అక్కడ అర్ధరాత్రి అయినా.. మందుబాబులకు టెన్షనే

TG: అర్ధరాత్రి డ్రంక్ అండ్ డ్రైవ్ తనిఖీలతో ఖమ్మం జిల్లా ఏన్కూర్ SI సంధ్య తనదైన ముద్ర వేస్తున్నారు. ప్రమాదాల నివారణకు ప్రత్యేక దృష్టి సారించిన ఆమె రాత్రి వేళల్లో వాహనాల తనిఖీలు నిర్వహిస్తున్నారు. మద్యంతాగి వాహనాలు నడిపేవారిపై కఠిన చర్యలు తీసుకుంటూ ప్రమాదాలను అరికట్టేందుకు కృషి చేస్తున్నారు. సహజంగా పురుష SIలు రాత్రి సమయాల్లో చెకింగ్ చేయడంలో అంతగా ఆసక్తి కనబరచకపోయినా, మహిళా పోలీసు అధికారిగా అర్ధరాత్రి విధులు నిర్వర్తిస్తున్న SI సంధ్య సేవలను స్థానికులు, ఉన్నతాధికారులు ప్రశంసిస్తున్నారు.