సబ్‌స్టేషన్‌ వద్ద BJP కిసాన్ మోర్చా ధర్నా

By Ramesh Ch· 1h ago· Narsampet (Ct), Narsampet, Warangal

విద్యుత్ కోతలతో పంటలు ఎండిపోతున్నాయని ఆరోపిస్తూ BJP కిసాన్ మోర్చా నాయకులు ఇవాళ ఖమ్మం హైవేపై తిమ్మాపురం సబ్‌స్టేషన్‌ వద్ద ధర్నా నిర్వహించారు. రైతులకు నిరంతరాయ విద్యుత్ సరఫరా చేయాలని, ఫసల్ బీమా యోజన అమలు చేయాలని డిమాండ్ చేశారు. ఈ సందర్భంగా పోలీసులకు, BJP నాయకులకు మధ్య వాగ్వాదం జరగడంతో ఉద్రిక్తత నెలకొంది. డిమాండ్లు నెరవేర్చకపోతే రాష్ట్రవ్యాప్తంగా ఆందోళనలు ఉధృతం చేస్తామని నాయకులు హెచ్చరించారు.

More in Local

▶

Local· 9m ago

నాగర్‌కర్నూల్ జిల్లాలో బంగారు బతుకమ్మ

నాగర్‌కర్నూల్ జిల్లా కల్వకుర్తిలోని సావిత్రిబాయి పూలే ఒకేషనల్ జూనియర్ కళాశాలలో శుక్రవారం బతుకమ్మ వేడుకలు ఘనంగా నిర్వహించారు. విద్యార్థినులు రంగురంగుల పూలతో బతుకమ్మలను పేర్చి ఆటపాటలతో సందడి చేశారు. బతుకమ్మ మహిళల ఐక్యతకు, ప్రకృతి ఆరాధనకు ప్రతీక అని నిర్వాహకులు తెలిపారు. జీవితంలో ఎదురయ్యే కష్టసుఖాలను ధైర్యంగా ఎదుర్కోవాలని సూచించారు. కార్యక్రమంలో కళాశాల నిర్వాహకులు రాజేందర్, అధ్యాపకులు, విద్యార్థులు పాల్గొన్నారు.

Local· 15m ago

హామీలు నెరవేర్చే వరకు పోరాటం: CPM

నంద్యాల బొగ్గులైన్‌లో నివసిస్తున్న ప్రతి కుటుంబానికి రెండు సెంట్ల స్థలం కేటాయించి, ఇళ్లు నిర్మించి మౌలిక వసతులు కల్పించాలని డిమాండ్ చేస్తూ CPM ఆధ్వర్యంలో భారీ ర్యాలీ, ధర్నా నిర్వహించారు. అనంతరం తహసీల్దార్ శ్రీనివాసులుకు వినతిపత్రం అందజేశారు. స్థానిక ఎన్నికల నేపథ్యంలో కొందరికే ఇంటి పట్టాలు ఇచ్చి నిజమైన లబ్ధిదారులకు అన్యాయం చేస్తున్నారని నాయకులు ఆరోపించారు.

Local· 30m ago

కల్లేపల్లిలో VB G RAM G గ్రామసభ.. అభివృద్ధికి ప్రాధాన్యం!

సిద్దిపేట జిల్లా బెజ్జంకి మండలం కల్లేపల్లి గ్రామ పంచాయతీ కార్యాలయంలో గురువారం VB G RAM G గ్రామసభ జరిగింది. సర్పంచ్ బిగుల్లా మోహన్ అధ్యక్షతన ఈ సమావేశం నిర్వహించారు. గత ఆరు నెలల్లో చేపట్టిన ఉపాధి హామీ పనులపై సోషల్ ఆడిట్ నిర్వహించారు. పెండింగ్‌లో ఉన్న కూలీ డబ్బులను రెండు రోజుల్లో పరిష్కరిస్తామని సర్పంచ్ హామీ ఇచ్చారు. ఈ సమావేశంలో ఉపసర్పంచ్ వినీత్ గౌడ్, ఆడిట్ అధికారులు, పంచాయతీ కార్యదర్శి ఆకుల రాకేష్, వార్డు సభ్యులు, సిబ్బంది, ప్రజలు పాల్గొన్నారు.

Local· 32m ago

విద్యుత్ షాక్.. రైలింగ్ కార్మికుడు మృతి!

ఖమ్మం జిల్లాలోని నేలకొండపల్లి మండలం కొత్తకొత్తూరు గ్రామంలోని ఎస్ఎఫ్ఐ స్కూల్‌లో రైలింగ్ పనులు జరుగుతున్నాయి. రాజస్థాన్‌కు చెందిన సునీల్ అనే కార్మికుడు స్టీల్ రైలింగ్ చేస్తుండగా, రైలింగ్ పైపు కరెంట్ తీగలకు తగిలింది. విద్యుత్ షాక్‌కు గురై సునీల్ స్పృహ కోల్పోయాడు. పాఠశాల యాజమాన్యం, తోటి కార్మికులు వెంటనే ఆసుపత్రికి తరలించారు. వైద్యులు సీపీఆర్ చేసి ప్రాణాలు కాపాడేందుకు ప్రయత్నించినా ఫలితం లేకపోయింది. పోలీసులు కేసు నమోదు చేసి దర్యాప్తు చేస్తున్నారు.