జడ్పీటీసీ పోటీ బాధ్యత కన్నబాబుకు!

By SK.Gani· 3h ago· Gokavaram, Gokavaram, East Godavari

తూర్పు గోదావరి జిల్లా గోకవరం మండల జడ్పీటీసీ అభ్యర్థి ఎంపిక బాధ్యతలను కన్నబాబుకు అప్పగించారు. ఆయన కృష్ణుని పాలెం గ్రామానికి చెందిన సీనియర్ నాయకులు, TDP రాష్ట్ర కార్యదర్శి. గత ఎన్నికల్లో పార్టీ కోసం చేసిన కృషిని గుర్తించి ఈ బాధ్యత కేటాయించినట్లు జగ్గంపేట ఎమ్మెల్యే జ్యోతుల నెహ్రూ తెలిపారు. గత ఎన్నికల్లో YCPకి దీటుగా పోటీ చేసి TDPకి అండగా నిలిచిన కన్నబాబు కృషి చేశారని, ఆయన సేవలు గోకవరం మండల అభివృద్ధికి ఉపయోగపడతాయని పేర్కొన్నారు.

More in Local

Local· 2h ago

దసరా.. ఓ మంచి గెలుపు సందేశం! : Ex minister

చెడుపై మంచి సాధించిన విజయానికి ప్రతీక దసరా అని మాజీ మంత్రి, సూర్యాపేట ఎమ్మెల్యే గుంటకండ్ల జగదీష్ రెడ్డి అన్నారు. అందరిలో చెడు తొలిగి మంచి ఆలోచనలతో ముందుకు సాగాలని పిలుపునిచ్చారు. శమీ పూజ చేసి జమ్మి ఆకును బంగారంగా స్వీకరించే గొప్ప సంస్కృతి మనదేనని తెలిపారు. పాలపిట్ట, జమ్మి చెట్టును రాష్ట్ర చిహ్నాలుగా గుర్తించిన ఘనత కేసీఆర్‌దే అన్నారు. దసరా వేడుకలు ప్రశాంతంగా జరుపుకోవాలని, ఈ విజయదశమి అందరికీ విజయాలు చేకూర్చాలని ఆకాంక్షించారు.

Local· 3h ago

సింగరేణి గనిలో జనసేన దసరా ఉత్సవాలు

పెద్దపల్లి జిల్లా రామగుండంలోని గోదావరిఖని సింగరేణి 11 ఇంక్లైన్ మైన్‌లో అమ్మవారి పూజా కార్యక్రమం జరిగింది. జనసేన రాష్ట్ర ప్రచార కార్యదర్శి ఆర్కే సాగర్ పాల్గొని సింగరేణి కార్మికులకు దసరా శుభాకాంక్షలు తెలిపారు. కార్మికుల సమస్యలు తెలుసుకున్నారు. యువజన విభాగం అడ్ హాక్ కమిటీ సభ్యుడు రావుల మధు, కోఆర్డినేటర్ డాక్టర్ రాజ్ కుమార్, తన్నీరు మధుకర్, రాజేంద్రప్రసాద్, రాజ్ కుమార్, రంజిత్, అశ్విత్, బషీరుద్దీన్, తిరుపతి, లోకేష్ పాల్గొన్నారు.

Local· 3h ago

Dr.జయచంద్ర మోహన్ DMHO గారు ఉద్యోగస్తులకు సంఘీభావం

నారాయణపేటలో NHM ఉద్యోగుల రిలే దీక్షలు సోమవారంతో 7వ రోజుకు చేరాయి. ఉద్యోగులను రెగ్యులరైజ్ చేయాలని డిమాండ్ చేస్తూ దీక్షా స్థలం నుంచి గాంధీజీ, అంబేద్కర్ విగ్రహాల వరకు నిరసన ర్యాలీ నిర్వహించారు. అనంతరం ప్రభుత్వానికి తమ డిమాండ్లను తెలియజేస్తూ వినతిపత్రాలు సమర్పించారు. జిల్లా DMHO డాక్టర్ జయచంద్ర మోహన్ ఉద్యోగులకు సంఘీభావం తెలిపారు. ఈ కార్యక్రమంలో ఉద్యోగ సంఘాల నాయకులు, పలువురు NHM సిబ్బంది పాల్గొని తమ డిమాండ్‌ను ప్రభుత్వం పరిష్కరించాలని కోరారు.

Local· 3h ago

వణువులమ్మ ఆలయంలో దసరా మహోత్సవాలు!

WG జిల్లా ఆకివీడులోని శ్రీ వణువులమ్మ దేవస్థానంలో దసరా నవరాత్రి ఉత్సవాలు వైభవంగా జరిగాయి. భక్తులు పెద్ద సంఖ్యలో పాల్గొని అమ్మవారికి ప్రత్యేక పూజలు చేశారు. ఆనవాయితీ ప్రకారం ఈ ఏడాది కూడా అమ్మవారికి ప్రత్యేక చీర సమర్పించారు. చింత వేణు–చింత నాగ దుర్గ దంపతులు, జల్లా సురేష్–జల్లా నాగలక్ష్మి తదితర దంపతులు భక్తిశ్రద్ధలతో సారె పంపారు.