శంషాబాద్‌లో ట్రావెల్స్ బస్సు బీభత్సం

By Krishna· 1h ago

TG: శంషాబాద్‌లో ఓ ట్రావెల్స్ బస్సు అదుపుతప్పింది. కంటైనర్‌ను తప్పించబోయి పక్కనే ఉన్న బాలాజీ భవన్ హోటల్‌లోకి దూసుకెళ్లింది. ఈ ప్రమాదంలో.. హోటల్‌లో టీ తాగుతున్న వ్యక్తి మృతి చెందగా.. మరో 50 మందికిపైగా గాయాలపాలయ్యారు. ఆ బస్సు.. సెవెన్ హిల్స్ ప్రైవేట్ ట్రావెల్స్ బస్సుగా గుర్తించారు. ప్రస్తుతం సహాయ చర్యలు కొనసాగుతున్నాయి. గాయపడిన వారిని దగ్గర్లోని ఆస్పత్రికి తరలిస్తున్నారు.

More in TG

TG· 38m ago

కోళ్ల ప్రాణాలు తీస్తున్న E.coli

హైదరాబాద్ చుట్టుపక్కల ప్రాంతాల్లో చనిపోతున్న ప్రతీ 5 కోళ్లలో ఒకటి E.coli ఇన్ఫెక్షన్ వల్లే మరణిస్తోందని ఒక స్టడీ తేల్చింది. రాజేంద్రనగర్‌ వెటర్నరీ సైన్స్ కాలేజీ రీసెర్చర్లు 45 పౌల్ట్రీ ఫారాల్లో చనిపోయిన 759 కోళ్లపై పరిశోధనలు జరిపారు. ఈ వ్యాధి వల్ల హార్ట్, లివర్, లంగ్స్ దెబ్బతింటున్నాయని గుర్తించారు. 15 నుంచి 21 రోజుల వయసున్న కోళ్లలో డెత్ రేటు ఎక్కువగా ఉంది. దీనిని అరికట్టడానికి సెఫ్ట్రియాక్సోన్ లాంటి యాంటీబయాటిక్స్ బాగా పనిచేస్తాయనీ, సరైన పద్ధతులతో మరణాలను తగ్గించవచ్చని రీసెర్చర్లు సూచించారు.

TG· 56m ago

బాలికపై 9 మంది అత్యాచారం

TG: హైదరాబాద్.. అల్వాల్‌లో ఇంటర్ చదువుతున్న 16 ఏళ్ల బాలికపై 9 మంది సామూహిక అత్యాచారం చేసిన ఘటన వెలుగులోకి వచ్చింది. 3 రోజులపాటూ.. వేర్వేరు ప్రాంతాల్లో ఈ దారుణం జరిగినట్లు తెలిసింది. బాలిక ఇంటికి చేరి కుటుంబ సభ్యులకు వివరించడంతో అల్వాల్ పోలీసులకు కంప్లైంట్ చేశారు. పోలీసులు పోక్సో చట్టం కింద కేసు నమోదు చేసి, ఐదుగురు నిందితులను అరెస్ట్ చేసి, చంచల్‌గూడ జైలుకి తరలించారు. మిగతా నలుగురి కోసం గాలిస్తున్నారు. నిందితులు బాలికకు గంజాయి ఇచ్చినట్లు తెలిసింది. దర్యాప్తు కొనసాగుతోంది.

▶

TG· 1h ago

గుండు పిన్నుపై మట్టి గణపతి

TG: గణపతి నవరాత్రుల సందర్భంగా గుండు పిన్నుపై మట్టి గణపతిని రూపొందించారు. జగిత్యాల జిల్లాకు చెందిన ప్రముఖ సూక్ష్మ కళాకారుడు, గౌరవ డాక్టరేట్, గిన్నిస్ వరల్డ్ రికార్డు గ్రహీత డాక్టర్ గుర్రం దయాకర్ ఈ ప్రత్యేక విగ్రహాన్ని తయారు చేశారు. ప్రతి ఏడాది వినూత్న గణపతి విగ్రహాలను రూపొందించే దయాకర్.. ఈసారి పర్యావరణ పరిరక్షణ సందేశంతో మట్టి గణపతిని తీర్చిదిద్దారు. గుండు పిన్ను, మట్టి, వాటర్ కలర్స్‌ను ఉపయోగించి సుమారు 10 గంటలపాటు శ్రమించి విగ్రహాన్ని తయారు చేసినట్లు తెలిపారు.

▶

TG· 1h ago

ఖైరతాబాద్ బడా గణేశుడు.. వీడియో చూడండి

TG: వినాయక చవితి సందర్భంగా ఖైరతాబాద్ బడా గణేశుడిని దర్శించుకోవడానికి భక్తులు పెద్ద సంఖ్యలో తరలివస్తున్నారు. ఈ సంవత్సరం 69 అడుగుల ఎత్తున్న పంచముఖ సంకటహర మహాగణపతి రూపంలో కొలువుదీరిన విగ్రహం ప్రత్యేక ఆకర్షణగా నిలిచింది. 72వ సంవత్సరం ఉత్సవాల్లో తొలి రోజే వేల మంది వస్తున్నారు. భక్తుల రద్దీని దృష్టిలో ఉంచుకుని పోలీస్, ట్రాఫిక్ ఏర్పాట్లు పటిష్టంగా చేశారు. మీరు కూడా మీ ఊరి మట్టి లేదా సీడ్ గణేశ్‌తో ఫొటోలు తీసుకొని మాకు పంపండి. మేం అందరికీ చూపిస్తాం.