నాగర్‌కర్నూల్ జిల్లాలో బంగారు బతుకమ్మ

By శ్రీనివాస్ నాగర్ కర్నూల్· 1h ago· Kalwakurthy (Ct), Kalwakurthy, Nagarkurnool

నాగర్‌కర్నూల్ జిల్లా కల్వకుర్తిలోని సావిత్రిబాయి పూలే ఒకేషనల్ జూనియర్ కళాశాలలో శుక్రవారం బతుకమ్మ వేడుకలు ఘనంగా నిర్వహించారు. విద్యార్థినులు రంగురంగుల పూలతో బతుకమ్మలను పేర్చి ఆటపాటలతో సందడి చేశారు. బతుకమ్మ మహిళల ఐక్యతకు, ప్రకృతి ఆరాధనకు ప్రతీక అని నిర్వాహకులు తెలిపారు. జీవితంలో ఎదురయ్యే కష్టసుఖాలను ధైర్యంగా ఎదుర్కోవాలని సూచించారు. కార్యక్రమంలో కళాశాల నిర్వాహకులు రాజేందర్, అధ్యాపకులు, విద్యార్థులు పాల్గొన్నారు.

More in Local

Local· 6m ago

కావలి రూరల్‌లో వైఎస్సార్‌సీపీ కార్యక్రమం

నెల్లూరు జిల్లా కావలి రూరల్ మండలం తుమ్మలపెంట పంచాయతీలో YSRCP ఐడీ కార్డుల పంపిణీ కార్యక్రమం నిర్వహించారు. మండల కన్వీనర్ వాయుల తిరుపతి ఆధ్వర్యంలో జరిగిన ఈ కార్యక్రమంలో ఏఎంసీ మాజీ చైర్మన్ సన్నిబోయిన ప్రసాద్ యాదవ్, కావలి పట్టణ అధ్యక్షుడు కేతిరెడ్డి శివకుమార్ రెడ్డి, నాయకులు కనుమర్లపూడి నారాయణ, గంధం ప్రసన్నాంజనేయులు, కుందుర్తి శ్రీనివాసులు, మాజీ వైస్ చైర్మన్ వెంకటేశ్వర్లు తదితరులు పాల్గొన్నారు.

Local· 10m ago

గ్రామస్తుల తాగునీటి కష్టాలకు త్వరలో చెక్‌!

నెల్లూరు జిల్లా వాకాడు మండలం కోడివాక గ్రామంలో తాగునీటి సమస్య పరిష్కారానికి ₹.10 లక్షలతో 2.2 కిలోమీటర్ల పైప్‌లైన్ పనులు ప్రారంభించారు. TDP నాయకుడు దువ్వూరు జనార్దన్ రెడ్డి చొరవతో, గూడూరు MLA పాశం సునీల్ కుమార్ సహకారంతో పీఎం ఏజీవై నిధులతో పనులు చేపట్టారు. పనులు పూర్తయితే గ్రామస్తులకు తాగునీటి ఇబ్బందులు తొలగుతాయని జనార్దన్ రెడ్డి తెలిపారు. ఈ సందర్భంగా MLA, TDP నాయకుడికి గ్రామస్థులు కృతజ్ఞతలు తెలిపారు.

Local· 12m ago

చెస్ అకాడమీకి ప్రభుత్వ సహకారం.. హంపి విజ్ఞప్తి!

గుంటూరు జిల్లా ఉండవల్లిలో మంత్రి నారా లోకేష్ను ప్రముఖ చదరంగ క్రీడాకారిణి కోనేరు హంపి కలిశారు. శుక్రవారం తండ్రి అశోక్తో కలిసి ఆయన నివాసంలో భేటీ అయ్యారు. అమరావతిలో చెస్ అకాడమీ ఏర్పాటుకు సహకరించాలని కోరారు. చెస్ ఒలింపియాడ్–2026లో మహిళల విభాగంలో భారత జట్టు, వ్యక్తిగత విభాగంలో హంపి కాంస్య పతకాలు సాధించారు. ఈ విజయాలపై లోకేష్ హంపిని అభినందించారు. అకాడమీ ఏర్పాటుకు ప్రభుత్వం తరఫున సహాయ సహకారాలు అందిస్తామని హామీ ఇచ్చారు.

Local· 14m ago

అర్హులైన మహిళలకు ఉద్యోగ అవకాశం

వికారాబాద్ జిల్లాలో అంగన్‌వాడీ కేంద్రాల్లో ఖాళీగా ఉన్న 264 పోస్టుల భర్తీకి దరఖాస్తులు ఆహ్వానిస్తున్నట్లు కలెక్టర్ దీపక్ తివారి తెలిపారు. ఇందులో 102 టీచర్, 162 ఆయా పోస్టులు ఉన్నాయి. అర్హులైన మహిళలు అక్టోబర్ 24 సాయంత్రం 5 గంటల్లోగా https://wdcw.tg.nic.in వెబ్‌సైట్‌లో దరఖాస్తు చేసుకోవాలి. ధ్రువీకరించిన పత్రాలను అక్టోబర్ 26 నుంచి నవంబర్ 1 వరకు సంబంధిత ఐసీడీఎస్ కార్యాలయాల్లో అందజేయాలి.