'ఎన్నికల నియమావళిని ఉల్లంఘిస్తే చర్యలు'

By Bala· 1h ago

చిత్తూరు జిల్లా రామకుప్పం మండలంలో స్థానిక సంస్థల ఎన్నికల నేపథ్యంలో ఎన్నికల ప్రవర్తనా నియమావళిని కచ్చితంగా అమలు చేయనున్నట్లు తహశీల్దార్ కౌలేష్ తెలిపారు. ఈ నెల 21 నుంచి 23వరకు నామినేషన్ల పరిశీలన, 24న నామినేషన్ల ఉపసంహరణ, 27న తుది జాబితా ప్రకటన ఉంటుందని పేర్కొన్నారు. ఎన్నికల ప్రచారంలో నిబంధనలు పాటించాలని, ఓటర్లను ప్రలోభపెట్టే చర్యలకు పాల్పడితే కఠిన చర్యలు తప్పవన్నారు.

More in Local

Local· 22m ago

కొండారెడ్డిపల్లికి సీఎం రాక.. దసరా పూజలు

నాగర్‌కర్నూల్ జిల్లా వంగూరు మండలం కొండారెడ్డిపల్లి గ్రామానికి ముఖ్యమంత్రి దసరా పండుగ సందర్భంగా రానున్నారు. మధ్యాహ్నం 12 గంటలకు హెలికాప్టర్‌లో చేరుకుంటారు. గ్రామంలోని ఆంజనేయ స్వామి దేవాలయంలో దర్శించుకుంటారు. అనంతరం స్వగృహంలో భోజనం, విరామం తీసుకుంటారు. తర్వాత అధికారులు, గ్రామ ప్రజలతో సమావేశమవుతారు. సాయంత్రం మైసమ్మ గుడి దగ్గర జమ్మి చెట్టుకు ప్రత్యేక పూజలు చేస్తారు.

Local· 23m ago

ఎన్నికల వేళ అప్రమత్తమైన పోలీసులు

కాకినాడ జిల్లా ఏలేశ్వరం పట్టణంలో మున్సిపల్ ఎన్నికల సమయంలో శాంతిభద్రతల పరిరక్షణకు పోలీసులు కవాతు నిర్వహించారు. ఎస్పీ బిందు మాధవ్ ఆదేశాల మేరకు సీఐ బి. సూర్య అప్పారావు, ఎస్సై రామలింగేశ్వరరావు ఆధ్వర్యంలో వజ్ర వాహనాలతో ప్రధాన వీధుల్లో కవాతు చేపట్టారు. ఎన్నికలు ప్రశాంతంగా జరిగేలా ముందస్తు చర్యల్లో భాగంగా ఈ కార్యక్రమం నిర్వహించినట్లు తెలిపారు.

Local· 29m ago

తాండూరు మున్సిపాలిటీలో విజయదశమి వేడుకలు

వికారాబాద్ జిల్లా తాండూరు మున్సిపల్ కార్యాలయంలో నిన్న విజయదశమి వేడుకలు ఘనంగా నిర్వహించారు. చైర్‌పర్సన్ పట్లోళ్ల నీరజా బాల్‌రెడ్డి జేసీబీ, ఆటోలు, ఇతర యంత్రాలకు ప్రత్యేక పూజలు చేశారు. చెడుపై మంచి సాధించిన విజయానికి దసరా ప్రతీక అని పేర్కొంటూ పట్టణ ప్రజలకు శుభాకాంక్షలు తెలిపారు. ఎమ్మెల్యే బుయ్యని మనోహర్‌రెడ్డి సహకారంతో తాండూరు అభివృద్ధికి కృషి చేస్తున్నామని చెప్పారు. కార్యక్రమంలో అధికారులు, సిబ్బంది పాల్గొన్నారు.

Local· 39m ago

మున్సిపల్ ఎన్నికల కౌంటింగ్ కేంద్రం మార్పు

గుంటూరు జిల్లా తెనాలి మున్సిపల్ ఎన్నికల కౌంటింగ్ కేంద్రాన్ని జేఎంజే కళాశాల నుంచి వీఎస్సార్ అండ్ ఎన్వీఆర్ కళాశాలకు మార్పు చేశారు. సోమవారం జేఎంజే కళాశాలను జిల్లా కలెక్టర్ సాయికాంత్ వర్మ పరిశీలించి ఇరుకుగా ఉన్నందున మార్పు చేయాలని ఇచ్చిన ఆదేశాల మేరకు ఈ నిర్ణయం తీసుకున్నారు. ఈనెల 30న ఉదయం 8 గంటలకు కౌంటింగ్ ప్రారంభమవుతుందని మున్సిపల్ కమిషనర్ రామ అప్పలనాయుడు తెలిపారు.