Current Affairs

▶

Current Affairs· 3d ago

నేహా బోరా ఎక్కడ?

ఢిల్లీలో 'లెహ్రా దో తిరంగా' నిరసన కార్యక్రమంలో పాల్గొనడానికి వెళ్తున్న AISA అధ్యక్షురాలు నేహా బోరాను ఢిల్లీ పోలీసులు <a href="https://www.theclearcutnews.com/n/HYXYLft">అదుపులోకి</a> తీసుకున్నారు. ఎవరికీ చెప్పకుండా తనను రహస్య ప్రాంతానికి తరలించారని ఆమె సహచరులు అంటున్నారు. ఆమె దగ్గర ఫోన్ కూడా లేదని, ఆమెను ఎక్కడికి తీసుకెళ్లారో పోలీసులు చెప్పాలని డిమాండ్ చేస్తున్నారు. CJP ఫౌండర్ అభీజిత్ దీప్కేను పోలీసులు <a href="https://www.theclearcutnews.com/n/fACWFnt">అదుపులోకి</a> తీసుకుని జాఫర్‌పూర్ కలాన్ పోలీస్ స్టేషన్‌కు తరలించారు.

▶

Current Affairs· 3d ago

CJP ప్రెస్‌మీట్‌.. రిపబ్లిక్ టీవీ రిపోర్టర్ల గందరగోళం

ఢిల్లీ ప్రెస్ క్లబ్‌లో నిన్న CJP నిర్వహించిన ప్రెస్‌మీట్‌లో రిపబ్లిక్ టీవీ రిపోర్టర్ల తీరు గందరగోళానికి, వాదోపవాదాలకు దారితీసింది. మీటింగ్ స్టార్ట్ అయిన వెంటనే రిపోర్టర్ పదేపదే CJP ప్రతినిధులను ప్రశ్నిస్తూ, వారి మాటలకు అడ్డుతగిలారు. దీనిపై అభిజీత్ దీప్కే, నేహా బోరా ఆగ్రహం వ్యక్తం చేశారు. ప్రెస్ మీట్ వాతావరణాన్ని పాడుచేసేలా, చర్చను పక్కదారి పట్టించేలా ఆ రిపోర్టర్లు ప్రవర్తించారని అన్నారు. చివరకు వాళ్లను అక్కడి నుంచి బయటకు పంపించారు.

Current Affairs· 3d ago

CEC జ్ఞానేష్ కుమార్‌కు ఇది పెద్ద ఎదురుదెబ్బ: కాంగ్రెస్

కేంద్ర ఎన్నికల సంఘం గుర్తింపు పొందిన రాజకీయ పార్టీలకు డిజిటల్ ఓటర్ల లిస్ట్‌ను అందించేందుకు EC అంగీకరించింది. ‘మిషన్ రీడబుల్ ఓటర్ల జాబితా’ను అందించాలని రాహుల్ గాంధీ గతంలో డిమాండ్ చేశారు. దీంతో ఓటర్ల జాబితాలో జరుగుతున్న మార్పులను పట్టుకోవచ్చని ఆయన చెప్పారు. దీనిపై కాంగ్రెస్ తన ఎక్స్ అకౌంట్‌లో రియాక్ట్ అయ్యింది. కేంద్ర ప్రభుత్వానికి, CEC జ్ఞానేష్ కుమార్‌లకు ఇది పెద్ద ఎదురుదెబ్బ అని, రాహుల్ గాంధీ పట్టుదల ముందు వారు తలవంచాల్సి వచ్చిందని పేర్కొంది.

▶

Current Affairs· 3d ago

మున్సిపల్ అధికారుల నిర్లక్ష్యం? డ్రెయిన్‌లో పడిన బాలుడు!

హర్యానా రాష్ట్రం పానిపట్‌లో పెద్ద ప్రమాదం తప్పింది. దేవీ మందిర్ రోడ్డుపై వెళ్తున్న 8 ఏళ్ల బాలుడు మూతలేని డ్రెయిన్‌లో పడిపోయాడు. ఈ ఘటన CCTVలో రికార్డ్ అయింది. బాలుడు పడిపోవడం చూసిన స్థానికుడు వెంటనే రియాక్ట్ అయి ఆ బాలుడిని సేఫ్‌గా బయటకు తీశాడు. ఇదే ప్రాంతంలో గత నెలలో ఓ మహిళ కూడా డ్రెయిన్‌లో పడింది. వరుస ఘటనలతో మున్సిపల్ అధికారుల నిర్లక్ష్యంపై విమర్శలు వస్తున్నాయి. ఓపెన్ డ్రెయిన్‌లకు సేఫ్టీ ఏర్పాట్లు చేయాలని స్థానికులు కోరుతున్నారు.

Current Affairs· 3d ago

బలంగా ద్రోణి.. భారీ వర్షాలు

AP, తెలంగాణపై బలమైన ద్రోణి ఏర్పడింది. దీని ప్రభావం వల్ల ఇవాళ అక్టోబర్ 16న రెండు రాష్ట్రాల్లో తేలికపాటి నుంచి యావరేజ్ వర్షాలు అక్కడక్కడా పడతాయి. ముఖ్యంగా ఈ రోజు దక్షిణ రాయలసీమలో, 18న తెలంగాణలో భారీ వర్షాలు పడే ఛాన్స్ ఉంది. రెండు రాష్ట్రాల్లో ఇవాళ మేఘాలు ఉంటాయి. ఎండ తక్కువగా ఉన్నా, ఉక్కపోత ఉంటుంది. రెండు రాష్ట్రాల్లో అక్టోబర్ 20 వరకూ అక్కడక్కడా లైట్ రెయిన్స్ పడతాయని IMD చెప్పింది. ఉరుములు, పిడుగుల సమస్య కూడా ఉంటుంది. గాలి వేగం మాగ్జిమం గంటకు 50 కిలోమీటర్ల దాకా ఉంటుంది.

▶

Current Affairs· 3d ago

తిరువనంతపురంలో S.I.R నిరసన.. ప్రకాష్ రాజ్ పిలుపు!

S.I.Rకు వ్యతిరేకంగా నటుడు ప్రకాష్ రాజ్ తిరువనంతపురంలోని మానవీయం వీధిలో ఈరోజు సాయంత్రం 5 గంటలకు జరిగే నిరసనలో పాల్గొనేందుకు తాను వస్తున్నట్లు తెలిపారు. ప్రజాస్వామ్యాన్ని కాపాడేందుకు యువత, ప్రజలు పెద్ద సంఖ్యలో నిరసనకు రావాలని పిలుపునిచ్చారు. S.I.Rకు వ్యతిరేకంగా ప్రజలంతా శాంతియుతంగా ఒక్కటై తమ గళాన్ని ప్రపంచానికి వినిపించాలని అన్నారు. ప్రజాస్వామ్యం కనుమరుగవకుండా కాపాడుకోవడం మనందరి బాధ్యత అని ప్రకాష్ రాజ్ తెలిపారు.

Current Affairs· 3d ago

YS జగన్ ట్వీట్‌కు అభిజీత్ దీప్కే థ్యాంక్స్!

AP: రాష్ట్ర రాజకీయాల్లో YS జగన్ ట్వీట్ ఇప్పుడు హాట్ టాపిక్‌గా మారింది. సౌరవ్ దాస్, ఆశుతోష్ రంకా అరెస్టులపై YS జగన్ స్పందించారు. అరెస్టులతో సమస్య పరిష్కారం కాదని, ఎలక్షన్ ప్రాసెస్‌పై ప్రజలకు మళ్లీ నమ్మకం కల్పించాలని ఆయన అన్నారు. దీనిపై CJP ఫౌండర్ అభిజీత్ దీప్కే స్పందిస్తూ, ఆశుతోష్, సౌరవ్ అరెస్టులకు వ్యతిరేకంగా మాట్లాడినందుకు జగన్‌కు థ్యాంక్స్ చెప్పారు. దీంతో జగన్ ట్వీట్, అభిజీత్ రిప్లై ఇప్పుడు రాజకీయ వర్గాల్లో చర్చనీయాంశంగా మారాయి.

Current Affairs· 3d ago

స్టింగ్‌కు షాక్.. 2 నెలల్లో మాయం?

స్టింగ్ లవర్స్‌కు ఇది బ్యాడ్ న్యూస్! పెప్సీకోకు చెందిన స్టింగ్, అడ్రినలిన్ రష్ డ్రింక్స్ మరో రెండు నెలల్లో మార్కెట్‌లో కనిపించకపోవచ్చని కంపెనీ ఢిల్లీ హైకోర్టుకు తెలిపింది. ‘ఎనర్జీ డ్రింక్’ అనే పదం వాడకూడదన్న FSSAI ఆదేశాలతో కొత్త డ్రింక్స్ తయారీకి ఇబ్బందులు వస్తున్నాయని చెప్పింది. రెడ్ బుల్‌కు కోర్టులో అనుమతి లభించగా, పెప్సీకోకు మాత్రం అనుమతి దక్కలేదు. ప్రస్తుతం పాత స్టాక్ మాత్రమే అమ్ముకోవచ్చు. తదుపరి విచారణ అక్టోబర్ 30న జరగనుంది.

Current Affairs· 4d ago

ఇమ్రాన్ ఖాన్‌కు నోటీసులు.. అభిజీత్ దీప్కే స్పందన

CECకి వ్యతిరేకంగా ముంబైలో నిర్వహించిన నిరసనలో <a href="https://www.theclearcutnews.com/n/2vrg2sG">పాల్గొన్నందుకు </a>నటుడు, అమెరికా పౌరుడైన ఇమ్రాన్ ఖాన్‌కు విదేశీయుల రీజినల్ రిజిస్ట్రేషన్ ఆఫీస్ 'Leave India' <a href="https://www.theclearcutnews.com/n/Et9yeMs">నోటీసులు</a> జారీ చేసింది. ఇమ్రాన్ ఖాన్ 'Overseas Citizen of India(OCI)' కార్డు కలిగిన వ్యక్తి. దీనిపై CJP ఫౌండర్ అభిజీత్ దీప్కే రియాక్ట్ అయ్యారు. "అమెరికా పౌరురాలైన మేరీ మిల్‌బెన్ BJP అనుకూలంగా మాట్లాడవచ్చు. కానీ OCI కార్డు ఉన్న ఇమ్రాన్ ఖాన్ BJP వ్యతిరేకంగా మాట్లాడకూడదా?" అని ఎక్స్‌లో ప్రశ్నించారు.

Current Affairs· 4d ago

దేశం విడిచి వెళ్లాలి..నటుడు ఇమ్రాన్ ఖాన్‌కు ఆర్డర్స్

బాలీవుడ్ నటుడు, ఆమిర్‌ఖాన్ మేనల్లుడైన ఇమ్రాన్‌ఖాన్‌కు ముంబై పోలీసులు కీలక నోటీసులు ఇచ్చారు. ఈనెల 28లోగా దేశాన్ని విడిచి వెళ్లాలని చెప్పారు. ముంబైలోని ఆగస్ట్ క్రాంతి మైదాన్‌లో CEC జ్ఞానేష్ కుమార్‌ రాజీనామా డిమాండ్ చేస్తూ జరిగిన నిరసనలో ఇమ్రాన్ పాల్గొనడమే ఇందుకు కారణం. నిరసన టైంలో భద్రతా బలగాలు ఆయనను అదుపులోకి తీసుకున్నాయి. అమెరికా పాస్‌పోర్ట్ ఉన్న ఇమ్రాన్ రూల్స్‌కు విరుద్ధంగా ఆందోళనల్లో పాల్గొన్నారనే ఆరోపణలతో పోలీసులు ఈ నిర్ణయం తీసుకున్నారు.

Current Affairs· 5d ago

CJP వాలంటీర్స్ రిలీజ్.. కానీ.!

ఢిల్లీ పోలీసులు డిటైన్ చేసిన CJP వాలంటీర్లు, యాక్టివిస్టులు 11 మందిని పోలీసులు రిలీజ్ చేశారు. ఐతే.. 5 రోజుల జ్యుడీషియల్ కస్టడీలో భాగంగా, తీహార్ జైల్లో ఉన్న CJP లీడర్లు <a href="https://www.theclearcutnews.com/n/xgBE96S">అశుతోష్ రంకా, సౌరవ్ దాస్ </a>మాత్రం రిలీజ్ కాలేదు. తద్వారా కీలక నేతల్ని మాత్రం వదల్లేదని స్పష్టమవుతోంది. ఇది CJPకి ఇబ్బంది కలిగించే అంశమే. రంకా, సౌరవ్.. అనుమతి లేకుండా జంతర్ మంతర్ లోపలికి వెళ్లడం వల్ల వారిని అరెస్ట్ చేశామని పోలీసులు తెలిపారు. అందువల్ల వారి రిలీజ్ ఎప్పుడు అనేది సస్పెన్స్‌గా ఉంది.

▶

Current Affairs· 5d ago

16వ తేదీ సాయంత్రం జెండా ఎగరేద్దాం: దీప్కే

ఢిల్లీలో జెండా ఎగరేసిందుకు సౌరవ్‌దాస్, అశుతోష్ రాంకాను జైలులో వేశారని, దానికి నిరసనగా తిరంగా ఉద్యమం చేద్దామని CJP ఫౌండర్ అభిజీత్ దీప్కే పిలుపునిచ్చారు. అక్టోబర్ 16(శుక్రవారం) సాయంత్రం 5 గంటలకు ఢిల్లీలోని సెంట్రల్ పార్క్‌లో జెండా ఎగరేద్దామన్నారు. జెండా ఎగరేసి, అది నేరం కాదని చూపిద్దామని తెలిపారు. ఢిల్లీకి రాలేనివాళ్లు తమ నగరాల్లో తిరంగా మార్చ్ నిర్వహించాలని చెప్పారు. ఈ వీడియో తర్వాత తనను కూడా జైలులో వేయవచ్చని, కానీ తనకు భయం లేదని వివరించారు.

Current Affairs· 5d ago

దేశ వ్యవహారాల్లో విదేశీయుల జోక్యం ఎందుకు?: దీప్కే

మోదీ స్వదేశీయులనే చులకన చేయడానికి అమెరికన్ల మద్దతును ఎందుకు కోరుతున్నారు అని CJP ఫౌండర్ అభిజీత్ దీప్కే కామెంట్ చేశారు. CJPకి అమెరికాలోని కొంతమంది Select Donors నుంచి నిధులు అందుతున్నాయని అమెరికన్ గాయని మేరీ మిల్‌బెన్ <a href="https://www.theclearcutnews.com/n/EiKFFN8">ఆరోపించడం</a>తో ఆయన రియాక్ట్ అయ్యారు. దేశ అంతర్గత వ్యవహారాలలో జోక్యం చేసుకునే హక్కును విదేశీయులకు ఎవరిచ్చారని తన ఎక్స్ అకౌంట్‌లో పోస్ట్ చేశారు. దేశ వ్యవహారాల్లో బయటి వ్యక్తులు జోక్యం చేసుకోవాల్సిన అవసరం లేదన్నారు.

Current Affairs· 5d ago

“Gyanesh, it’s done bro”.. ముంబయిలో కటౌట్లు

ముంబయిలోని శివాజీ పార్క్‌లోని మహారాష్ట్ర నవనిర్మాణ్ సేన(MNS) కార్యాలయం బయట ప్రధాన ఎన్నికల కమిషనర్ జ్ఞానేష్ కుమార్ కటౌట్లు ఏర్పాటు చేశారు. వాటిపై “Gyanesh, it’s done bro” అనే మెసేజ్ రాసి ఉంది. ఈ కట్‌అవుట్‌లతో MNS నాయకుడు అమిత్ ఠాక్రే, పార్టీ నాయకులు సెల్ఫీలు తీసుకున్నారు. ప్రధాన ఎన్నికల కమిషనర్‌పై, అలాగే ఢిల్లీలోని జంతర్ మంతర్‌ను నిరసన స్థలంగా డి-నోటిఫై చేసిన నిర్ణయంపై నిరసనలు వ్యక్తం చేస్తూ ఈ కార్యక్రమం చేశారు.

Current Affairs· 5d ago

CJPపై హాలీవుడ్ సింగర్ సంచలన కామెంట్స్

ఢిల్లీలో జరుగుతున్న నిరసనలు, రాజకీయ పరిణామాలపై అమెరికన్ గాయని మేరీ మిల్‌బెన్ సంచలన కామంట్స్ చేశారు. CJPకి అమెరికాలోని కొంతమంది Select Donors నుంచి నిధులు అందుతున్నాయని ఆమె ఆరోపించారు. అమెరికా దాతలు ఇతర దేశాల్లో అలజడులు సృష్టించేందుకు ఒక వ్యూహాన్ని పాటిస్తారని పేర్కొన్నారు. CEC రాజీనామాను డిమాండ్ చేస్తూ CJP, ఇతర ప్రతిపక్ష పార్టీలు చేపడుతున్న ఆందోళనల వెనుక విదేశీ శక్తుల ప్రమేయం ఉందనే వార్తలు వస్తున్న టైంలో ఈ కామెంట్స్ వైరల్‌గా మారాయి.

▶

Current Affairs· 5d ago

పోలీసుల దాడిలో వినికిడి శక్తి కోల్పోయా: ఢిల్లీ స్టూడెంట్

ఢిల్లీ విశ్వవిద్యాలయానికి చెందిన 'అదిర' అనే విద్యార్థినిపై పోలీసులు దాడి చేశారు. అదుపులోకి తీసుకునే టైంలో మహిళా పోలీసులు లేకుండానే బస్సును కదిలించారని, తనను రోడ్డుపై ఈడ్చుకెళ్లారని ఆమె ఆరోపించారు. పోలీసు సిబ్బంది తనను బేస్‌మెంట్‌కు తీసుకెళ్లి విచక్షణారహితంగా కొట్టారని అదిర తెలిపారు. ముఖంపై, కడుపుపై గుద్దడంతోపాటు తన ప్రైవేట్ భాగాలపై కూడా దాడి చేశారన్నారు. ఒక చెవిపై బలమైన దెబ్బ తగలడంతో ఆ చెవి వినికిడి శక్తి పూర్తిగా కోల్పోయిందని తెలిపారు.

Current Affairs· 5d ago

ప్రొటెస్ట్ చేయాలంటే ఆ మూడు రోజులే!

ఢిల్లీలోని రామ్‌లీలా మైదాన్‌లో ఈ సంవత్సరం డిసెంబర్ 29, 30, 31 తేదీల్లో మాత్రమే బుకింగ్‌కు అవకాశం ఉందని అధికారులు తెలిపారు. మిగతా రోజులకు ఇప్పటికే బుకింగ్స్ పూర్తయ్యాయి. ప్రొటెస్ట్‌లకు కొత్త వేదికలుగా రామ్‌లీలా మైదాన్, బురారీ, CBD గ్రౌండ్లను ప్రకటించిన మరుసటి రోజే ఈ ప్రకటన రావడం చర్చనీయాంశమైంది. ఒక్కరోజు బుకింగ్‌కు 1 లక్ష 21 వేలు చెల్లించాలి. బుకింగ్‌కు ఢిల్లీ మున్సిపల్ కార్పొరేషన్ పర్మిషన్‌తో పాటు పోలీసుల NOC(No Objection Certificate) తప్పనిసరి.

Current Affairs· 5d ago

LIC నుంచి 3 కొత్త ప్లాన్లు

LIC మూడు కొత్త బీమా ప్లాన్లను విడుదల చేసింది. న్యూ జీవన్ ధారా-2 ద్వారా రిటైర్మెంట్ తర్వాత ఆదాయం పొందవచ్చు. హెల్త్ షీల్డ్ ప్లాన్‌తో కుటుంబానికి ఆరోగ్య బీమా, హాస్పిటల్ ఖర్చులు, మేజర్ ఆపరేషన్లకు ఆర్థిక సహాయం అందుతుంది. క్యాన్సర్ నిర్ధారణ అయితే చికిత్స ఖర్చుతో సంబంధం లేకుండా ఆర్థిక సాయం అందుతుంది. ఈ ప్లాన్‌లో 15 లక్షల నుంచి 35 లక్షల వరకు బీమా పొందవచ్చు. ఇప్పటికే ఉన్న పాలసీలతో కలిపి గరిష్ఠంగా 50 లక్షల కవరేజీ ఉంటుందని తెలిపారు.