తాండూరు మున్సిపాలిటీలో విజయదశమి వేడుకలు

By Naresh Kumar· 1h ago· Vikarabad

వికారాబాద్ జిల్లా తాండూరు మున్సిపల్ కార్యాలయంలో నిన్న విజయదశమి వేడుకలు ఘనంగా నిర్వహించారు. చైర్‌పర్సన్ పట్లోళ్ల నీరజా బాల్‌రెడ్డి జేసీబీ, ఆటోలు, ఇతర యంత్రాలకు ప్రత్యేక పూజలు చేశారు. చెడుపై మంచి సాధించిన విజయానికి దసరా ప్రతీక అని పేర్కొంటూ పట్టణ ప్రజలకు శుభాకాంక్షలు తెలిపారు. ఎమ్మెల్యే బుయ్యని మనోహర్‌రెడ్డి సహకారంతో తాండూరు అభివృద్ధికి కృషి చేస్తున్నామని చెప్పారు. కార్యక్రమంలో అధికారులు, సిబ్బంది పాల్గొన్నారు.

More in Local

Local· 1m ago

విజయదశమి శుభాకాంక్షలు తెలిపిన ఎస్పీ

చిత్తూరు జిల్లా ప్రజలు, మీడియా ప్రతినిధులు, పోలీసు సిబ్బంది, వారి కుటుంబ సభ్యులకు జిల్లా ఎస్పీ తుషార్ డూడి ఐపీఎస్ విజయదశమి శుభాకాంక్షలు తెలిపారు. చెడుపై మంచి సాధించిన విజయానికి దసరా ప్రతీక అని పేర్కొన్నారు. ప్రతి ఒక్కరూ పండుగను ఆనందంగా, సురక్షితంగా జరుపుకోవాలని ఆకాంక్షించారు. పండుగ వేళ ప్రజలందరికీ సంతోషం, శాంతి కలగాలని కోరారు.

Local· 13m ago

రోడ్డు ప్రమాదం.. మహిళ దుర్మరణం

తిరుపతి జిల్లా దొరవారిసత్రం మండలం నేలబల్లి హైవే వద్ద మంగళవారం ఉదయం ప్రమాదం జరిగింది. విజయదశమికి గుడికి వెళ్లి వస్తుండగా వర్షం కారణంగా బైక్ అదుపుతప్పి కిందపడటంతో వెనుక వస్తున్న వాహనం తగిలి ఒక మహిళ అక్కడికక్కడే మృతి చెందారు. ఆమెతో పాటు ఉన్న భర్త, కుమారుడికి స్వల్ప గాయాలయ్యాయి. పోలీసులు ఘటనా స్థలానికి చేరుకుని క్షతగాత్రులను 108 ద్వారా ప్రభుత్వాసుపత్రికి తరలించారు.

Local· 22m ago

ఓటు హక్కు వినియోగించేందుకు ఏర్పాట్లు'

పార్వతీపురం మన్యం జిల్లాలో రానున్న స్థానిక సంస్థల ఎన్నికల నేపథ్యంలో కలెక్టర్, ఎన్నికల అధికారి డా. ప్రభాకర రెడ్డి ఆదేశాలమేరకు ఓటర్లకు ఎలాంటి అసౌకర్యం కలగకుండా పోలింగ్ కేంద్రాల వద్ద విస్తృత ఏర్పాట్లు చేపడుతున్నట్లు మున్సిపల్ కమిషనర్ తెలిపారు. వికలాంగులు,వయోవృద్ధులు తమ ఓటు హక్కు సులబంగా వినియోగించుకునేలా మెట్ల స్థానంలో పోలింగ్ కేంద్రాల వద్ద ర్యాంపు ఏర్పాట్లు చేస్తున్నామన్నారు.

Local· 33m ago

చౌడేశ్వరి దేవి ఆలయంలో ప్రత్యేక పూజలు

నంద్యాల జిల్లా బనగానపల్లె మండలం నందవరం చౌడేశ్వరి దేవి అమ్మవారి ఆలయంలో మంగళవారం భక్తులు ప్రత్యేక పూజలను ఘనంగా నిర్వహించారు. ఉదయం నుంచి అమ్మవారికి అభిషేకాలు, కుంకుమార్చన ఇంకా అనేక పూజలను చేశారు. అనంతరం ఆలయానికి వచ్చిన భక్తులకు అర్చకులు తీర్థప్రసాదాలను అందజేశారు. ఈ కార్యక్రమంలో ఆలయ అర్చకులు భక్తులు పాల్గొన్నారు.