నిజాలను దాచేందుకే ఫుటేజ్ డిలీట్: జగన్

AP: ఇటీవల సెల్ఫీ వీడియో తీసుకొని ఆత్మహత్యకు పాల్పడ్డ దళిత యువకుడు క్రాంతికుమార్ కుటుంబసభ్యులను YSRCP అధినేత జగన్ మోహన్ రెడ్డి పరామర్శించారు. YSRCP తరఫున అన్ని విధాలా అండగా ఉంటామని భరోసా ఇచ్చారు. జగన్ మీడియాతో మాట్లాడుతూ..ట్యాక్సీ నడుపుకుంటూ జీవిస్తున్న క్రాంతికుమార్‌పై ఎలాంటి కేసులు లేవని స్పష్టంచేశారు. పోలీసులు పెట్టిన చిత్రహింసల వల్లే తాను చనిపోతున్నట్లు క్రాంతికుమార్ తన మరణ వాంగ్మూలంలో స్పష్టంగా పేర్కొన్నాడని గుర్తుచేశారు. నిజాలను దాచేందుకే కృష్ణలంక PSలో CCTV ఫుటేజీని రాత్రికిరాత్రే డిలీట్ చేశారని ఆరోపించారు.