హైదరాబాద్‌లో ఫ్రెండ్స్ కావాలా? ఈ కమ్యూనిటీ మీకోసమే!

By Lokesh· 1h ago

హైదరాబాద్‌లో మహిళలు లేదా సిటీకి కొత్తగా వచ్చే లేడీస్.. ఇతర మహిళలతో ఫ్రెండ్షిప్ చేసేందుకు City Girls Walk Hyderabad అనే కమ్యూనిటీ ఉంది. తమిళనాడుకు చెందిన SM సంభవి దీన్ని ప్రారంభించారు. దీని ద్వారా KBR పార్క్, బొటానికల్ గార్డెన్, దుర్గం చెరువు, గండిపేట వంటి చోట్ల మహిళలు కలిసి వాకింగ్ చేస్తూ కెరీర్, షాపింగ్, సిటీ లైఫ్, ఫుడ్ గురించి మాట్లాడుకుంటున్నారు. కొత్త పరిచయాలు, మంచి ఫ్రెండ్షిప్‌ పెంచుకోవడమే ఈ గ్రూప్‌ ఉద్దేశం.

More in TG

▶

TG· 15m ago

ముగిసిన ఖైరతాబాద్ బడా గణేష్ నిమజ్జనం

TG: ఖైరతాబాద్ మహా గణేష్ నిమజ్జనం ఘనంగా జరిగింది. పంచముఖ సంకట హర మహా గణపయ్యకు ట్యాంక్‌బండ్ క్రేన్ నంబర్-4 వద్ద నిమజ్జనం పూర్తైంది. నిమజ్జనానికి ముందు గణనాథుడికి ప్రత్యేక పూజలు చేశారు. బడా గణేశుడిని చివరిసారిగా చూసేందుకు భక్తులు భారీగా వచ్చారు. దీంతో ట్యాంక్‌బండ్ ఏరియా మొత్తం భక్తులతో నిండిపోయింది. సెక్రటేరియట్ సౌత్ ఈస్ట్ మార్గంలో భక్తుల రద్దీ మరింత పెరిగింది. భారీగా వచ్చిన భక్తుల కోసం పోలీసులు భారీ సెక్యూరిటీ ఏర్పాటు చేశారు.

TG· 21m ago

కరెంట్ షాక్‌తో తొమ్మిది నెలల బాబు మృతి

TG : ఖమ్మం జిల్లా చిన్నమునగాల గ్రామంలో నిన్న సాయంత్రం విషాదం జరిగింది. ఇల్లెందుల రమేష్ - మమత దంపతుల తొమ్మిది నెలల కొడుకు ఇంటి బయట ఆడుకుంటూ వెళ్లాడు. వర్షం కారణంగా ఎర్తింగ్ పైపు స్టీల్ మూతకు కరెంట్ షాక్ వస్తుండటంతో, దాన్ని పట్టుకున్న పసివాడు అక్కడికక్కడే పడిపోయాడు. వెంటనే ఆస్పత్రికి తీసుకెళ్లిన అప్పటికే చనిపోయినట్లు డాక్టర్లు తెలిపారు. వర్షాకాలంలో ప్రతీ ఒక్కరూ తమ ఇళ్లలో ఎర్తింగ్, వైరింగ్ జాగ్రత్తగా చూసుకోవాలని ఈ సంఘటన హెచ్చరిస్తోంది.

▶

TG· 27m ago

మతాలకు అతీతంగా.... లడ్డూ వేలం

TG: మహబూబాబాద్ జిల్లా తొర్రూరులో మతసామరస్యం వెల్లివిరిసింది. టీచర్స్ కాలనీలో నిర్వహించిన గణపతి లడ్డూ వేలంలో ముస్లిం దంపతులు పాల్గొన్నారు. 85,316 రూపాయలకు హుస్సేన్ లడ్డూను దక్కించుకున్నారు. అనారోగ్యంతో బాధపడుతున్న తన భార్య బేగం త్వరగా కోలుకోవాలని కోరుకుంటూ లడ్డూను సొంతం చేసుకున్నట్లు హుస్సేన్ తెలిపారు.

TG· 1h ago

బడ్జెట్‌లో 18 శాతం నిధులు కేటాయించాలి: ఆకునూరి మురళి

TG: తెలంగాణ రాష్ట్ర బడ్జెట్‌లో విద్య రంగానికి కనీసం 18 శాతం నిధులు కేటాయించాలని విద్యా కమిషన్ మాజీ చైర్మన్, TPF నాయకుడు ఆకునూరి మురళి డిమాండ్ చేశారు. రాత్రి సిద్దిపేట జిల్లా జగదేవపూర్ మండలం తిమ్మాపూర్‌లో నిర్వహించిన బడి నిద్ర కార్యక్రమంలో ఆయన పాల్గొన్నారు. రాష్ట్రంలోని అన్ని ప్రభుత్వ పాఠశాలలను ఆరుట్లలోని తెలంగాణ పబ్లిక్ స్కూల్ తరహాలో అభివృద్ధి చేయాల్సిన అవసరం ఉందని అన్నారు. విద్యా వ్యవస్థ బలపడితే సమాజంలో మార్పు తీసుకురావచ్చని అన్నారు.