దేశానికి పోలియో వ్యాక్సిన్ ఎప్పుడు వచ్చింది?

By Vishi· 22 Sept 2026

మన దేశానికి పోలియో వ్యాక్సిన్ 1995 తర్వాత వచ్చిందని చాలామంది అనుకుంటారు. అయితే శాస్త్రవేత్త Albert Sabin అభివృద్ధి చేసిన ఓరల్ పోలియో వ్యాక్సిన్ 1963లో అమెరికాలో లైసెన్స్ పొందింది. Sabin స్వయంగా భారత్‌కు వచ్చి Pasteur Institute of India (Coonoor)ను OPV ఉత్పత్తికి సిఫార్సు చేశారు. 1964లో ముంబై సిటీ కార్పొరేషన్ దిగుమతి చేసుకున్న OPVతో పోలియో టీకాలు వేయడం స్టార్ట్ చేసింది. 1995 ‘పల్స్ పోలియో’ ద్వారా OPVని ఉపయోగించి, పిల్లలందరికీ ఒకేసారి చుక్కలు వేసే మాస్ సప్లిమెంటరీ ఇమ్యూనైజేషన్ క్యాంపెయిన్ చేశారు.

More in Infotainment

Infotainment· 2h ago

పిల్లలకు ఇంటర్నెట్ హక్కు.. ఆంక్షలు విధించవచ్చా?

సుప్రీంకోర్టు అక్టోబర్ 15న ఇంటర్నెట్‌ను ఉపయోగించే హక్కు ప్రతి వ్యక్తికి ప్రాథమిక హక్కు అని తెలిపింది. పిల్లలకు కూడా వయసుతో సంబంధం లేకుండా ఈ హక్కులు ఉంటాయని తెలిపింది.చిల్డ్రన్స్ సేఫ్టీ, ఫ్రీడం రెండూ ముఖ్యమేనని స్పష్టం చేసింది. అయితే పిల్లలను ఆన్‌లైన్ ప్రమాదాల నుంచి కాపాడుతూనే, వారి ఇంటర్నెట్ హక్కులను ఎలా రక్షించాలీ, పిల్లల స్క్రీన్ టైమ్‌ను తగ్గించాలనుకుంటున్న రాష్ట్రాలు, సోషల్ మీడియాపై ఆంక్షలు విధిస్తున్న దేశాల మధ్య ఇప్పుడు కొత్త చర్చ మొదలైంది.

Infotainment· 14h ago

మంచి బాస్‌కి, చెడ్డ బాస్‌కి తేడా ఇదే!

మంచి బాస్ ఉద్యోగుల నుంచి మంచి ఫలితాలు ఆశిస్తూ, వాళ్లు మెరుగుపడేలా ప్రోత్సహిస్తారు. కానీ చెడ్డ బాస్ చిన్న తప్పులకే కోప్పడటం, పదేపదే విమర్శించడం, ఉద్యోగులపై ఒత్తిడి పెంచడం చేస్తుంటారు. విజయానికి టీమ్ క్రెడిట్‌ను తీసుకుని, తప్పులకు ఉద్యోగులనే బాధ్యుల్ని చేస్తుంటారు. దీంతో ఉద్యోగులు పని కంటే బాస్ ఎలా స్పందిస్తారోనని ఎక్కువగా ఆలోచిస్తారు. ఉద్యోగులను భయపెట్టడం కాదు.. వాళ్ల సామర్థ్యాన్ని పెంచడమే నిజమైన లీడర్ లక్షణం.

Infotainment· 17h ago

టాలెంట్ ఉంది..ఛాన్స్ ఉందా? : అనిరుధ్ కృష్ణ

కెన్యాలో ఛాంపియన్లు, ఎస్టోనియాలో యూనికార్న్ కంపెనీలు ఎందుకు ఎక్కువగా వస్తున్నాయి అని అనిరుధ్ కృష్ణ రాసిన పుస్తకం'Why Kenyans Win Marathons and Estonians Build Unicorns'లో వివరించారు. టాలెంట్ ఒక్కటే కాదు. అవకాశాలు, శిక్షణ క్యాంపులు, కోచ్‌లు, రోల్ మోడల్స్, స్పోర్ట్స్/టెక్ సంస్కృతి ఉంటేనే టాలెంట్ పైకి ఎదుగుతుందని తెలిపారు. టాప్‌కు రాలేని వాళ్లకు ఉపాధి ఇచ్చే ‘సాఫ్ట్ ల్యాండింగ్’ ఉండాలని చెప్పారు. భారత్‌లోనూ ఇలాంటివి ఎక్కువగా ఉండాలని సూచిస్తున్నారు.

Infotainment· 18h ago

9 రోజుల పాటు నిలబడే నవరాత్రి ఉపవాస దీక్షలు

మహారాష్ట్రలోని సతారా జిల్లా వాయ్ తాలూకా పరిధిలోని పాండే గ్రామంలో నవరాత్రి ఉత్సవాలు విచిత్రంగా జరుగుతాయి. ఇక్కడి కాళభైరవనాథ స్వామి దేవాలయంలో గ్రామస్తులు 350 సంవత్సరాల నాటి "ఉభ్యాచీ నవరాత్ర" అనే సాంప్రదాయాన్ని పాటిస్తున్నారు. ఘటస్థాపన నుండి దసరా వరకు 9 రోజుల పాటు భక్తులు కూర్చోవడం కానీ, నేలపై పడుకోవడం కానీ చేయకపోవడమే ఈ దీక్షలోని ప్రత్యేకత. ఈ దీక్షను స్వీకరించిన భక్తులను 'నవరత్కారీలు' అని పిలుస్తారు. వీరు 9 రోజుల పాటు నిరంతరం నిలబడే ఉంటారు.