BRS నాయకుల 'మాక్ అసెంబ్లీ'

By Vinith· 1d ago· TG

TG : అసెంబ్లీ నుంచి సస్పెండ్ కావడంతో BRS నాయకులు తెలంగాణ భవన్‌లో 'మాక్ అసెంబ్లీ' నిర్వహించారు. ఇందులో ఎమ్మెల్యే మాణిక్ రావు స్పీకర్‌గా, తలసాని శ్రీనివాస్ యాదవ్ CMగా నటించారు. "100 రోజుల్లో హామీలు అన్నాం.. కానీ ఏ 100 రోజుల్లో అని చెప్పామా? 25 ఏళ్లలో ఎప్పుడో ఒకప్పుడు అమలు చేస్తాం" అంటూ తలసాని సెటైర్లు వేశారు. అసెంబ్లీలో తమ గొంతు నొక్కేస్తున్నారని ప్లకార్డులతో BRS సభ్యులు నిరసన తెలిపారు.

More in TG

▶

TG· 2m ago

ఖైరతాబాద్ వినాయకుడి తొలి హారతి (వీడియో)

వినాయక చవితి సందర్భంగా మంత్రి పొన్నం ప్రభాకర్, ఎమ్మెల్యే దానం నాగేందర్ ఖైరతాబాద్ మహా గణపతిని దర్శించి ప్రత్యేక పూజలు చేశారు. తొలి హారతి సమర్పించారు. వర్షాలు, పంటల సమృద్ధి, ప్రజల ఆరోగ్యం కోసం ప్రార్థించారు. ఉదయం నుంచి వేల సంఖ్యలో భక్తులు తరలివస్తున్నారు. బడా గణేశ్‌ని దర్శించుకుని, సెల్ఫీలు తీసుకుంటున్నారు. ఈ సంవత్సరం 69 అడుగుల ఎత్తున్న పంచముఖ సంకటహర మహాగణపతి రూపంలో స్వామి దర్శనమిస్తున్నారు.

▶

TG· 52m ago

'కాపాడాల్సిన MLA భూకబ్జా చేశాడు'

TG: ఆలేరు ఎమ్మెల్యే బీర్ల ఐలయ్యపై భూకబ్జా ఆరోపణలు వస్తున్నాయి. "పోలీసులను అడ్డం పెట్టుకొని.. తమ తాతగారి భూమిని ఎమ్మెల్యే.. బినామీ పేర్లతో ఆక్రమించుకుంటున్నారు" అని బాధితులు ఆరోపించారు. దాదాపు 35 ఏళ్ల కిందట రైల్వే ఉద్యోగి కొన్న భూమిని.. ఇప్పుడు డాక్యుమెంట్లు మార్చి, కబ్జా చెయ్యాలని చూస్తున్నారని బాధితులు చెబుతున్నారు. బినామీలు తమ భూమిలోకి ఎందుకు వచ్చారని నిలదీస్తున్నారు. పోలీసులు కేసు దర్యాప్తులో ఉందని చెబుతున్నారు.

TG· 1h ago

హైదరాబాద్‌లో భారీ వర్షాలు.. అలర్ట్!

TG: హైదరాబాద్‌లో భారీ వర్షాలు పడుతున్నాయి. ఇంచార్జి మంత్రి పొన్నం ప్రభాకర్.. GHMC, హైడ్రా, పోలీసు, రెవెన్యూ వంటి శాఖల అధికారులతో వీడియో కాన్ఫరెన్స్ నిర్వహించారు. “అలెర్ట్‌గా ఉందాం.. అలెర్ట్‌గా ఉంచుదాం” అనే టార్గెట్‌తో.. ప్రజలకు ఇబ్బందులు కలగకుండా ఆఫీసర్లు పనిచేయాలని ఆదేశించారు. రోడ్లపై ఉన్న పూడిక, డెబ్రిస్‌ను వెంటనే తొలగించి, ఎక్కడా నీరు నిలిచిపోకుండా చూడాలన్నారు. రిజర్వాయర్లు నిండితే మూసీ ప్రాంత ప్రజలను ముందుగా అలర్ట్ చెయ్యాలనీ, ఎమర్జెన్సీ టీమ్స్‌ని రెడీగా ఉంచాలని సూచించారు.

TG· 2h ago

కోళ్ల ప్రాణాలు తీస్తున్న E.coli

హైదరాబాద్ చుట్టుపక్కల ప్రాంతాల్లో చనిపోతున్న ప్రతీ 5 కోళ్లలో ఒకటి E.coli ఇన్ఫెక్షన్ వల్లే మరణిస్తోందని ఒక స్టడీ తేల్చింది. రాజేంద్రనగర్‌ వెటర్నరీ సైన్స్ కాలేజీ రీసెర్చర్లు 45 పౌల్ట్రీ ఫారాల్లో చనిపోయిన 759 కోళ్లపై పరిశోధనలు జరిపారు. ఈ వ్యాధి వల్ల హార్ట్, లివర్, లంగ్స్ దెబ్బతింటున్నాయని గుర్తించారు. 15 నుంచి 21 రోజుల వయసున్న కోళ్లలో డెత్ రేటు ఎక్కువగా ఉంది. దీనిని అరికట్టడానికి సెఫ్ట్రియాక్సోన్ లాంటి యాంటీబయాటిక్స్ బాగా పనిచేస్తాయనీ, సరైన పద్ధతులతో మరణాలను తగ్గించవచ్చని రీసెర్చర్లు సూచించారు.