అవును ఇది రోడ్డే.. కంకర వేసి రోడ్డు మరిచారు

TG: నాగర్‌కర్నూల్ జిల్లా బల్మూరు మండలం తోడేళ్లగడ్డ గ్రామంలో కంకర వేసి రోడ్డు వేయడం మరిచారు. గతంలో ఉన్న మట్టి రోడ్డుపైనే కేవలం కంకర పరిచి అధికారులు చేతులు దులుపుకోవడంతో గ్రామస్తులు ఆగ్రహం వ్యక్తం చేస్తున్నారు. పూర్తిస్థాయి బీటీ రోడ్డు వేయకుండా నిర్లక్ష్యం చేయడంతో చిన్నపాటి వర్షానికే కంకర కొట్టుకుపోయి రోడ్డు గుంతలు, బురదమయంగా మారుతోంది. ఈ గుంతల రోడ్డుపై అత్యవసర సమయాల్లో అంబులెన్స్‌లు, ఇతర వాహనాలు విలేజ్‌లోకి రాలేని దుస్థితి ఏర్పడింది.