Health

Health· 22 Jul 2026

ప్రిస్క్రిప్షన్ లేకుండా మందులు వాడుతున్నారా ?

మన దేశంలో యాంటీబయాటిక్స్ చాలా ఎక్కువగా వాడేస్తున్నారు. అయితే డాక్టర్ల ప్రిస్క్రిప్షన్ లేకుండా మెడికల్ షాపుల్లో యాంటీబయాటిక్స్ కొనొద్దని పరిశోధకులు చెప్తున్నారు. ‘ది ల్యాన్సెట్ పబ్లిక్ హెల్త్ సర్వే’లో ఈ విషయం వెల్లడిస్తూ డాక్టర్ సలహా లేకుండా యాంటీబయాటిక్స్ వాడుతున్నారని, దీంతో బాక్టీరియా తన రూపాన్ని మార్చుకుని 'యాంటీబయోటిక్ రెసిస్టెన్స్' అనే ప్రమాదం తీసుకొస్తుందని హెచ్చరించారు.

Health· 22 Jul 2026

కరోనా కలకలం.. ఆరోగ్యశాఖ హైఅలర్ట్

APలో కొవిడ్ కేసులు మళ్లీ పెరుగుతున్నాయి. ఒకే రోజు గుంటూరు జిల్లాలో 4, తూర్పుగోదావరిలో 2, బాపట్లలో ఒకటి చొప్పున మొత్తం 7 కొత్త కేసులు నమోదైనట్లు ఆరోగ్యశాఖ వెల్లడించింది. దీంతో రాష్ట్రంలో మొత్తం కేసుల సంఖ్య 26కు చేరింది. ప్రస్తుతం 10 మంది ఆస్పత్రుల్లో చికిత్స పొందుతుండగా, 9 మంది హోం ఐసోలేషన్‌లో ఉన్నారు. ముగ్గురు కోలుకోగా, ఇప్పటివరకు నలుగురు మరణించారు. కేసుల పెరుగుదలతో ఆరోగ్యశాఖ అప్రమత్తమై, 17 బోధనాస్పత్రుల్లో 255 ప్రత్యేక కొవిడ్ పడకలు సిద్ధం చేసింది. మాస్కులు, PPE కిట్లు, శానిటైజర్లు కూడా అందుబాటులో ఉంచింది.

Health· 22 Jul 2026

తెలంగాణలో సైలెంట్‌గా కరోనా వ్యాప్తి

TG: దేశవ్యాప్తంగా కరోనా కేసులు పెరుగుతున్న వేళ తెలంగాణలోనూ ఆందోళన వ్యక్తమవుతోంది. APలో ఇప్పటికే కొవిడ్ కారణంగా నలుగురు మృతి చెందగా, హైదరాబాద్‌లో జలుబు, జ్వరం, దగ్గు లక్షణాలతో ఆస్పత్రులకు వచ్చే వారి సంఖ్య పెరుగుతున్నట్లు డాక్టర్స్ తెలిపారు. అయితే ప్రభుత్వ, ప్రైవేట్ ఆస్పత్రుల్లో ఈ పరీక్షలు జరగకపోవడంతో కేసులు నిర్ధారణ కావడం లేదని సమాచారం. తార్నాకకు చెందిన ఓ మహిళ ఊపిరితిత్తులు దెబ్బతిని మృతి చెందిన ఘటనలో కూడా కొవిడ్ అనుమానాలు వ్యక్తమవుతున్నాయి. టెస్టు కిట్ల కొరత, ముందస్తు జాగ్రత్తల లోపంపై ప్రజారోగ్య విభాగంపై విమర్శలు వెల్లువెత్తుతున్నాయి.

Health· 21 Jul 2026

కలకలం రేపుతున్న డెంగీ కేసులు

TG: కురుస్తున్న వర్షాల కారణంగా డెంగీ కేసులు వేగంగా పెరుగుతున్నాయి. హైదరాబాద్‌తోపాటు చుట్టుపక్కల జిల్లాల్లో దోమల వ్యాప్తి పెరిగింది. పగటిపూట కుట్టే దోమల పట్ల ప్రజలు తీవ్ర జాగ్రత్తలు వహించాలని వైద్యారోగ్య శాఖ అధికారులు హెచ్చరించారు. పరిసరాల్లో నీరు నిల్వ ఉండకుండా చూసుకోవాలని, వారానికి ఒకసారి నీటి పాత్రలను శుభ్రం చేయాలని సూచించారు. తీవ్రమైన జ్వరం, ఒంటినొప్పులు వంటి లక్షణాలు కనిపిస్తే వెంటనే డాక్టర్లను కలిసి రక్తపరీక్షలు చేయించుకోవాలని స్పష్టం చేశారు.

Health· 21 Jul 2026

వర్షాకాలంలో చికెన్ or మటన్?

వర్షాకాలంలో మనం తీసుకునే ఫుడ్ త్వరగా అరగదు. అందుకే మటన్ కంటే చికెన్ తినడం మంచిదని న్యూట్రీషియన్లు చెబుతున్నారు. మటన్ రెడ్‌మీట్ కావడం వల్ల దీనిలో కొవ్వు ఎక్కువగా ఉంటుంది. ఇది అరగడానికి ఎక్కువ టైం పడుతుంది. ఇది కడుపుబ్బరం, అసిడిటీకి దారితీస్తుంది. చికెన్ తేలికగా అరుగుతుంది. వేడి చికెన్ సూప్ తాగడం వల్ల జలుబు, ఫ్లూ వంటి ఇన్ఫెక్షన్లు తగ్గుతాయి. చికెన్ వండేటప్పుడు శుభ్రంగా కడిగి, బాగా ఉడికించి మాత్రమే తీసుకోవాలి. రోడ్డ్ పక్కన ఫాస్ట్‌ఫుడ్స్ కాకుండా ఇంట్లోనే తక్కువ నూనెతో వండుకోవడం మంచిది.

Health· 20 Jul 2026

ప్ర‌తి 10 మందిలో 9 మందికి ర‌క్తంలో కొవ్వు స‌మ‌స్య‌: ICMR

భారతీయుల ఆరోగ్యంపై 'ఇండియన్ కౌన్సిల్ ఆఫ్ మెడికల్ రిసెర్చ్-ఇండియా డయాబెటిస్' చేసిన సర్వేలో షాకింగ్ విషయాలు బయటపడ్డాయి. దేశంలో ప్రతి 10 మంది పెద్దవారిలో తొమ్మిది మంది 'డైస్లిపిడెమియా'(రక్తంలో కొవ్వుల అసాధారణ నిష్పత్తి) సమస్యతో బాధపడుతున్నారని తెలిపింది. రక్తంలో చెడు కొలెస్ట్రాల్ పెరగడం, మంచి కొలెస్ట్రాల్ తగ్గడం వల్ల గుండెపోటు, పక్షవాతం వచ్చే ప్రమాదం ఉందని డాక్టర్లు చెప్తున్నారు. ఈ సమస్య సిటీలో 89%, గ్రామీణ ప్రాంతాల్లో 86.5% విస్తరించి ఉందని, పురుషుల కంటే మహిళల్లోనే దీని తీవ్రత ఎక్కువగా ఉన్నట్లు గుర్తించారు.

Health· 18 Jul 2026

ఆస్పత్రిలో MLA సర్‌ప్రైజ్ విజిట్

AP: అన్నమయ్య జిల్లా మదనపల్లె MLA షాజహాన్ బాషా శుక్రవారం రాత్రి బైక్‌పై ఒంటరిగా వచ్చి జిల్లా ప్రభుత్వ ఆసుపత్రికి చేరుకుని ఆకస్మిక తనిఖీ నిర్వహించారు. ఎలాంటి ముందస్తు సమాచారం లేకుండా ఎమర్జెన్సీ వార్డును సందర్శించి రోగులకు అందుతున్న వైద్య సేవలపై వైద్యులు, సిబ్బందిని అడిగి తెలుసుకున్నారు. రోగులు, వారి కుటుంబ సభ్యులతో మాట్లాడారు. విషం సేవించి చికిత్స పొందుతున్న ఓ మహిళను పరామర్శించి, ఆమెను వేధించినట్లు ఆరోపణలు ఎదుర్కొంటున్న వ్యక్తిపై కఠిన చర్యలు తీసుకోవాలని పోలీసులను ఆదేశించారు. బాధితురాలికి మెరుగైన వైద్యం అందించాలని డాకర్లకు సూచించారు.

Health· 18 Jul 2026

విజయవాడలో డయేరియా కలకలం

AP: విజయవాడ తూర్పు నియోజకవర్గంలోని గిరిపురంలో డయేరియా కలకలం రేపుతోంది. రెండు వీధులకు చెందిన సుమారు 20 మంది డయేరియా బారిన పడగా, పలువురు చికిత్స పొందుతున్నారు. కుళాయిల ద్వారా కలుషిత నీరు సరఫరా అవుతుండటమే దీనికి కారణమని స్థానికులు ఆరోపిస్తున్నారు. గురువారం రాత్రి ఒకేసారి ఐదుగురు డయేరియా బాధితులను గుర్తించారు. శుక్రవారం మధ్యాహ్నం రెండేళ్ల చిన్నారికి తీవ్ర విరోచనాలు కావడంతో ఆస్పత్రికి తరలించారు. అధికారులు వెంటనే స్పందించి తాగునీటి సమస్యను పరిష్కరించాలని, హెల్త్ క్యాంప్‌లు ఏర్పాటు చేసి బాధితులకు చికిత్స అందించాలని కోరారు.

Health· 17 Jul 2026

మిక్స్‌డ్ వెజిటబుల్ బాత్‌తో ఆరోగ్యానికి మేలు

రోజూ ఒకే రకమైన ఫుడ్ కాకుండా బీట్‌రూట్, టమాటా, ఆలుగడ్డ, క్యారెట్, బీన్స్ వంటి కూరగాయలతో మిక్స్‌డ్ వెజిటబుల్ బాత్ తయారు చేసుకుని తింటే బాడికి అవసరమైన అనేక Nutrients అందుతాయి. బీట్‌రూట్‌లో ఐరన్, క్యారెట్‌లో విటమిన్–A, టమాటాలో యాంటీఆక్సిడెంట్లు, బీన్స్‌లో ఫైబర్, ఆలుగడ్డలో కార్బోహైడ్రేట్లు సరిపడా ఉంటాయి. ఇవన్నీ కలిపి తీసుకోవడం వల్ల డైజెషన్ సిస్టమ్ బాగుపడటంతో పాటు ఎనర్జీ కూడా వస్తుంది. టస్టీగా ఉండే ఈ వెజిటబుల్ బాత్‌ను పిల్లలు, పెద్దలు అందరూ తమ ఆహారంలో తీసుకుంటే హెల్త్ కి మంచిది.

Health· 16 Jul 2026

ప్రోటీన్‌ను రీప్లేస్ చేస్తున్న పెప్టైడ్స్

హెల్త్ అండ్ ఫిట్‌నెస్ రంగంలో 'ప్రోటీన్' చాలా ముఖ్యమైనది. ప్రోటీన్ బార్లు, పౌడర్లు, స్నాక్స్‌ అంటూ మార్కెట్‌లో చాలా వస్తువులు దొరుకుతున్నాయి. ఇదంతా నిన్నటి వరకు. కానీ ఇప్పుడు ఆ స్థానాన్ని 'పెప్టైడ్స్’ రీప్లేస్ చేస్తున్నాయి. బరువు తగ్గాలన్నా, మెరిసే చర్మం కావాలన్నా, కండరాల రికవరీ జరగాలన్నా పెప్టైడ్స్ ముఖ్యం అంటూ సోషల్ మీడియాలో ప్రమోషన్ జరుగుతోంది. శరీరం కరెక్ట్‌గా పనిచేయడానికి ఇవి చాలా హెల్ప్ చేస్తాయని అంటున్నారు.

Health· 16 Jul 2026

కరోనా కలకలం.. ఎయిమ్స్‌లో ప్రత్యేక వార్డు

AP: గుంటూరు జిల్లా మంగళగిరి ఎయిమ్స్ ఆసుపత్రికి కొవిడ్ అనుమానిత లక్షణాలతో వచ్చిన ఓ వ్యక్తికి డాక్టర్స్ చికిత్స అందించారు. బాధితుడిని హోం ఐసోలేషన్‌లో ఉండాలని ఇంటికి పంపించారు. ఇటీవల జ్వరాల బారిన పడుతున్న బాధితుల సంఖ్య పెరుగుతుండటం, కొవిడ్ లక్షణాలు కనిపిస్తుండటంతో ఎయిమ్స్ డాక్టర్స్ ముందస్తు చర్యలు చేపట్టారు. ఎయిమ్స్ ఆసుపత్రిలో ప్రత్యేకంగా ఫీవర్ వార్డును ఏర్పాటు చేశారు. వైరస్ వ్యాప్తి చెందకుండా ఉండేందుకు, జ్వరంతో వచ్చే రోగులకు ఇక్కడే ప్రత్యేక వైద్యసేవలు అందించేలా ఏర్పాట్లు పూర్తి చేశారు. ఎయిమ్స్‌లో కరోనా కలకలం రేపడంతో గుంటూరు (GGH) వైద్యులు అలెర్ట్ అయ్యారు.

Health· 16 Jul 2026

గొంతులో ఆహారం అడ్డుపడుతోందా?

ఆహారం లేదా నీరు మింగేటప్పుడు గొంతులో అడ్డుపడినట్లు అనిపిస్తుందా? మింగడం కష్టంగా ఉంటోందా? దీన్ని ‘డిస్ఫేజియా’ అని డాక్టర్లు అంటున్నారు. ఇది చిన్న ప్రాబ్లమ్‌గా కనిపించినా, కొన్నిసార్లు తీవ్రమైన హెల్త్ ఇష్యూస్ రావచ్చని హెచ్చరిస్తున్నారు. వృద్ధులు, నరాల సంబంధిత వ్యాధులు ఉన్నవారిలో ఇది ఎక్కువగా కనిపిస్తుందంటున్నారు. రోజూ ఆహారం గొంతులో ఇరుక్కోవడం, దగ్గు, ఛాతీలో అసౌకర్యం, బరువు తగ్గడం వంటి లక్షణాలు ఉంటే వెంటనే డాక్టర్ని కలవాలంటున్నారు.

Health· 15 Jul 2026

చిన్నవయసులోనే గుండెపోటు..ఎందుకు?

2025 నివేదికల ప్రకారం ఇండియాలో 25 శాతం గుండెపోట్లు 40 ఏళ్లలోపు ఉన్నవారికే వస్తున్నాయి. ఇతర ఖండాలతో పోలిస్తే దక్షిణాసియా ప్రజలు దాదాపు ఒక దశాబ్దం ముందే కరోనరీ ఆర్టరీ వ్యాధి బారిన పడుతున్నారు. యువకులలో ‘సైలెంట్ హార్ట్ ఎటాక్స్’ పెరుగుతున్నాయి. ఇవి అజీర్ణం, స్వల్ప ఆయాసం లాంటి లక్షణాలతో నిశ్శబ్దంగా బయటపడతాయి. రోజూ 30 నుంచి 45 నిమిషాల పాటు శారీరక శ్రమ చేయడం, ఒత్తిడిని తగ్గించుకోవడం, సిగరెట్‌ను మానుకోవడం వంటివి ఈ ప్రమాదాన్ని తగ్గిస్తాయి.

Health· 14 Jul 2026

సింపుల్ వర్కౌట్.. షాకింగ్ హెల్త్ బెనిఫిట్స్!

స్కిప్పింగ్ వల్ల బాడీకి ఎన్నో అమేజింగ్ బెనిఫిట్స్ ఉన్నాయి. రోజువారీ స్కిప్పింగ్ వల్ల బాడీ కోఆర్డినేషన్ పెరగడమే కాకుండా, యాంకిల్ ఇంజూరీస్ రిస్క్ తగ్గుతుంది. ఇది మేజర్ క్యాలరీస్‌ను బర్న్ చేస్తూ వెయిట్ లాస్‌కు సూపర్ హెల్ప్ అవుతుంది. బోన్ డెన్సిటీ, బ్రీతింగ్ కెపాసిటీని ఇంప్రూవ్ చేయడంతో పాటు గుండె ఆరోగ్యాన్ని మెరుగుపరుస్తుంది. వీటన్నింటికీ మించి మెంటల్ హెల్త్‌ను బూస్ట్ చేసి స్ట్రెస్ తగ్గిస్తుంది. సో, ఈ సింపుల్ ఎక్సర్‌సైజ్‌ను మీ డైలీ రొటీన్‌లో యాడ్ చేసుకోండి.

Health· 14 Jul 2026

నోటి పుండ్లు ఎందుకు వస్తాయి?

ఒంటి మీద పుండునే తట్టుకోలేం! ఇక నోట్లో పుండ్లను భరించగలమా? ఇవి పెదవులు, బుగ్గల లోపల తెల్లగా, గుండ్రగా మొదలై వాటి నుండి రక్తం కూడా వస్తుంది. కారం, ఉప్పు, పులుపు దానికి తగిలితే ఆ నొప్పి భరించలేం. ఇవి రావడానికి ముఖ్యంగా పొగతాగడం, ఎక్కువ కారం, పులుపు ఉన్న పదార్థాలు తీసుకోవడం, దంతాల చికిత్స (ఎత్తు పళ్ళను సరిచేసేందుకు పెట్టె బ్రెసెస్ సరిగ్గా పట్టకపోవడం), నొప్పి మందులు తరచుగా వాడడం కారణాలు.

▶

Health· 13 Jul 2026

చేతి పై ఇంజెక్షన్ చేస్తే బాడీలో ఎలా పని చేస్తుంది?

మన బాడీలో చర్మంపై ఇచ్చే ఇంజెక్షన్ లోపలకెళ్లి మన అనారోగ్యాన్ని ఎలా నయం చేస్తుందనే డౌట్ చాలా మందికి ఉంటుంది. ఏఐ పుణ్యమాని ఇలాంటి ఎక్స్ ప్లనేటరీ వీడియోలు ఇప్పుడు వైరల్ గా మారుతున్నాయి. అలాంటిదే ఈ వీడియో. ఒక ఇంజెక్షన్ శరీరంలోకి వెళ్లాక ఎలా పనిచేస్తుంది అన్న టాపిక్ మీద ఈ చిన్న వీడియో మీరూ చూసేయండి.

Health· 13 Jul 2026

టిష్యూ పేపర్లు వైట్ కలర్‌లోనే ఎందుకు ఉంటాయో తెలుసా?

మనం డైలీ వాడే టిష్యూ పేపర్లు మోస్ట్లీ వైట్ కలర్‌లోనే ఎందుకు ఉంటాయో తెలుసా? దీని వెనుక కొన్ని ఇంట్రెస్టింగ్ రీజన్స్ ఉన్నాయి. టిష్యూలను కలప గుజ్జుతో తయారు చేసినప్పుడు అది బ్లీచింగ్ వల్ల వైట్‌గా మారుతుంది. వీటికి ఎక్స్‌ట్రా కలర్స్ యాడ్ చేస్తే కెమికల్స్ వల్ల స్కిన్ అలర్జీలు వచ్చే ఛాన్స్ ఉంది. అందుకే హెల్త్, ఎన్విరాన్మెంట్ సేఫ్టీ కోసం వీటిని వైట్‌గానే ఉంచుతారు. పైగా కలర్స్ కలపకపోవడం వల్ల తయారీ ఖర్చు తగ్గి, నీటిలో కూడా ఇవి ఈజీగా కరిగిపోతాయి.

Health· 13 Jul 2026

కల్తీ ఫుడ్‌పై సింగిల్ క్లిక్‌తో చెక్!

హోటల్స్, రెస్టారెంట్లలో కల్తీ లేదా బ్యాడ్ ఫుడ్ ఉంటే ఇకపై ఈజీగా చెక్ పెట్టొచ్చు. దీనికోసం FSSAI 'ఫుడ్ సేఫ్టీ కనెక్ట్' యాప్‌ను తెచ్చింది. ఎక్కడైనా అపరిశుభ్రంగా కనిపిస్తే ఈ యాప్ ద్వారా కంప్లైంట్ చేయొచ్చు. రీసెంట్‌గా ఎక్స్‌పైరీ డేట్ ప్రొడక్ట్స్, కుళ్లిన గుడ్లు డెలివరీ చేస్తున్నారనే కంప్లైంట్స్‌తో స్విగ్గీ ఇన్‌స్టామార్ట్‌కు FSSAI నోటీసులు ఇచ్చింది. కస్టమర్ల హెల్త్‌తో ఆటలాడితే లీగల్ యాక్షన్ తప్పదని వార్నింగ్ ఇచ్చింది. యాప్ ద్వారా పబ్లిక్ కూడా అలెర్ట్‌గా ఉండాలని కోరింది.