Latest
మందు తాగి పాఠశాలకొచ్చిన హెచ్ఎం
AP: అల్లూరి సీతారామరాజు జిల్లా చింతపల్లి మండలం పినపాడు గిరిజన సంక్షేమ పాఠశాలలో నిర్వహించిన మెగా పేరెంట్స్ టీచర్స్ మీటింగ్కు హెచ్ఎం కె.వి.రమణ మందు తాగి వచ్చాడు. తల్లిదండ్రులు, గ్రామపెద్దలు ముందే ఆయన మత్తులో బెంచీపై పడిపోవడం చూసి తల్లిదండ్రులు మండిపడ్డారు. సీఆర్పీ రాము సమావేశాన్ని పూర్తి చేశారు. బాధ్యతారాహిత్యంగా ప్రవర్తించిన హెచ్ఎంపై అధికారులు కఠిన చర్యలు తీసుకోవాలని గ్రామస్థులు కోరుతున్నారు. ఈ ఘటనపై విద్యాశాఖ అధికారులు విచారణ చేపట్టారు.
మల్లన్న భక్తులకు గుడ్ న్యూస్
TG: సిద్దిపేట జిల్లా కొమురవెల్లిలో కొత్తగా నిర్మించిన 'కొమురవెల్లి పుణ్యక్షేత్రం' రైల్వేస్టేషన్ ఈనెల 26న ప్రారంభం కానుంది. దాదాపు రూ.6 కోట్లు ఖర్చు పెట్టి భక్తుల కోసం అన్ని సౌకర్యాలతో సిద్ధం చేశారు. కేంద్ర మంత్రి కిషన్రెడ్డితోపాటు ఇతర లీడర్లు వచ్చి సికింద్రాబాద్-సిద్దిపేట ట్రైన్ను ప్రారంభించనున్నారు. భక్తులకు డైరెక్ట్గా ట్రైన్ జర్నీ సౌకర్యం దొరుకుతుంది.
రేపు ‘బాలా’ సాహిత్య సమావేశం
TG: తిరుపతికి చెందిన ప్రచురణ సంస్థ ‘బాలా బుక్స్’ ఆధ్వర్యంలో రేపు మధ్యాహ్నం 2 గంటల నుంచి రాత్రి 9 గంటల వరకూ సాహిత్య సమావేశం నిర్వహించనున్నారు. హైదరాబాద్ నగరం బషీర్బాఘ్ ప్రెస్క్లబ్లో జరగబోయే ఈ సమావేశంలో పాల్గొంటున్న రచయితలు, అనువాదకులు, ప్రచురణకర్తలు పాల్గొంటున్నారు. వివిధ సెషన్లలో వారంతా మాట్లాడతారు.
గూడ్స్ వాహనం బోల్తా.. చెల్లాచెదురైన సరుకు
TG: నల్గొండ జిల్లా చిట్యాల పట్టణంలోని హైదరాబాద్–విజయవాడ నేషనల్ హైవేపై ఘోర రోడ్డు ప్రమాదం తృటిలో తప్పింది. హైదరాబాద్ నుంచి పెయింట్ డబ్బాలు, లప్పం బ్యాగులతో విజయవాడ వైపు వెళ్తున్న మినీ గూడ్స్ వాహనం రోడ్డు పక్కన ఆగి ఉన్న కంటైనర్ను వెనుక నుంచి బలంగా ఢీకొట్టింది. దీంతో వాహనం బోల్తాపడి సరుకు మొత్తం రోడ్డుపై చెల్లాచెదురైంది. కొంతసేపు హైవేపై ట్రాఫిక్కు అంతరాయం ఏర్పడింది. ఈ ప్రమాదంలో డ్రైవర్కు స్వల్ప గాయాలే కావడంతో పెను ప్రమాదం తప్పింది. ఘటనపై పోలీసులు కేసు నమోదు చేసి దర్యాప్తు చేస్తున్నారు.
విద్యార్థుల డిమాండ్లు న్యాయమైనవే: రాహుల్ గాంధీ
నిరవధిక దీక్ష చేస్తున్న విద్యార్థులను కలిసి వారి సమస్యలు తెలుసుకున్నట్లు కాంగ్రెస్ నేత రాహుల్ గాంధీ తెలిపారు. విద్యార్థులపై విచక్షణారహితంగా లాఠీచార్జ్ జరిగిందని, వేలాది మంది విద్యార్థులు గాయపడ్డారని అన్నారు. దీనికి బాధ్యులైన వారిపై కఠిన చర్యలు తీసుకోవాలని డిమాండ్ చేశారు. విద్యార్థులు చేస్తున్న మూడు డిమాండ్లు న్యాయమైనవేనని, ఎట్టి పరిస్థితుల్లోనూ వెనక్కి తగ్గొద్దని వారికి సూచించారు. విద్యార్థులకు ప్రధాని మోదీ క్షమాపణలు చెప్పాలన్నారు.
జంతర్ మంతర్లో భోజనం పెడుతున్నాడని పోలీసుల దాడి: CJP
జంతర్ మంతర్లో నిరసనకారులకు భోజనం, నీళ్లు అందిస్తున్న మొహమ్మద్ జునైద్ ఇంటిపై ఉత్తరప్రదేశ్ పోలీసులు దాడి చేసి, అతని కుటుంబ సభ్యులను అదుపులోకి తీసుకున్నారని CJP ఆరోపించింది. నేరస్తులను వదిలేసి వాలంటీర్లను టార్గెట్ చేస్తున్నారని విమర్శించింది. ఈ ఘటనపై చట్టపరంగా పోరాడతామని, జునైద్కు పూర్తి అండగా ఉంటామని తెలిపింది. ఈ ఆరోపణలపై ఉత్తరప్రదేశ్ పోలీసుల నుంచి ఇప్పటివరకు అధికారిక స్పందన రాలేదు.
కిడ్నీ పరీక్షలకు కొత్త డివైస్
TG: కిడ్నీ ఆరోగ్యాన్ని వెంటనే టెస్ట్ చెయ్యడానికి బిట్స్ పిలానీ హైదరాబాద్ రీసెర్చర్స్ పోర్టబుల్ డివైస్ను తయారు చేశారు. బ్లడ్ సీరం నమూనా ఆధారంగా యూరిక్ యాసిడ్, యూరియా, క్రియాటినిన్ స్థాయిలను ఇది నిమిషాల్లో గుర్తిస్తుంది. ఐఓటీ టెక్నాలజీ ద్వారా రిజల్ట్స్ నేరుగా ఫోన్ లేదా కంప్యూటర్కు పంపుతుంది. ఖరీదైన ల్యాబ్లు, ఎక్స్పర్ట్స్ అవసరం లేకుండానే ఈ డివైస్ పనిచేస్తుంది. మొదటి దశలోనే కిడ్నీ జబ్బులను గుర్తించడానికి, ఈ డివైస్ ఎంతో ఉపయోగపడుతుందని అంటున్నారు.
ఆదివాసీ మహిళకు షాకింగ్ ట్విస్ట్
TG: ఆదిలాబాద్ జిల్లా గుడిహత్నూర్ మండలం జవహర్నగర్కు చెందిన హీరకుమ్ర లక్ష్మికి ఇందిరమ్మ ఇల్లు పథకం దరఖాస్తులో ఊహించని షాక్ ఎదురైంది. ఆన్లైన్ రికార్డుల్లో ఆమె పేరుపై ఇప్పటికే ఇల్లు మంజూరై, రూ.51,200 విడుదలైనట్లు నమోదైంది. అయితే వాస్తవానికి ఆమెకు ఎలాంటి ఇల్లు లేదు. దీంతో కొత్తగా దరఖాస్తు చేసినా L3 జాబితాలో నిలిచిపోయింది. గతంలో హౌసింగ్ అధికారులు రేషన్కార్డ్ వివరాలను దుర్వినియోగం చేసి అక్రమంగా నిధులు మళ్లించారనే అనుమానాలు వ్యక్తమవుతున్నాయి. కలెక్టర్ జోక్యం చేసుకుని ఇల్లు ఇప్పించాలని ఆమె కోరింది.
CJPకి హీరోయిన్ జ్యోతిక సపోర్ట్
NEET-UG పేపర్ లీక్ వ్యవహారంపై జరుగుతున్న CJP ఉద్యమానికి హీరోయిన్ జ్యోతిక తన సపోర్ట్ తెలిపారు. ‘ధర్మేంద్ర ప్రధాన్ రాజీనామా చేయాలి. విద్యార్థుల పక్షాన నేను ఉన్నాను. బాధ్యత ఉండాలి.. విద్యా వ్యవస్థలో మార్పులు రావాలి’ అంటూ తన ఇన్స్టాగ్రామ్లో పోస్ట్ చేశారు. సోనమ్ వాంగ్చుక్, అభిజీత్ దీప్కే, సౌరవ్ దాస్లను ప్రశంసిస్తూ "GenZ.. మీ గురించి గర్వంగా ఉంది. మీ పోరాటం ఎంతోమందికి ధైర్యం ఇచ్చింది" అని రాశారు.
తెలుగు రాష్ట్రాలకు వర్షాల హెచ్చరిక
ఏపీ, తెలంగాణ రాష్ట్రాలకు వాతావరణశాఖ వర్ష హెచ్చరికలు జారీ చేసింది. రాబోయే మూడు రోజులు కొన్ని జిల్లాల్లో ఉరుములు, మెరుపులు, ఈదురుగాలులతో వర్షాలు పడతాయని తెలిపింది. పిడుగులు పడే అవకాశం ఉందని.. ప్రజలు జాగ్రత్తగా ఉండాలని సూచించింది. ఏపీలోని శ్రీకాకుళం, విజయనగరం, విశాఖపట్నం, కృష్ణా, కడప జిల్లాల్లో, తెలంగాణలోని ఉత్తర ప్రాంతాల్లో తేలికపాటి నుంచి మోస్తరు వర్షాలు కురుస్తాయని హైదరాబాద్ వాతావరణ కేంద్రం తెలిపింది.
స్కూల్లో గంజాయి కలకలం
AP: తిరుపతిలోని మంగళం క్వార్టర్స్ జిల్లా పరిషత్ పాఠశాల గోడ దూకి లోపలికెళ్లి కొందరు యువకులు మందు, గంజాయి తాగుతున్నారు. బడి ప్రాంగణాన్ని అడ్డాగా మార్చుకుని, ఇలాంటి పనులు చేస్తున్నందుకు స్థానికులు, విద్యార్థుల తల్లిదండ్రులు మండిపడుతున్నారు. ఈ పనులకు పాల్పడుతున్న యువకులపై పోలీసులు, ఆఫీసర్లు వెంటనే చర్యలు తీసుకోవాలని కోరుతున్నారు.
అగరబత్తి ఫ్యాక్టరీలో అగ్ని ప్రమాదం
AP: కర్నూలు నగరంలోని కల్లూరు ఎస్టేట్ దేవా అగరబత్తి ఫ్యాక్టరీలో భారీ అగ్నిప్రమాదం సంభవించింది. అకస్మాత్తుగా మంటలు చెలరేగి, పక్కనే ఉన్న శ్రీ లక్ష్మీ బాలాజీ ఆయిల్ మిల్లుకు కూడా వ్యాపించడంతో పరిస్థితి తీవ్రరూపం దాల్చింది. సమాచారం అందుకున్న అగ్నిమాపక సిబ్బంది వెంటనే ఘటనాస్థలానికి చేరుకుని మంటలను అదుపులోకి తెచ్చారు. ఈ ప్రమాదంలో సుమారు రూ.15 లక్షల మేర ఆస్తి నష్టం జరిగినట్లు యజమానులు తెలిపారు. కళ్లముందే ఫ్యాక్టరీ అగ్నికి ఆహుతి కావడంతో యజమాని కన్నీరుమున్నీరుగా విలపించారు.
కేంద్ర మంత్రులు ఇన్స్టా రీల్స్ చేయాలా?: అభిజీత్ దీప్కే
ప్రధాని మంత్రులను ఇన్స్టాగ్రామ్లో యాక్టివ్గా ఉంటూ రీల్స్ చేయాలని చెప్పడం ఏంటని కాక్రోచ్ జనతా పార్టీ ఫౌండర్ అభిజీత్ దీప్కే ప్రధాని మోదీపై మండిపడ్డారు. నీట్ పేపర్ లీకేజీపై చర్యలు తీసుకుంటామని కేబినెట్ భేటీని ఏర్పాటు చేసిన ప్రధాని విద్యార్థుల భవిష్యత్తు, సమస్యను పరిష్కరించడం వదిలేసి ఇవన్నీ చెప్పడం ఎందుకుని ప్రశ్నించారు. దేశానికి నిజంగా చదువుకున్నవాడే ప్రధానిగా ఉండాలని సెటైర్లు వేశారు.
కామన్వెల్త్ గేమ్స్ 2026..భారత్కు తొలి పతకం
కామన్వెల్త్ గేమ్స్ 2026 గ్లాస్గోలో పురుషుల హెవీవెయిట్ పారా పవర్ లిఫ్టింగ్లో భారత్కు చెందిన 'ఝాండు కుమార్' కాంస్య పతకం సాధించాడు. 190 కిలోల బరువు ఎత్తి ఆయన భారత్కు మొదటి పతకాన్ని అందించారు. అపారమైన పట్టుదల, క్రమశిక్షణకు నిదర్శనం, అన్ని సవాళ్లను అధిగమించి దేశానికి గర్వకారణంగా నిలిచారని ప్రధాని నరేంద్ర మోదీ తన x అకౌంట్లో ఆయనను అభినందించారు.
సౌత్ ఆఫ్రికా స్టార్ 'చాడ్ లె క్లోస్' రికార్డు
సౌత్ ఆఫ్రికా స్టార్ ఈతగాడు 'చాడ్ లె క్లోస్' కామన్వెల్త్ గేమ్స్ చరిత్రలో కొత్త రికార్డు సృష్టించాడు. పురుషుల 4x100 మీటర్ల ఫ్రీస్టైల్ రిలేలో బ్రోన్జ్ మెడల్ సాధించాడు. ఈ గేమ్స్లో అత్యధిక మెడల్స్ గెలిచిన మెన్ అథ్లెట్గా నిలిచాడు. ఆయన ఖాతాలో మొత్తం 19 కామన్వెల్త్ మెడల్స్ చేరాయి. ఇప్పటివరకు 18 పతకాలతో మొదటి స్థానంలో ఉన్న ఫిల్ ఆడమ్స్, మిక్ గాల్ట్ల రికార్డును దాటేశాడు. లె క్లోస్ ఇప్పటివరకు తన కెరీర్లో ఏడు గోల్డ్, నాలుగు సిల్వర్, ఎనిమిది బ్రోన్జ్ సాధించాడ
మాజీ మంత్రి జోగి రమేష్పై కేసు
AP: వైసీపీ నేత, మాజీ మంత్రి జోగి రమేష్, ఆయన కుటుంబసభ్యులపై ఎన్టీఆర్ జిల్లా ఇబ్రహీంపట్నం పోలీస్టేషన్లో హత్యాయత్నం, గృహహింస, వరకట్న వేధింపుల కేసులు నమోదయ్యాయి. ఆయన పెద్ద కోడలు మేఘన ఇచ్చిన ఫిర్యాదులో జోగి రమేష్, ఆయన కుమారుడు రాజీవ్ సహా 11 మంది పేర్లను చేర్చారు. ఏడాదిగా కుటుంబసభ్యులంతా తనను గదిలో బంధించి కొడుతున్నారని, చంపేందుకు కూడా ప్రయత్నించారని మేఘన ఫిర్యాదులో తెలిపారు.
నీట్ నిరసనపై నటుడు నవదీప్ స్పందన
కేంద్ర మంత్రి ధర్మేంద్ర ప్రధాన్ రాజీనామా చేయాలని డిమాండ్ చేస్తూ దిల్లీలోని జంతర్ మంతర్ వద్ద విద్యార్థుల నిరసనకు నటుడు నవదీప్ స్పందించారు. 'మన అభిప్రాయాలతో ఏం మార్చగలం?' అంటూ సోషల్ మీడియాలో ప్రశ్నించారు. నీట్ అంశంపై విద్యార్థులు తమ హక్కుల కోసం పోరాడుతున్న టాలీవుడ్ నుంచి స్పందన రావడం లేదంటూ సోషల్ మీడియాలో చేస్తున్న విమర్శల గురించి ఆయన ఈ వ్యాఖ్యలు చేసినట్లు తెలుస్తోంది.
చైనా, రష్యాలకు ట్రంప్ వార్నింగ్
అమెరికా అధ్యక్షుడు డొనాల్డ్ ట్రంప్ చైనా, రష్యాలకు గట్టి వార్నింగ్ ఇచ్చారు. ఇరాన్కు ఆయుధాలు అందించినా, సైనిక సాయం చేసినా పరిణామాలు ఎదుర్కోవాల్సి వస్తుందన్నారు. చైనా అధ్యక్షుడు షీ జిన్పింగ్, రష్యా అధ్యక్షుడు పుతిన్ ఇద్దరూ ఇరాన్కు ఆయుధాలు ఇవ్వం అని తనకు మాటిచ్చారని ట్రంప్ తెలిపారు. ప్రస్తుతం ఈ రెండు దేశాలు ఇరాన్కు మద్దతుగా లేవని తాను నమ్ముతున్నానని, ఒకవేళ సాయం చేస్తున్నట్లు తేలితే, అది వారి ప్రయోజనాలకు పూర్తిగా విరుద్ధమవుతుందని హెచ్చరించారు.
పొరండ్ల గ్రామంలో ఆరోగ్యశాఖ హైఅలర్ట్
TG: జగిత్యాల జిల్లా పొరండ్ల గ్రామంలో విషజ్వరాలు ఆందోళన కలిగిస్తున్నాయి. వైరల్ ఫీవర్ బారిన పడి వరుణ్తేజ్ (6), హార్స్మిత్ (6) అనే ఇద్దరు చిన్నారులు రెండు రోజుల వ్యవధిలో చికిత్స పొందుతూ మృతి చెందారు. ఇద్దరూ జిల్లా కేంద్రంలోని ఓ ప్రైవేట్ పాఠశాలలో చదువుతున్నారు. వైద్యారోగ్య శాఖ అధికారులు అప్రమత్తమై ప్రత్యేక వైద్య శిబిరం ఏర్పాటు చేసి ఇంటింటికీ ఆరోగ్య పరీక్షలు నిర్వహిస్తున్నారు. జ్వరం, వాంతులు, విరేచనాలు వంటి లక్షణాలు కనిపిస్తే వెంటనే ఆస్పత్రికి వెళ్లాలని సూచించారు.
ఆంధ్రప్రదేశ్-కర్ణాటకలో ఆ రైల్వే లైన్లకు మహర్దశ
ప్రధానమంత్రి నరేంద్ర మోదీ అధ్యక్షతన ఆర్థిక వ్యవహారాల కేబినెట్ కమిటీ సమావేశం జరిగింది. కర్ణాటక–ఆంధ్రప్రదేశ్ రాష్ట్రాల్లోని బళ్లారి–గుంతకల్ రైల్వే సెక్షన్లో మూడో, నాలుగో లైన్ల నిర్మాణానికి గ్రీన్ సిగ్నల్ ఇచ్చింది. ఈ ప్రాజెక్ట్ రూ.1,264 కోట్ల వ్యయంతో చేపట్టనున్నారు. పీఎం గతిశక్తి జాతీయ మాస్టర్ ప్లాన్ ఆధారంగా రూపొందించిన ఈ ప్రాజెక్టు ద్వారా రవాణా అనుసంధానం, లాజిస్టిక్ సామర్థ్యం మెరుగుపడటంతోపాటు రవాణా వేగవంతం కానుంది.
బాలికపై మేనమామ, సోదరుల లైంగిక దాడి
TG: మేడ్చల్ జిల్లా కీసర పోలీస్ స్టేషన్ పరిధిలో గంజాయి మత్తులో ఉన్న మేనమామ, వరసకు సోదరులయ్యే ఇద్దరు వ్యక్తులు మహారాష్ట్రకు చెందిన బాలిక(13)పై అత్యాచారం చేశారు. బాలిక తల్లిదండ్రులు మరణించడంతో అమ్మమ్మ వద్ద ఉంటూ హాస్టల్లో చదువుకుంటుంది. సెలవుల్లో ఇంటికి వచ్చిన ఆమె ఒంటరిగా ఉండటం చూసి లైంగిక దాడి చేశారు. పోలీసులు ఒక నిందితుడిని అదుపులోకి తీసుకున్నారు. పరారీలో ఉన్న ఇద్దరి కోసం గాలిస్తున్నారు.