46 ఏళ్లుగా ఆ ఊళ్లో దసరా లేదు

By Vishi· 1h ago

TG: రాష్ట్రమంతా దసరా సంబరాలు జరుపుకుంటుంటే తెలంగాణలోని ఆ ఊళ్లో మాత్రం దసరా కళే ఉండదు. నాలుగున్నర దశాబ్దాలుగా ఆ గ్రామం విజయదశమి వేడుకలకు దూరంగా ఉంది. సూర్యాపేట జిల్లా నూతన్‌కల్ మండలానికి చెందిన చిల్పకుంట్ల పరిస్థితి ఇది. 1980లో చిల్పకుంట్లలో దసరా సందర్భంగా గ్రామంలో కంకణం ఎవరు కట్టాలనే విషయంలో రెండు ప్రధాన రాజకీయ వర్గాల మధ్య వివాదం చెలరేగింది. కర్రలతో దాడి చేసుకునే వరకు పరిస్థితి వెళ్లడంతో ఇకపై గ్రామంలో దసరా వేడుకలు నిర్వహించకూడదని తీర్మానించారు.

More in TG

TG· 2h ago

నోటీసులు అందుకున్న 90% మంది అర్హులే..

TG: తెలంగాణలో SIR ప్రాసెస్‌‌‌‌‌‌‌‌‌‌‌‌‌‌‌‌‌‌‌‌‌‌లో కీలక విషయం వెలుగులోకి వచ్చింది. నోటీసులు అందుకున్న 92.88 లక్షల మందిలో సుమారు 84.03 లక్షల మంది అర్హులని విచారణలో తేలిందని ఎలక్షన్ కమిషనర్ సుదర్శన్ రెడ్డి తెలిపారు. వీరి పేర్లు ఫైనల్ వోటర్ లిస్ట్‌‌‌‌లో చేర్చనున్నారు. మరోవైపు, 3 లక్షల మందికి పైగా విచారణకు హాజరుకాలేదు. నవంబర్ 9న ఫైనల్ వోటర్ లిస్ట్ విడుదల కానుంది. ఓటర్లు తమ పేరు జాబితాలో ఉందో లేదో తప్పనిసరిగా చెక్ చేసుకోండి.

TG· 12h ago

హైదరాబాద్‌లో కొత్త బోర్లకు నో పర్మిషన్

TG: ఎల్‌నినో కారణంగా తెలంగాణ ప్రభుత్వం కఠినమైన నిర్ణయాలు తీసుకుంటోంది. హైదరాబాద్‌లో ప్రస్తుతానికి కొత్త బోర్లు వేసేందుకు పర్మిషన్ లేదని ప్రకటించింది. నిర్మాణాల కోసం కొత్త బోర్లు వేయడానికి ప్రస్తుతం అనుమతులు ఇవ్వకూడదని ఛీఫ్ సెక్రటరీ సంజయ్ జాజు ఆదేశించారు. • నవంబర్ 1 నుంచి నిర్మాణ పనులకు గ్రీన్ ట్యాంకర్ల ద్వారా నీరు సరఫరా చేస్తారు. నల్లాలకు మోటార్లు పెట్టకుండా అధికారులు స్పెషల్ డ్రైవ్ చేపట్టనున్నారు.

TG· 16h ago

సింగరేణి అధికారులకు దసరా కానుక

TG: తెలంగాణలోని సింగరేణి కాలరీస్ కంపెనీ(SCCL) అధికారులకు రాష్ట్ర ప్రభుత్వం దసరా, దీపావళి పండుగ కానుకగా శుభవార్త అందించింది. పెండింగ్‌లో ఉన్న అధికారుల వేతన సవరణ డిమాండ్‌ను నెరవేర్చింది. సింగరేణి ఎగ్జిక్యూటివ్ అధికారుల వేతనాల సవరణకు సంబంధించి జీవో జారీ అయ్యింది. ఈ నిర్ణయం ద్వారా సింగరేణివ్యాప్తంగా 1,800 మంది ఎగ్జిక్యూటివ్ అధికారులు (ఈ-1 నుండి ఈ-7 గ్రేడ్లు) లబ్ధి పొందనున్నారు. ఈ అధికారుల వేతన సవరణను కోల్ ఇండియా లిమిటెడ్ (CIL) వేతనాల స్థాయికి సమానం చేశారు.

TG· 17h ago

నకిలీ ప్లేట్లతో 88 బైక్‌లు, 12 కార్లు సీజ్

TG: హైదరాబాద్‌లో నకిలీ నంబర్ ప్లేట్లు వాడుతున్న వారిపై ట్రాఫిక్ పోలీసులు చర్యలు తీసుకున్నారు. గత 8 నెలల్లో ఇలాంటి ప్లేట్లు వాడిన 100 మందిపై క్రిమినల్ కేసులు నమోదు చేసి, 88 బైక్‌లు, 12 కార్లను సీజ్ చేశారు. నంబర్ ప్లేట్లను మార్చడం లేదా నకిలీ ప్లేట్లు వాడటం చట్టవిరుద్ధమని పోలీసులు తెలిపారు. వాహనదారులు HSRP నిబంధనలు పాటించాలని, నంబర్ ప్లేట్లలో మార్పులు చేయవద్దని సూచించారు. నిబంధనలు ఉల్లంఘిస్తే కేసులు పైల్ చేసి వాహనాలను సీజ్ చేస్తామని హెచ్చరించారు.