పోలీసుపై పిడిగుద్దులు

By Prashanth· 30 Sept 2026· telangana

TG: గచ్చిబౌలిలో పోలీసుపై దాడి చేసిన RMP డాక్టర్ సునీల్ కుమార్‌ను అరెస్ట్ చేశారు. నానక్‌రామ్‌గూడలో 112 కంప్లయింట్‌పై విచారణకు వెళ్లిన హెడ్ కానిస్టేబుల్ శివకుమార్‌తో RMP డాక్టర్ వాగ్వాదానికి దిగారు. ఆయన ఫోన్‌ను నేలకేసి కొట్టి, కాలర్ పట్టుకుని ముఖంపై పిడిగుద్దులు గుద్దినట్లు పోలీసులు తెలిపారు. ఈ ఘటనలో పోలీసుకు గాయాలయ్యాయి. కేసు నమోదు చేసి, సునీల్‌ను అరెస్ట్ చేశారు. తర్వాత ఎర్రగడ్డ హాస్పిటల్‌కి తరలించినట్లు సమాచారం.

More in Crime

Crime· 18h ago

టైగర్ ష్రాఫ్ ఘటన.. ఎవరినీ వదలం: షిండే

బాలీవుడ్ నటుడు టైగర్ ష్రాఫ్‌పై కాల్పుల ఘటన చోటుచేసుకోవడంతో నగర భద్రతపై చర్చ మొదలైంది. ఈ ఘటనపై మహారాష్ట్ర డిప్యూటీ CM ఏకనాధ్ షిండే స్పందిస్తూ.. నిందితులపై కఠిన చర్యలు తీసుకుంటామని హెచ్చరించారు. మరోవైపు ముంబైని సురక్షిత నగరంగా చెబుతున్న టైంలో ఇలాంటి ఘటనలు ఎలా జరుగుతున్నాయని ప్రతిపక్షాలు ఆరోపిస్తున్నారు. నగరంలో శాంతిభద్రతల పరిస్థితిపై ప్రభుత్వాన్ని నిలదీశాయి. ఈ ఘటనతో ప్రముఖుల నివాసాల వద్ద భద్రతా ఏర్పాట్లపై కూడా చర్చ జరుగుతోంది.

▶

Crime· 1d ago

నవరాత్రి వేళ విషాదం.. 12 మంది మృతి!

మధ్యప్రదేశ్‌లోని గ్వాలియర్‌లో ఈరోజు ఉదయం షీత్లా మాతా ఆలయానికి వెళ్తున్న భక్తులపైకి ఓ ట్రక్కు అదుపుతప్పి దూసుకెళ్లింది. ఈ ప్రమాదంలో 12 మంది మృతి చెందగా, 29 మంది గాయపడ్డారు. నవరాత్రి వేళ భారీ వాహనాలపై ఆంక్షలు ఉన్నప్పటికీ ట్రక్కు అక్కడికి ఎలా వచ్చిందనే దానిపై అధికారులు దర్యాప్తు చేస్తున్నారు. మృతుల కుటుంబాలకు 4 లక్షలు, తీవ్రంగా గాయపడిన వారికి 2 లక్షలు, పాక్షికంగా గాయపడినవారికి 50 వేల చొప్పున సీఎం మోహన్ యాదవ్ ప్రకటించారు.

▶

Crime· 1d ago

ఒక్కసారిగా మంటలు.. కాలిపోయిన కారు

మేడ్చల్‌-మల్కాజ్‌గిరి జిల్లా నేరెడ్‌మెట్‌ పరిధిలోని RK పురం ఫ్లైఓవర్‌పై కారులో ఒక్కసారిగా మంటలు చెలరేగాయి. దీంతో అప్రమత్తమైన ప్రయాణికులు వెంటనే కారు దిగి బయటకు వచ్చారు. కాసేపటికే మంటలు వ్యాపించి కారు పూర్తిగా కాలిపోయినది. సమాచారం అందుకున్న ఫైర్‌ సిబ్బంది ఘటనా స్థలానికి చేరుకుని మంటలను అదుపు చేశారు. ఈ ఘటనలో ఎవరికీ గాయాలు కాలేదని అధికారులు తెలిపారు.

Crime· 2d ago

బర్త్‌డేకి బైక్ కొనాలని.. స్నేహితుణ్ని చంపిన మైనర్లు

మహారాష్ట్రలోని థానేలో స్నేహితుణ్ని చంపారు మైనర్లు. అందుకు కారణం తెలిస్తే ఆశ్చర్యం కలగక మానదు. పుట్టినరోజు సందర్భంగా కొత్త బైక్ కొనుగోలు చేయడానికి డబ్బు కావాలని ఇద్దరు మైనర్ అబ్బాయిలకు ఆశ పుట్టింది. తమ స్నేహితుడైన 17 ఏళ్ల ప్రజ్యోత్ కాంబ్లే మెడలో బంగారు గొలుసు గుర్తొచ్చింది. ‘దృశ్యం’ సినిమాను ఊహించుకొని, అతణ్ని చంపేసి అతని ఫోన్‌ను రైల్లో వేయాలని అనుకున్నారు. హత్య అనంతరం మృతదేహాన్ని దహనం చేశారు. చివరకు పోలీసులకు దొరికిపోయారు.