పసుపు కొమ్ములతో భారీ గణేష్!

By Jagadish· 1h ago

విజయనగరం జిల్లా రాజాం మండలం బద్దం గ్రామంలో భారీ గణపతి కొలువుదీరాడు. 150 కిలోల పసుపు కొమ్ములతో 15 అడుగుల ఎత్తులో విగ్రహం తయారు చేశారు. ఛాలెంజ్ యూత్ ఆధ్వర్యంలో 21 రోజుల శ్రమతో ఈ విగ్రహం రూపుదిద్దుకుంది. రసాయన రంగులు, ప్లాస్టర్ ఆఫ్ పారిస్ వాడకుండా పూర్తిగా పర్యావరణహితంగా చేశారు. నవరాత్రి పూజలు, నిమజ్జనం తర్వాత పసుపు కొమ్ములను భక్తులకు ప్రసాదంగా ఇస్తారు. ఇది ఎకో-ఫ్రెండ్లీ వినాయకుడు కదా! మీ ఊరిలో కూడా ఇలాంటివి పెడితే మాకు ఫొటో, వార్త పంపండి.

More in Local

Local· 17m ago

ఇక్కడ రేవంత్ చట్టం నడుస్తోంది..!

హైదరాబాద్ జిల్లాలో రాజకీయం వేడెక్కింది. BRS నేత ఆర్ఎస్ ప్రవీణ్ కుమార్ తీవ్ర ఆరోపణలు చేశారు. సైఫాబాద్ పోలీస్ స్టేషన్‌లో మాస్కులు ధరించిన వ్యక్తులు దాడికి ప్రయత్నించారు. ఈ ఘటనపై సిట్ ఏర్పాటు చేసి దర్యాప్తు చేయాలని డిమాండ్ చేశారు. పోలీస్ స్టేషన్ సీసీటీవీ ఫుటేజీని బయటపెట్టాలని కోరారు. తెలంగాణలో శాంతిభద్రతలు క్షీణించాయని ఆరోపించారు. హోంమంత్రి రేవంత్ రెడ్డి రాజీనామా చేయాలని డిమాండ్ చేశారు. "తెలంగాణలో రాజ్యాంగం కాదు.. రేవంత్ రెడ్డి చట్టం నడుస్తోంది" అని మండిపడ్డారు.

Local· 20m ago

గణేష్ ఉత్సవాలపై డైరెక్షన్స్ ఇవే..

పెద్దపల్లి జిల్లా రామగుండంలో పోలీస్ కమిషనర్ అంబర్ కిషోర్ ఝా ఆధ్వర్యంలో ఆగస్టు నేర సమీక్షా సమావేశం జరిగింది. పెండింగ్ కేసుల దర్యాప్తు వేగవంతం చేయాలని ఆదేశించారు. మహిళలు, బాలల భద్రతకు ప్రాధాన్యత ఇవ్వాలన్నారు. గణేష్ నవరాత్రులు ప్రశాంతంగా జరగాలని సూచించారు. మండపాల వద్ద ప్రత్యేక నిఘా, అదనపు బందోబస్తు ఏర్పాటు చేయాలన్నారు. డీజేలకు అనుమతి లేదని స్పష్టం చేశారు. సోషల్ మీడియాలో తప్పుడు, రెచ్చగొట్టే పోస్టులపై చట్టప్రకారం చర్యలు తీసుకుంటామని హెచ్చరించారు. ప్రజలు ప్రశాంతంగా ఉత్సవాలు జరుపుకోవాలని సీపీ కోరారు.

▶

Local· 26m ago

జగిత్యాలలో నిమజ్జనం తేదీలివే..

జగిత్యాల పట్టణంలో వినాయక చవితి వేడుకలు జరుగుతున్నాయి. నిమజ్జన కార్యక్రమాలను ప్రశాంతంగా నిర్వహించుకోవాలని సీఐ కరుణాకర్ సూచించారు. పట్టణంలో విగ్రహాల నిమజ్జనానికి సెప్టెంబర్ 23, 24 తేదీలను నిర్ణయించారు. భక్తులు, మండపాల నిర్వాహకులు పోలీసుల సూచనలు పాటించాలని కోరారు. ట్రాఫిక్‌కు అంతరాయం కలగకుండా జాగ్రత్తలు తీసుకోవాలని చెప్పారు. ఎలాంటి అవాంఛనీయ సంఘటనలకు తావులేకుండా చూడాలన్నారు. ఉత్సవాలను భక్తిశ్రద్ధలతో, సోదరభావంతో జరుపుకోవాలని సీఐ పిలుపునిచ్చారు. మీ ఊరి వార్త మీరే పంపండి!

Local· 29m ago

వారి భద్రత.. మనందరిది!

అల్లూరి సీతారామరాజు జిల్లా అరకు ప్రభుత్వ మహిళా డిగ్రీ కళాశాలలో అవగాహన కార్యక్రమం జరిగింది. మహిళా పోలీస్ శాఖ ఆధ్వర్యంలో ‘మహిళల భద్రత మనందరి బాధ్యత’పై ఈ ప్రోగ్రామ్ నిర్వహించారు. DSP వేణుగోపాలరావు మాట్లాడుతూ.. మహిళలు అప్రమత్తంగా ఉండాలని, స్వీయరక్షణ పద్ధతులు నేర్చుకోవాలని సూచించారు. అత్యవసర పరిస్థితుల్లో పోలీసుల సహాయం పొందే విధానాలను వివరించారు. సమస్యలను భయపడకుండా పోలీసులకు తెలియజేయాలని చెప్పారు. CI బి.కోటేశ్వరరావు సూచనలు చేశారు. వైస్ ప్రిన్సిపాల్ కె.శశికుమార్ తదితరులు పాల్గొన్నారు.