ఎల్‌నినో ఎఫెక్ట్‌.. ఎకరానికి ₹10 వేల పరిహారం?

By Anusha· 5d ago

TG: ఎల్‌నినో ప్రభావంతో తెలంగాణలో 11 లక్షల 18 వేల ఎకరాల్లో పంటలు దెబ్బతిన్నాయి. రైతులకు ఎకరానికి ₹10 వేల చొప్పున పరిహారం ఇవ్వాలని అధికారులు ప్రతిపాదించారు. వ్యవసాయం, పశువుల మేత, తాగునీటి కోసం మొత్తం ₹2,170.68 కోట్ల సాయం అందించాలని సూచించారు. రాష్ట్రంలోని 117 మండలాల్లో కరువు తీవ్రంగా ఉంది. నీటి కొరతతో 7 లక్షల ఎకరాలకు ఒక్క తడి మాత్రమే అందించే అవకాశం ఉంది. ఈ ప్రతిపాదనలపై సీఎం రేవంత్ రెడ్డి మంత్రులతో చర్చించి నిర్ణయం తీసుకోనున్నారు.

More in TG

TG· 8h ago

హైదరాబాద్‌లో కొత్త బోర్లకు నో పర్మిషన్

TG: ఎల్‌నినో కారణంగా తెలంగాణ ప్రభుత్వం కఠినమైన నిర్ణయాలు తీసుకుంటోంది. హైదరాబాద్‌లో ప్రస్తుతానికి కొత్త బోర్లు వేసేందుకు పర్మిషన్ లేదని ప్రకటించింది. నిర్మాణాల కోసం కొత్త బోర్లు వేయడానికి ప్రస్తుతం అనుమతులు ఇవ్వకూడదని ఛీఫ్ సెక్రటరీ సంజయ్ జాజు ఆదేశించారు. • నవంబర్ 1 నుంచి నిర్మాణ పనులకు గ్రీన్ ట్యాంకర్ల ద్వారా నీరు సరఫరా చేస్తారు. నల్లాలకు మోటార్లు పెట్టకుండా అధికారులు స్పెషల్ డ్రైవ్ చేపట్టనున్నారు.

TG· 12h ago

సింగరేణి అధికారులకు దసరా కానుక

TG: తెలంగాణలోని సింగరేణి కాలరీస్ కంపెనీ(SCCL) అధికారులకు రాష్ట్ర ప్రభుత్వం దసరా, దీపావళి పండుగ కానుకగా శుభవార్త అందించింది. పెండింగ్‌లో ఉన్న అధికారుల వేతన సవరణ డిమాండ్‌ను నెరవేర్చింది. సింగరేణి ఎగ్జిక్యూటివ్ అధికారుల వేతనాల సవరణకు సంబంధించి జీవో జారీ అయ్యింది. ఈ నిర్ణయం ద్వారా సింగరేణివ్యాప్తంగా 1,800 మంది ఎగ్జిక్యూటివ్ అధికారులు (ఈ-1 నుండి ఈ-7 గ్రేడ్లు) లబ్ధి పొందనున్నారు. ఈ అధికారుల వేతన సవరణను కోల్ ఇండియా లిమిటెడ్ (CIL) వేతనాల స్థాయికి సమానం చేశారు.

TG· 13h ago

నకిలీ ప్లేట్లతో 88 బైక్‌లు, 12 కార్లు సీజ్

TG: హైదరాబాద్‌లో నకిలీ నంబర్ ప్లేట్లు వాడుతున్న వారిపై ట్రాఫిక్ పోలీసులు చర్యలు తీసుకున్నారు. గత 8 నెలల్లో ఇలాంటి ప్లేట్లు వాడిన 100 మందిపై క్రిమినల్ కేసులు నమోదు చేసి, 88 బైక్‌లు, 12 కార్లను సీజ్ చేశారు. నంబర్ ప్లేట్లను మార్చడం లేదా నకిలీ ప్లేట్లు వాడటం చట్టవిరుద్ధమని పోలీసులు తెలిపారు. వాహనదారులు HSRP నిబంధనలు పాటించాలని, నంబర్ ప్లేట్లలో మార్పులు చేయవద్దని సూచించారు. నిబంధనలు ఉల్లంఘిస్తే కేసులు పైల్ చేసి వాహనాలను సీజ్ చేస్తామని హెచ్చరించారు.

▶

TG· 19h ago

పాతబస్తీలో భారీ అగ్నిప్రమాదం!

TG: హైదరాబాద్ నగరంలోని పాతబస్తీలో మదీనా ప్రాంతంలో బాంబే హౌసరీలో భారీ అగ్నిప్రమాదం చోటుచేసుకుంది. మంటల నుంచి ఎక్కువగా పొగ వెలువడుతుండటంతో స్థానికులు ఉక్కిరిబిక్కిరి అవుతున్నారు. మంటలు ఇతర షాపులకు వ్యాపించకుండా ఫైర్ సిబ్బంది చర్యలు తీసుకుంటున్నారు. హోల్‌సేల్ క్లాత్ మార్కెట్ కావడంతో భారీగా ఆస్తి నష్టం జరిగే అవకాశం ఉందని అధికారులు భావిస్తున్నారు.