ఫ్యాక్టరీ వ్యర్థాలపై గ్రామస్తుల ఆందోళన

By SUDHAKAR· 1h ago· Thurpu Boyamadugula, Varikuntapadu, Sri Potti Sriramulu Nellore

నెల్లూరు జిల్లా గూడూరు మండలం వెడిచర్ల సమీపంలోని రఘురామ ఫ్యాక్టరీ నుంచి వెలువడుతున్న దుర్వాసనతో పరిసర గ్రామాల ప్రజలు తీవ్ర ఇబ్బందులు ఎదుర్కొంటున్నారు. దీనివల్ల శ్వాస సంబంధిత సమస్యలు వస్తున్నాయని ఆవేదన వ్యక్తం చేశారు. సమస్యపై 45 రోజుల క్రితమే RDOకు ఫిర్యాదు చేసినా స్పందన లేదని ఆరోపించారు. ఫ్యాక్టరీ వ్యర్థాల విడుదలను నియంత్రించకపోతే మండల, జిల్లా, రాష్ట్ర స్థాయిలో ఆందోళనలు చేపడతామని హెచ్చరించారు.

More in Local

▶

Local· 9m ago

నాగర్‌కర్నూల్ జిల్లాలో బంగారు బతుకమ్మ

నాగర్‌కర్నూల్ జిల్లా కల్వకుర్తిలోని సావిత్రిబాయి పూలే ఒకేషనల్ జూనియర్ కళాశాలలో శుక్రవారం బతుకమ్మ వేడుకలు ఘనంగా నిర్వహించారు. విద్యార్థినులు రంగురంగుల పూలతో బతుకమ్మలను పేర్చి ఆటపాటలతో సందడి చేశారు. బతుకమ్మ మహిళల ఐక్యతకు, ప్రకృతి ఆరాధనకు ప్రతీక అని నిర్వాహకులు తెలిపారు. జీవితంలో ఎదురయ్యే కష్టసుఖాలను ధైర్యంగా ఎదుర్కోవాలని సూచించారు. కార్యక్రమంలో కళాశాల నిర్వాహకులు రాజేందర్, అధ్యాపకులు, విద్యార్థులు పాల్గొన్నారు.

Local· 15m ago

హామీలు నెరవేర్చే వరకు పోరాటం: CPM

నంద్యాల బొగ్గులైన్‌లో నివసిస్తున్న ప్రతి కుటుంబానికి రెండు సెంట్ల స్థలం కేటాయించి, ఇళ్లు నిర్మించి మౌలిక వసతులు కల్పించాలని డిమాండ్ చేస్తూ CPM ఆధ్వర్యంలో భారీ ర్యాలీ, ధర్నా నిర్వహించారు. అనంతరం తహసీల్దార్ శ్రీనివాసులుకు వినతిపత్రం అందజేశారు. స్థానిక ఎన్నికల నేపథ్యంలో కొందరికే ఇంటి పట్టాలు ఇచ్చి నిజమైన లబ్ధిదారులకు అన్యాయం చేస్తున్నారని నాయకులు ఆరోపించారు.

Local· 29m ago

కల్లేపల్లిలో VB G RAM G గ్రామసభ.. అభివృద్ధికి ప్రాధాన్యం!

సిద్దిపేట జిల్లా బెజ్జంకి మండలం కల్లేపల్లి గ్రామ పంచాయతీ కార్యాలయంలో గురువారం VB G RAM G గ్రామసభ జరిగింది. సర్పంచ్ బిగుల్లా మోహన్ అధ్యక్షతన ఈ సమావేశం నిర్వహించారు. గత ఆరు నెలల్లో చేపట్టిన ఉపాధి హామీ పనులపై సోషల్ ఆడిట్ నిర్వహించారు. పెండింగ్‌లో ఉన్న కూలీ డబ్బులను రెండు రోజుల్లో పరిష్కరిస్తామని సర్పంచ్ హామీ ఇచ్చారు. ఈ సమావేశంలో ఉపసర్పంచ్ వినీత్ గౌడ్, ఆడిట్ అధికారులు, పంచాయతీ కార్యదర్శి ఆకుల రాకేష్, వార్డు సభ్యులు, సిబ్బంది, ప్రజలు పాల్గొన్నారు.

Local· 32m ago

విద్యుత్ షాక్.. రైలింగ్ కార్మికుడు మృతి!

ఖమ్మం జిల్లాలోని నేలకొండపల్లి మండలం కొత్తకొత్తూరు గ్రామంలోని ఎస్ఎఫ్ఐ స్కూల్‌లో రైలింగ్ పనులు జరుగుతున్నాయి. రాజస్థాన్‌కు చెందిన సునీల్ అనే కార్మికుడు స్టీల్ రైలింగ్ చేస్తుండగా, రైలింగ్ పైపు కరెంట్ తీగలకు తగిలింది. విద్యుత్ షాక్‌కు గురై సునీల్ స్పృహ కోల్పోయాడు. పాఠశాల యాజమాన్యం, తోటి కార్మికులు వెంటనే ఆసుపత్రికి తరలించారు. వైద్యులు సీపీఆర్ చేసి ప్రాణాలు కాపాడేందుకు ప్రయత్నించినా ఫలితం లేకపోయింది. పోలీసులు కేసు నమోదు చేసి దర్యాప్తు చేస్తున్నారు.