మాదాపూర్‌లో యాంటీ డ్రోన్ సెంటర్‌లో అగ్నిప్రమాదం.

By Nani Eluri· 1d ago· Instagram

TG: హైదరాబాద్ మాదాపూర్‌లో యాంటీ డ్రోన్ పరికరాలను టెస్ట్ చేసే సెంటర్‌లో ఫైర్ అయింది. దీంతో అక్కడున్నవారు ఒక్కసారిగా అలర్ట్ అయ్యారు. సమాచారం అందడంతో ఫైర్ టీమ్ వెంటనే అక్కడికి చేరుకుని మంటలను ఆర్పేసింది. ఈ ఘటనలో ఎవరికీ గాయాలు కాలేదు. అయితే అసలు ఫైర్ ఎలా అయింది? దీనికి కారణమేంటనే విషయం ఇంకా తెలియలేదు. ప్రమాదం ఎలా జరిగిందో తెలుసుకునేందుకు అధికారులు వివరాలు సేకరిస్తున్నారు. ఘటన జరిగిన సమయంలో అక్కడ ఎవరెవరు ఉన్నారనే విషయాన్ని కూడా తెలుసుకుంటున్నారు.

More in TG

TG· 3h ago

హైదరాబాద్‌లో కొత్త బోర్లకు నో పర్మిషన్

TG: ఎల్‌నినో కారణంగా తెలంగాణ ప్రభుత్వం కఠినమైన నిర్ణయాలు తీసుకుంటోంది. హైదరాబాద్‌లో ప్రస్తుతానికి కొత్త బోర్లు వేసేందుకు పర్మిషన్ లేదని ప్రకటించింది. నిర్మాణాల కోసం కొత్త బోర్లు వేయడానికి ప్రస్తుతం అనుమతులు ఇవ్వకూడదని ఛీఫ్ సెక్రటరీ సంజయ్ జాజు ఆదేశించారు. • నవంబర్ 1 నుంచి నిర్మాణ పనులకు గ్రీన్ ట్యాంకర్ల ద్వారా నీరు సరఫరా చేస్తారు. నల్లాలకు మోటార్లు పెట్టకుండా అధికారులు స్పెషల్ డ్రైవ్ చేపట్టనున్నారు.

TG· 6h ago

సింగరేణి అధికారులకు దసరా కానుక

TG: తెలంగాణలోని సింగరేణి కాలరీస్ కంపెనీ(SCCL) అధికారులకు రాష్ట్ర ప్రభుత్వం దసరా, దీపావళి పండుగ కానుకగా శుభవార్త అందించింది. పెండింగ్‌లో ఉన్న అధికారుల వేతన సవరణ డిమాండ్‌ను నెరవేర్చింది. సింగరేణి ఎగ్జిక్యూటివ్ అధికారుల వేతనాల సవరణకు సంబంధించి జీవో జారీ అయ్యింది. ఈ నిర్ణయం ద్వారా సింగరేణివ్యాప్తంగా 1,800 మంది ఎగ్జిక్యూటివ్ అధికారులు (ఈ-1 నుండి ఈ-7 గ్రేడ్లు) లబ్ధి పొందనున్నారు. ఈ అధికారుల వేతన సవరణను కోల్ ఇండియా లిమిటెడ్ (CIL) వేతనాల స్థాయికి సమానం చేశారు.

TG· 8h ago

నకిలీ ప్లేట్లతో 88 బైక్‌లు, 12 కార్లు సీజ్

TG: హైదరాబాద్‌లో నకిలీ నంబర్ ప్లేట్లు వాడుతున్న వారిపై ట్రాఫిక్ పోలీసులు చర్యలు తీసుకున్నారు. గత 8 నెలల్లో ఇలాంటి ప్లేట్లు వాడిన 100 మందిపై క్రిమినల్ కేసులు నమోదు చేసి, 88 బైక్‌లు, 12 కార్లను సీజ్ చేశారు. నంబర్ ప్లేట్లను మార్చడం లేదా నకిలీ ప్లేట్లు వాడటం చట్టవిరుద్ధమని పోలీసులు తెలిపారు. వాహనదారులు HSRP నిబంధనలు పాటించాలని, నంబర్ ప్లేట్లలో మార్పులు చేయవద్దని సూచించారు. నిబంధనలు ఉల్లంఘిస్తే కేసులు పైల్ చేసి వాహనాలను సీజ్ చేస్తామని హెచ్చరించారు.

▶

TG· 14h ago

పాతబస్తీలో భారీ అగ్నిప్రమాదం!

TG: హైదరాబాద్ నగరంలోని పాతబస్తీలో మదీనా ప్రాంతంలో బాంబే హౌసరీలో భారీ అగ్నిప్రమాదం చోటుచేసుకుంది. మంటల నుంచి ఎక్కువగా పొగ వెలువడుతుండటంతో స్థానికులు ఉక్కిరిబిక్కిరి అవుతున్నారు. మంటలు ఇతర షాపులకు వ్యాపించకుండా ఫైర్ సిబ్బంది చర్యలు తీసుకుంటున్నారు. హోల్‌సేల్ క్లాత్ మార్కెట్ కావడంతో భారీగా ఆస్తి నష్టం జరిగే అవకాశం ఉందని అధికారులు భావిస్తున్నారు.