Education

Education· 30 Jul 2026

లక్షకు పైగా స్కూళ్లలో ఒక్కరే టీచర్!

భారతదేశంలో ప్రభుత్వ, ప్రైవేట్ పాఠశాలలు లక్షకు పైగా (1,00,843) ఒక్క టీచర్ తోనే నడుస్తున్నాయని UDISE+ 2025–26 డేటా ఆధారం తో కేంద్ర విద్యాశాఖ వెల్లడించింది. దేశంలో ఎక్కువగా ఆంధ్రప్రదేశ్‌లో 16,357 సింగిల్-టీచర్ పాఠశాలలు ఉన్నాయి. ఇది దేశం మొత్తంలో 16శాతం పైగా ఉంది. తెలంగాణలో ఇలాంటి స్కూళ్లు 4,793 ఉన్నాయి. ఏపీ, జార్ఖండ్, మహారాష్ట్ర, కర్ణాటక సహా ఏడు రాష్ట్రాల్లోనే దేశంలోని 65శాతం సింగిల్-టీచర్ స్కూళ్లు ఉన్నాయి. రిక్రూట్‌మెంట్ లోపాల వల్లే ఈ ప్రాబ్లమ్ వచ్చిందని గవర్నమెంట్ రాజ్యసభలో చెప్పింది.

Education· 29 Jul 2026

తెలంగాణలో 7,437 పోలీస్ ఉద్యోగాలకు నోటిఫికేషన్ !

తెలంగాణ నిరుద్యోగులకు ప్రభుత్వం బిగ్ అప్‌డేట్ ఇచ్చింది. పోలీస్, ఫైర్, జైళ్లు, స్పెషల్ ప్రొటెక్షన్ ఫోర్స్ విభాగాల్లో 7,437 పోస్టుల భర్తీకి TSLPRB నోటిఫికేషన్స్ రిలీజ్ చేసింది. ఇందులో సివిల్ కానిస్టేబుల్స్ 3,697, AR 1,052, SPF కానిస్టేబుల్స్ 1,380, ఫైర్ ఫైటర్స్ 751 తో పాటు SI పోస్టులు కూడా ఉన్నాయి. ఆన్‌లైన్ అప్లికేషన్ డేట్స్ త్వరలో అనౌన్స్ చేయనున్నారు. అప్లై చేసే కాండిడేట్స్ ఏప్రిల్ 1, 2026 తర్వాత తీసుకున్న EWS, నాన్-క్రీమీ లేయర్ లాంటి సర్టిఫికెట్స్ రెడీగా పెట్టుకోవాలని బోర్డు అలర్ట్ చేసింది.

Education· 29 Jul 2026

మహిళల భద్రత ప్రతి ఒక్కరి బాధ్యత

కాకినాడ జిల్లా పెద్దాపురం మహారాణి కళాశాలలో మహిళలు, చిన్నారుల భద్రత, శక్తి యాప్, సైబర్ నేరాల నివారణపై పోలీసులు ప్రత్యేక అవగాహన కార్యక్రమం నిర్వహించారు. సీఐ వైఆర్‌కే శ్రీనివాస్ విద్యార్థులకు శక్తి యాప్ వినియోగం, గుడ్ టచ్–బ్యాడ్ టచ్, పోక్సో చట్టం, లవ్ ట్రాప్స్, డ్రగ్స్ ప్రమాదాలు, రోడ్డు భద్రత, యాంటీ ర్యాగింగ్ అంశాలపై అవగాహన కల్పించారు. అత్యవసర పరిస్థితుల్లో 100, 112 లేదా శక్తి యాప్ ద్వారా వెంటనే పోలీసులను సంప్రదించాలని సూచించారు. ఈవ్ టీజింగ్, ర్యాగింగ్, సైబర్ మోసాల పట్ల అప్రమత్తంగా ఉండాలన్నారు.

Education· 29 Jul 2026

తెలంగాణ సెట్ 2026 నోటిఫికేషన్ విడుదల

తెలంగాణ స్టేట్ ఎలిజిబిలిటీ టెస్ట్ (TG-SET-2026) నోటిఫికేషన్ విడుదలైంది. ఆగస్టు 3 నుంచి 30 వరకు ఫైన్ లేకుండా <a href="http://www.telanganaset.org/">ఆన్‌లైన్‌</a>లో అప్లై చేసుకోవచ్చు. ఒకవేళ లేట్ అయితే ₹3000 ఫైన్‌తో సెప్టెంబర్ 12 వరకు ఛాన్స్ ఉంది. అప్లికేషన్‌లో తప్పులుంటే సరిదిద్దుకోవడానికి సెప్టెంబర్ 13 నుంచి 15 వరకు టైమ్ ఇచ్చింది. సెప్టెంబర్ 22 నుంచి హాల్ టికెట్లు డౌన్‌లోడ్ చేసుకోవచ్చు.

Education· 29 Jul 2026

రాష్ట్రానికే గర్వకారణంగా IIM.. ప్రారంభానికి సిద్ధం

AP: విశాఖపట్నంలోని IIM శాశ్వత క్యాంపస్ నిర్మాణం చివరి దశకు చేరుకుంది. రూ.450 కోట్ల వ్యయంతో 241.5 ఎకరాల్లో నిర్మిస్తున్న ఈ ప్రాంగణం పనులు 95 శాతం పూర్తయ్యాయి. అకాడమిక్ బ్లాకులు, హాస్టళ్లు, అడ్మినిస్ట్రేటివ్ బిల్డింగ్స్, ఫ్యాకల్టీ క్వార్టర్స్, స్పోర్ట్స్ ఫెసిలిటీస్, సోలార్ పవర్ సిస్టమ్‌తో క్యాంపస్‌ను అభివృద్ధి చేస్తున్నారు. 2015 నుంచి తాత్కాలిక ప్రాంగణంలో కొనసాగుతున్న విశాఖపట్నం IIM, త్వరలో శాశ్వత క్యాంపస్‌లోకి మారనుండటం ఆంధ్రప్రదేశ్ ఉన్నత విద్యా రంగానికి రాష్ట్రప్రజలు గర్వకారణంగా భావిస్తున్నారు.

Education· 29 Jul 2026

ఉద్యోగం చేస్తూనే.. చదువుకునే అవకాశం

AP: ఉద్యోగాలు చేస్తూనే పైచదువులు చదవాలనుకునేవారికి ఏపీ ప్రభుత్వం శుభవార్త చెప్పింది. AICTE నిబంధనల ప్రకారం వర్కింగ్ ప్రొఫెషనల్స్‌ కోసం అడ్మిషన్లను ప్రవేశపెట్టింది. ఉద్యోగులు వారు పనిచేసే చోటి నుంచి 50 కి.మీలలోపు ఉండే కాలేజీల్లో B.Tech, B.E, M.E, M.Tech, MBA, MCA, కోర్సులు చదువుకోవచ్చు. ఈ కోర్సులకు అప్లై చేసుకునేవాళ్లకు కనీసం ఒక ఏడాది ఉద్యోగ అనుభవం తప్పనిసరి. UGలో 60, PGలో 30 సీట్లు ఉంటాయి. ఈ ప్రత్యేక అడ్మిషన్లు 2026–27 విద్యా సంవత్సరం నుంచి అమల్లోకి రానున్నాయి.

Education· 29 Jul 2026

వీరికి డౌన్ సిండ్రోమ్ ఎలా వస్తుందో తెలుసా?

డౌన్ సిండ్రోమ్ అనేది బేబీలో 23 జత గల క్రామోసోమ్స్ లో 21వ క్రోమోజోమ్ <a href="https://en.wikipedia.org/wiki/Down_syndrome">(Trisomy 21)</a> ఒకటి అదనంగా ఉండటం వల్ల వచ్చే జెనెటికల్ ప్రాబ్లెమ్. సాధారణంగా ఎగ్ లేదా స్పెర్మ్ ఏర్పడే సమయంలో క్రోమోజోములు సరిగా విడిపోకపోవడం వల్ల ఈ అదనపు క్రోమోజోమ్ వస్తుంది. తర్వాత ఎగ్, స్పెర్మ్ కలిసినప్పుడు బిడ్డలో మొత్తం 47 క్రోమోజోములు ఉంటాయి. ఈ కారణంగా శారీరక, మానసిక ఎదుగుదలపై ప్రభావం పడుతుంది. దీనినే డౌన్ సిండ్రోమ్ అంటారు.

Education· 29 Jul 2026

AIతో కెరీర్‌లో అద్భుత అవకాశాలు

AP: కృత్రిమ మేధస్సు (AI) భవిష్యత్తును శాసించే సాంకేతికతగా మారుతోందని, దానిపై పట్టు సాధించిన విద్యార్థులకే ప్రపంచవ్యాప్తంగా అపార అవకాశాలు లభిస్తాయని అమెరికాకు చెందిన సాంకేతిక నిపుణుడు డాక్టర్ కడిలి శ్యామ్ బెనగల్ అన్నారు. అంబేడ్కర్ కోనసీమ జిల్లా రాజోలు ప్రభుత్వ డిగ్రీ కళాశాలలో కంప్యూటర్ సైన్స్ విభాగం ఆధ్వర్యంలో "కృత్రిమ మేధస్సు – నేటి యుగం" అంశంపై నిర్వహించిన సెమినార్‌లో ఆయన మాట్లాడారు. AI సాంకేతికతను సమర్థంగా వినియోగిస్తే విద్య, పరిశోధన, ఉద్యోగ రంగాల్లో అద్భుత విజయాలు సాధించవచ్చని తెలిపారు.

Education· 28 Jul 2026

Anti-Paper Leak బిల్లులో ఏమేం కొత్త రూల్స్

"పేపర్ లీక్ చేస్తే ఏమవుతుంది?" అన్న ప్రశ్నకు ఇప్పుడు సమాధానం చాలా స్ట్రాంగ్‌గా ఉండబోతోంది. కొత్త బిల్లు ప్రకారం.. వ్యక్తిగతంగా పేపర్ లీక్‌లో దొరికితే 5 నుంచి 10 ఏళ్ల జైలు, ₹50 లక్షల వరకు ఫైన్ పడే అవకాశం ఉంది. ఆర్గనైజ్డ్ గ్యాంగ్స్ లేదా మాఫియాలకు అయితే ₹10 కోట్ల వరకు ఫైన్ విధించొచ్చు. అంతేకాదు.. కేసులు ఏళ్ల తరబడి పెండింగ్‌లో ఉండకుండా 2 నెలల్లో ఇన్వెస్టిగేషన్ పూర్తి చేయాలి, ఫాస్ట్-ట్రాక్ కోర్టులు, Special Task Force (STF) ఏర్పాటు చేయాలని కూడా ఈ బిల్లులో ప్రతిపాదించారు.

Education· 28 Jul 2026

Anti-Paper Leak Bill అంటే ఏంటి?

NEET పేపర్ లీక్ తర్వాత దేశమంతా ఒక్కటే డిమాండ్ వినిపించింది.. "పేపర్ లీక్‌లకు శాశ్వతంగా చెక్ పెట్టండి!" విద్యార్థుల ఆందోళనలు, వరుస వివాదాల తర్వాత కేంద్రం ఇప్పుడు Anti-Paper Leak Bill-2026 తీసుకొచ్చింది. ఇది పూర్తిగా కొత్త చట్టం కాదు. 2024లో తీసుకొచ్చిన Anti-Paper Leak చట్టాన్నే మరింత స్ట్రాంగ్ చేసే సవరణ బిల్లు ఇది. పేపర్ లీక్‌లకు గట్టి చెక్ పెట్టడం, తప్పు చేసిన వాళ్లకు కఠిన శిక్షలు విధించడం, ఎగ్జామ్ సిస్టమ్‌పై విద్యార్థుల్లో మళ్లీ నమ్మకం తీసుకురావడమే ఈ బిల్లు ప్రధాన లక్ష్యమని కేంద్రం చెబుతోంది.

▶

▶▶▶▶

Education· 28 Jul 2026

'Gen-Alpha' తిరుగుబాటు!

UP ఫతేపూర్‌లోని సర్వోదయ ఇంటర్ కాలేజ్ విద్యార్థులు రోడ్డెక్కి నిరసన తెలిపారు. స్కూళ్లో తాగడానికి మంచి నీళ్లు లేవని, టాయిలెట్లు దారుణంగా ఉన్నాయని, కనీసం కూర్చోవడానికి బెంచీలు కూడా సరిగ్గా లేవని 'Gen-Alpha' కిడ్స్ అంబేద్కర్ ఫోటోలు చేతపట్టి ఆందోళన చేశారు. ఎన్నిసార్లు ప్రిన్సిపల్‌కి చెప్పినా పట్టించుకోకపోవడంతోనే ఇలా రోడ్డెక్కాల్సి వచ్చిందని చెప్పారు. డబుల్ ఇంజన్ ప్రభుత్వం విద్యావ్యవస్థను నిర్లక్ష్యం చేసినా, పిల్లలు తమ హక్కుల కోసం ఇలా పోరాడడాన్ని నెటిజన్లు ప్రశంసిస్తు కామెంట్స్ పెడుతున్నారు.

Education· 27 Jul 2026

చికెన్ 65 అనే ఎందుకు పిలుస్తాం

చికెన్ 65 ఫుడ్ ఐటమ్ కి ఆ పేరు ఎలా వచ్చిందో తెలుసా! దానిపై చాలా కథలున్నాయి. 1965లో చెన్నైలోని బుహారీ హోటల్‌లో దీన్ని తొలిసారి తయారు చేశారు. ఆ సంవత్సరం గుర్తుగా దీనికి 'చికెన్ 65' అని పేరు పెట్టారు. 65రోజుల కోడితో చేస్తారని, 1965 ఇండో-పాక్ యుద్ధంలో సైనికులకు వడ్డించడం వల్ల ఆ పేరు వచ్చిందని వేరే కథలు కూడా ప్రచారంలో ఉన్నాయి. అయితే 1965లో బుహారీ హోటల్‌లోనే ఇది మొదలైందనేదే నిజమని ఫుడ్ ఎక్సపర్ట్స్ చెబుతున్నారు.

Education· 26 Jul 2026

స్మశానం పక్కన చదువు వద్దని పేరెంట్స్ ఆగ్రహం

AP: పార్వతీపురం మన్యం జిల్లా పాచిపెంట గిరిజన ఆశ్రమ పాఠశాల శిథిలావస్థకు చేరడంతో విద్యార్థులను సాలూరు యూత్ ట్రైనింగ్ సెంటర్‌కి తరలించాలని అధికారులు నిర్ణయించారు. అయితే YTC పక్కనే స్మశానవాటిక ఉండటంతో తమ పిల్లలను అక్కడికి పంపబోమంటూ తల్లిదండ్రులు బస్సులను అడ్డుకుని ఆందోళన చేపట్టారు. అవసరమైతే TCలు ఇచ్చి ఇతర పాఠశాలల్లో చేర్పిస్తామని స్పష్టం చేశారు. 20KM దూరంలోని కేంద్రానికి పంపడం వల్ల పిల్లల చదువు, మానసిక స్థితిపై ప్రభావం పడుతుందన్నారు. ప్రభుత్వం వెంటనే ప్రత్యామ్నాయ ఏర్పాట్లు చేయాలని వారు కోరారు.

Education· 26 Jul 2026

RSS బ్యాక్‌గ్రౌండ్‌తో విద్యాశాఖ పగ్గాలు

నీట్ పేపర్ లీక్ ఆందోళనలతో ధర్మేంద్ర ప్రధాన్ రాజీనామా అనంతరం విద్యాశాఖ అదనపు బాధ్యతలను సీనియర్ బీజేపీ నేత ప్రహ్లాద్ జోషికి అప్పగించారు. విద్యార్థి దశ నుంచే రాష్ట్రీయ స్వయంసేవక్ సంఘ్ భావజాలంతో ప్రజాజీవితాన్ని ప్రారంభించిన జోషి, కార్యకర్త స్థాయి నుంచి కేంద్రమంత్రిగా ఎదిగారు. ప్రస్తుతం వినియోగదారుల వ్యవహారాలు, ఆహార, తదితర శాఖలను నిర్వహిస్తున్న ఆయనకు విద్యాశాఖ బాధ్యతలు కూడా దక్కాయి. దేశవ్యాప్తంగా విద్యార్థుల ఆందోళనల మధ్య RSS నేపథ్యం ఉన్న నాయకుడికి విద్యాశాఖ బాధ్యతలు అప్పగించడంపై చర్చనీయాంశమైంది.

Education· 26 Jul 2026

పేపర్ లీక్‌లకు శాశ్వత పరిష్కారం కావాలి

TG: నీట్ పేపర్ లీకేజీ వ్యవహారంలో కేంద్రమంత్రి ధర్మేంద్ర ప్రధాన్ రాజీనామా చేయడంపై TRS చీఫ్ కల్వకుంట్ల కవిత స్పందించారు. మంత్రి రాజీనామా ఒక్కటే పరిష్కారం కాదని ఆమె స్పష్టంచేశారు. పేపర్ లీకేజీలకు శాశ్వత ముగింపు పలకాలంటే విద్యా వ్యవస్థలో సమగ్ర సంస్కరణలు తీసుకురావాల్సిన అవసరం ఉందన్నారు. విద్యార్థులకు నిజమైన న్యాయం జరగాలంటే మొత్తం వ్యవస్థను ప్రక్షాళన చేయాలని సూచించారు. ఇలాంటి ఘటనలు పునరావృతం కాకుండా పారదర్శకమైన పరీక్షల నిర్వహణకు కఠిన చర్యలు, బలమైన సంస్కరణలు అమలు చేయాలని ప్రభుత్వాన్ని ఆమె కోరారు.

Education· 25 Jul 2026

రీయింబర్స్‌మెంట్ బకాయిలు విడుదల చేయాలని TUలో నిరసన

TG: నిజామాబాద్‌ జిల్లా డిచ్‌పల్లిలో ఉన్న తెలంగాణ యూనివర్సిటీ మెయిన్ గేట్ వద్ద ABVP ఆధ్వర్యంలో నాయకులు నిరసన చేపట్టారు. పెండింగ్‌లో ఉన్న ఫీజు రీయింబర్స్‌మెంట్ బకాయిలను వెంటనే విడుదల చేయాలని CM రేవంత్ రెడ్డి దిష్టిబొమ్మ దహనానికి యత్నించారు. పోలీసులు వారిని అడ్డుకుని దిష్టిబొమ్మను స్వాధీనం చేసుకోవడంతో కొద్దిసేపు ఉద్రిక్తత నెలకొంది. రాష్ట్ర ప్రభుత్వం సుమారు రూ.11 వేల కోట్ల ఫీజు రీయింబర్స్‌మెంట్ బకాయిలను వెంటనే విడుదల చేయాలని డిమాండ్ చేశారు. బకాయిలు విడుదల చేయకపోతే రాష్ట్రవ్యాప్తంగా ఆందోళనలు, ప్రజాప్

Education· 24 Jul 2026

మంత్రి రాజీనామాతో సమస్యలు తీరవు

AP: నీట్ పేపర్ లీకేజీ కేసులో అరెస్టైన నిందితులకు కఠిన శిక్షలు పడాలని, కోర్టుల్లో కేసులు త్వరగా పరిష్కారమైతేనే నేరాలకు అడ్డుకట్ట పడుతుందని కేంద్ర సహాయ మంత్రి పెమ్మసాని చంద్రశేఖర్ అన్నారు. శుక్రవారం గుంటూరులో ఆయన మాట్లాడుతూ.. ప్రభుత్వ పాఠశాల విద్యార్థుల ప్రతిభను ప్రోత్సహించేందుకు 'లీప్' యాప్‌ను రూపొందించామని చెప్పారు. వ్యవస్థలోని లోపాలను సరిదిద్దడమే ప్రభుత్వ లక్ష్యమన్నారు. ఒక మంత్రి రాజీనామా చేయడం వల్ల సమస్యలు పరిష్కారం కావని, వ్యవస్థలో అవసరమైన సంస్కరణలపై సూచనలు వస్తే చర్చించి అమలు చేస్తామన్నారు.

Education· 24 Jul 2026

తెలంగాణలో విద్యాసంస్థలు షట్‌డౌన్

నీట్ ప్రశ్నాపత్రం లీక్ ఘటన, ఢిల్లీలో విద్యార్థులపై లాఠీచార్జీకి నిరసనగా విద్యార్థి సంఘాలు ఇచ్చిన బంద్ పిలుపుతో తెలంగాణ వ్యాప్తంగా శుక్రవారం విద్యాసంస్థలు మూతపడ్డాయి. కేంద్ర విద్యాశాఖ మంత్రి ధర్మేంద్ర ప్రధాన్ రాజీనామా చేయాలని డిమాండ్ చేస్తూ NSUI, SFI, AISF, PDSU తదితర సంఘాలు బంద్ నిర్వహించాయి. బంద్ ప్రభావంతో కాళోజీ నారాయణరావు ఆరోగ్య విశ్వవిద్యాలయం, ఉస్మానియా విశ్వవిద్యాలయం, JNTU పరిధిలో జరగాల్సిన పరీక్షలు వాయిదా పడ్డాయి.