జగన్‌కు పరామర్శించడానికి కూడా తీరిక లేదా?

By డీకే· 23 Jun 2026· Samayam

AP: మాజీ మంత్రి ముద్రగడ పద్మనాభం కొద్దిరోజులుగా హైదరాబాద్‌లోని ఓ ప్రైవేట్ ఆస్పత్రిలో చికిత్స పొందుతున్నారు. ముద్రగడ పద్మనాభం ఆరోగ్యంపై ఆయన కుమార్తె క్రాంతి స్పందించారు. ఆయన వెంటిలేటర్‌పై ఉన్నారని చెప్పారు. YS జగన్ YSR CPలో రౌడీలకు, గంజాయ్ బ్యాచ్‌లకు ఇచ్చిన విలువ.. జగన్ కోసం తన పేరును సైతం మార్చుకున్న తన తండ్రికి ఇవ్వకపోవడం బాధాకరం అన్నారు. గత 10 రోజులుగా తన తండ్రి ముద్రగడ పద్మనాభం వెంటిలేటర్‌పై ప్రాణాలతో పోరాడుతుంటే.. కనీసం పరామర్శించడానికి కూడా జగన్‌కు తీరిక లేదా? అంటూ ప్రశ్నించారు.

More in Politics

Politics· 12h ago

అమరావతి భూముల్లో అక్రమాలు: JAC

AP: అమరావతి గ్రామ కంఠం, అసైన్డ్, ఎండోమెంట్, లంక భూములలో అక్రమాలు జరిగాయని అమరావతి పరిరక్షణ సమితి JAC తెలిపింది. ఈ విషయంలో మొదటి నుంచీ రైతులే నష్టపోతున్నారని చెప్పింది. డబ్బులు, బంగారం ఇచ్చిన వారికి అనుకూలంగా నిర్ణయాలు తీసుకున్నారని రైతులు విమర్శించారు. మంత్రి నారాయణ రైతుల సమస్యలు పట్టించుకోవడం లేదని, ఆయనపై వెంటనే సిట్ విచారణ జరిపించాలని డిమాండ్ చేశారు. గ్రామ కంఠాల సమస్యపై CM చంద్రబాబు రైతులకు న్యాయం చేయాలని కోరారు.

Politics· 21h ago

6 రోజులు వర్షాలు.. మరో అల్పపీడనం

తూర్పు బంగాళాఖాతంలో ఈ నెలాఖరున మరో అల్పపీడనం ఏర్పడే ఛాన్స్ ఉంది అని యూరప్ వాతావరణ సంస్థ చెబుతోంది. సెప్టెంబర్ 26 నుంచి అక్టోబర్ 1 వరకూ ఏపీ, తెలంగాణలో అక్కడక్కడా లైట్ రెయిన్ పడుతుంది అని IMD చెప్పింది. తెలంగాణలో సెప్టెంబర్ 26న, APలో 26 నుంచి 29 వరకూ అక్కడక్కడా ఉరుములు, మెరుపులు, పిడుగులు పడతాయని తెలిపింది. ఒక వారం పాటూ రెండు రాష్ట్రాల్లో గాలి వేగం గంటకు 40 నుంచి 50 కిలోమీటర్లుగా ఉంటుందని అంచనా వేసింది.

Politics· 23h ago

ప్రభుత్వం నుంచి సాయం అందేలా చేస్తా: తహసీల్దార్

అల్లూరి సీతారామరాజు జిల్లా అరకు మండలం కరసాలుగూడలో భారీ వర్షాలకు పూజారి గోపికి చెందిన ఇల్లు పూర్తిగా కూలిపోయింది. విషయం తెలుసుకున్న తహసీల్దార్ శ్రీధర్ రాజు ఘటనాస్థలాన్ని పరిశీలించారు. బాధిత కుటుంబసభ్యులతో మాట్లాడి ఇల్లు కూలిన వివరాలను తెలుసుకున్నారు. ఈ ఘటనను ప్రభుత్వం దృష్టికి తీసుకెళ్లి బాధిత కుటుంబానికి నష్టపరిహారం అందేలా కృషి చేస్తానని హామీ ఇచ్చారు. ఎడతెరిపి లేకుండా కురుస్తున్న వర్షాల నేపథ్యంలో పాడుబడ్డ ఇళ్లలో ఎవరూ ఉండకూడదని సూచించారు.

▶

Politics· 1d ago

"పిక్చర్ అబీ బాకీ హై".. రాహుల్ గాంధీ

కాంగ్రెస్ నేత రాహుల్ గాంధీ మరోసారి CEC జ్ఞానేష్ కుమార్‌కి స్ట్రైట్ వార్నింగ్ ఇచ్చారు. "ప్రధాన ఎన్నికల కమీషనర్ ఒక విషయం స్పష్టంగా అర్థం చేసుకోండి. భారత యూత్ మిమ్మల్ని ఎక్స్‌పోజ్ చేస్తారు. ఓటు చోరీ జరగనివ్వరు. మిమ్మల్ని వదలరు. ఏం జరుగుతుందో చూద్దురుగాని" అని వార్నింగ్ ఇచ్చారు. జ్ఞానేష్ కుమార్‌ రిజైన్ చెయ్యాలంటూ.. దేశవ్యాప్తంగా ఆందోళనలకు కాంగ్రెస్ పిలుపిచ్చింది. రాష్ట్రాల్లో యూత్ కాంగ్రెస్ క్యాడర్ పెద్ద సంఖ్యలో ఈ ఆందోళనల్లో పాల్గొంటున్నారు.