Latest
ఎండలకు తట్టుకోలేక పడిపోయిన చంద్రబాబు కమాండో
ఏపీ సీఎం చంద్రబాబు నాయుడు తన బర్త్ డే సందర్భంగా విజయవాడలో అన్న క్యాంటీన్ కి వచ్చినప్పుడు ఈ ఘటన జరిగింది. సీఎం మాట్లాడుతూ ఉండగా ఎండ వేడి భరించలేక ఆయన పక్కనే ఉన్న NSG కమాండో ఒకరు శోష వచ్చినట్టు కిందపడిపోయారు. దీంతో ఆయనను ఆస్పత్రికి తరలించారు.
H1B వీసా ఫ్రాడ్ .. ఇద్దరు తెలుగువారికి 5 ఏళ్ల జైలు
అమెరికాలో హెచ్-1బీ వీసా స్కామ్‌కు పాల్పడినందుకు ఇద్దరు తెలుగు సంతతి వ్యక్తులకు కాలిఫోర్నియా కోర్టు 5 ఏళ్ల జైలు శిక్ష విధించింది. 2.50 లక్షల డాలర్ల జరిమానా కట్టాలని ఆదేశించింది. 51 ఏళ్ల వయసున్న సంపత్ రాజిది, శ్రీధర్ మాడా యూనివర్సిటీ ఆఫ్ కాలిఫోర్నియాలో ఉద్యోగాలు లేకపోయినా ఉన్నట్టుగా చూపించి చాలా మంది విదేశీయుల్ని రిక్రూట్ చేసుకుని మోసానికి పాల్పడ్డారు. ఈ విషయం వెలుగులోనికి రావడంతో వారిద్దరూ తమ నేరాన్ని అంగీకరించారు. కాలిఫోర్నియా యూనివర్సిటీలో పని చేస్తున్న వీరిద్దరికీ ఉద్యోగుల్ని నియమించే అధికారం లేకపోయినప్పటికీ చాలా మందికి వీసాలిప్పించి, తర్వాత వేరే క్లయింట్లకు వాటిని బదిలీ చేశారు.
స్వీడన్ లో పిల్లలకు నో మొబైల్స్ , లాప్ ట్యాప్స్
చిన్నారుల చదువులను అందరికన్నా ముందే డిజిటలైజ్ చేసిన స్వీడన్ ఇప్పుడు బ్యాక్ టు బేసిక్స్ అంటోంది. డిజిటల్ స్క్రీన్లకు గుడ్ బై కొట్టేసి స్టూడెంట్స్ చేతికి మళ్లీ పెన్ను, పుసక్తం ఇస్తోంది. లిటరసీ లెవెల్స్ పడిపోవడం, పిల్లల్లో ఏకాగ్రత తగ్గడం వల్ల మళ్లీ పాత విధానానికే వచ్చేసింది. డిజిటల్ ఓవర్ యూసేజ్ వల్ల తలెత్తుతున్న సమస్యలను తొలగించి మళ్లీ పుస్తకాలను తెస్తోంది. అలాగే నేషనల్ లెవెల్ లో స్కూళ్లలో ఫోన్లను బ్యాన్ చేస్తోంది. స్టూడెంట్ స్కూలుకు రాగానే మొబైల్ ను డిపాజిట్ చేసేయాలి.మనిషి మేధస్సును మళ్లీ గాడిలో పెట్టే ఒక టర్నింగ్ పాయింట్ ఇది..
గాలిలో 4 గంటల నరకం.. హైదరాబాద్-హుబ్లీ ఫ్లైట్‌కు తప్పిన ముప్పు
హైదరాబాద్ నుంచి కర్ణాటకలో హుబ్లీ వెళ్లాల్సిన Fly91 ఎయిర్ లైన్స్ విమాన ప్రయాణికులకు చుక్కలు కనిపించాయి. వాతావరణం అనుకూలించక పోవ డంతో ఫ్లైట్ 4 గంటలు గాల్లో చక్కర్లు కొట్టింది. ఆదివారం మధ్యాహ్నం 3 గంటలకు రాజీవ్ గాంధీ ఇంటర్నేషనల్ ఎయిర్ పోర్టు నుంచి బయల్దేరిన విమానం హుబ్లీలో 4.30కి ల్యాండ్ అవాలి. కానీ వాతావరణం సరిగా లేకపోవడంతో గాల్లో చక్కర్లు కొట్టింది. దీంతో విమానంలో ప్రయాణికులు హాహాకారాలు చేస్తూ దేవుడ్ని ప్రారాధించారు పైలట్ చాక చక్యంగా సేఫ్ గా ల్యాండ్ చేయడం తో ఊపిరి పీల్చుకున్నారు .
రగులుతున్న మణిపూర్, 5 రోజుల బంద్
మణిపూర్‌లోని బిష్ణుపూర్‌లో జరిగిన ఘోర బాంబు దాడిలో ఇద్దరు చిన్నారులు ప్రాణాలు కోల్పోవడంతో రాష్ట్రం ఒక్కసారిగా అట్టుడికిపోయింది. ఈ దారుణానికి నిరసనగా పలు విద్యార్థి సంఘాలు 5 రోజుల పాటు రాష్ట్రవ్యాప్త బంద్‌కు పిలుపునిచ్చాయి. ఇంఫాల్‌తో పాటు పలు చోట్ల నిరసనలు హింసాత్మకంగా మారాయి. ఆగ్రహించిన జనం రోడ్లపైకి వచ్చి టైర్లు తగలేస్తూ నిరసన తెలుపుతున్నారు. పరిస్థితిని అదుపులోకి తెచ్చేందుకు భద్రతా బలగాలను భారీగా మోహరించారు.
డెంగ్యూకి చెక్.. ఇండియాలో ఫస్ట్ వ్యాక్సిన్ వచ్చేస్తోంది
డెంగ్యూ టెన్షన్‌కి ఇక గుడ్ బై కొట్టేసే టైమ్ వచ్చేసింది. ఇండియా తన మొదటి డెంగ్యూ వ్యాక్సిన్ ‘Qdenga’ (క్యూడెంగా) కు గ్రీన్ సిగ్నల్ ఇచ్చింది. జపనీస్ కంపెనీ ‘టకేడా’ (Takeda) ఈ వ్యాక్సిన్‌ను అభివృద్ధి చేసింది. హైదరాబాద్‌కు చెందిన ‘బయోలాజికల్ ఇ’ (Biological E) సంస్థ మేకిన్మ ఇండియాలో భాగంగా మన దేశంలో తయారు చేయనుంది. 4 నుండి 60 ఏళ్ల లోపు వారు ఈ టీకా తీసుకోవచ్చు. మరోవైపు మన స్వదేశీ కంపెనీ ‘పనాసియా బయోటెక్’ కూడా ఐసీఎంఆర్ (ICMR) సహకారంతో మరో వ్యాక్సిన్‌ను సిద్ధం చేస్తోంది.
ఒక్క మార్కు కోసం రీ వాల్యుయేషన్ !!
ఫస్ట్ క్లాస్ స్టూడెంట్స్ కి నూటికి నూరు శాతం మార్కులు సాధించాలనే తపన నాచురల్.కేరళలో ఆషిమా అనే ఓ స్టూడెంట్ CBSC ఫలితాల్లో ఒక మార్కు కోసం రీ వాల్యుయేషన్ కు వెళ్లింది. ఇంతకీ ఆ స్టూడెంట్ సాధించిన మార్కులెన్నో తెలుసా? 499/ 500.. అన్ని సబ్జెక్ట్స్ లోనూ వందకి వంద సాధించిన ఆషీమా సైన్స్ లో 99 మార్కులు మాత్రమే తెచ్చుకుంది. ఆ ఒక్క మార్కు కూడా వస్తుందని నమ్మకంగా ఉంది. అందుకే రీ వాల్యుయేషన్ కి అప్లయ్ చేసింది.
ఇరాన్ తో సీక్రెట్ డీల్స్ గుట్టు రట్టు.. మహిళా వ్యాపారవేత్త అరెస్ట్
ఇరాన్ కు అక్రమంగా బాంబులు, డ్రోన్లను సరఫరా చేస్తున్న ఒక మహిళా వ్యాపారవేత్తను అమెరికా పోలీసులు అరెస్ట్ చేశారు. ఇరాన్ మూలాలున్న షమీమ్ మాఫీ అనే బిజినెస్ ఉమెన్‌ సీక్రెట్ గా ఇరాన్ తో ఆయుధ ఒప్పందాల్లో మధ్యవర్తిత్వం చేస్తోందని అమెరికా పోలీసులకు సమాచారం అందింది. ఒక గూఢచారిగా వ్యవహరిస్తూ నిషేధిత టెక్నాలజీని ఇరాన్ కు చేరవేస్తోందని గుర్తించారు. లాస్ ఏంజెల్స్ విమానాశ్రయంలో ఆమెను అదుపులోకి తీసుకున్నారు. 43 ఏళ్ల వయసున్న షమీమ్ మాఫి 2025లో ఇరాన్ ప్రభుత్వంతో నేరుగా సంప్రదింపులు జరిపినట్టుగా ఆధారాలు కూడా లభించాయి.
అన్న క్యాంటీన్ లో సీఎం చంద్రబాబు బర్త్ డే
ఏపీ సీఎం చంద్రబాబు నాయుడు ఇవాళ 76వ పుట్టిన రోజు జరుపుకుంటున్నారు. ఈ సందర్భంగా సతీమణి భువనేశ్వరితో కలిసి విజయవాడ పటమటలోని అన్న క్యాంటిన్ కు వెళ్లారు. అక్కడ నిరుపేదలకు తానే స్వయంగా వడ్డించి వారితో పాటు టిఫిన్ తిన్నారు. రాష్ట్రంలోని అన్న క్యాంటీన్ల ఒక్క రోజు ఖర్చు రూ.76 లక్షలను భువనేశ్వరి విరాళంగా ఇచ్చారు. క్యాంటిన్ దగ్గరకి పెద్ద ఎత్తున ప్రజలు, అభిమానులు వచ్చి సీఎంకు బర్త్ డే విషెస్ చెప్పారు.
అమెరికాతో చర్చలకు ఇరాన్ నో
అమెరికాతో జరగాల్సిన రెండో రౌండ్ శాంతి చర్చలను ఇరాన్ తిరస్కరించింది. ఇస్లామాబాద్‌లో చర్చలు జరుగుతాయన్న వార్తల్లో నిజం లేదని తేల్చి చెప్పింది. అమెరికా చేస్తున్నవన్నీ అర్థం లేని డిమాండ్స్ అని మండిపడింది. సముద్ర మార్గంలో దిగ్బంధనం చేస్తూ కాల్పుల విరమణ ఒప్పందాన్ని యూఎస్ ఉల్లంఘిస్తోందని ఇరాన్ ఆరోపించింది. డొనాల్డ్ ట్రంప్ మాత్రం ఇది దౌత్యానికి ఇస్తున్న చివరి అవకాశం అని వార్నింగ్ ఇచ్చారు. చర్చలు విఫలమైతే దాడులు తప్పవని హెచ్చరించారు.
చర్చలు ఫెయిల్ అయితే దాడులేః ట్రంప్
రేపు ఇస్లామాబాద్ కు అమెరికా ప్రతినిధులు వెళతారని అధ్యక్షుడు ట్రంప్ అన్నారు. ఒప్పందాలను ఒప్పుకోకపోతే దాడులు తప్పవని ఆయన హెచ్చరించారు. విద్యుత్ కేంద్రాలు, బ్రిడ్జిలను కూల్చేస్తామని వార్నింగ్ ఇచ్చారు. హార్ముజ్ లో నౌకలపై ఇరాన్ కాల్పులను ట్రంప్ తప్పుబట్టారు. సీజ్ ఫైర్ ను ఇరాన్ ఉల్లంఘించిందని అన్నారు. హర్ముజ్ మూసేయడం ఇరాన్ కే నష్టమన్నారు.
కిరాణా షాపులో పల్లీలు తిన్న ప్రధాని
ఎన్నికల ప్రచారంలో భాగంగా ఇవాళ పశ్చిమ బెంగాల్లో పర్యటించిన ప్రధాని మోదీ స్థానిక ప్రజలకు సర్ప్రైజ్ ఇచ్చారు. ఝాడ్గామ్ లో ర్యాలీ చేసిన ఆయన తన కాన్వాయ్ మధ్యలో ఆపేసి ఓ కిరాణా షాపులోకి వెళ్లారు. అక్కడ పల్లీలు, చిరుతిళ్లు కొనుక్కొని తిని డబ్బులు ఇచ్చారు. షాపు యజమానితో కాసేపు ముచ్చటించారు. మీరు ఉల్లి తింటారా అని దుకాణ దారుడు అడగగా ..తింటాను.. బుర్ర మాత్రం తినను అంటూ చమత్కరించారు. మోదీని చూసి అక్కడున్న వారు 'భారత్ మాతాకీ జై', 'జై శ్రీరామ్', 'మోదీజీ జిందాబాద్' అంటూ నినాదాలు చేశారు.
చియా సీడ్స్ తింటున్నారా?
హెల్తీ ఫుడ్ తీసుకోవాలనుకునే వారికి చియా సీడ్స్ మంచి సూపర్ ఫుడ్. అయితే దీనిని తీసుకోవడంలో కొన్ని జాగ్రత్తలు కంపల్సరీ.. ఆకలిని నియంత్రించి, హైడ్రేషన్ ఇచ్చే ఈ సీడ్స్ ను ఉదయం పూట తింటే బెటర్.అలాగే వెయిట్ లాస్ అవాలనుకునే వారు ఉదయమే ఇవి తీసుకుంటే రోజంతా మీ ఆకలిని ఇది కంట్రోల్ చేస్తుంది. భోజనం తర్వాత రక్తంలో చక్కెర స్థాయిలను స్థిరంగా ఉంచడానికి, జీర్ణక్రియకు ఇది సాయపడుతుంది.
ఇరాన్ నౌకల కోసం అమెరికా వేట !!
హర్మూజ్‌ జలసంధి వద్ద కొరకరాని కొయ్యగా మారిన ఇరాన్‌ను లొంగదీసుకొనేందుకు అమెరికా మరో వ్యూహాన్ని తెరపైకి తెచ్చినట్లు తెలుస్తోంది. ప్రపంచ వ్యాప్తంగా ఇరాన్‌కు సంబంధించిన వాణిజ్య నౌకలు, చమురు ట్యాంకర్లు ఎక్కడున్నా సీజ్ చేయాలనే వ్యూహంపై కసరత్తు చేస్తోంది.
కవలల గొంతు కోసి చంపేసిన ఓ తండ్రి !!
భార్య మీద అనుమానంతో 11 ఏళ్ల వయసున్న కవల పిల్లలను గొంతు కోసి చంపేశాడు ఓ మెడికల్ రిప్రజంటేటివ్. యూపీలో కాన్పూర్ కు చెందిన శశి రంజన్ మిశ్రా తరచుగా భార్యతో గొడవపడేవాడు. ఆమెను కొడుకుతో ఉండమని తాను కవల పిల్లలని చూసుకుంటానని చెప్పి అర్దరాత్రి దాటాక వారిని బాత్రూమ్ కి తీసుకెళ్లి గొంతులు కోసి చంపేశాడు. భార్య కంప్లయింట్ తో స్పందించిన పోలీసులు శశిని అదుపులోకి తీసుకున్నారు. .కొంతకాలంగా డిప్రెషన్లో ఉన్న శశి ఇంటి నిండా సీసీ కెమెరాలు బిగించాడు.
క్లియరెన్స్ ఇచ్చి కాల్పులా? ఆడియో లీక్... కలకలం
హర్ముజ్ లో ఫైరింగ్ బారిన పడిన భారతీయ నౌకలలో ఒక నౌకకు సంబంధించిన ఆడియో ఒకటి రిలీజ్ అయింది. మారీటైమ్ ట్యాంకర్ ట్రాకర్స్ నుంచి వచ్చిన ఆ మెసేజ్ లో సెపా నేవీ సెపా నేవి మాకు హర్ముజ్ దాటేందుకు క్లియరెన్స్ ఇచ్చారు. మీ లిస్ట్ లో రెండో పేరు మాదే.. తీరా మేం దాటుతుండగా ఫైరింగ్ జరిపారు. మమ్మల్ని వెనక్కు వెళిపోనివ్వండి అంటున్న సన్మర్ హోరాల్డ్ రిక్వెస్ట్ ఆడియో బయటపడింది. కాల్పులు జగ్ అర్నవ్ అనే ఇండియన్ షిప్ పై జరిగాయని అయితే నౌకకు ఎలాంటి నష్టం జరగలేదని మన దేశం తెలిపింది.
గ్లోబల్ గేమ్ ని మార్చేస్తున్న విజింజామ్ పోర్టు !
హార్ముజ్ గేట్ వే మూసేయడంతో ప్రపంచం మొత్తం గందరగోళంలో ఉంది, కానీ కేరళలోని మన Vizhinjam Port మాత్రం వేరే లెవల్‌లో ఉంది! హార్ముజ్ క్రైసిస్ వల్ల షిప్పులన్నీ కేరళ వైపు క్యూ కడుతున్నాయి. ఎంపీ Shashi Tharoor చెప్పినట్టు, ఇది ఇండియా కి ఒక "Main Character Energy" మూమెంట్. 100 షిప్పులు వెయిటింగ్‌లో ఉన్నాయంటే మామూలు విషయం కాదు. మన పోర్ట్ ఇప్పుడు గ్లోబల్ గేమ్‌ని మార్చేస్తోంది.
ఇటలీ గురుద్వారా బయట కాల్పులు.. ఇద్దరు ఇండియన్స్ దుర్మరణం
ఇటలీలో దారుణం జరిగింది. బెర్గామో ప్రావిన్స్‌లోని ఒక గురుద్వారా బయట ఇద్దరు భారతీయులను గుర్తుతెలియని వ్యక్తులు కాల్చి చంపారు. పంజాబ్‌కు చెందిన వీరిద్దరూ అక్కడ పని చేసుకుంటుండగా ఈ దాడి జరిగింది. ప్రశాంతంగా ఉండే ఆ ప్రాంతంలో ఇలాంటి క్రైమ్ జరగడం అక్కడి ఇండియన్ కమ్యూనిటీని భయాందోళనకు గురిచేస్తోంది. అసలు ఏం జరిగిందనే కోణంలో ఇటలీ పోలీసులు ఎంక్వైరీ చేస్తున్నారు.
శ్రీరాముడిపై వివాదాస్పద వ్యాఖ్యలు… ప్రకాశ్ రాజ్ ఏమన్నారంటే
శ్రీరాముడిపై తాను చేసిన వ్యాఖ్యలు వివాదాస్పదమై కేసు కూడా నమోదు కావడంతో నటుడు ప్రకాశ్ రాజ్ స్పందించారు. తాను చేసిన ప్రసంగంలో కొంత భాగాన్ని మాత్రమే తీసుకొని శ్రీరాముడి గురించి తప్పుగా మాట్లాడనని ముద్ర వేశారన్నారు. అన్ని ధర్మాలను ప్రేమించే తనకు ఆ అవసరం లేదన్నారు. ఇంకా ఆయన ఏమన్నారో వీడియోలో చూడండి.
వీల్ చైర్ పై భారతీ రాజా
సీతాకోక చిలుక, టిక్ టిక్ టిక్, ఆరాధన వంటి సినిమాలకు దర్శకత్వం వహించిన దిగ్గజ దర్శకుడు భారతీ రాజా వీల్ చైర్ కు పరిమితయ్యారు. ఆయనను కలవడానికి వెళ్లిన నటి రాధిక ఒక వీడియోని సోషల్ మీడియాలో షేర్ చేశారు. తన గురువుని ఇలా చూడడం బాధగా ఉందని, అయినా ఆయనతో గడిపిన సమయం తనకెంతో విలువైనదని పోస్టు చేశారు. తమ అభిమాన దర్శకుడిని అలాంటి స్థితిలో చూసిన నెటిజన్లు ఆయన ఆరోగ్యం బాగుపడాలని కామెంట్స్ పెడుతున్నారు.
మళ్లీ తల్లి కాబోతున్న దీపికా పదుకొణె
బాలీవుడ్ కపుల్ దీపికా పదుకొణె - రణవీర్ సింగ్ ఫ్యాన్స్‌కి గుడ్ న్యూస్ చెప్పారు. తాము సెకండ్ టైమ్ పేరెంట్స్ కాబోతున్నామంటూ ఒక క్యూట్ ఫోటోతో కన్ఫర్మ్ చేశారు. వాళ్ల కుమార్తె దువా చేతిలో ప్రెగ్నెన్సీ టెస్ట్ కిట్ ఉంది. అందులో పాజిటివ్ అని కనిపిస్తోంది. ఈ క్రేజీ న్యూస్ తో సోషల్ మీడియాలో శుభాకాంక్షలు వెల్లువెత్తుతున్నాయి.