అంగన్‌వాడీ సెంటర్‌లో Food Poison

By Vishi· 1d ago

TG: ఖమ్మం జిల్లా సత్తుపల్లి మండలం కిష్టారం అంగన్‌వాడీ సెంటర్‌లో Food Poison జరిగింది. పప్పుకూరలో విషపూరిత గన్నేరు ఆకులు కలిశాయి. వాటిని తిన్న చిన్నారులు, గర్భిణులకు ఒక్కసారిగా అస్వస్థతకు గురయ్యారు. తల్లిదండ్రులు వాళ్లను మొదట సత్తుపల్లి ఆసుపత్రికి తీసుకెళ్లగా, ఆ తర్వాత పరిస్థితి విషమించడంతో ఖమ్మం ప్రభుత్వ ఆసుపత్రికి తరలించారు. ముగ్గురు చిన్నారులు, ఇద్దరు గర్భిణుల పరిస్థితి విషమంగా ఉందని డాక్టర్లు తెలిపారు.

More in TG

TG· 27m ago

కాంగ్రెస్ పాలనలో ప్రజలు విసిగిపోయారు: తలసాని

TG: ప్రజాపాలన పేరుతో కాంగ్రెస్ ప్రభుత్వం రాష్ట్రాన్ని దోపిడీ చేస్తోందని మాజీ మంత్రి తలసాని శ్రీనివాస్ యాదవ్ విమర్శించారు. జనగామ జిల్లా కేంద్రంలోని ఎమ్మెల్యే క్యాంప్ కార్యాలయంలో ఎమ్మెల్యే పల్లా రాజేశ్వర్ రెడ్డితో కలిసి మీడియా సమావేశంలో మాట్లాడారు. కాంగ్రెస్ ఇచ్చిన హామీలను వెయ్యి రోజులు గడిచినా అమలు చేయలేదని ఆరోపించారు. KCR హయాంలో విద్యుత్, సాగునీటి రంగాల్లో తెలంగాణ అభివృద్ధి సాధించిందన్నారు. కాంగ్రెస్ పాలనలో విద్యుత్, నీటి సమస్యలు ఎందుకు వచ్చాయో చెప్పాలని డిమాండ్ చేశారు.

TG· 48m ago

మహిళల ఆర్థిక స్వేచ్ఛే ప్రభుత్వ లక్ష్యం: సీతక్క

TG: మహిళలు ఆర్థికంగా స్వావలంబన సాధించి కోటీశ్వరులుగా ఎదగడమే ఇందిరమ్మ ప్రభుత్వ లక్ష్యమని మంత్రి సీతక్క అన్నారు. ఖమ్మం జిల్లా సత్తుపల్లిలో నిర్వహించిన ఇందిర మహిళాశక్తి సదస్సులో మంత్రి పాల్గొని మహిళలకు ఇందిరమ్మ చీరలు పంపిణీ చేశారు. సీఎం రేవంత్ రెడ్డి మహిళల ఆర్థిక స్వేచ్ఛకు ప్రాధాన్యత ఇస్తున్నారని తెలిపారు. మహిళలు తమకు నచ్చిన వ్యాపారాలు ప్రారంభించి స్వయం ఉపాధి పొందాలని సూచించారు. సత్తుపల్లి నియోజకవర్గ అభివృద్ధికి గత రెండున్నరేళ్లలో సుమారు రూ.300 కోట్ల నిధులు కేటాయించామని తెలిపారు.

TG· 2h ago

సురేఖను బర్తరఫ్ చేయడం కరెక్ట్ కాదు: డీకే అరుణ

TG: బీజేపీ MP డీ.కే అరుణ.. కొండా సురేఖను బర్తరఫ్ చేయడంపై రియాక్ట్ అయ్యారు. సురేఖను తొలగించడం బాధాకరమని అన్నారు. కూతురు ఏదో మాట్లాడితే సురేఖపై యాక్షన్ తీసుకోవడం కరెక్ట్ కాదన్నారు. 2009లో YS రాజశేఖర్ రెడ్డి CMగా ఉన్న టైమ్‌లో సురేఖతో కలిసి తాను కూడా పనిచేశానని చెప్పారు. రాజకీయాల్లో ఎన్నో కష్టాలు ఎదుర్కొని ఎదిగిన బీసీ మహిళా నాయకురాలిని ఇలా బర్తరఫ్ చేయడం సరికాదని డీ.కే అరుణ మీడియాతో అన్నారు.

TG· 4h ago

కర్రెగుట్టల్లో IED బ్లాస్ట్.. గిరిజనుడు మృతి

TG: ములుగు జిల్లా కర్రెగుట్టల్లో మావోయిస్టులు పెట్టినట్లు అనుమానిస్తున్న IED (ప్రెషర్ బాంబు) పేలడంతో ఓ గిరిజనుడు మృతి చెందాడు. నూగూరు గ్రామానికి చెందిన నాగేశ్వరరావు మరో ఐదుగురితో కలిసి వెదురుబొంగుల కోసం అడవికి వెళ్లారు. తిరిగి వస్తుండగా IEDపై కాలు పడటంతో బ్లాస్ట్ జరిగింది. గాయపడిన నాగేశ్వరరావును తోటి వారు గ్రామానికి తీసుకెళ్తుండగా దారి మధ్యలోనే చనిపోయారు. సెప్టెంబర్ 2న ఈ ఇన్సిడెంట్ జరిగినట్లు పోలీసులు తెలిపారు. ఘటనపై పోలీసులు ఇన్వెస్టిగేషన్ చేస్తున్నారు.