యాలాల పోలీస్ స్టేషన్‌లో ఘనంగా ఆయుధ పూజలు..

By Naresh Kumar· 1h ago· Vikarabad

వికారాబాద్ జిల్లా యాలాల మండలంలోని పోలీస్ స్టేషన్ ఆవరణలో విజయదశమి పర్వదినాన్ని పురస్కరించుకుని మంగళవారం ఎస్ఐ విఠల్ రెడ్డి ఆధ్వర్యంలో ఆయుధ పూజలు భక్తిశ్రద్ధలతో నిర్వహించారు. పోలీస్ సిబ్బంది తమ ఆయుధాలకు ప్రత్యేక పూజలు చేసి వేడుకల్లో పాల్గొన్నారు. విజయదశమి పండుగను ప్రజలంతా సుఖసంతోషాలతో, ప్రశాంత వాతావరణంలో, ఐకమత్యంతో జరుపుకోవాలని పోలీస్ అధికారులు ఆకాంక్షించారు. ఈ కార్యక్రమంలో యాలాల పోలీస్ స్టేషన్ సిబ్బంది, ఇతరులు పాల్గొన్నారు.

More in Local

బలవంతపు ఏకగ్రీవాలు రద్దు చేయాలి: PDM డిమాండ్

▶

Local· 5m ago

బలవంతపు ఏకగ్రీవాలు రద్దు చేయాలి: PDM డిమాండ్

పల్నాడు జిల్లా నరసరావుపేటలో మంగళవారం జరిగిన విలేకరుల సమావేశంలో పీపుల్స్ డెమోక్రసీ మూవ్‌మెంట్ రాష్ట్ర కార్యదర్శి జి. రామకృష్ణ మాట్లాడారు. నామినేషన్లు వేయకుండా అభ్యర్థులను అడ్డుకోవడం, బెదిరించడం, కుల ధ్రువీకరణ పత్రాలు ఇవ్వకుండా ఇబ్బందులకు గురిచేయడం వంటి ఆరోపణలపై విచారణ జరిపి, అక్రమ ఏకగ్రీవాలను రద్దు చేసి తిరిగి ఎన్నికలు నిర్వహించాలని డిమాండ్ చేశారు. రాబోయే పంచాయతీ, MPTC, ZPTC ఎన్నికలు ఎలాంటి అక్రమాలకు తావులేకుండా చట్టబద్ధంగా నిర్వహించాలని కోరారు.

Local· 20m ago

అభివృద్ధిపై మాజీ ఎమ్మెల్యే ఆరోపణలు

పెద్దపల్లి జిల్లా మంథని మున్సిపల్ చైర్మన్ వోడ్నాల శ్రీనివాస్ ఎన్నికల హామీలపై క్లారిటీ ఇచ్చారు. ఆదివారం మున్సిపల్ ఆఫీస్‌లో మీడియాతో మాట్లాడుతూ.. ప్రజలకు ఇచ్చిన ప్రతి హామీని నెరవేర్చేందుకు కట్టుబడి ఉన్నామని తెలిపారు. ఈ ఏడాది సద్దుల బతుకమ్మను ఘనంగా నిర్వహించామని తెలిపారు. మంత్రి దుద్దిళ్ల శ్రీధర్ బాబు సహకారంతో మంథని అభివృద్ధి సాధ్యమన్నారు. ప్రశాంతంగా దసరా జరుపుకోవాలని కోరారు. దసరా ఏర్పాట్లను మున్సిపల్ పాలకవర్గం పర్యవేక్షిస్తుందని చెప్పారు.

Local· 26m ago

ఉదయగిరిలో వైసీపీ నేతలు టిడిపిలోకి

శ్రీ పొట్టి శ్రీరాములు నెల్లూరు జిల్లా ఉదయగిరి నియోజకవర్గంలో వైసీపీకి చెందిన పలువురు మాజీ ఎంపీటీసీలు, సర్పంచ్‌లు టీడీపీలో చేరారు. మాజీ సొసైటీ అధ్యక్షుడు మూలె వినయ్ రెడ్డి, మాజీ ఎంపీపీ మూలె పద్మజ వినయ్ రెడ్డి, మాజీ వైసీపీ మండల కన్వీనర్ మూలె సుబ్బారెడ్డి ఆధ్వర్యంలో ఈ చేరికలు జరిగాయి. స్థానిక ఎన్నికల వేళ కీలక నేతలు పార్టీ మారడం నియోజకవర్గ రాజకీయాల్లో చర్చనీయాంశంగా మారింది.

Local· 30m ago

జడ కొప్పు ఆటకు జీవం.. పల్లెలో సంబరం

రాజన్న సిరిసిల్ల జిల్లా ఎల్లారెడ్డిపేట మండలం బండ లింగంపల్లి గ్రామంలో దశాబ్దాలుగా కనుమరుగైన ‘జడ కొప్పు’ ఆటకు విజయదశమి వేళ మళ్లీ జీవం పోశారు. అరుదైన ఈ సంప్రదాయ ఆటను నిర్వహించి గ్రామీణ సంస్కృతిని చాటారు. అంతరించిపోతున్న ప్రాచీన కళారూపం జడ కొప్పు (జడ కోలాటం) ఆటను గ్రామ సర్పంచ్ బాలరాజు నరస గౌడ్ దసరా పర్వదినాన ఘనంగా ప్రారంభించారు. కళాకారులు చేతుల్లో తాళ్లు పట్టుకుని, లయబద్ధంగా అడుగులు వేస్తూ జడను అల్లడం, తిరిగి విడదీయడం చూపరులను కట్టిపడేసింది.