Latest
ఉక్రెయిన్ లో కార్గొ నౌకపై దాడి- నలుగురు ఇండియన్స్ మృతి
ఉక్రెయిన్ లోని ఓడెస్సా తీరం నుంచి బయల్దేరిన కమర్షియల్ నౌకపై దాడి జరిగి నలుగురు ఇండియన్స్ చనిపోగా, మరొకరి పరిస్థితి క్రిటికల్ గా ఉంది. గినియా బిస్సావు జెండాతో ప్రయాణిస్తున్న ఈ నౌకలో మొత్తం 17 మంది ఉండగా దాడి జరిగినప్పుడు నలుగురు ఇండియన్స్ మృ తి చెందారు. ఈ ఘటనపై కేంద్రం విచారం ప్రకటించింది. మృతుల వివరాలు ఇంకా అందాల్సి ఉంది. ఇలాంటి సంఘటనలు జరగకుండా చూడాల్సిన బాద్యత ఉక్రెయిన్ ప్రభుత్వంపై ఉందని మన విదేశాంగ శాఖ ఎత్తి పొడిచింది.
అడుగు పెడితే మట్టు పెడతాం-ఇరాన్
అమెరికా సైన్యం తమ దేశంపై భూతల దాడి చేయడానికి ప్రయత్నిస్తే తీవ్ర పరిణామాలు ఉంటాయని ఇరాన్ హెచ్చరించింది. అమెరికా సైనికుల రాక కోసం తాము "కౌంట్డౌన్ లెక్కిస్తూ ఎదురుచూస్తున్నామని", వారు అడుగుపెడితే వారిని మట్టుబెడతామని ఇరాన్ విదేశాంగ శాఖ , పార్లమెంట్ స్పీకర్ ఘాటుగా ప్రతిస్పందించారు. వ్యూహాత్మక చమురు కేంద్రమైన ఖార్గ్ ఐలాండ్ను స్వాధీనం చేసుకోవడానికి అమెరికా;ప్లాన్ చేస్తోందన్న వార్తల నేపథ్యంలో ఇరాన్ ఈ హెచ్చరికలు జారీ చేసింది.
అస్సాంలో వరదల బీభత్సం... సహాయ చర్యలు ముమ్మరం
అస్సాంలో కురుస్తున్న భారీ వర్షాల వల్ల వరద పరిస్థితి తీవ్రంగా మారింది. దీని ప్రభావంతో సిమలుగురి ప్రాంతంలో రైల్వే ట్రాక్లు మునిగిపోవడంతో ఇండియన్ రైల్వే అక్కడ రైళ్ల రాకపోకలను పూర్తిగా నిలిపివేసింది. ప్రయాణికుల భద్రత దృష్ట్యా పలు రైళ్లను రద్దు చేయడమో, లేదా ఇతర మార్గాల్లోకి మళ్లించడమో చేశారు. వరద ముప్పు ఉన్న ప్రాంతాల్లో సహాయక చర్యల కోసం ఆర్మీ రంగంలోకి దిగింది. రైల్వే శాఖ పరిస్థితిని నిరంతరం పర్యవేక్షిస్తూ ప్రయాణికులకు అప్డేట్లు అందిస్తోంది.
ఏదైనా పోస్ట్ చేసేటపుడు బీ కేర్ ఫుల్ !
ఇంటర్నెట్లో మనం పెట్టే ప్రతి పోస్ట్, ఫోటో లేదా కామెంట్ శాశ్వతంగా ఉండిపోతాయి. నేటి ఆధునిక సాంకేతికత (AI) సాయంతో పాత విషయాలను వెలికితీయడం చాలా సులభం. అందుకే ఏదైనా పోస్ట్ చేసే ముందు ఒక్క నిమిషం ఆలోచించడం అవసరం. మన డిజిటల్ భద్రత , వ్యక్తిగత గోప్యతను కాపాడుకోవడానికి "పోస్ట్ చేసే ముందే ఆలోచించండి" అనే హెచ్చరికను ఎల్లప్పుడూ గుర్తుంచుకోవాలి.
సంసద్ మార్చ్ పీస్ ఫుల్ - షబానా అజ్మీ
సంసద్ మార్చ్ లో బాలీవుడ్ సెలబ్రిటీలు లేరన్న మీడియా ప్రశ్నలకు నటి, సామాజిక కార్యకర్త షబానా అజ్మీ మండి పడ్డారు. వై ఓన్లీ సెలబ్రిటీస్. ఇండస్ట్రియలిస్టులు ఒక్కళ్లు రాలేదు. అదెందుకు అడగరు? అని ఎదురు ప్రశ్నించారు. స్టూడెంట్స్ డిమాండ్స్ ను సపోర్ట్ చేయాల్సింది పోయి పక్క దారి పట్టించకండి అంటూ ఫైర్ అయ్యారు. సమస్యను అడ్రస్ చేయమని తాను, తన భర్త ప్రధానికి లేఖ రాశామని నాలుగు రోజుల్లో రిప్లయ్ వస్తుందని చెప్పారని కానీ ఏం రాలేదని అన్నారు.ప్రభుత్వం వెంటనే స్టూడెంట్స్ తో చర్చలు జరిపి వారికి న్యాయం చేయాలని షబానా కోరారు.
సినిమాల్లోకి పివి సింధూ?- జక్కన్నను ఛాన్స్ కోరిన స్టార్ షట్లర్
మీరు తీసే ఏమూవీలోనైనా బ్యాడ్మింటన్ ప్లేయర్ రోల్ ఏదైనా ఉంటే యాక్ట్ చేయడానికి సిద్ధమంటూ స్టార్ షట్లర్ పివి సింధూ దర్శక దిగ్గజం రాజమౌళికి రిప్లయ్ ఇచ్చారు. అంతకుముందు రాజమౌళి జపాన్ ఓపెన్ గెలిచిన్ ఫస్ట్ ఇండియన్ గా రికార్డు క్రియేట్ చేశావు. దేశం నిన్ను చూసి గర్వ పడుతోంది.మంచి కంబ్యాక్ ఇచ్చావంటూ సింధూని ఎక్స్ వేదికగా ప్రశంసలతో ముంచెత్తారు. దీనికి రిప్లయ్ ఇస్తూ సింధూ తన మనసులో కోరికను బయటపెట్టి ఓ రెండు ఫన్నీ ఎమెజీలు షేర్ చేస్తూ ట్వీట్ చేసింది. వారణాసి మూవీ కోసం ఎదురు చూస్తున్నానని కూడా సింధూ మెసేజ్ చేసింది.
సింప్లిసిటీకి బెస్ట్ ఎగ్జాంపుల్ సాయి పల్లవి హోమ్ !
రాబోయే భారీ బడ్జెట్ మూవీ 'రామాయణం'లో సీతగా నటిస్తున్న సాయి పల్లవి, గ్లామర్ ప్రపంచానికి దూరంగా కోయంబత్తూరులో నివసిస్తున్నారు. సుమారు 8 కోట్ల విలువైన ఈ మల్టీ స్టోరీడ్ ఇల్లు మోడ్రన్ హంగులతో కాకుండా పూర్తి ట్రెడిషనల్ పద్ధతిలో కట్టారు., ఇందులో చేతితో చెక్కిన చెక్క ఊయల (Oonjal), టేకువుడ్ సోఫాలు, ప్రశాంతమైన పూజా గది ఉన్నాయి. పచ్చని మొక్కలతో కూడిన విశాలమైన బాల్కనీలు ప్రకృతికి దగ్గరగా ఉంటాయి.ఇక బెడ్ రూమ్స్ అయితే చెప్పనక్కరలేదు. అంత డీసెంట్ గా ఉన్నాయి. ఈ ఇల్లు ఆమె సింపుల్, సెన్సిటివ్ జీవన శైలికి అద్దం పడుతోంది.
తండ్రిని ఇనప రాడ్ తో కొట్టి చంపిన కొడుకు !
బెంగళూరులోని ఒక అపార్ట్మెంట్ కాంప్లెక్స్లో నేపాల్కు చెందిన ఒక వ్యక్తి తన తండ్రిని ఇనుప రాడ్తో కొట్టి చంపాడు. తండ్రీ, కొడుకులిద్దరూ వేర్వేరు అపార్టుమెంటుల్లో వాచ్ మన్లుగా పనిచేస్తున్నారు. తండ్రి చంద్ర కొత్త జాబ్ వెతుక్కుంటూ కొడుకు చేరిన అపార్టుమెంటుకి వెళ్లాడు. అక్కడ ఇద్దరి మధ్య హీటెడ్ ఆర్గ్యుమెంట్స్ జరిగాయి.కోపం పట్టలేక కొడుకు ద్రోణ తండ్రిని ఇనుప రాడ్ తో కొట్టాడు. ఆ ముసలి తండ్రి ప్రాణం అక్కడే పోయింది. సమాచారం అందుకున్న లోకల్ పోలీస్ కేసు నమోదు చేసి నిందితుడిని అదుపులోకి తీసుకున్నారు. ప్రస్తుతం ఈ హత్యకు గల కారణాలపై పోలీసులు దర్యాప్తు చేస్తున్నారు.
సీక్రెట్ గా ఐదు కీలక వ్యవస్థలను డెవలప్ చేసుకుంటున్న చైనా
చైనా తన నౌకాదళాన్ని, ముఖ్యంగా విమాన వాహక నౌకల (ఎయిర్క్రాఫ్ట్ క్యారియర్స్) సామర్థ్యాన్ని వేగంగా విస్తరిస్తోంది. కేవలం యుద్ధ నౌకలనే కాకుండా, వాటికి మద్దతుగా ఐదు కీలక భాగాల (5-Piece Set) వ్యూహాత్మక వ్యవస్థను అభివృద్ధి చేస్తోంది. ఇందులో అత్యాధునిక జెట్ విమానాలు, నిఘా వ్యవస్థలు ఉన్నాయి. ఈ స్పీడ్ తో సైనిక విస్తరణ ఇండియన్ ఓషన్ లో భారత్కు భద్రతాపరమైన సవాళ్లను విసురుతోంది. ఇదిఇండియన్ డిఫెన్స్ సెక్టర్ తక్షణమే అలెర్ట్ అవ్వాల్సిన అవసరాన్ని సూచిస్తోంది.
సెషన్స్ తొలిరోజే రాహుల్ పై మోడీ సెటైర్
పార్లమెంట్ వర్షాకాల సమావేశాల మొదటి రోజు ప్రధాని మోదీ ప్రతిపక్ష నేత రాహుల్ గాంధీని ఉద్దేశించి పరోక్షంగా సెటైర్ వేశారు. శనివారం కక్ష్యలోకి చేరి రికార్డు సృష్టించిన విక్రమ్-1 ప్రైవేట్ రాకెట్ (స్కైరూట్ ఏరోస్పేస్) బృందం సగటు వయసు 28 ఏళ్లేనని మోదీ ప్రశంసించారు. తాను దేశంలో తిరుగుతున్న కొందరు "56 ఏళ్ల యువకుల" గురించి మాట్లాడటం లేదని, నిజమైన యంగ్ సైంటిస్టుల ప్రతిభను మెచ్చుకుంటున్నానని అనడంతో సభలో నవ్వులు పూశాయి.
డిమాండ్లు నెరవేరే వరకూ దీక్ష కొనసాగుతుంది- సోనమ్ వాంగ్చుక్
కేంద్ర ప్రభుత్వ ప్రతినిధులు, కాక్రోచ్ జనతా పార్టీ (CJP) నాయకుల మధ్య చర్చలు విజయవంతం కావడంతో, ఆందోళనలను విరమించాలని కేంద్రం విజ్ఞప్తి చేసింది. అయితే, లడఖ్ ఉద్యమకారుడు సోనమ్ వాంగ్చుక్ మాత్రం తన డిమాండ్లు పూర్తిగా నెరవేరే వరకు నిరాహార దీక్షను కొనసాగిస్తానని స్పష్టం చేశారు. విద్యార్థుల నిరసనలపై లాఠీఛార్జ్, బాష్పవాయువు ప్రయోగం సరికాదని రాహుల్ గాంధీ విమర్శించగా, ఈ నిరసనలపై నిఘా ఉంచడంపై ఢిల్లీ హైకోర్టు పోలీసులను ప్రశ్నించింది.
ఇకపై అయోధ్య విరాళాల లెక్కించేది SBI
అయోధ్య రామమందిర హుండీ నిధుల చోరీ వెలుగులోకి వచ్చాక విరాళాల లెక్కింపు బాధ్యతల్ని స్టేట్ బ్యాంక్ ఆఫ్ ఇండియా చేపట్టింది. ఇంత కాలం రామజన్మ భూమి తీర్థక్షేత్ర ట్రస్ట్ హుండీ విరాళాలు లెక్కించేది. భారీగా నిధులు చోరీ సిట్ 8 మందిని అరెస్ట్ చెయ్యడం తర్వాత హుండీ హుండీ మేనేజ్మెంట్ బాధ్యతను SBIకి అప్పగించారు. దీనిపైన ప్రకటన చేసిన ట్రస్ట్.. ఆలయ రద్దీ పెరగడం వల్ల హుండీలు త్వరగా నిండిపోతున్నాయి రోజూ 12 గంటలు, 2 షిఫ్టుల్లో కౌంటింగ్ జరుగుతోంది, SBI కౌంట్ చేసి టెంపుల్ ఖాతాలో డిపాజిట్ చేస్తోంది అని ప్రకటించింది.
ఏపీ జిల్లాలకు వర్షం హెచ్చరిక
AP: రాష్ట్ర విపత్తు నిర్వహణ సంస్థ ఆంధ్రప్రదేశ్లో రేపు(మంగళశారం) వర్షాలు పడతాయని తెలిపింది. బంగాళాఖాతంలో ఉపరితల మార్పు వల్ల తీరప్రాంతాల్లో గంటకు 40-50 కిలోమీటర్ల వేగంతో గాలులు వీస్తాయని, శ్రీకాకుళం, పార్వతీపురం, అల్లూరి, పోలవరం, కృష్ణా, ఎన్టీఆర్ జిల్లాల్లో పిడుగులతో కూడిన మోస్తరు వర్షాలు కురుస్తాయని చెప్పింది. ప్రజలు పిడుగుల సమయంలో చెట్లు, కరెంట్ స్తంభాల కింద నిలబడకూడదని, మత్స్యకారులు వేటకు వెళ్లకూడదని అధికారులు హెచ్చరించారు.
నిరసనలు విరమించి సహకరించండి: జేపీ నడ్డా
ప్రభుత్వంతో చర్చలు జరపాలని సీజేపీ నిరసనకారుల నుంచి ఈరోజు ఉదయం తనకు ప్రతిపాదన వచ్చిందని కేంద్ర మంత్రి జేపీ నడ్డా తెలిపారు. ఉదయం 11:50 గంటల నుంచి సీజేపీతో చర్చలు కొనసాగుతున్నాయని ఎక్స్లో పోస్ట్ చేశారు. వారితో ప్రాథమికంగా వివరంగా మౌఖిక చర్చ జరిపి సాయంత్రం 4 గంటల ప్రాంతంలో వారు తనకు లిఖితపూర్వక వినతిపత్రాన్ని సమర్పించారని వెల్లడించారు. నిరసనకారులందరూ తమ ధర్నాను విరమించి, పరిపాలనా యంత్రాంగానికి సహకరించాలని అభ్యర్థించారు.
గ్లాసులో నీటితో కరెంట్ తయారు చేసుకోవచ్చా?
గ్లాసులోని నీటితో మన ఇంట్లోకి కావాల్సిన కరెంట్ తయారు చేసుకోవచ్చా? అసాధ్యం అంటారా? భారత సంతతికి చెందిన ఒక శాస్త్రవేత్త ఇదంతా సాధ్యమేనని అంటున్నారు. తన ప్రయోగాలు గనుక ఆశించిన ఫలితాన్ని ఇస్తే అనంతమైన విద్యుత్తు మన సొంతమవుతుందని అంటున్నారు. ఆయన పేరు యోగేంద్ర నారాయణ్ శ్రీవాత్సవ. తన సిద్ధాంతాన్ని రుజువు చేసేందుకు సొంత ఖర్చులతో ప్రయోగాలకు కూడా ఆయన సిద్ధం అవుతున్నారు.
డేటా సెంటర్లకు వ్యతిరేకంగా ఆందోళనలు
దేశంలో గూగుల్, మైక్రోసాఫ్ట్, అమెజాన్ రూ.5.6 లక్షల కోట్ల ఖర్చుతో డేటా సెంటర్లు ఏర్పాటు చేయడానికి సిద్ధమవుతున్నాయి. వీటి వల్ల సౌండ్ పొల్యూషన్, వాటర్, కరెంట్ కొరత ఏర్పడుతుందని మహారాష్ట్రలో స్థానికులు, సామాజిక కార్యకర్తలు ఆందోళన చేస్తున్నారు. పర్యావరణానికి ముప్పు ఉందంటూ నిరసనలు తెలుపుతున్నారు.
16 ఏళ్లలోపు పిల్లలకు సోషల్ మీడియా నిషేధం?
దేశంలో 16 ఏళ్లలోపు పిల్లలకు సోషల్ మీడియా దూరం కానుందా? చిన్నతనంలోనే సోషల్ మీడియాకు అలవాటు పడటం వల్ల పిల్లల మానసిక ఆరోగ్యం దెబ్బతినడం, చదువుపై శ్రద్ధ తగ్గడం, ఆన్లైన్ నేరాల బారిన పడటం వంటి దుష్ప్రభావాలను లోనవుతున్నారు. దీన్ని అరికట్టాలని కేంద్రం భావిస్తున్నట్టు తెలుస్తోంది. ఆస్ట్రేలియా, ఇతర దేశాల్లో అమలు చేస్తున్న ఏజ్ లిమిట్ రూల్ను దృష్టిలో ఉంచుకుని డిజిటల్ వ్యక్తిగత డేటా రక్షణ చట్టం కింద తల్లిదండ్రుల అనుమతి తప్పనిసరి చేసేందుకు ప్రభుత్వం ఆలోచిస్తోంది.
మాతా–శిశు సంక్షేమానికి కొత్త అడుగు
AP: మాతా శిశు సంక్షేమానికి రాష్ట్ర ప్రభుత్వం గర్భిణులు, బాలింతలకు రవాణా సేవల్ని అందించేందుకు 'తల్లి–బిడ్డ ఎక్స్ప్రెస్' వాహనాలను అందుబాటులోకి తెస్తోంది. ఈ వాహనాలను సీఎం చంద్రబాబునాయుడు సీఎం క్యాంపు కార్యాలయంలో పరిశీలించారు. రాష్ట్రవ్యాప్తంగా 500 ప్రత్యేక SUV/MUV వాహనాలను వినియోగించనున్నారు. ఈ కార్యక్రమంలో వైద్య, ఆరోగ్య-కుటుంబ సంక్షేమ శాఖ కార్యదర్శి శ్రీ వీరపాండ్యన్, ఉన్నతాధికారులు, జాతీయ ఆరోగ్య మిషన్ అధికారులు పాల్గొన్నారు.
కొడంగల్లో సీఎం రేవంత్ పర్యటన
TG: సీఎం రేవంత్ రెడ్డి రేపటి నుంచి రెండు రోజుల పాటు వికారాబాద్ జిల్లా కొడంగల్ నియోజకవర్గంలో పర్యటించనున్నారు. దుద్యాల్ మండలం హకీంపేటలో ఎడ్యుకేషన్ హబ్ పనులను పరిశీలిస్తారు. తరువాత ఉన్నతస్థాయి సమావేశంలో సమీక్షిస్తారు. రాత్రి కొడంగల్లో బస చేసి మరుసటి రోజు (22న) నియోజకవర్గంలో చేపట్టిన అభివృద్ధి పనులను సమీక్షించనున్నారు. SIR కొనసాగుతున్న తీరును ముఖ్యమంత్రి పరిశీలిస్తారు. మధ్యాహ్నం తిరిగి హైదరాబాద్కు బయలుదేరుతారు.
బాన్సువాడ బాలింతలను నిమ్స్లో పరామర్శించిన హరీశ్ రావు
TG: బాన్సువాడ మాతా శిశు హాస్పిటల్లో బాలింతలకు చేసిన ఆపరేషన్ ఫెయిలవ్వడంతో తీవ్ర అస్వస్థతకు గురై ప్రస్తుతం హైదరాబాద్లోని నిమ్స్ హాస్పిటల్లో చికిత్స పొందుతున్నారు. మాజీ మంత్రి, బీఆర్ఎస్ ఎమ్మెల్యే టి.హరీశ్రావు సోమవారం నిమ్స్ ఆసుపత్రికి వెళ్ళి బాలింతలను, వారి కుటుంబ సభ్యులను పరామర్శించారు. బాధితుల ఆరోగ్య పరిస్థితి తెలుసుకున్నారు. మెరుగైన వైద్యం అందించాలని అధికారులను కోరారు.
దిల్లీ నిరసనలో యువతి కన్నీళ్లు
‘చలో సంసద్' మార్చ్ సందర్భంగా దిల్లీ పోలీసులు, నిరసనకారుల మధ్య ఘర్షణలు చెలరేగాయి. లాఠీఛార్జ్ చేయడంతో విద్యార్థులు తీవ్రంగా గాయపడ్డారు. ‘నిరసన తెలుపుతున్న విద్యార్థుల స్థానంలో మీ బిడ్డలు ఉంటే పరిస్థితి ఎలా ఉంటుందో ఆలోచించాలని’ ఓ యువతి కన్నీళ్లు పెట్టుకుంటూ పోలీసులను వేడుకుంది. ఈ వీడియోలు సోషల్ మీడియాలో వైరల్ అవుతున్నాయి. పరీక్ష పేపర్ లీకేజీలపై పోరాడుతున్న తమపై పోలీసులు ఇలా దాడి చేయడం దారుణమని విద్యార్థులు ఆవేదన వ్యక్తం చేస్తున్నారు.