జగన్‌ను కలిసిన సీపీఐ నేతలు

By KUCHIPUDI BUJJIBABU· 9h ago· Salivahanapeta, Mangalagiri, Guntur

గుంటూరు జిల్లా తాడేపల్లిలో మాజీ సీఎం వైఎస్ జగన్‌మోహన్‌రెడ్డిని సీపీఐ నేతలు కలిశారు. తాడేపల్లిలోని వైఎస్సార్‌సీపీ కేంద్ర కార్యాలయంలో జరిగిన ఈ భేటీలో రాష్ట్రంలో నెలకొన్న కరువు పరిస్థితులు, ప్రజా సమస్యలపై చర్చించారు. సీపీఐ జాతీయ ప్రధాన కార్యదర్శి కె.రామకృష్ణ, రాష్ట్ర ప్రధాన కార్యదర్శి జి.ఈశ్వరయ్య, జాతీయ కార్యవర్గ సభ్యురాలు అక్కినేని వనజ, రాష్ట్ర కార్యవర్గ సభ్యుడు పి.హరినాథరెడ్డి పాల్గొన్నారు. ఈ నెల 26న విజయవాడలో నిర్వహించనున్న రౌండ్‌టేబుల్‌ సమావేశానికి హాజరుకావాలని జగన్‌ను ఆహ్వానించారు.

More in AP

▶

AP· 39m ago

విద్యార్థులకు భోజనమా.. పురుగులా?

AP: నెల్లూరు జిల్లా కలిగిరి కస్తూర్బా గాంధీ బాలికల పాఠశాలలో విద్యార్థులకు ఇచ్చే అల్పాహారంలో పురుగులు కనిపించాయని తల్లిదండ్రులు ఆరోపించారు. పదే పదే ఇలాగే జరుగుతోందని విద్యార్థినులు చెప్పడంతో తల్లిదండ్రులు పాఠశాలకు వెళ్లి ప్రశ్నించారు. ప్రశ్నించినందుకు టీసీలు ఇచ్చి పంపిస్తామని సిబ్బంది బెదిరించారని వారు తెలిపారు. DEO విచారణలోనూ ఆహారంలో పురుగులు ఉన్నట్లు తేలిందని చెప్పారు. అయినా చర్యలు తీసుకోకపోవడంపై తల్లిదండ్రులు మండి పడ్డారు.

AP· 3h ago

రావణ్‌కి విదేశాల నుంచి మనీ

AP: యూట్యూబర్ బచ్చలకూరి జోసెఫ్‌ అలియాస్‌ ‘ప్రశ్న రావణ్’ బ్యాంకు అకౌంట్స్‌లో ఫారిన్ నుంచి డబ్బులు వచ్చాయని పోలీసులు గుర్తించారు. ఆయన అకౌంట్స్‌లో చాలా ట్రాన్సాక్షన్స్ జరిగినట్లు దర్యాప్తులో తేలింది. అవి సరైనవా, కాదా అనేది తెలియాల్సి ఉంది. ఫండ్స్ సోర్సులు, పొలిటికల్ రిలేషన్స్, ఆర్థికంగా సహకరిస్తున్న వ్యక్తుల వివరాలపై పోలీసులు విచారణ చేయనున్నారు. వారం రోజుల పోలీస్‌ కస్టడీ ముగియడంతో రావణ్‌ను కోర్టులో హాజరుపరిచి, తిరిగి నెల్లూరు జైలుకు తీసుకెళ్లారు.

AP· 9h ago

స్పోర్ట్స్‌ హబ్‌గా తీర్చిదిద్దేందుకు సహకరించండి: లోకేశ్

గుజరాత్‌ అహ్మదాబాద్‌లో ఐసీసీ చైర్మన్ జైషాతో ఏపీ మంత్రి లోకేశ్‌ భేటీ అయ్యారు. ఆంధ్రప్రదేశ్‌ను జాతీయస్థాయి స్పోర్ట్స్‌ హబ్‌గా అభివృద్ధి చేసేందుకు ICC, BCCI సహకారం అందించాలని ఆయన కోరారు. ముఖ్యంగా విశాఖపట్నాన్ని సెయిలింగ్‌, రోయింగ్‌, విండ్‌సర్ఫింగ్‌, ఓపెన్‌ వాటర్‌ స్విమ్మింగ్‌, బీచ్‌ వాలీబాల్‌ వంటి వాటర్ స్పోర్ట్స్‌కు గమ్యస్థానంగా తీర్చిదిద్దేందుకు సహకరించాలన్నారు. దేశీయ టోర్నమెంట్లు, మహిళల క్రికెట్‌ శిబిరాలకు ఏపీని వేదికగా మార్చాలని కోరారు.

AP· 22h ago

వర్షాల బీభత్సం.. 613 కి.మీ రోడ్లు డ్యామేజ్‌!

AP: తీవ్ర వాయుగుండం ప్రభావంతో ఏపీలో కురిసిన భారీ వర్షాలకు రోడ్లు దెబ్బతిన్నాయి. రాష్ట్రవ్యాప్తంగా 613 కిలోమీటర్ల రోడ్లు డ్యామేజ్‌ అయినట్లు ప్రభుత్వం తెలిపింది. ఇందులో శ్రీకాకుళం జిల్లాలోనే 356 కిలోమీటర్ల దూరం రోడ్లు డ్యామేజ్‌ అయ్యాయి. నాలుగు చోట్ల రోడ్లు కొట్టుకుపోగా, 78 చోట్ల చిన్న వంతెనలు దెబ్బతిన్నాయి. రోడ్ల బాగు చేయడానికి 251.68 కోట్లు రూపాయలు అవసరమని అధికారులు అంచనా వేశారు.