విమాన ప్రమాదం.. 14 మంది మృతి

By Krishna· 26 Sept 2026

డెమొక్రటిక్ రిపబ్లిక్ ఆఫ్ కాంగోలో శుక్రవారం విమాన ప్రమాదం జరిగి 14 మంది మృతి చెందారు. కిక్విట్ నుంచి రాజధాని కిన్షాసా వైపు వెళ్తున్న ట్రేసెప్ లెట్ ఎల్-410 విమానం టెక్నికల్ ఫాల్ట్ కారణంగా కెంగే ప్రాంతంలో కూలిపోయింది. మృతుల్లో ఆర్మీ కోర్టు హెడ్ లెఫ్టినెంట్ జనరల్ ముటోంబో కటలాయి టియెండే, సాయుధ దళాల ఆడిటర్ జనరల్ లెఫ్టినెంట్ జనరల్ బకుమి లికులియా సహా 12 మంది ప్రతినిధి బృంద సభ్యులు, క్రూవ్ సభ్యులు ఉన్నారు. అందరూ మరణించగా, ప్రమాద కారణాలపై విచారణ ప్రారంభమైంది.

More in International

International· 41m ago

పారిస్ ముస్లిం సిటీ?: Trump

డొనాల్డ్ ట్రంప్ కాంట్రవర్షియల్ కామెంట్స్ చేశారు. ధరల పెరుగుదలకు వ్యతిరేకంగా ఫ్రాన్స్‌లో జరిగే ప్రొటెస్టులు హింసగా మారడానికి కారణం ఇమ్మిగ్రేషనే అన్నారు. “ఇది స్కూళ్ల వల్ల కాదు, ఇమ్మిగ్రేషన్ వల్లే. 'ప్రపంచం నుంచి అందరినీ రానివ్వకు' అని ప్రెసిడెంట్ మాక్రాన్‌తో ఎప్పుడో చెప్పాను" అని ట్రంప్ అన్నారు. “పారిస్ త్వరలోనే ముస్లిం సిటీ అవుతుంది, బోర్డర్లు మూసి, నేరస్థుల్ని తొలగించాలి” అని హెచ్చరించారు. “మైగ్రెంట్లు ఫ్రాన్స్‌ను స్వాధీనం చేసుకున్నారు” అని ట్రూత్ సోషల్‌లో రాశారు.

International· 1h ago

ట్రంప్.. డీప్ డౌన్

అమెరికా ప్రెసిడెంట్‌గా డొనాల్డ్ ట్రంప్‌‌ని 31% మందే ఆమోదిస్తున్నారు. ఇది అత్యంత తక్కువ స్థాయి అని రాయిటర్స్ సర్వే తెలిపింది. నవంబర్ 3న మిడ్ టెర్మ్ ఎన్నికలు జరగబోతున్నాయి. సర్వే ప్రకారం అధికార రిపబ్లికన్ల కంటే.. డెమొక్రాట్లు 12 పాయింట్లు ఆధిక్యంలో ఉన్నారు. వారికి దాదాపు 47 శాతం సపోర్ట్ లభిస్తోంది. అధ్యక్ష ఎన్నికల తర్వాత ఇది వారి అత్యంత ఆధిక్యం. ఇరాన్‌పై దాడులు, పెట్రోల్ ధరలు, నిరుద్యోగం, ఆర్థిక వ్యవస్థపై 68% అసంతృప్తి వంటివి ట్రంప్ గ్రాఫ్ పడిపోయేలా చేస్తున్నాయి.

International· 1h ago

'Kim' బతికే ఉన్నారు

ఉత్తర కొరియా అధ్యక్షుడు కిమ్ జోంగ్ ఉన్, బ్రెయిన్ హెమరేజ్‌తో చనిపోయారని సోషల్ మీడియాలో రూమర్స్ వచ్చాయి. వాటికి చెక్ పెడుతూ ఆ దేశ అఫీషియల్ మీడియా KCNA.. కిమ్ ఫొటోలను రిలీజ్ చేసింది. అమెరికాకు చెందిన చైనా రెబెల్ వాంజున్ జియే.. కిమ్ కోమాలోకి వెళ్లి బీజింగ్‌లో చనిపోయారనీ, వారసత్వ పోరును ఆపేందుకు ప్యాంగ్యాంగ్‌కి చైనా 9,000 మంది సైనికుల్ని పంపిందని అసత్య ప్రచారం చేశారు. తాజాగా కిమ్ తన కూతురు కిమ్ జు-ఏతో కలిసి ఓ గార్మెంట్స్, ఫుట్‌వేర్ ఎగ్జిబిషన్‌ను ఉత్సాహంగా పరిశీలిస్తూ కనిపించారు.

International· 14h ago

గాజాలో 5 లక్షల మందికి ఆహార సాయం నిలిపివేస్తున్న WFP

ఆర్థిక లోటు, నిధుల కొరత కారణంగా గాజా ప్రాంతంలో పాలస్తీనియన్లకు ప్రతినెలా అందిస్తున్న అత్యవసర ఆహార సాయంలో సుమారు 5 లక్షల మందికి ఇకపై నిలిపివేస్తున్నట్లు ఐక్యరాజ్యసమితికి చెందిన ప్రపంచ ఆహార సంస్థ (World Food Programme) ప్రకటించింది. యుద్ధం, అంతర్గత అశాంతితో ఇప్పటికే ఆహార సంక్షోభాన్ని ఎదుర్కొంటున్న గాజా ప్రజలకు ఈ నిర్ణయం భయంకరంగా మారనుంది. గతంలో WFP నెలకు 16 లక్షల మందికి ఆహారం అందిస్తుండగా, ప్రస్తుతం ఆ సాయం పొందేవారి సంఖ్య 11 లక్షలకు పడిపోయింది.