గణేష్ ఉత్సవాలపై డైరెక్షన్స్ ఇవే..

By Vinith· 1h ago· Ramagundam, Ramagundam, Peddapalli

పెద్దపల్లి జిల్లా రామగుండంలో పోలీస్ కమిషనర్ అంబర్ కిషోర్ ఝా ఆధ్వర్యంలో ఆగస్టు నేర సమీక్షా సమావేశం జరిగింది. పెండింగ్ కేసుల దర్యాప్తు వేగవంతం చేయాలని ఆదేశించారు. మహిళలు, బాలల భద్రతకు ప్రాధాన్యత ఇవ్వాలన్నారు. గణేష్ నవరాత్రులు ప్రశాంతంగా జరగాలని సూచించారు. మండపాల వద్ద ప్రత్యేక నిఘా, అదనపు బందోబస్తు ఏర్పాటు చేయాలన్నారు. డీజేలకు అనుమతి లేదని స్పష్టం చేశారు. సోషల్ మీడియాలో తప్పుడు, రెచ్చగొట్టే పోస్టులపై చట్టప్రకారం చర్యలు తీసుకుంటామని హెచ్చరించారు. ప్రజలు ప్రశాంతంగా ఉత్సవాలు జరుపుకోవాలని సీపీ కోరారు.

More in Local

Local· 10m ago

మైనార్టీ గురుకుల విద్యార్థులకు కంటి పరీక్షలు

సమగ్ర కంటి చూపు పరీక్షలు ఫేజ్‌–3 కార్యక్రమంలో భాగంగా నాగసాల TGMRIES బాలుర హాస్టల్‌లో విద్యార్థులకు సమగ్ర కంటి పరీక్షలు నిర్వహించారు. హాస్టల్‌లోని 346 మంది విద్యార్థులకు దగ్గర, దూరపు చూపు పరీక్షించగా 20 మందికి చూపు మందగించినట్లు గుర్తించారు. వారికి తెలంగాణ ప్రభుత్వం తరఫున త్వరలో ఉచితంగా కంటి అద్దాలు అందించనున్నట్లు RBSK మెడికల్ ఆఫీసర్‌ డాక్టర్‌ సునీల్‌కుమార్‌ తెలిపారు. కార్యక్రమంలో ప్రిన్సిపాల్‌ పారిజాత, PMO సునీత, స్టాఫ్‌ నర్స్‌ కృష్ణవేణి, సిబ్బంది పాల్గొన్నారు.

Local· 14m ago

దళితులపై దాడులకు నిరసనే చలో

దళితులపై దాడులకు నిరసనగా చలో గుంటూరు. ఈ నెల 17న ఈ కార్యక్రమం ఉంటుంది. ఈ మేరకు కెవిపిఎస్ నాయకులు కరపత్రం రిలీజ్ చేశారు. పొన్నెకల్లు చీకటి గోపి పోలీసుల దాడిలో మరణించాడు. దీనికి కారణమైన బాధ్యులపై చర్యలు తీసుకోవాలన్నది ప్రధాన డిమాండ్. మంగళగిరిలో అంబేద్కర్ విగ్రహం వద్ద కెవిపిఎస్ నాయకులు కరపత్రం విడుదల చేశారు. ఈ మేరకు గోరగ వెంకటేశ్వర్లు మాట్లాడుతూ "చట్టాన్ని చేతుల్లోకి తీసుకోవద్దు" అని అన్నారు. దళిత, గిరిజన, బహుజనులు పెద్ద ఎత్తున తరలివచ్చి విజయవంతం చేయాలని పిలుపు.

Local· 1h ago

ఇక్కడ రేవంత్ చట్టం నడుస్తోంది..!

హైదరాబాద్ జిల్లాలో రాజకీయం వేడెక్కింది. BRS నేత ఆర్ఎస్ ప్రవీణ్ కుమార్ తీవ్ర ఆరోపణలు చేశారు. సైఫాబాద్ పోలీస్ స్టేషన్‌లో మాస్కులు ధరించిన వ్యక్తులు దాడికి ప్రయత్నించారు. ఈ ఘటనపై సిట్ ఏర్పాటు చేసి దర్యాప్తు చేయాలని డిమాండ్ చేశారు. పోలీస్ స్టేషన్ సీసీటీవీ ఫుటేజీని బయటపెట్టాలని కోరారు. తెలంగాణలో శాంతిభద్రతలు క్షీణించాయని ఆరోపించారు. హోంమంత్రి రేవంత్ రెడ్డి రాజీనామా చేయాలని డిమాండ్ చేశారు. "తెలంగాణలో రాజ్యాంగం కాదు.. రేవంత్ రెడ్డి చట్టం నడుస్తోంది" అని మండిపడ్డారు.

▶

Local· 1h ago

జగిత్యాలలో నిమజ్జనం తేదీలివే..

జగిత్యాల పట్టణంలో వినాయక చవితి వేడుకలు జరుగుతున్నాయి. నిమజ్జన కార్యక్రమాలను ప్రశాంతంగా నిర్వహించుకోవాలని సీఐ కరుణాకర్ సూచించారు. పట్టణంలో విగ్రహాల నిమజ్జనానికి సెప్టెంబర్ 23, 24 తేదీలను నిర్ణయించారు. భక్తులు, మండపాల నిర్వాహకులు పోలీసుల సూచనలు పాటించాలని కోరారు. ట్రాఫిక్‌కు అంతరాయం కలగకుండా జాగ్రత్తలు తీసుకోవాలని చెప్పారు. ఎలాంటి అవాంఛనీయ సంఘటనలకు తావులేకుండా చూడాలన్నారు. ఉత్సవాలను భక్తిశ్రద్ధలతో, సోదరభావంతో జరుపుకోవాలని సీఐ పిలుపునిచ్చారు. మీ ఊరి వార్త మీరే పంపండి!