రామ్‌ పరిచయంతో బాలికపై అఘాయిత్యం!
ఇన్‌స్టాగ్రామ్‌ పరిచయంతో ఓ 11 ఏళ్ల బాలికను కిడ్నాప్ చేసి అత్యాచారానికి పాల్పడిన నిందితుడికి రంగారెడ్డి జిల్లా పొక్సో కోర్టు 20 ఏళ్ల కఠిన జైలు శిక్ష, రూ.19 వేల జరిమానా విధించింది. 2020 కోవిడ్ టైంలో ఆన్‌లైన్ క్లాసుల కోసం ఫోన్ వాడుతున్న బాలికకు సిద్దిపేట జిల్లాకు చెందిన వెంకటస్వామి(29) పరిచయమయ్యాడు. ఆపై బెదిరింపులకు గురిచేసి కిడ్నాప్ చేశాడు. బాధితురాలికి ప్రభుత్వం రూ.2 లక్షల నష్టపరిహారం ప్రకటించింది. పిల్లలకు ఫోన్లు ఇచ్చేటప్పుడు పేరెంట్స్ అలర్ట్‌గా ఉండాలి.
జంతర్ మంతర్ వద్ద సోనమ్ వాంగ్చుక్ భార్య!
ఎడ్యుకేషన్ మినిస్టర్ ధర్మేంద్ర ప్రధాన్ రిజైన్ చేయాలంటూ సోనమ్ వాంగ్చుక్ చేస్తున్న నిరాహార దీక్ష జంతర్ మంతర్ వద్ద 5వ రోజుకు చేరింది. ఈ రోజు ఉదయం ఆయన మెడికల్ రిపోర్ట్స్ ప్రకారం బ్లడ్ ప్రెజర్ 115/69, పల్స్ రేట్ 72 కాగా, బ్లడ్ షుగర్ లెవెల్స్ 60 mg/dL కి పడిపోయాయి. ఆరోగ్యం క్షీణిస్తున్నా ఆయన పోరాటం ఆపడం లేదు. ఈ క్రమంలోనే ఆయన భార్య దీక్షా స్థలానికి వచ్చి తన సపోర్ట్ అందించారు. 'లైఫ్ పార్ట్‌నర్ తోడుంటే ఎంతటి కష్టమైన పోరాటమైనా ఈజీనే' అంటూ నెటిజన్లు కామెంట్స్ చేస్తున్నారు.
విద్యాశాఖ కమిషనర్ ఆఫీస్ ముట్టడి.. ఉద్రిక్తత
TG: విద్యారంగ సమస్యలు పరిష్కరించాలని డిమాండ్ చేస్తూ హైదరాబాద్‌లోని లక్డీకపూల్‌లో విద్యాశాఖ కమిషనర్ ఆఫీస్‌ను SFI నాయకులు ముట్టడించారు. రాష్ట్ర ప్రభుత్వానికి, అధికారులకు వ్యతిరేకంగా నినాదాలు చేస్తూ ర్యాలీగా వచ్చి ఆఫీస్ వద్ద బైఠాయించారు. కార్యాలయం లోపలికి వెళ్లేందుకు యత్నించడంతో పోలీసులు అడ్డుకుని అరెస్ట్ చేశారు. దీంతో అక్కడ ఉద్రిక్తత నెలకుంది. ప్రభుత్వ పాఠశాలల్లో మౌలిక సదుపాయాలు కల్పించాలని, రాష్ట్రంలో 27,000 పాఠశాలలను 4000 పాఠశాలలకు కుదించాలనే ఆలోచనను మానుకోవాలని డిమాండ్ చేశారు.
భారీగా పెరిగిన బంగారం ధరలు.. ప్రస్తుతం ఎలా ఉన్నాయంటే!
బంగారం కొనాలనుకునేవారికి బ్యాడ్ న్యూస్. గత రెండ్రోజులుగా తగ్గుతూ వచ్చిన గోల్డ్ రేట్స్ గురువారం ఒక్కసారిగా యూటర్న్ తీసుకున్నాయి. ఇన్వెస్టర్స్ నుంచి డిమాండ్ పెరగడంతో హైదరాబాద్, విజయవాడలో ధరలు భారీగా పెరిగాయి. ప్రస్తుతం 24 క్యారెట్ల 10 గ్రాముల బంగారం ధర రూ.3,770 పెరిగి రూ.1,44,550 కి చేరింది. అలాగే, 22 క్యారెట్ల బంగారం రూ.3,450 పెరిగి రూ.1,32,500 గా ఉంది. ఇక సిల్వర్ రేట్ కూడా కేజీకి రూ.5 వేలు పెరిగి రూ.2.5 లక్షలకి చేరింది. షాపింగ్‌కు వెళ్లేముందు రేట్స్ ఒకసారి చెక్ చేసుకోండి.
రక్తం చిందేలా కొట్టటం అన్యాయం: కవిత
TG: TRS చీఫ్ కల్వకుంట్ల కవితను పోలీసులు అరెస్ట్ చేసి మేడ్చల్ జిల్లా బొల్లారం PSకు తరలించారు. అక్కడ కవిత మాట్లాడుతూ.. ఉప్పల్‌లో మహిళలు, తెలంగాణ ఉద్యమకారులపై పోలీసులు విచక్షణ రహితంగా లాఠీఛార్జ్ చేయడం సరికాదన్నారు. కాంగ్రెస్ పార్టీ ఉద్యమకారులకు ఇచ్చిన హామీలను మాత్రమే అడిగాం తప్ప వేరే డిమాండ్లు ఏమీ అడగలేదన్నారు. కాంగ్రెస్ ప్రభుత్వానికి ఇవాళ్టి నుంచి కౌంట్ డౌన్ స్టార్ట్ అయ్యిందన్నారు. కాంగ్రెస్ ఇచ్చిన హామీలు అడిగితే ఉద్యమకారులపై లాఠీఛార్జ్ చేసి రక్తం చిందేలా కొట్టటం అన్యాయమన్నారు.
TRS చీఫ్ కవిత అరెస్ట్
TG: ఉప్పల్ నియోజకవర్గంలోని భూపోరాట ప్రాంతానికి చేరుకున్న తెలంగాణ రక్షణ సేన(TRS) చీఫ్ కల్వకుంట్ల కవితను పోలీసులు అరెస్ట్ చేశారు. ఆమె బోడుప్పల్‌లో బొడ్రాయి ప్రతిష్టించి పూజలు చేసి ఆ ప్రాంతానికి తెలంగాణ ఉద్యమకారుల రక్షణ కాలనీగా నామకరణం చేశారు. అక్కడికి చేరుకున్న పోలీసులకు, TRS నాయకులకు మధ్య తోపులాట జరిగింది. దీంతో అక్కడ టెన్షన్ వాతావరణం నెలకుంది. కల్వకుంట్ల కవితను, టీఆర్ఎస్ నాయకులను పోలీసులు అరెస్ట్ చేశారు.
హరీష్ రావును అడ్డుకున్న పోలీసులు.. టెన్షన్ టెన్షన్
TG: గురుకులాల్లో అవినీతి, రాష్ట్ర అప్పులపై చర్చించేందుకు హరీష్ రావు హైదరాబాద్‌లోని గన్‌పార్క్ వద్దకు రావాలని మంత్రి అడ్లూరి చేసిన చాలెంజ్‌ను ఆయన స్వీకరించారు. తెలంగాణ భవన్ నుంచి గన్‌పార్కుకు బయల్దేరగా.. అక్కడే హరీష్ రావు, RS ప్రవీణ్ కుమార్‌ల వాహనాలను పోలీసులు అడ్డుకున్నారు. BRS కార్యకర్తలకు, పోలీసులకు తీవ్ర వాగ్వాదం జరగడంతో అక్కడ ఉద్రిక్తత నెలకుంది. ప్రజాస్వామ్యంలో ఉన్నామా? పోలీసుల పహారాల ఉన్నమా? అని వారు ప్రశ్నించారు. హరీష్ రావు, RS ప్రవీణ్‌కుమార్‌లను పోలీసులు అదుపులోకి తీసుకున్నారు.
శంషాబాద్ ఎయిర్‌పోర్టులో 20మంది మహిళలు అరెస్ట్
TG:శంషాబాద్ విమానాశ్రయంలో భారీ వీసా మోసం ఘటన కలకలం రేపింది. నకిలీ వీసాలతో విదేశాలకు వెళ్లేందుకు ప్రయత్నించిన APలోని తూర్పుగోదావరి జిల్లాకు చెందిన 20 మంది మహిళలను ఇమ్మిగ్రేషన్ అధికారులు అరెస్ట్ చేశారు. ఉపాధి కోసం తాము విదేశాలకు వెళ్లేందుకు ఒక ట్రావెల్ ఏజెంట్‌ను ఆశ్రయించామని, అతను అసలు వీసాలు అని చెప్పి తమ వద్ద పెద్ద మొత్తంలో డబ్బులు వసూలు చేసి నకిలీ వీసాలు ఇచ్చాడని మహిళలు వాపోయారు. ఘటనపై పోలీసులు కేసు నమోదు చేసి మహిళలను మోసం చేసిన ముఠా, ఏజెంట్ ఎవరనే కోణంలో దర్యాప్తు ముమ్మరం చేశారు.
పెళ్లి తర్వాత బయటపడిన అసలు నిజం
AP: పల్నాడు జిల్లా ఈపూరు మండలం కొచ్చర్ల గ్రామానికి చెందిన యువతిని, ఇనిమెళ్ల విలేజ్‌కు చెందిన మల్లవరపు శాంతివర్ధన్ మ్యారేజ్ చేసుకున్నాడు. ఇప్పటికే మరో మహిళతో సంబంధం ఉన్న విషయాన్ని దాచిపెట్టి మ్యారేజ్ చేసుకున్నాడని ఆరోపణలు రావడంతో పెళ్లికూతురు కుటుంబసభ్యులు ఆగ్రహం వ్యక్తం చేశారు. మోసం చేసిన వ్యక్తిపై కఠిన చర్యలు తీసుకోవాలని పెళ్లికూతురు కుటుంబసభ్యులు, గ్రామస్తులు పెద్దఎత్తున ఈపూరు PS ఎదుట బైఠాయించారు. దీంతో పోలీసులు పెళ్లికొడుకును అదుపులోకి తీసుకుని స్టేషన్‌కు తరలించారు. దీంతో అక్కడ టెన్షన్ వాతావరణం నెలకుంది.
సీటు కోసం RTC బస్సులో రచ్చ .. చివరికి PSకు!
TG: రాష్ట్రంలో ఫ్రీబస్ స్కీమ్‌తో ప్రయాణికుల సంఖ్య పెరిగింది. పెరిగిన ప్రయాణికులకు అనుగుణంగా బస్సుల సంఖ్య పెంచకపోవడంతో ప్రయాణికులు తీవ్ర ఇబ్బందులు పడుతున్నారు. మెదక్ వైపు నుంచి సికింద్రాబాద్‌కు వెళ్తున్న RTC బస్సులో సీట్ విషయమై ప్రయాణికుల మధ్య వాగ్వాదం జరిగింది. నర్సాపూర్ వద్ద బస్సు ఎక్కిన మానసిక వికలాంగుడు వినోద్ సీటు కోసం మరో మహిళతో గొడవకు దిగాడు. మహిళపై దాడిచేసి, ఆమె బ్యాగ్‌ను చింపివేయడంతో బస్సులో టెన్షన్ వాతావరణం నెలకొంది. డ్రైవర్ బస్సును నేరుగా నర్సాపూర్ PSకు తీసుకెళ్లారు. పోలీసులు ఇరువర్గాల నుంచి వివరాలు సేకరించి విచారణ చేపట్టారు.
బెయిల్ వెంటనే మరో కేసు.. యూట్యూబర్ రావణ్ అరెస్ట్
AP: యూట్యూబర్ బచ్చలకూరి జోసెఫ్ అలియాస్ ప్రశ్న రావణ్‌ను కాకినాడ జిల్లా సర్పవరం పోలీసులు అరెస్ట్ చేసిన విషయం తెలిసిందే. బుధవారం రాత్రి ఓ కేసులో బెయిల్‌పై విడుదలైన వెంటనే, ఆయనను మరో కేసులో పోలీసులు అరెస్ట్ చేశారు. కాగా, జూన్ 28న ఏలూరులో జరిగిన దళిత క్రైస్తవ సమర శంఖారావం సభలో CM చంద్రబాబు, డిప్యూటీ CM పవన్ కల్యాణ్, రాధా మనోహర్‌దాస్‌లపై రావణ్ అనుచిత వ్యాఖ్యలు చేశారు. దీంతో పిఠాపురానికి చెందిన జనసేన నాయకుడు బొజ్జా కుమార్‌ ఫిర్యాదుతో కేసు నమోదైంది.
కాంగ్రెస్ నేత కత్తి వెంకటస్వామికి షోకాజ్ నోటీస్
TPCC ప్రధాన కార్యదర్శి, AICC OBC కన్వీనర్ కత్తి వెంకటస్వామికి కాంగ్రెస్ క్రమశిక్షణ కమిటీ షోకాజ్ నోటీసు ఇచ్చింది. ఓ TV డిబేట్‌లో కాంగ్రెస్ ప్రభుత్వంపై, CM రెవంత్ రెడ్డి నాయకత్వంపై వెంకట స్వామి వివాదాస్పద వ్యాఖ్యలు చేశారు. రేవంత్ రెడ్డిపై ప్రజల్లో వ్యతిరేకత పెరిగిందని, వచ్చే ఎన్నికల్లో కాంగ్రెస్ పార్టీ మళ్లీ అధికారంలోకి వస్తుందనే నమ్మకం తమకే లేదని వ్యాఖ్యానించారు. దీంతో కాంగ్రెస్ క్రమశిక్షణ కమిటీ చైర్మన్ మల్లు రవి కత్తి వెంకటస్వామికి షోకాజ్ నోటీసులు జారీ చేశారు.
కవిత భూపోరాటం.. రాష్ట్రవ్యాప్తంగా నాయకుల అరెస్ట్
TG: TRS చీఫ్ కల్వకుంట్ల కవిత తెలంగాణ ఉద్యమకారులతో కలిసి ఇవాళ భూపోరాటానికి పిలుపునిచ్చారు. దీంతో రాష్ట్ర వ్యాప్తంగా తెలంగాణ రక్షణ సేన నాయకులను పోలీసులు ముందస్తు అరెస్టులు చేశారు. భూపోరాటానికి వెళ్తారనే సమాచారంతో రాష్ట్రంలోని అన్ని జిల్లాల్లో TRS నాయకులు, తెలంగాణ ఉద్యమకారుల ముందస్తు అరెస్టులు చేసి పోలీస్‌స్టేషన్లకు తరలిస్తున్నారు. మేడ్చల్ జిల్లా ఉప్పల్ అసెంబ్లీ నియోజకవర్గం పరిధిలో కవిత భూపోరాటం చేయనున్నారు. మరికాసేపట్లో భూపోరాటం చేసే ప్రాంతానికి ఆమె చేరుకోనున్నారు.
కలెక్టర్ షాకింగ్ కామెంట్స్.. ఉద్యోగులు ఆగ్రహం
AP: సత్యసాయి జిల్లా కలెక్టర్ శ్యామ్‌ప్రసాద్ కింది స్థాయిలో ఉద్యోగులపై చేసిన వివాదాస్పద వ్యాఖ్యలు సోషల్ మీడియాలో వైరల్‌గా మారాయి. ఆయా నియోజకవర్గాల్లో స్పెషల్ ఇంటెన్సివ్ రివిజన్ (SIR) విధులకు సంబంధించి జిల్లా అధికారులతో కలెక్టర్ వీడియో కాన్ఫరెన్స్ నిర్వహించారు. ఈ సందర్భంగా విధుల్లో నిర్లక్ష్యం వహించే సిబ్బందిపై ఆయన తీవ్ర ఆగ్రహం వ్యక్తం చేశారు. SIR ప్రక్రియ విధుల్లో ఎవరైనా సరిగా పనిచేయకపోతే.. లాగిపెట్టి కొట్టండి అంటూ అధికారుల ముందే కలెక్టర్ అనడం సంచలనంగా మారింది. కలెక్టర్ వ్యాఖ్యలపై జిల్లాలోని ఉద్యోగులు, సిబ్బంది తీవ్ర అభ్యంతరం వ్యక్తం చేస్తున్నారు.
DMHO వేధిస్తున్నారని కలెక్టరేట్ వద్ద నిరసన
TG: హన్మకొండ DMHO తమను మానసికంగా వేధిస్తున్నారని వైద్య ఆరోగ్యశాఖ ఉద్యోగులు కలెక్టరేట్ ఎదుట నిరసన వ్యక్తం చేశారు. ముఖ్యంగా మహిళా ఉద్యోగులతో డబుల్ మీనింగ్ వచ్చేలా మాట్లాడుతున్నారని ఆరోపించారు. DMHOపై చర్యలు తీసుకోవాలని ఉద్యోగులు జిల్లా కలెక్టర్ చాహత్ బాజ్‌పాయ్‌తో పాటు వరంగల్ పశ్చిమ MLA నాయిని రాజేందర్ రెడ్డిని కలిసి ఫిర్యాదు చేశారు. స్పందించిన ఎమ్మెల్యే నాయిని రాజేందర్ రెడ్డి, వైద్య ఆరోగ్యశాఖ మంత్రితో ఫోన్‌లో మాట్లాడారు. DMHOపై శాఖాపరంగా సమగ్ర విచారణ చేపట్టి తగిన చర్యలు తీసుకోవాలని మంత్రిని కోరినట్లు తెలిపారు.
కేంద్రం కొత్త స్కీమ్... AP నుంచే శ్రీకారం
AP: జాతీయ గ్రామీణ ఉపాధి హామీ పథకం స్థానంలో కేంద్రప్రభుత్వం కొత్తగా ప్రవేశపెట్టిన VBG రాంజీ పథకం తిరుపతి జిల్లా ఓబులవారిపల్లె మండలం ముక్కవారిపల్లెలో గురువారం ప్రారంభం కానుంది. ముక్కవారిపల్లెలో రూ.4.55 లక్షలతో ప్రతిపాదించిన మూడు పనులను కేంద్రమంత్రి శివరాజ్ సింగ్ చౌహాన్, CM చంద్రబాబు, DCM పవన్ కల్యాణ్ ప్రారంభించనున్నారు. జాతీయ గ్రామీణ ఉపాధి హామీ పథకాన్ని కేంద్రప్రభుత్వం అప్పట్లో ఉమ్మడి అనంతపురం జిల్లాలో ప్రారంభించింది. వీబీ జీరాం జీని ఇప్పుడు తిరుపతి జిల్లాలో ప్రారంభిస్తుంది.
రిజిస్ట్రేషన్ సేవలకు తాత్కాలిక బ్రేక్
TG: టెక్నికల్ ఇష్యూస్‌తో తెలంగాణలో రిజిస్ట్రేషన్ల ప్రక్రియ నిలిచిపోయింది. సర్వర్లు పనిచేయలేదు. స్లాట్‌ బుకింగ్‌, చలాన్ల చెల్లింపులు మొత్తం ఆగిపోయాయి. రాష్ట్రవ్యాప్తంగా రిజిస్ట్రేషన్ సేవలు ఇవాళ కూడా అందుబాటులో ఉండవు. సర్వర్ల అప్‌గ్రెడేషన్‌, కొత్త సాంకేతికత పనులు కొనసాగుతున్నాయి. ఈ విషయమై తెలంగాణ స్టాంపులు, రిజిస్ట్రేషన్ల శాఖలో కార్డ్‌ (CARD) విభాగం DIG సుభాషిణి స్పందిస్తూ డేటా మైగ్రేషన్‌ ప్రక్రియ కారణంగా సబ్‌ రిజిస్ట్రార్‌ కార్యాలయాల్లో సమస్యలు ఉత్పన్నమయ్యాయని చెప్పారు. గురువారం సాయంత్రం పనులన్నీ పూర్తవుతాయని తెలిపారు.
AP మహిళలు కష్టపడి పనిచేస్తారు
AP: తిరుపతి జిల్లా సత్యవేడు మండలం మదనపాలెంలో హీరో మోటోకార్ప్ సంస్థ రూ.750 కోట్లతో నూతనంగా నిర్మిస్తున్న 'గ్లోబల్ పార్ట్స్ సెంటర్ 2.0' కు CM చంద్రబాబు శంకుస్థాపన చేశారు. హీరో మోటోకార్ప్ ఎగ్జిక్యూటివ్ ఛైర్మన్ పవన్ ముంజాల్‌తో కలిసి ఆయన శిలాఫలకాన్ని ఆవిష్కరించారు. సీఎం మాట్లాడుతూ.. '2018లో హీరో మోటార్స్ సంస్థ వేరే రాష్ట్రంలో ప్లాంట్ పెట్టాలనుకున్నప్పుడు, వారితో చర్చించి ఇక్కడే రూ.1,600 కోట్లతో ప్లాంట్ ఏర్పాటుచేసేలా ఒప్పించామన్నారు. AP మహిళలు కష్టపడి పనిచేస్తారు, త్వరగా నైపుణ్యాలు నేర్చుకుంటారు. హీరో ప్లాంట్లో 40% మంది మహిళలే పనిచేస్తుండటం గర్వకారణం అని అన్నారు.