రేవంత్ రెడ్డి ఆరిపోయే దీపం: KTR
By DK· 27 Jun 2026· వికారాబాద్ జిల్లా
TG: సీఎం రేవంత్ రెడ్డి ఆరిపోయే దీపం లాంటివారని BRS వర్కింగ్ ప్రెసిడెంట్ KTR ఎద్దేవా చేశారు. వికారాబాద్ జిల్లా పరిగిలో నిర్వహించిన పార్టీ సభ్యత్వ నమోదు కార్యక్రమంలో ఆయన పాల్గొని మాట్లాడారు. రైతుల పక్షాన నిలబడి పోరాడుతున్న BRS నాయకులపై అక్రమంగా కేసులు పెట్టి అరెస్టులు చేస్తే సహించేది లేదని అధికారులను హెచ్చరించారు. అసైన్డ్ రైతులకు పట్టాలిస్తామని ఎన్నికల్లో హామీ ఇచ్చిన రేవంత్ రెడ్డి, ఇప్పుడు పారిశ్రామిక పార్కుల పేరిట వేలాది ఎకరాలు లాక్కుంటున్నారని ఆరోపించారు. పంటలకు బోనస్ ఇస్తామని చెప్పి కనీసం ధాన్యం కూడా పూర్తిగా కొనలేకపోతున్నారని విమర్శించారు.
