బైక్‌ని ఢీకొట్టి వెళ్లిపోయిన థార్

By Krishna· 1h ago· X

ఢిల్లీ.. ద్వారకా ఎక్స్‌ప్రెస్‌వేలో శనివారం నైట్ మహీంద్రా థార్ రాక్స్ వెహికిల్.. ఒక బైక్‌ను ఢీకొట్టి పారిపోయింది. వేగంగా వచ్చిన థార్.. సర్వీస్ లేన్ నుంచి అనేక లైన్లు దాటుతూ కారు, బైక్ మధ్య చొచ్చుకెళ్లి బైకర్, పిల్లియన్‌ను ఢీకొట్టింది. బైక్‌పై వెళ్తున్న ఇద్దరూ హెల్మెట్‌లు పెట్టుకోవడంతో చిన్న గాయాలతో బయటపడ్డారు. వాహనం నంబర్ HR16AG5200. గతంలో ప్రమాదకర డ్రైవింగ్‌కు 5 వేల రూపాయల ఫైన్ కట్టింది. ఈ హిట్-అండ్-రన్ ఘటన రోడ్డు సేఫ్టీపై ఆందోళన కలిగిస్తోంది.

More in Politics

▶

Politics· 21m ago

దద్దరిల్లుతున్న ధర్నాచౌక్

AP: ఏపీలో గ్రామ, వార్డు సచివాలయ ఉద్యోగులు.. 'ఛలో విజయవాడ' ఆందోళన చేపట్టారు. ధర్నాచౌక్‌ దగ్గరకు భారీ సంఖ్యలో తరలివచ్చారు. ఐతే.. దీనికి అనుమతి ఇవ్వని పోలీసులు ధర్నాచౌక్‌ని దిగ్బంధించారు. ఉద్యోగులు రాకుండా అన్ని వైపులా బారికేడ్లతో మూసేశారు. అలాగే.. ఎక్కడికక్కడ సచివాలయ ఉద్యోగులను అదుపులోకి తీసుకొని పోలీస్ స్టేషన్లకు తరలిస్తున్నారు. ఎలాగైనా ఆందోళన చేసి తీరతామన్న ఉద్యోగులు.. లెనిన్ సెంటర్‌కి చేరుకున్నారు. అక్కడ ఉద్రిక్త పరిస్థితి ఉంది.

Politics· 17h ago

అమరావతి భూముల్లో అక్రమాలు: JAC

AP: అమరావతి గ్రామ కంఠం, అసైన్డ్, ఎండోమెంట్, లంక భూములలో అక్రమాలు జరిగాయని అమరావతి పరిరక్షణ సమితి JAC తెలిపింది. ఈ విషయంలో మొదటి నుంచీ రైతులే నష్టపోతున్నారని చెప్పింది. డబ్బులు, బంగారం ఇచ్చిన వారికి అనుకూలంగా నిర్ణయాలు తీసుకున్నారని రైతులు విమర్శించారు. మంత్రి నారాయణ రైతుల సమస్యలు పట్టించుకోవడం లేదని, ఆయనపై వెంటనే సిట్ విచారణ జరిపించాలని డిమాండ్ చేశారు. గ్రామ కంఠాల సమస్యపై CM చంద్రబాబు రైతులకు న్యాయం చేయాలని కోరారు.

Politics· 1d ago

6 రోజులు వర్షాలు.. మరో అల్పపీడనం

తూర్పు బంగాళాఖాతంలో ఈ నెలాఖరున మరో అల్పపీడనం ఏర్పడే ఛాన్స్ ఉంది అని యూరప్ వాతావరణ సంస్థ చెబుతోంది. సెప్టెంబర్ 26 నుంచి అక్టోబర్ 1 వరకూ ఏపీ, తెలంగాణలో అక్కడక్కడా లైట్ రెయిన్ పడుతుంది అని IMD చెప్పింది. తెలంగాణలో సెప్టెంబర్ 26న, APలో 26 నుంచి 29 వరకూ అక్కడక్కడా ఉరుములు, మెరుపులు, పిడుగులు పడతాయని తెలిపింది. ఒక వారం పాటూ రెండు రాష్ట్రాల్లో గాలి వేగం గంటకు 40 నుంచి 50 కిలోమీటర్లుగా ఉంటుందని అంచనా వేసింది.

Politics· 1d ago

ప్రభుత్వం నుంచి సాయం అందేలా చేస్తా: తహసీల్దార్

అల్లూరి సీతారామరాజు జిల్లా అరకు మండలం కరసాలుగూడలో భారీ వర్షాలకు పూజారి గోపికి చెందిన ఇల్లు పూర్తిగా కూలిపోయింది. విషయం తెలుసుకున్న తహసీల్దార్ శ్రీధర్ రాజు ఘటనాస్థలాన్ని పరిశీలించారు. బాధిత కుటుంబసభ్యులతో మాట్లాడి ఇల్లు కూలిన వివరాలను తెలుసుకున్నారు. ఈ ఘటనను ప్రభుత్వం దృష్టికి తీసుకెళ్లి బాధిత కుటుంబానికి నష్టపరిహారం అందేలా కృషి చేస్తానని హామీ ఇచ్చారు. ఎడతెరిపి లేకుండా కురుస్తున్న వర్షాల నేపథ్యంలో పాడుబడ్డ ఇళ్లలో ఎవరూ ఉండకూడదని సూచించారు.