బలవంతపు ఏకగ్రీవాలు రద్దు చేయాలి: PDM డిమాండ్

By ORSU KRISHNA· 1h ago· Palnadu

పల్నాడు జిల్లా నరసరావుపేటలో మంగళవారం జరిగిన విలేకరుల సమావేశంలో పీపుల్స్ డెమోక్రసీ మూవ్‌మెంట్ రాష్ట్ర కార్యదర్శి జి. రామకృష్ణ మాట్లాడారు. నామినేషన్లు వేయకుండా అభ్యర్థులను అడ్డుకోవడం, బెదిరించడం, కుల ధ్రువీకరణ పత్రాలు ఇవ్వకుండా ఇబ్బందులకు గురిచేయడం వంటి ఆరోపణలపై విచారణ జరిపి, అక్రమ ఏకగ్రీవాలను రద్దు చేసి తిరిగి ఎన్నికలు నిర్వహించాలని డిమాండ్ చేశారు. రాబోయే పంచాయతీ, MPTC, ZPTC ఎన్నికలు ఎలాంటి అక్రమాలకు తావులేకుండా చట్టబద్ధంగా నిర్వహించాలని కోరారు.

More in Local

కూటమి అభ్యర్థుల విజయానికి కృషి: వల్లభనేని

▶

Local· 1m ago

కూటమి అభ్యర్థుల విజయానికి కృషి: వల్లభనేని

స్థానిక సంస్థల ఎన్నికల్లో దుగ్గిరాల ఎంపీటీసీ, జెడ్పీటీసీ స్థానాలు, మంగళగిరి–తాడేపల్లి కార్పొరేషన్‌లో కూటమి అభ్యర్థులను భారీ మెజారిటీతో గెలిపించాలని టీడీపీ తాడేపల్లి పట్టణ అధ్యక్షుడు వల్లభనేని వెంకట్రావు పిలుపునిచ్చారు. మంగళవారం మీడియా సమావేశంలో మాట్లాడుతూ, మంత్రి నారా లోకేష్ నాయకత్వంలో మంగళగిరి నియోజకవర్గంలో సుమారు ₹1,600 కోట్లతో అభివృద్ధి పనులు జరుగుతున్నాయని తెలిపారు. కూటమి ప్రభుత్వం బీసీలకు ప్రాధాన్యతనిస్తోందని చెప్పారు.

▶

Local· 1m ago

పట్టపగలే చోరీ.. ₹1.10 లక్షలు అపహరణ

గుంటూరు జిల్లా మంగళగిరి మండలం నవులూరు గ్రామంలో పట్టపగలే చోరీ ఘటన చోటుచేసుకుంది. ఇంట్లో ఎవరూ లేని సమయంలో గుర్తుతెలియని దుండగులు తలుపులు, బీరువాను ధ్వంసం చేసి ₹1.10 లక్షల నగదు అపహరించారు. కుమార్తె ఇంట్లో జరిగిన శుభకార్యానికి వెళ్లిన పద్మ తిరిగి వచ్చేసరికి చోరీ గుర్తించారు. వెంటనే పోలీసులకు సమాచారం ఇచ్చి ఫిర్యాదు చేశారు. ఘటనపై కేసు నమోదు చేసి దర్యాప్తు చేపడతామని పోలీసులు తెలిపారు. పట్టపగలే చోరీ జరగడంతో స్థానికులు ఆందోళన వ్యక్తం చేస్తున్నారు.

Local· 4m ago

దుర్గామాత ముందు వేడుకోలు... NHM సమ్మె 8వ రోజు

నాగర్‌కర్నూల్ జిల్లాలో ఎన్‌హెచ్‌ఎం ఉద్యోగుల నిరవధిక సమ్మె 8వ రోజు కొనసాగింది. కొల్లాపూర్ చౌరస్తా వద్ద ఉద్యోగులు దుర్గామాతను దర్శించుకుని, తమ సమస్యలు పరిష్కరించాలని వేడుకున్నారు. కాంట్రాక్ట్, ఔట్ సోర్సింగ్ ఉద్యోగుల క్రమబద్ధీకరణ, సమాన పనికి సమాన వేతనం డిమాండ్ చేశారు. జేఏసీ జిల్లా అధ్యక్షుడు డాక్టర్ బాలకృష్ణ, ప్రధాన కార్యదర్శి దామగట్ల కుమార్, రాష్ట్ర ఉపాధ్యక్షుడు ఎండీ గౌస్ పాషా, కోశాధికారి ప్రవీణ్, డాక్టర్ మహతి, తదితరులు పాల్గొన్నారు.

Local· 6m ago

ఘనంగా ధమ్మచక్ర వేడుకలు

మెట్‌పల్లి పట్టణంలోని చవిడి వద్ద అశోక విజయదశమి, ధమ్మచక్ర పరివర్తన దినోత్సవాన్ని నవయాన బుద్ధిస్ట్ సొసైటీ ఆధ్వర్యంలో ఘనంగా నిర్వహించారు. సొసైటీ గౌరవ సభ్యుడు నల్ల పురుషోత్తం పంచశీల జెండాను ఆవిష్కరించారు. కళింగ యుద్ధం తర్వాత క్రూరత్వాన్ని వీడి బౌద్ధాన్ని స్వీకరించిన సామ్రాట్ అశోకుడు శాంతి, ధర్మ మార్గాల్లో పాలన సాగించిన చారిత్రక రోజే ఈ దినోత్సవమని వక్తలు పేర్కొన్నారు. అశోకుడి బాటలోనే నడిచి, డాక్టర్ బి.ఆర్. అంబేడ్కర్ లక్షలాది మంది అనుయాయులతో కలిసి నాగ్‌పూర్‌లో బౌద్ధ ధమ్మాన్ని స్వీకరించారని చెప్పారు.