పులివెందులలో నామినేషన్ల సందడి

By Ram krishna· 1h ago· Y.S.R. Kadapa

కడప జిల్లా పులివెందులలో మున్సిపల్ ఎన్నికల నామినేషన్ల ప్రక్రియ ఆదివారంతో ముగిసింది. చైర్‌పర్సన్ పదవికి టీడీపీ తరఫున నాలుగు, వైసీపీ నుంచి ఒక నామినేషన్ దాఖలైంది. కౌన్సిలర్ స్థానాలకు టీడీపీ 69, వైసీపీ 30, బీజేపీ నాలుగు, జనసేన ఒక నామినేషన్ సమర్పించాయి. భారీ పోలీసు బందోబస్తు మధ్య అధికారులు నామినేషన్ల ప్రక్రియను పూర్తి చేశారు.

More in Local

Local· 3m ago

తెలంగాణ సంప్రదాయాల వైభవమే బతుకమ్మ: ఎమ్మెల్యే

హనుమకొండ జిల్లా పరకాల అంగడి మైదానంలో నిర్వహించిన సద్దుల బతుకమ్మ వేడుకల్లో ఎమ్మెల్యే రేవూరి ప్రకాశ్ రెడ్డి పాల్గొని మహిళలకు పండుగ శుభాకాంక్షలు తెలిపారు. అంతకుముందు ఆత్మకూరు, గుడెప్పాడ్ గ్రామాల్లో వేడుకల్లో పాల్గొన్నారు. దామర చెరువు వద్ద బతుకమ్మ నిమజ్జన ఏర్పాట్లను పరిశీలించారు. బతుకమ్మ తెలంగాణ సంస్కృతి, సంప్రదాయాలకు ప్రతీకగా నిలుస్తుందని, మహిళల ఆత్మగౌరవాన్ని చాటుతుందని పేర్కొన్నారు.

Local· 5m ago

కోడ్ ఉల్లంఘిస్తూ ఎంపీ అవినాష్ పెద్ద కాన్వాయ్‌తో రావడమేంటి?

మూడుసార్లు కడప ఎంపీగా గెలిచిన వైఎస్ అవినాష్ రెడ్డికి ఎలక్షన్ రూల్స్ తెలియవా అని జమ్మలమడుగు ఎమ్మెల్యే ఆదినారాయణ రెడ్డి ఫైర్ అయ్యారు. పులివెందుల టీడీపీ ఆఫీస్‌లో మాట్లాడిన ఆయన, మున్సిపల్ ఎన్నికల నామినేషన్ల కోసం అవినాష్ పెద్ద కాన్వాయ్‌తో రావడంపై మండిపడ్డారు. 'మాదే అధికారం.. మాదే పెత్తనం' అనే రోజులు పోయాయని గుర్తుచేశారు. వైసీపీ టైమ్‌లో ప్రతిపక్షాల కాండిడేట్లను నామినేషన్లు కూడా వేయనివ్వని సంగతి ఎంపీ మర్చిపోయారా అని ఆదినారాయణ రెడ్డి నిలదీశారు.

Local· 5m ago

నల్లబజారు దోపిడీని అరికట్టండి: CPM

ఖమ్మం జిల్లా సత్తుపల్లి మండలం కాకర్లపల్లిలో బాల బుచ్చయ్య అధ్యక్షతన ఆదివారం రాత్రి సీపీఎం మండల కమిటీ సమావేశం నిర్వహించారు. ఈ సందర్భంగా జిల్లా నాయకుడు జాజిరి శ్రీనివాస్ మాట్లాడుతూ.. నిత్యావసర వస్తువుల ధరల పెరుగుదలతో సామాన్య ప్రజలు ఇబ్బందులు పడుతున్నారని అన్నారు. ధరలను నియంత్రించి, రేషన్‌ షాపుల ద్వారా పేదలకు నాణ్యమైన సరుకులు అందించాలని కేంద్ర, రాష్ట్ర ప్రభుత్వాలను డిమాండ్ చేశారు.

Local· 7m ago

కాళికాదేవి ఆలయంలో RBOL MD

నవరాత్రి పర్వదినాన్ని పురస్కరించుకుని తాండూరులోని కాళికాదేవి టెంపుల్‌లో ఆర్బీఓఎల్ ఎండీ బుయ్యని సరళా శ్రీనివాస్ రెడ్డి ఆదివారం పూజలు చేశారు. అమ్మవారిని దర్శించుకుని పట్టు వస్త్రాలు సమర్పించారు. నియోజకవర్గంతో పాటు రాష్ట్ర ప్రజలందరూ ఆయురారోగ్యాలు, అష్టైశ్వర్యాలతో సుఖసంతోషాలతో వర్ధిల్లాలని అమ్మవారిని ప్రార్థించినట్లు ఆమె తెలిపారు. ప్రతి ఫ్యామిలీలో పీస్ అండ్ హ్యాపీనెస్ ఉండాలని కోరుకున్నారు.