BIG TV చీఫ్ ఎడిటర్ సంచలన నిర్ణయం

By Krishna· 3h ago· X

BIG TV చీఫ్ ఎడిటర్ అశోక్ అశోక్ వేములపల్లి.. ఆ బాధ్యతల నుంచి తప్పుకున్నారు. అందుకు కారణం ఏమై ఉంటుంది అనే దానిపై చర్చ మొదలైంది. ఐతే.. "నా రాజీనామా వెనుక ఎలాంటి వివాదాలూ లేవు. ఇది కేవలం నా వ్యక్తిగత కారణాలతో తీసుకున్న నిర్ణయం మాత్రమే" అని ఆయన X పోస్టులో తెలిపారు. "ఇకపై మళ్లీ మరో ఛానెల్‌లో చేరడమా? లేక నాదైన దారిలో సొంతంగా ఏదైనా అడుగు వేయడమా? అనే స్పష్టత కూడా ప్రస్తుతానికి నా దగ్గర లేదు" అని ఆయన తన పోస్టులో తెలిపారు. ఐతే.. రాజీనామా వెనక రాజకీయ ఒత్తిళ్లేమైనా ఉన్నాయా అనే ప్రశ్నలు వస్తున్నాయి.

More in Current Affairs

Current Affairs· just now

చేపలు, మాంసం తింటాం..మీకెందుకు?: BJP చీఫ్

దుర్గాపూజ సమయంలో బెంగాలీలు నాన్‌వెజ్ తినొద్దన్న బాగేశ్వర్ బాబా కామెంట్స్‌పై రాష్ట్ర BJP చీఫ్ సమిక్ భట్టాచార్య రియాక్ట్ అయ్యారు. బెంగాలీల ఫుడ్ అలవాట్లను బయట నుంచి ఎవరూ నిర్ణయించలేరని ఆయన చెప్పారు. అష్టమి రోజు లూచీ, నవమి రోజు మటన్ తినడం బెంగాలీ సంప్రదాయమని అన్నారు. ఎవరికి నచ్చిన ఆహారం వాళ్లు తినొచ్చని, దీనిపై ఎలాంటి రాజకీయ ఆదేశాలు ఉండకూడదన్నారు. దుర్గాపూజలో నాన్‌వెజ్, మద్యం అమ్మకాలను నిలిపివేయాలని బాగేశ్వర్ బాబా కోరారు.

Current Affairs· 2m ago

ఈసారి గుజరాత్‌లో National Film Awards

National Film Awards ఫంక్షన్ ప్రతిసారీ ఢిల్లీలో జరగడం ఆనవాయితీ. అయితే అవార్డుల ఈ వేడుక ఢిల్లీ బయట జరగనుంది. 72వ నేషనల్ ఫిల్మ్ అవార్డ్స్‌ను గుజరాత్‌లోని ఏక్తానగర్(కేవాడియా)లో సెప్టెంబర్ 22న జరుపనున్నారు. ప్రపంచంలోనే ఎత్తైన ‘Statue of Unity’ ఉండటం మరో ప్రత్యేకత. ఇప్పటికే ప్రకటించిన అవార్డుల్లో ‘ఆర్టికల్ 370’ బెస్ట్ ఫీచర్ ఫిల్మ్‌గా, యామీ గౌతమ్ బెస్ట్ యాక్ట్రెస్‌గా నిలిచారు. మమ్ముట్టి, కార్తిక్ ఆర్యన్‌ బెస్ట్ యాక్టర్ అవార్డును షేర్ చేసుకోగా, ‘కల్కి 2898 AD’కి బెస్ట్ పాపులర్ ఫిల్మ్ అవార్డు దక్కింది.

Current Affairs· 11m ago

ప్రజావాణి ఘనం.. పరిష్కారాలే శూన్యం

TG: ప్రజా సమస్యల పరిష్కారం కోసం ప్రభుత్వం నిర్వహిస్తున్న ప్రజావాణి ఎంతో కీలకమైనదని అధికారులు చెప్తున్నారు. అయితే వాస్తవంగా మాత్రం కొన్నిచోట్ల ప్రజావాణికి కనీస రెస్పాన్స్ రావడం లేదు. సోమవారం హైదరాబాద్ నగరం చంద్రాయణగుట్ట పరిధిలోని నఖ్వీ ఫూల్ బాగ్ జోనల్ కమిషనర్‌ కార్యాలయంలో ప్రజావాణి ఏర్పాటు చేశారు. అయితే ఒక్కటంటే ఒక్క కంప్లైంట్ కూడా రాలేదు. ప్రజలకు ప్రజావాణిపై అవగాహన లేకపోవడమా, గతంలో చేసిన ఫిర్యాదులు పరిష్కారం కాకపోవడమే కారణమా అనేది అధికారులే తేల్చాలి.

Current Affairs· 27m ago

Commercial Cylinder ధరలు ఎందుకు పెరిగాయి?

హోటళ్లు, వ్యాపారాల్లో వాడే 19 కేజీల Commercial Cylinder ధరను ఆయిల్ కంపెనీలు 10 రూపాయలు పెంచాయి. ఇళ్లలో వాడే Domestic Cylinder రేటును మాత్రం మార్చలేదు. దేశంలో 90 శాతం గ్యాస్ వినియోగం ఇళ్లలోనే జరుగుతుంది. ఒక్కో Domestic సిలిండర్‌పై కంపెనీలకు దాదాపు 200 రూపాయల వరకు నష్టం వస్తోంది. ఈ నష్టాలను తగ్గించుకోవడానికే Commercial సిలిండర్ల ధరను స్వల్పంగా పెంచినట్లు నిపుణులు చెబుతున్నారు.