TG

TG· 10 Oct 2026

హైదరాబాద్ పాత మెట్ల బావులకు కొత్త లుక్!

TG: హైదరాబాద్‌లో చాలామందికి తెలియని పాత మెట్ల బావులకు కొత్త లుక్ ఇవ్వనున్నారు. డిసెంబర్ 1 నుంచి ‘Baoli Art Sangam’ పేరుతో ఇండియాలోనే ఫస్ట్ స్టెప్‌వెల్ ఆర్ట్ బియన్నాలే జరగనుంది. జనవరి 2027 వరకు జరిగే ఈ ఈవెంట్‌లో 13 హెరిటేజ్ ప్లేస్‌లలో 200 మందికి పైగా ఆర్టిస్టులు పాల్గొంటారు. తెలంగాణలో ఇప్పటివరకు దాదాపు 600 పాత మెట్ల బావులను గుర్తించారు. వీటిని రిపేర్ చేయడంతో పాటు వర్షపు నీటిని స్టోర్ చేసి, భూగర్భ జలాలను పెంచేలా ప్లాన్ చేస్తున్నారు.

TG· 10 Oct 2026

ఈమెయిల్‌తో మోసం!

TG: సంగారెడ్డి జిల్లా పటాన్‌చెరులో ఓ కంపెనీని సైబర్ నేరగాళ్లు మోసం చేశారు. ఆ కంపెనీకి వస్తువులు అందించే సంస్థ ఈమెయిల్‌ను హ్యాక్ చేసి, బ్యాంకు ఖాతా మారిందంటూ నకిలీ వివరాలతో మెయిల్ పంపారు. దీన్ని నిజమని నమ్మిన కంపెనీ సిబ్బంది ఈ నెల 5న రెండు విడతల్లో 35.52 లక్షలు బదిలీ చేశారు. ఈ నెల 6న అసలు సంస్థను సంప్రదించగా డబ్బులు అందలేదని తెలిసింది. దీంతో మోసపోయినట్లు గుర్తించి సైబరాబాద్ సైబర్ క్రైమ్ పోలీసులకు కంప్లయింట్ చేశారు.

▶

TG· 10 Oct 2026

భద్రకాళి ఆలయంలో శరన్నవరాత్రి ఉత్సవాలు

వరంగల్ భద్రకాళి అమ్మవారి ఆలయంలో దేవి శరన్నవరాత్రి ఉత్సవాలు జరుగుతున్నాయి. దసరా నవరాత్రులకు ముందు వచ్చే అమావాస్య రోజున అమ్మవారికి స్పెషల్‌గా నిర్వహించే పసుపు అభిషేకాన్ని అర్చకులు పూర్తిచేశారు. ప్రధాన అర్చకులు శేషు ఆధ్వర్యంలో ఈ పూజలు జరిగాయి. నవరాత్రి ఉత్సవాల సందర్భంగా అమ్మవారిని దర్శించుకోవడానికి వేలాదిగా భక్తులు ఆలయానికి క్యూ కడుతున్నారు.

▶

TG· 10 Oct 2026

రైతును అవమానించిన అధికారి!

TG: తన పొలం, జీవనాధారం కాపాడాలని ఓ రైతు గజ్వేల్ MRO కార్యాలయానికి వెళ్లాడు. ‘పురుగుల మందు తాగి ఇంకా ఎందుకు బతికున్నావంటూ’ అధికారి అతణ్ని అవమానించాడు. ఈ వీడియో వైరల్ అవుతోంది. తన బాధను చూసి నవ్వుతున్నారా అని రైతు ప్రశ్నించగా, అవునంటూ అధికారి బదులిచ్చినట్లు వీడియోలో ఉంది. రైతును అవమానించడంపై విచారణ జరిపి, నిజాలు తేల్చి చర్యలు తీసుకోవాలని పలువురు కోరుతున్నారు.

TG· 10 Oct 2026

మెదక్ చిన్నారికి బుక్ ఆఫ్ వరల్డ్ రికార్డ్స్ గుర్తింపు

TG:మెదక్ జిల్లా టేక్మాల్ మండలానికి చెందిన లింగంపల్లి సువిక్ష నందన అనే 2నెలల చిన్నారి అరుదైన 'బుక్ ఆఫ్ వరల్డ్ రికార్డ్' సాధించింది. కేవలం 2 నెలల 13 రోజుల వయసులోనే తలను పైకి ఎత్తి, అటూ ఇటూ తిప్పగలిగింది. చిన్నారి చూపిన ఈ ప్రత్యేక శారీరక సామర్థ్యాన్ని బుక్ ఆఫ్ వరల్డ్ రికార్డ్స్ సంస్థ గుర్తించి అఫిషియల్‌గా ఎనౌన్స్ చేసింది. దీంతో చిన్నారి ఫ్యామిలీ మెంబర్స్ ఆనందం వ్యక్తం చేస్తున్నారు.

▶

TG· 10 Oct 2026

పంట ఎండిపోయి పశువుల మేతగా.. రైతు ఆవేదన

TG : వర్షాలు లేక పంట ఎండిపోవడంతో మెదక్ జిల్లా టేక్మాల్ మండలం పల్వంచలో ఒక రైతు తీవ్ర ఆవేదన వ్యక్తం చేశాడు. సాగునీరు అందక చేతికొచ్చే స్టేజ్‌లో ఉన్న వరి పంట ఎండిపోవడంతో చేసేదేమీ లేక దాన్ని కోసి పశువులకు మేతగా వేశాడు. టైమ్‌కి వర్షాలు పడక, నీళ్లు అందక పంటలు ఎండిపోతుండటంతో పెట్టిన పెట్టుబడి కూడా తిరిగొచ్చేలా లేదని రైతులు టెన్షన్ పడుతున్నారు. కష్టపడి పెంచిన పంటను కళ్ల ముందే పశువుల మేతగా వేయాల్సి రావడంపై ఆందోళన చెందుతున్నారు.

▶

TG· 10 Oct 2026

₹10 కాయిన్స్ తో బైక్ కొనుగోలు.. వీడియో వైరల్

TG:మంచిర్యాల జిల్లా లక్షెట్టిపేటకు చెందిన పాస్టర్ రవి జోసెఫ మూడేళ్లుగా సేవింగ్ చేసుకున్న ₹10 కాయిన్స్ తో ₹1.23 లక్షల విలువైన బైక్ కొన్నారు. ఈ రోజు తనకున్న ప్రత్యేక సెంటిమెంట్‌తో నాణేలతోనే బైక్ కొనడానికి షోరూంకు వెళ్లారు. ఆయన తెచ్చిన కాయిన్స్ లెక్కించేందుకు షోరూం సిబ్బందికి సుమారు రెండు గంటల టైం పట్టింది. ఇప్పుడు ఈ వీడియో సోషల్ మీడియాలో వైరల్ అవుతుంది.చిన్న మొత్తాలను కూడా క్రమంగా దాచుకుంటే పెద్ద అవసరాలకు ఉపయోగపడతాయని రవి జోసెఫ్ నిరూపించారు.

TG· 10 Oct 2026

కెమికల్ తాగి రెండేళ్ల పాప మృతి

TG : మేడ్చల్ జిల్లా జీడిమెట్ల పోలీస్ స్టేషన్ పరిధిలోని చింతల్‌లో ఘోర ప్రమాదం జరిగింది. జువెలరీ షాపులో బంగారం మెరుగుపెట్టే కెమికల్‌ను 2 ఏళ్ల మిషా అనే చిన్నారి తెలియక నోట్లో పెట్టుకుంది. పాప స్పృహ కోల్పోవడంతో పేరెంట్స్ వెంటనే హాస్పిటల్‌కి తీసుకెళ్లారు. ట్రీట్‌మెంట్ తీసుకుంటూ పాప చనిపోయింది. దీంతో చిన్నారి తల్లిదండ్రులు జువెలరీ షాప్ ముందు ఆందోళనకు దిగారు.

TG· 10 Oct 2026

మోడీ, జ్ఞానేశ్ కుమార్ రాజీనామా చేయాలి: ఇబ్రాం శేఖర్

దేశంలో బహుజనులు చైతన్యవంతులవుతుండటంతో ఆధిపత్య రాజకీయ పార్టీలు భయపడి SIR ప్రక్రియను తీసుకొచ్చి బహుజనుల ఓట్లను తొలగిస్తున్నాయని బీఎస్పీ తెలంగాణ రాష్ట్ర అధ్యక్షుడు ఇబ్రాం శేఖర్ ఆరోపించారు. ఈ విషయంలో బాధ్యత వహిస్తూ ప్రధాని నరేంద్ర మోడీ, CEC జ్ఞానేశ్ కుమార్ రాజీనామా చేయాలని డిమాండ్ చేశారు. హైదరాబాద్ బడంగ్‌పేట్‌లో బహుజన సమాజ్ పార్టీ వ్యవస్థాపకుడు మాన్యవర్ కాన్షీరాం వర్ధంతి సందర్భంగా నిర్వహించిన బహుజన రాజ్యాధికార సమరభేరి సభలో ఆయన మాట్లాడారు.

TG· 10 Oct 2026

స్టార్‌లింక్‌ గురించి అడిగితే యాంటీ నేషనలా?: KTR

భారత్‌లో ‘స్టార్‌లింక్’ ప్రవేశంపై ఎలాన్ మస్క్ చేసిన ఆరోపణలతో BRS వర్కింగ్ ప్రెసిడెంట్ KTR బీజేపీ సోషల్ మీడియా సపోర్టర్లపై మండిపడ్డారు. కేంద్ర ఐటీ మంత్రి అశ్వినీ వైష్ణవ్ స్టార్‌లింక్‌ను స్వాగతించినప్పుడు బీజేపీ ట్రోల్ ఆర్మీ సంబరాలు చేసుకున్నారని, తను ఒక ప్రశ్న అడిగితేనే ‘యాంటీ నేషనల్’ అంటారా అని ఆరోపించారు. నిన్న ఎలాన్ మస్క్ ‘కొంతమంది స్టార్‌లింక్‌ను అడ్డుకుంటున్నారు’ ఆరోపించగా, ‘వాళ్లెవరో దేశం తెలుసుకోవాలనుకుంటోంది’ అని KTR అడిగారు.

▶

TG· 10 Oct 2026

జిల్లాలకు పదేళ్లు.. KTR ట్వీట్

TG: తెలంగాణలో కొత్త జిల్లాల ఏర్పాటు జరిగి పదేళ్లు పూర్తైన సందర్భంగా ప్రజలకు BRS వర్కింగ్ ప్రెసిడెంట్ KTR శుభాకాంక్షలు తెలిపారు, KCR ప్రభుత్వం గతంలో ఉన్న 10 జిల్లాలను 33 జిల్లాలుగా మార్చి, పాలనను ప్రజలకు దగ్గర చేసిందని ఆయన అన్నారు. కొత్త జిల్లాలతో ప్రభుత్వ కార్యాలయాలు, విద్యా, వైద్య సేవలు ప్రజలకు అందుబాటులోకి వచ్చాయనీ.. ప్రాంతాల ఆకాంక్షలకు అనుగుణంగానే జిల్లాలను ఏర్పాటు చేసినట్లు KTR <a href="https://x.com/KTRBRS/status/2108798698574807186?s=20">తన X లో</a> పోస్ట్ చేశారు.

▶

TG· 10 Oct 2026

ప్రజాస్వామ్య హక్కులను కాలరాయొద్దు: పొన్నం

సిద్దిపేట జిల్లా హుస్నాబాద్ MLA, మంత్రి పొన్నం ప్రభాకర్ కేంద్రప్రభుత్వంపై విమర్శలు చేశారు. ఢిల్లీలో ప్రజాస్వామ్య హక్కులను కాలరాయడం, నిరసనలను అణచివేయడం సరికాదని అన్నారు. నిరసనకారులను జంతర్ మంతర్ వద్దకు వెళ్లకుండా అడ్డుకోవడాన్ని తప్పుబట్టారు. ప్రజలకు నిరసన తెలిపే హక్కు ఉందని, దానిని అడ్డుకోవడం ప్రజాస్వామ్య స్ఫూర్తికి విరుద్ధమని పేర్కొన్నారు. అర్హులైన ఓటర్లను ఓటరు జాబితా నుంచి తొలగింపు ఆరోపణలపై కేంద్రప్రభుత్వం సమాధానం చెప్పాలని డిమాండ్ చేశారు.

TG· 10 Oct 2026

తెలంగాణ విద్యాశాఖకు 25 వేల జరిమానా

TG: తెలంగాణ విద్యాశాఖకు హైకోర్టు 25 వేల రూపాయల జరిమానా విధించింది. 250 రోజులు ఆలస్యంగా అప్పీల్ చేయడంపై హైకోర్టు ఆగ్రహం వ్యక్తం చేసింది. హైదరాబాద్‌కు చెందిన గిరీష్ అనే వ్యక్తిని అపాయింట్‌మెంట్ డేట్ నుంచే గ్రాంట్ ఇన్ ఎయిడ్ ఖాళీల్లో కలపాలని 2025లో హైకోర్టు సింగిల్ జడ్జి ఆదేశాలిచ్చారు. ఆ ఆర్డర్స్ ఇచ్చేనాటికి అతను మరణించాడని, ఏడాది తర్వాత ఇటీవల విద్యాశాఖ అప్పీల్ చేసింది. ఇంత ఆలస్యంగా అప్పీల్ చేయడంపై ఆగ్రహం వ్యక్తం చేస్తూ జడ్జి జరిమానా విధించారు.

TG· 10 Oct 2026

విద్యుత్ క్లియరెన్స్‌కు కొత్త రూల్!

తెలంగాణలో డేటా సెంటర్లకు పవర్ సప్లై విషయంలో ట్రాన్స్‌కో కీలక నిర్ణయం తీసుకుంది. ఇకపై భారీ విద్యుత్ లోడ్లకు బల్క్ లోడ్ అస్యూరెన్స్ కమిటీ చెక్ చేసిన తర్వాతే సమ్మతి లేఖలు ఇవ్వాలని ఆదేశించింది. మహేశ్వరం, చందనవెల్లి ప్రాంతాల్లో కొత్త విద్యుత్ వ్యవస్థల నిర్మాణానికి ఐదేళ్లు పట్టే అవకాశం ఉంది. ఇప్పటికే 6,200 MVA విద్యుత్ డిమాండ్‌కు హామీ లేఖలు ఇచ్చారు. విద్యుత్ వ్యవస్థపై పూర్తి అధ్యయనం అయ్యే వరకు నిర్మాణ పనులు ప్రారంభించకూడదని స్పష్టం చేసింది.

TG· 10 Oct 2026

బతుకమ్మ పూలకు El Nino సెగ..

TG: రాష్ట్రంలో బతుకమ్మ సంబరాలు ప్రారంభం కావడంతో పూల ధరలు ఆకాశాన్ని అంటాయి, ఈసారి ఎల్‌నినో ప్రభావం వలన తక్కువ వర్షాలు కురవడంతో పూల దిగుబడి తగ్గింది. దీంతో సహజంగా లభించే తంగేడు, గునుగు పూలకు కొరత ఏర్పడి ధరలు పెరిగాయి. తంగేడు పూల కట్ట ₹ 100, మూడు నుంచి నాలుగు గునుగు కట్టలు ₹100–120 వరకు ఉంది. కిలో బంతి పూలు ₹150, 50 గ్రాముల చేమంతులు ₹50కి అమ్ముతున్నారు. పూల ధరలు పెరగడంతో పండుగ ఖర్చు పెరిగిందని ప్రజలు అంటున్నారు.

TG· 10 Oct 2026

తొలిరోజు బతుకమ్మ.. special ఏంటంటే!

TG: తెలంగాణ సంస్కృతికి ప్రతీక అయిన బతుకమ్మ వేడుకలు ఈరోజు నుంచి ప్రారంభం కానున్నాయి. తొలిరోజు జరుపుకునే బతుకమ్మను ‘ఎంగిలిపూల బతుకమ్మ’ అంటారు. రకరకాల పూలతో బతుకమ్మను అందంగా పేర్చి గౌరీదేవిని పూజిస్తారు. మహిళలు ఆటపాటలతో వేడుకలు జరుపుకుంటారు. తొమ్మిది రోజుల పాటు సాగే ఈ పండుగలో రోజుకో రకమైన నైవేద్యం ఉంటుంది. మొదటి రోజు బతుకమ్మకు నువ్వులు, బియ్యంపిండి, నూకలు, బియ్యంతో చేసిన ప్రసాదాన్ని అమ్మవారికి నైవేద్యంగా పెడతారు.

TG· 9 Oct 2026

కొందరి వల్ల పార్టీకి చెడు పేరు: అక్బరుద్దీన్ ఒవైసీ

మజ్లిస్(AIMIM) పార్టీపై, పార్టీ నాయకులపై వస్తున్న విమర్శలపై MIM శాసనసభాపక్ష నాయకుడు అక్బరుద్దీన్ ఒవైసీ స్పందించారు. పార్టీకి చెందిన కొందరు నాయకుల వల్ల చెడు పేరు వస్తోందని అన్నారు. అధికారంలో ఏ ప్రభుత్వం ఉన్నా, తమ ప్రజలకు కావలసిన పనులు ఎలా చేయించుకోవాలో మజ్లిస్‌కు బాగా తెలుసని స్పష్టం చేశారు. తమ లక్ష్యం పాతబస్తీ అభివృద్ధి, మైనారిటీల హక్కుల పరిరక్షణ అని తెలిపారు. ప్రజల్లో అసంతృప్తి పెంచడానికి ప్రయత్నించేవారి పట్ల అప్రమత్తంగా ఉండాలని హెచ్చరించారు.

TG· 9 Oct 2026

హుస్సేన్ సాగర్‌లో ఆరేళ్ల పాప.. కాపాడిన ఆటో డ్రైవర్!

TG: హైదరాబాద్‌లో మనసును కలిచివేసే ఘటన జరిగింది. అనారోగ్యంతో బాధపడుతున్న ఆరేళ్ల కూతురు రుక్సానాకు ట్రీట్‌మెంట్ చేయించే ఆర్థిక పరిస్థితి బాగోలేక ఆమె తల్లి షబానా.. చిన్నారిని హుస్సేన్ సాగర్‌లోకి విసిరేసినట్లు పోలీసులు తెలిపారు. ఈ ఘటనను గమనించిన ఓ ఆటో డ్రైవర్ వెంటనే నీటిలోకి దూకి పాపను కాపాడాడు. తరువాత చిన్నారిని గాంధీ హాస్పిటల్‌కు తీసుకెళ్లారు. ప్రస్తుతం రుక్సానా హెల్త్ కండిషన్ స్టేబుల్‌గా ఉందని పోలీసులు తెలిపారు.