Latest
జెండర్ పెయిన్ గ్యాపే మహిళల ఆరోగ్యానికి అసలు సమస్య !
వైద్య రంగంలో మగవారితో పోలిస్తే మహిళల శారీరక నొప్పులు, ఆరోగ్య సమస్యలను తక్కువగా అంచనా వేసే ధోరణి ప్రపంచవ్యాప్తంగా కొనసాగుతోంది. దీన్నే 'జెండర్ పెయిన్ గ్యాప్' అంటారు. తీవ్రమైన నొప్పితో బాధపడుతున్న ప్పటికీ, మహిళల సమస్యలను కేవలం మానసిక ఆందోళనగా లేదా సాధారణ విషయంగా కొట్టిపారేయడం వల్ల వారికి సరైన సమయంలో సరైన వైద్యం అందడం లేదు. ముఖ్యంగా ఎండోమెట్రియాసిస్, పీరియడ్స్ నొప్పులు సమస్యల నిర్ధారణకు ఏళ్ల తరబడి సమయం పడుతోంది. వైద్య పరిశోధనల్లో కూడా మహిళల శరీరతత్వంపై తగినంత రీసెర్చ్ జరగకపోవడం ఈ వివక్షకు ప్రధాన కారణం.వైద్య రంగంలో జెండర్ గ్యాప్ తొలగించాల్సిన అవసరముంది.
రెండు ఎయిర్ యాక్సిడెంట్స్ లో 25 మంది మృతి
ఫ్రాన్స్, సౌదీ అరేబియా దేశాలలో జరిగిన రెండు వేర్వేరు విమాన ప్రమాదాల్లో మొత్తం 25 మంది ప్రాణాలు కోల్పోయారు. ఈశాన్య ఫ్రాన్స్లో స్కైడైవింగ్ శిక్షణ విమానం కూలిపోయి 11 మంది మృతి చెందారు. అలాగే సౌదీ అరేబియాలోని రాస్ తనురా సమీపంలో అరామ్కో సంస్థకు చెందిన హెలికాప్టర్ కుప్పకూలడంతో 14 మంది మరణించారు. వాతావరణ పరిస్థితులు, సాంకేతిక లోపాలే ఈ ఘోర ప్రమాదాలకు కారణమని తెలుస్తోంది. ఉన్నతాధికారులు దర్యాప్తునకు ఆదేశించారు.
ఇడుపు కాయితం అర్థం పవన్కళ్యాణ్ బాగా చెప్తాడు
TG: తెలంగాణ రాకుండా అడ్డుకున్న అనకొండలు, కార్పొరేట్ శక్తులకు పాలు పోసి పెంచుతున్నది బీఆర్ఎస్ పార్టీలో ఉన్న గుంటనక్కేలేనని తెలంగాణ రక్షణ సేన చీఫ్ కల్వకుంట్ల కవిత విమర్శించారు. ఆదివారం మేడ్చల్ జిల్లా ఉప్పల్లో పార్టీ జెండా ఆవిష్కరించి మాట్లాడారు. తెలంగాణ అస్తిత్వంపై దాడి జరుగుతుంటే కాంగ్రెస్, బీజేపీ, బీఆర్ఎస్ పార్టీలు గప్ చుప్ అయ్యాయన్నారు. ఇడుపు కాయితం అర్థం పవన్ కళ్యాణ్ను అడిగితే బాగా చెబుతాడని ఎద్దేవా చేశారు. ఉద్యమంలో అవాకులు, చేవాకులు పేలిన వాళ్లే మళ్లీ తెలంగాణపై కుట్ర చేస్తున్నారన్నారు.
హ్యాపీ రిటైర్మెంట్ లైఫ్ కి ఈ ఐదుప్లాన్స్ కంపల్సరీ !
ప్రశాంతమైన రిటైర్మెంట్ కోసం ప్రతి ఒక్కరూ తెలుసు కోవాల్సిన ఆ 5 ముఖ్యమైన పాయింట్లు ఇవే: Retirement Corpus: మీ ప్రస్తుత వార్షిక ఖర్చులకు కనీసం 25 నుండి 30 రెట్లు ఎక్కువ పొదుపు మొత్తం ఉండాలి. Inflation Rate: మీ అంచనాల్లో ద్రవ్యోల్బణాన్ని (కనీసం 6-7%) లెక్కించడం మర్చిపోవద్దు. Withdrawal Rate : రిటైర్ అయ్యాక ఏటా మీ మొత్తం నిధి నుండి 4 శాతానికి మించి ఖర్చు చేయకూడదు. Life Expectancy: 85 నుండి 90 ఏళ్ల వయస్సు వరకు సరిపోయేలా ప్లాన్ చేసుకోవాలి. Health Insurance Cover: అత్యవసర వైద్య ఖర్చుల కోసం కనీసం రూ.10 నుండి 15 లక్షల హెల్త్ కవరేజ్ తప్పనిసరి. ఇలా చేస్తే రిటైర్మెంట్ లైఫ్ హ్యాపీగా గడిచిపోతుంది.
డాక్టర్ నంటూ స్టాక్ ట్రేడర్కు ₹73 లక్షల నామం!
ఒక కిలాడీ లేడీ తాను పెద్ద డాక్టర్నంటూ నమ్మించి, ఓ స్టాక్ ట్రేడర్ (షేర్ మార్కెట్ వ్యాపారి) నుండి ఏకంగా ₹73 లక్షలు కాజేసింది. సోషల్ మీడియాలో పరిచయమైన ఆమె, హై-రిటర్న్స్ వస్తాయంటూ నకిలీ ఇన్వెస్ట్మెంట్ స్కీమ్స్తో అతడికి బురిడీ కొట్టించింది. ఆమె మాటలు నమ్మి విడతల వారీగా డబ్బులు పంపి మోసపోయానని గ్రహించిన బాధితుడు సైబర్ క్రైమ్ పోలీసులను ఆశ్రయించగా, కేసు నమోదైంది.
‘ట్రామా’పై నోరు విప్పుతున్న జెన్ జీ..
దేశంలో మానసిక గాయాలు (ట్రామా) ఒక నిశ్శబ్ద ఆరోగ్య అత్యవసర పరిస్థితిగా మారుతున్నాయని రచయిత్రి నిషితా లాంబా తన డెక్కన్ హెరాల్డ్ కథనంలో విశ్లేషించారు. చాలామంది తమ అంతర్గత బాధను లోపలే దాచుకుంటారని, కానీ అది మానసిక, శారీరక ఆరోగ్యాన్ని తీవ్రంగా దెబ్బతీస్తుందని సైకాలజిస్ట్ పల్లవి మోహన్ అభిప్రాయపడ్డారు. "ట్రామా అనేది కేవలం ఒక చేదు సంఘటన కాదు.. అది మన మనసు లోపల సృష్టించే అలజడి" అని వివరించారు. పాత తరాల వారు ఈ బాధలను దాచడానికి ప్రయత్నిస్తే, నేటి తరం యువత (Gen Z) దీనిపై ఓపెన్గా మాట్లాడుతోందని స్పష్టం చేశారు. ఈ అంతర్గత గాయాల నుండి కోలుకోవడానికి స్వీయ అంగీకారం ఎంతో అవసరమని పేర్కొన్నారు.
‘ఖబర్ లహరియా’ నెం.1 రూరల్ మహిళల జర్నల్
గ్రామీణ, దళిత వెనుకబడిన వర్గాల మహిళల నేతృత్వంలోయూపీ బుందేల్ ఖండ్ నుంచి నడుస్తున్న ఏకైక వార్తా సంస్థ ‘ఖబర్ లహరియా’ తమ విజయ ప్రస్థానాన్ని, పుట్టుక కథను ఆసక్తికరంగా పంచుకుంది. కేవలం ఒక చిన్న ప్రింట్ పత్రికగా ప్రారంభమై, డిజిటల్ మీడియా రంగంలో ఒక సంచలనంగా ఎలా ఎదిగిందో వివరించింది. సమాజంలో అణచివేతకు గురైన మహిళలు జర్నలిజంలోకి అడుగుపెట్టి, స్థానిక సమస్యలపై ఎలా పోరాటం చేశారో ఇందులో పేర్కొన్నారు. ఎన్నో సవాళ్లు, అడ్డంకులను దాటుకుని అంతర్జాతీయ స్థాయిలో గుర్తింపు తెచ్చుకోవడం స్ఫూర్తిదాయకంగా సాగింది. గ్రామీణ జర్నలిజానికి సరికొత్త అర్థం చెప్పిన వీరి ప్రయాణం ఎందరికో ఆదర్శంగా నిలుస్తోంది.
ట్రంప్కు కూడా ఫిర్యాదు చేయి.. కేశినేని చిన్ని సెటైర్
AP: బెజవాడ బ్రదర్స్ మాజీ MP కేశినేని నాని వర్సెస్ MP కేశినేని చిన్ని మధ్య విభేదాలు తారాస్థాయికి చేరుకున్నాయి. HYDలోని కూకట్పల్లి మండలం శంషీగూడలో ప్రభుత్వభూమిని MP చిన్ని కుటుంబానికి చెందిన బినామీ సంస్థ ఆక్రమిస్తోంని CM రేవంత్ రెడ్డికి మాజీ MP నాని ఫిర్యాదు చేశారు. దీనిపై చిన్ని స్పందిస్తూ కౌంటరిచ్చారు. ఈర్ష్య, ద్వేషం, కసి, పగతో నిత్యం రగిలిపోతున్న రెట్టల నాని.. ఇంతకుమించి దిగజారవు అనుకున్న ప్రతిసారి ఇంకా ఇంకా దిగజారుతూనే ఉన్నావని ఫైరయ్యారు. ప్రధానికి, రాష్ట్రపతికి ఇరువురు CMలకు ఫిర్యాదు చేశావ్.. ఇక మిగిలింది ట్రంప్, పుతిన్, కిమ్, KAపాల్ మాత్రమేనన్నారు.
ఆల్ వర్క్ నోప్లే -కంపెనీలపై హైదరాబాద్ టెకీ ఫైర్
హైదరాబాద్కు చెందిన ఒక సాఫ్ట్వేర్ ఇంజనీర్ సోషల్ మీడియా వేదికగా పంచుకున్న ఆవేదన ఇప్పుడు నెట్టింట తెగ వైరల్ అవుతోంది. "అంతా పనే.. అసలు విరామమే లేదు"అంటూ కార్పొరేట్ కంపెనీల పని కల్చర్ పై తీవ్ర అసంతృప్తి వ్యక్తం చేశాడు. వీకెండ్స్లో కూడా రెస్ట్ లేకుండా ప్రాజెక్ట్ డెడ్లైన్స్తో జీవితం యాంత్రికంగా మారిపో యిందని, వ్యక్తిగత జీవితానికి సమయం దొరకడం లేదని ఆగ్రహం వ్యక్తం చేశాడు. ఈ పోస్ట్కు వేలాది మంది ఐటీ ఉద్యోగులు మద్దతుగా , తమకు కూడా ఇలాంటి పరిస్థితులే ఎదురవుతున్నాయని కామెంట్లు పెడుతున్నారు. వర్క్ లైఫ్ బ్యాలెన్స్ కరువైందంటూ సాగుతున్న ఈ చర్చ ఇప్పుడు హాట్ టాపిక్ అయింది.
నాగాలాండ్ ‘బేబీ లీగ్’ చిన్నారులకు మోడీ ప్రశంస
నాగాలాండ్లో క్షేత్రస్థాయిలో సాగుతున్న ఫుట్బాల్ క్రీడా వికాసాన్ని ప్రధాని నరేంద్ర మోదీ కొనియాడారు. తన 135వ 'మన్ కీ బాత్' రేడియో కార్యక్రమంలో ఆయన మాట్లాడుతూ.. నాగాలాండ్ ‘బేబీ లీగ్’, ‘వుమెన్స్ ఫుట్సల్ లీగ్’లు దేశంలోనే ఎంతో ఆదర్శవంతమైనవని ప్రశంసించారు. ముఖ్యంగా 5 నుండి 12 ఏళ్ల చిన్నారుల కోసం నిర్వహిస్తున్న బేబీ లీగ్, వారిలోని ప్రతిభను, వేగాన్ని వెలికితీస్తూ ఒక గుర్తింపును ఇస్తోందని అభినందించారు. దేశంలో క్రీడలను కెరీర్గా ఎంచుకునే యువత సంఖ్య పెరుగుతోందని, ఆడేవారే రాణిస్తారని మోదీ ఈ సందర్భంగా పేర్కొన్నారు. నాగాలాండ్ చేస్తున్న ఈ కృషి మిగతా రాష్ట్రాలకు స్ఫూర్తిదాయకమని ప్రధాని కొనియాడారు.
రెడ్ శారీలో మెస్మరైజ్ చేస్తున్న మీనాక్షీ చౌదరి.. పిక్స్ వైరల్!
టాలీవుడ్ యంగ్ బ్యూటీ మీనాక్షీ చౌదరి సరికొత్త ఫోటోషూట్తో సోషల్ మీడియాను షేక్ చేస్తోంది. తాజాగా ఈ ముద్దుగుమ్మ బ్రీజీ రెడ్ కలర్ శారీలో దేవకన్యలా మెరిసిపోయింది. స్లీవ్లెస్ బ్లౌజ్, సింపుల్ మేకప్, లూజ్ హెయిర్తో ఎర్ర కలువ పువ్వులా వయ్యారాలు ఒలకబోస్తూ దిగిన ఫోటోలను ఇన్స్టాగ్రామ్లో షేర్ చేసింది. ఈ ట్రెడిషనల్ అండ్ గ్లామరస్ లుక్కు నెటిజన్లు క్లీన్ బౌల్డ్ అవుతున్నారు. 'లక్కీ భాస్కర్', 'ది గోట్' సినిమాలతో మెప్పించిన ఈ క్రేజీ హీరోయిన్, ప్రస్తుతం చేతినిండా స్టార్ హీరోల ప్రాజెక్టులతో ఫుల్ బిజీగా గడుపుతోంది. ఈ తాజా పిక్స్ ఇప్పుడు నెట్టింట తెగ వైరల్ అవుతున్నాయి.
ట్రంప్ ఒక గ్రీక్ గాడ్- ఫాలోయర్ల ప్రశంసలు !
అమెరికా అధ్యక్ష ఎన్నికల ప్రచారంలో ట్రంప్ చుట్టూ పరిణామాలు ఇప్పుడు ప్రపంచ వ్యాప్తంగా చర్చనీయాంశంగా మారాయి. గతంలో ఆయనపై వచ్చిన అనేక కోర్టు కేసులు, లీగల్ ఇబ్బందుల తర్వాత కూడా ఆయన మళ్లీ పుంజుకున్న తీరును చూసి మద్దతుదారులు సర్ ప్రైజ్ అవుతున్నారు.ఈ క్రమం లోనే ఆయన ఫాలోవర్స్ , అంత ర్జాతీయ విశ్లేషకులు "ఈ రోజుల్లో జీసస్ క్రైస్ట్ తర్వాత మళ్లీ అంతటి ప్రజాదరణ దక్కించుకుం టున్న వ్యక్తి ట్రంప్ మాత్రమేనని, ఆయన్ను ఒక గ్రీక్ గాడ్ లా చూస్తున్నారని" సోషల్ మీడియాలో పోస్టులు పెడుతున్నారు. కేసులు , రాజకీయ గండాల న్నింటినీ దాటుకుని ఆయన సక్సెస్ అయ్యారనే ఉద్దేశంతో ఈ కామెంట్స్ వైరల్వు అతున్నాయి.
సందడి మాటున బంగారు గొడుగు ఎత్తుకెళ్లిన దొంగలు
AP: నంద్యాల జిల్లా ఔకు మండల కేంద్రంలో మౌలాలి స్వామి పీరుకు అలంకరించిన బంగారు గొడుగును దొంగలు అపహరించారు. సుమారు రూ.2 లక్షల విలువైన 13 గ్రాముల బంగారు గొడుగును గుట్టుచప్పుడు కాకుండా చోరీ చేశారు. నైలాన్ ధారంతో కట్టిన బంగారు గొడుగును బ్లేడుతో కత్తిరించి కొట్టేశారు. మౌలాలి స్వామి పీర్ల చావిడి వద్ద సందడి ముసుగులో హల్చల్ చేసిన ఆకతాయిలు, మందుబాబులపై స్థానికులు అనుమానం వ్యక్తం చేస్తున్నారు. మౌలాలి స్వామి పీర్ల చావిడి ఉత్సవ కమిటీ సభ్యులు పోలీసులకు ఫిర్యాదు చేశారు.
చిరుతపులి వీడియో వైరల్.. గ్రామస్తుల్లో టెన్షన్
TG: వరంగల్ జిల్లా ఖానాపురం మండలం రాగంపేట శివారులోని పామాయిల్ తోటల్లో చిరుత పులి సంచారం తీవ్ర కలకలం రేపింది. దీంతో స్థానికులు భయాందోళనలు గురవుతున్నారు. శివారులో విస్తారంగా పామాయిల్ తోటలు ఉండటంతో నక్కల వర్రే కాల్వ వెంబడి మనుబోతులగడ్డ, పోచారం అటవీ ప్రాంతాల నుంచి పులి వచ్చినట్లు స్థానికులు అనుమానం వ్యక్తం చేస్తున్నారు. చిరుత పులి వీడియో సోషల్ మీడియాలో వైరల్ కావడంతో ఖానాపూర్ మండల ప్రజల్లో ఆందోళన నెలకొంది.
తాకట్టు బంగారం మాయం.. కస్టమర్లకు షాక్
AP: అంబేద్కర్ కోనసీమ జిల్లా రామచంద్రాపురం మండలం ద్రాక్షారామం మణప్పురం బ్రాంచ్లో కొందరు కస్టమర్లు తమ బంగారాన్ని తాకట్టు పెట్టి డబ్బులు తీసుకున్నారు. 8 మంది కస్టమర్లు తాకట్టు పెట్టిన బంగారం మాయమైంది. ఆ బంగారం స్థానంలో నకిలీ నగలు పెట్టారు. మొత్తం రూ.20లక్షల విలువైన 151 గ్రాముల బంగారం మాయమైంది. మణప్పురం మాజీ మేనేజర్ నగేశ్ మోసం చేసినట్లు ఆడిట్లో తేలింది. పోలీసులు అతనిపై కేసు నమోదు చేశారు. అతడు ఉద్యోగం మానేసి చెన్నై వెళ్లినట్లు గుర్తించారు. నగేష్ను పట్టుకునేందుకు ముమ్మరంగా గాలిస్తున్నారు.
నేషనల్ హైవేపై మూడు కార్లు బోల్తా.. ఫుల్ ట్రాఫిక్జామ్
TG: హైదరాబాద్ - విజయవాడ నేషనల్ హైవేపై ఘోర రోడ్ యాక్సిడెంట్ జరిగింది. నల్గొండ జిల్లా చిట్యాల మండలంలోని గుండ్రాంపల్లి వద్ద కారు టైర్ పేలి డివైడర్ను ఢీకొట్టింది. డివైడర్ను ఢీకొట్టిన కారు అంతటితో ఆగకుండా అవతలి రోడ్డుపై ఎగిరిపడి మరో రెండు కార్లపై పడింది. వరుసగా మూడు కార్లు బోల్తా పడడంతో హైవేపై ఫుల్ ట్రాఫిక్జామ్ అయింది. ప్రమాదంలో 8 మందికి తీవ్ర గాయాలు కావడంతో స్థానికులు వెంటనే చౌటుప్పల్ గవర్నమెంట్ హాస్పిటల్కు తరలించారు.
గుత్తా ఫొటో మిస్సింగ్.. నల్గొండలో ప్రోటోకాల్ రచ్చ
TG: CM రేవంత్ రెడ్డి నల్గొండ పర్యటన రసాభాసగా మారింది. సీఎం సభ సందర్భంగా R&B శాఖ ఇచ్చిన పత్రికా ప్రకటనలో శాసనమండలి ఛైర్మెన్ గుత్తా సుఖేందర్ రెడ్డి ఫోటో లేకపోవడం తీవ్ర చర్చకు దారితీసింది. ప్రోటోకాల్ పాటించలేదని సంబంధిత అధికారులకు గుత్తా సుఖేందర్ రెడ్డి నోటీసులు ఇవ్వనున్నట్లు సమాచారం. మరోవైపు సభకు రావొద్దంటూ DCC అధ్యక్షుడు కైలాష్ నేతను మంత్రి కోమటిరెడ్డి వర్గం నాయకులు హెచ్చరించారు. తనకు ఆహ్వానం అందలేదని, అయినా సభకు హాజరవుతానని కైలాష్ సవాల్ చేశారు. దీంతో కైలాష్ నేతను, ఆయన వర్గాన్ని అరెస్ట్ చేయనున్నట్లు సమాచారం.
నల్గొండలో CM సభ.. టెన్షన్ టెన్షన్
TG: నల్గొండలో CM రేవంత్ రెడ్డి సభ సందర్భంగా ఏర్పాటు చేసిన స్వాగత ప్లెక్సీల్లో DCC అధ్యక్షుడు పున్న కైలాష్ నేత ఫోటో లేకపోవడం వివాదానికి దారి తీసింది. అసలు CM సభకు తనకు ఆహ్వానమే లేదని కైలాష్ నేత అన్నారు. సభకు హాజరై తీరుతానని, ఎవరు అడ్డుకుంటారో చూస్తానని కైలాష్ నేత సవాల్ విసిరారు. దీంతో మరోసారి తెరపైకి DCC వర్సెస్ మినిస్టర్ పాలిటిక్స్లా మారింది. మరొవైపు సభలో మునుగోడు ఎమ్మెల్యే కోమటిరెడ్డికి మంత్రి పదవిపై నిలదీస్తారన్న సమాచారంతో రాజ్ గోపాల్ రెడ్డి అనుచరులను పోలీసులు అరెస్ట్ చేస్తున్నారు.
స్నాప్చాట్లో పరిచయం పెంచుకుని బ్లాక్మెయిల్
TG: సోషల్ మీడియా వేదికలైన స్నాప్చాట్ తదితర యాప్ల ద్వారా మహిళలతో పరిచయాలు పెంచుకుని బ్లాక్మెయిల్ చేసి డబ్బులు వసూలు చేస్తున్న నిందితుడు నాగతేజ అలియాస్ నానిని గచ్చిబౌలి పోలీసులు అరెస్ట్ చేశారు. మహిళలను లోబర్చుకుని, వారి అశ్లీల ఫొటోలు, వీడియోలతో బెదిరింపులకు పాల్పడినట్లు పోలీసులు గుర్తించారు. ఓ హోటల్ గదిలో మహిళను కత్తితో బెదిరించి ఆమె అశ్లీల వీడియోలను రికార్డు చేశారని అన్నారు. ఆ వీడియోలను సోషల్ మీడియాలో వైరల్ చేస్తానంటూ రూ.1.10 లక్షలు వసూలు చేసినట్లు పోలీసులు వెల్లడించారు.
ఘోర ప్రమాదం.. ముగ్గురు స్పాట్డెడ్
AP: శ్రీకాకుళం జిల్లా కవిటి మండల పరిధిలోని జమేదారిపుట్టుగ వద్ద జరిగిన ఘోర రోడ్డు ప్రమాదంలో ముగ్గురు ప్రాణాలు కోల్పోయారు. వేగంగా వచ్చిన లారీ, ప్రయాణికులతో వెళ్తున్న ఆటోను బలంగా ఢీకొట్టింది. ఈ ప్రమాదంలో ఆటోలో ప్రయాణిస్తున్న ముగ్గురు మహిళలు తీవ్ర గాయాలతో స్పాట్లోనే మృతి చెందారు. ఆటోలో ఉన్న మరికొందరు తీవ్రంగా గాయపడ్డారు. స్థానికులు వెంటనే క్షతగాత్రులను చికిత్స నిమిత్తం స్థానిక హాస్పిటల్కు తరలించారు. ఈ ఘటనపై పోలీసులు కేసు నమోదు చేసుకుని దర్యాప్తు చేపట్టారు.
DDపై మహిళా అధికారిణి సంచలన ఆరోపణలు
AP: గుంటూరు వైద్యారోగ్య శాఖ డిప్యూటీ డైరెక్టర్(DD) శివశంకర్ తనను తీవ్ర మానసిక, లైంగిక వేధింపులకు గురిచేస్తున్నాడని జిల్లా వైద్యారోగ్యశాఖ కార్యాలయంలో పనిచేసే ఓ గెజిటెడ్ అధికారిణి ఆరోపించారు. రాష్ట్ర విభజన తర్వాత తెలంగాణకు వెళ్లినా, డిప్యుటేషన్పై కొనసాగుతున్నట్లు చెప్పారు. ప్రతినెలా ఏదో వంకతో మెమోలు ఇవ్వడం, సెలవులు రద్దుచేయడం, గ్రూపుల నుంచి నంబర్ తీసేయడం వంటి పనులతో వేధిస్తున్నారన్నారు. తన కుటుంబం తెలంగాణలో ఉండగా, ఉద్యోగరీత్యా ఇక్కడ పని చేస్తున్నానన్నారు. శివశంకర్పై చర్యలు తీసుకోవాలని ఆమె ప్రభుత్వాన్ని కోరారు.