Latest
రాముడి విరాళాలపై AAP ఉద్యమం
రామ మందిర విరాళాల వివాదంలో ఆరోపణలు ఎదుర్కొంటున్న వారిపై కఠిన చర్యలు తీసుకోవాలని ఆమ్ ఆద్మీ పార్టీ అధినేత అరవింద్ కేజ్రీవాల్ డిమాండ్ చేశారు. ఈ అంశంపైన ఆమ్ ఆద్మీ పార్టీ జాతీయ సంతకాల సేకరణ ప్రచారాన్ని ప్రకటించారు. ఈ ప్రచారం ఆదివారం ఢిల్లీలోని రోహిణిలో సుందరాకాండ పారాయణంతో మొదలౌతుంది.
HIVకి ఎండ్ కార్డ్? వ్యాక్సిన్ ట్రయల్స్ సక్సెస్!
HIV నివారణకి ఒక కొత్త వ్యాక్సిన్ రెడీ అవుతోంది. సైంటిస్టులు జంతువులపై చేసిన ప్రయోగాల్లో సూపర్ రిజల్ట్స్ వచ్చాయి. ఈ వ్యాక్సిన్ మన బాడీలో వైరస్‌తో పోరాడే పవర్‌ఫుల్ యాంటీబాడీలను తయారు చేస్తుంది. దీనికి సంబంధించిన డీటెయిల్స్ ప్రఖ్యాత 'నేచర్' జర్నల్‌లో కూడా పబ్లిష్ అయ్యాయి. జంతువులపై ప్రయోగాలు సక్సెస్ అవ్వడంతో, నెక్స్ట్ మనుషులపై కూడా క్లినికల్ ట్రయల్స్ స్టార్ట్ చేయబోతున్నారు. ఎయిడ్స్ నివారణలో ఇదో పెద్ద గుడ్ న్యూస్.
'పిల్ల జమిందార్' డైరెక్టర్‌పై కేసు!
టాలీవుడ్ దర్శకుడు గుడ్లూరి అశోక్ బాబుపై సైబరాబాద్ EOWలో కేసు నమోదైంది. ఓ యువకుడిని హీరోగా పరిచయం చేస్తానంటూ అతని తల్లిదండ్రుల నుంచి రూ.3.5 కోట్లు వసూలు చేసినట్లు ఆరోపణలు వచ్చాయి. డబ్బులు తీసుకున్నా హీరోగా ఛాన్స్ ఇవ్వకపోగా, ఆ అమౌంట్ కూడా తిరిగి ఇవ్వకపోవడంతో బాధితులు పోలీసులను ఆశ్రయించారు. ఈ భారీ ఫ్రాడ్‌పై కేసు ఫైల్ చేసిన పోలీసులు.. నిర్మాత విజయలక్ష్మి, డైరెక్టర్ అశోక్ బాబులను ప్రస్తుతం విచారిస్తున్నారు.
ఆ 41 మందికీ మెమోరియల్-CM విజయ్
కరూర్ తొక్కిసలాట ఘటన తర్వాత తమిళనాడు CM హోదాలో విజయ్ తొలిసారి ఆ ప్రాంతంలో పర్యటించారు. 41 మంది ప్రాణాలుపోతే DMK ఆ ఘటనను పొలిటికల్ మైలేజ్ కోసం వాడుకున్నారని విమర్శించారు. పోలీసులు వెంటనే రెస్పాండ్ అవ్వకపోవడం వల్లే ప్రాణనష్టం జరిగింది అన్నారు. తన పార్టీ TVK తరఫున బాధితులకు ఒక మొమోరియల్ (స్మారక చిహ్నం) నిర్మిస్తామని సీఎం ప్రకటించారు. ఇలాంటి సంఘటనలు మళ్లీ జరగకుండా నిరోధించేందుకు కఠిన చర్యలు తీసుకుంటాం అని హామీ ఇచ్చారు.
మటన్ కోసం పెళ్లిలో తన్నుకున్నారు 🤯
బీహార్: సహర్సా జిల్లాలో జరిగిన ఓ పెళ్లి వేడుకలో మటన్ వడ్డిస్తాం అని చెప్పి చికెన్ వడ్డించారని వరుడి బంధువులు నిలదీశారు. ఈ మెనూ మార్పుపై మొదలైన వాగ్వాదం ఏకంగా దాడుల దాకా వెళ్లింది. ఆరుగురికి తీవ్ర గాయాలయ్యాయి. వాళ్లను ఆసుపత్రికి తరలించారు. ఈ సంఘటనతో పెళ్లి వేడుక కాసేపు ఆగిపోయింది. సమాచారం అందుకున్న పోలీసులు ఘటనా స్థలానికి చేరుకుని పరిస్థితిని కంట్రోల్ చేశారు.
ఘోర ప్రమాదం.. స్కూటీపై వెళ్తున్న యువతి 😭
హైదరాబాద్ఛ గచ్చిబౌలి ప్రాంతంలో వాటర్ ట్యాంకర్ ఢీకొని యాక్టివాపై వెళ్తున్న యువతి అక్కడికక్కడే మృతి చెందింది. యువతి తల, ఇతర శరీర భాగాలకు తీవ్ర గాయాలయ్యాయి. బాధితురాలు దగ్గర్లో ఉన్న హాస్టల్లో ఉంటూ ప్రైవేటు జాబ్ చేస్తున్నట్లు పోలీసులు చెప్పారు. ప్రమాదం తర్వాత వాటర్ ట్యాంకర్ డ్రైవర్ పారిపోయాడు. అతనిపై కేసు పెట్టారు. డ్రైవర్ కోసం వెతుకుతున్నాం అని పోలీసులు చెప్పారు.
రియల్ లైఫ్ బాహుబలి!
పశ్చిమ బెంగాల్ బారక్‌పూర్‌లో జరిగిన ఒక షాకింగ్ ఘటనకు సంబంధించిన వీడియో ఇప్పుడు సోషల్ మీడియాలో వైరల్ అవుతోంది. ఒక కార్మికుడు ఏకంగా 190 కిలోల బరువుండే బుల్లెట్ బైక్‌ను తన తలపై ఎత్తుకుని, నిచ్చెనపై నడుస్తూ బస్సు పైకప్పు పైకి చేర్చాడు. అతని అసాధారణ బలం, మైండ్ బ్లోయింగ్ బ్యాలెన్స్ చూసి నెటిజన్లు షాక్ అవుతున్నారు. రియల్ లైఫ్ బాహుబలి అంటూ కామెంట్స్ చేస్తూ ఈ వైరల్ వీడియోను తెగ షేర్ చేస్తున్నారు.
తమిళనాడు CM విజయ్ బిగ్ స్టెప్!
తమిళనాడు CM విజయ్ కరూర్‌లో పర్యటించి, TVK సభ తొక్కిసలాటలో ప్రాణాలు కోల్పోయిన 32 మంది కుటుంబాలకు ప్రభుత్వ ఉద్యోగ నియామక పత్రాలను అందజేశారు. ఈ సందర్భంగా ఆయన మాట్లాడుతూ, ఆ తొక్కిసలాట ఘటన తన జీవితంలోనే అత్యంత బాధాకరమైనదని ఆవేదన వ్యక్తం చేశారు. ఆరోజు పోలీసులు ఓన్లీ డ్రామా ఆడారని మండిపడ్డారు. DMK ప్రభుత్వం రాష్ట్రాన్ని పూర్తిగా లూటీ చేసిందంటూ విజయ్ తీవ్రస్థాయిలో విమర్శలు చేశారు.
జడ్జీలపైనే ఆర్డర్స్ వేసిన పిటిషనర్!
అలహాబాద్ హైకోర్టు తీర్పును సవాల్ చేస్తూ ఓ పిటిషనర్ సుప్రీంకోర్టును ఆశ్రయించాడు. జస్టిస్ కేవీ విశ్వనాథన్ ధర్మాసనం ముందు వాదనలు ప్రారంభించిన వెంటనే, "లక్నో ACPపై FIR ఫైల్ చేయాలని నేను ఆదేశిస్తున్నా" అంటూ జడ్జీలపైనే ఆర్డర్స్ వేశాడు. దీంతో ఆశ్చర్యపోయిన జస్టిస్ విశ్వనాథన్.. "మమ్మల్ని ఆదేశిస్తున్నారా?" అని ప్రశ్నించారు. దానికి పిటిషనర్ స్పందిస్తూ "నా తరఫున చెప్పాల్సింది చెప్పాను, అంతా రికార్డులో ఉంది" అంటూ కోర్టు పేపర్లను గాల్లోకి విసిరేశాడు. సెక్యూరిటీ సిబ్బంది వెంటనే అతడిని అదుపులోకి తీసుకుని కోర్టు హాలు నుంచి బయటకు తీసుకెళ్లారు.
శోభన్‌బాబు సతీమణి కన్నుమూత
తెలుగు సినీ పరిశ్రమలో విషాదం చోటుచేసుకుంది. దివంగత నటుడు శోభన్‌బాబు సతీమణి శాంతకుమారి(86) వయోభారంతో కన్నుమూశారు. చెన్నైలో ఉంటున్న ఆమె ఆరోగ్య సమస్యలతో ఓ ప్రైవేట్ హాస్పిటల్‌లో చేరారని కుటుంబసభ్యులు తెలిపారు. అక్కడ శాంతకుమారిని పరామర్శించటానికి వచ్చిన వారితో మాట్లాడుతూ కార్డియాక్ అరెస్ట్‌కు గురై చనిపోయినట్లు వారు వివరించారు. ఆమె మరణవార్త తెలిసిన వెంటనే సినీ అభిమానులు, శోభన్‌బాబు అభిమానులు తీవ్ర దిగ్భ్రాంతికి గురయ్యారు. శాంతకుమారి, శోభన్‌బాబు దంపతుల వివాహం 1958 మే 15న జరిగింది.
విద్యార్థి సంఘాల ఆందోళన
TG: విద్యారంగ సమస్యలు పరిష్కరించాలని కోరుతూ శుక్రవారం రాష్ట్రవ్యాప్తంగా KG టు PG విద్యాసంస్థల బంద్‌కు వామపక్ష విద్యార్థి సంఘాల నేతలు పిలుపునిచ్చారు. SFI, AISFI, PDSU, AIDSO, AIFDS, AISB, AIPSU విద్యార్థి సంఘాల ఆధ్వర్యంలో హైదరాబాద్‌‌లో భారీ ప్రదర్శన నిర్వహించారు. కాంగ్రెస్‌ ప్రభుత్వం విద్యారంగంపై నిర్లక్ష్యంగా వ్యవహరిస్తుందని, ప్రభుత్వ విద్యను బాగుచేస్తామని చెప్పి 23వేల ప్రభుత్వ స్కూళ్లను మూసివేయాలని నిర్ణయించడం దుర్మార్గమన్నారు. ఫీజు రీయింబర్స్‌మెంట్‌, స్కాలర్‌షిప్స్‌ విడుదల కాకపోవడంతో విద్యార్థులు తీవ్ర ఇబ్బందులు పడుతున్నారని వెల్లడించారు.
USFI ఆధ్వర్యంలో ప్రజాభవన్ ముట్టడి
TG: రాష్ట్రంలో విద్యారంగ సమస్యలను పరిష్కరించాలని వామపక్ష విద్యార్థి సంఘాలు నేడు బంద్‌కు పిలుపునిచ్చాయి. USFI నాయకులు హైదరాబాద్‌లోని ప్రజాభవనన్‌ను ముట్టడించారు. పెండింగ్‌లో ఉన్న స్కాలర్‌షిప్‌ను వెంటనే విడుదల చేయాలని రోడ్డుపై బైఠాయించి నిరసన వ్యక్తం చేశారు. ఈ సందర్భంగా పెద్దఎత్తున ప్రభుత్వానికి వ్యతిరేకంగా నినాదాలు చేశారు. విద్యార్థుల సమస్యలను CM రేవంత్ రెడ్డి పట్టించుకోవటం లేదని, విద్యార్థుల జీవితాలతో చెలగాటం ఆడుతున్నారన్నారు. పోలీసులు అక్కడికి చేరుకుని విద్యార్థి నేతలను అరెస్ట్ చేసి స్టేషన్‌కు తరలించారు.
అంగన్వాడీల మెరుపు ధర్నా.. కలెక్టరేట్ వద్ద ఉద్రిక్తత
AP: దీర్ఘకాలికంగా ఉన్న తమ సమస్యలు పరిష్కరించాలని అంగన్వాడీ కార్యకర్తలు మెరుపు ధర్నాకు దిగడంతో తిరుపతి కలెక్టరేట్ వద్ద టెన్షన్ వాతావరణం నెలకుంది. ESI, PF సౌకర్యాలు కల్పించాలని డిమాండ్ చేశారు. CITU ఆధ్వర్యంలో రిలే నిరాహార దీక్ష చేపట్టారు. ప్రభుత్వం వెంటనే అంగన్వాడీ వర్కర్లకు రూ.26 వేల కనీస వేతనం ఇవ్వాలన్నారు. అంగన్వాడీలు సుదీర్ఘకాలంగా సేవలు అందిస్తున్నా, వారి సామాజిక భద్రతను ప్రభుత్వం విస్మరిస్తోందన్నారు. వెంటనే వారి డిమాండ్లను నెరవేర్చాలని కోరారు. ప్రభుత్వం స్పందించి సానుకూల నిర్ణయం తీసుకునే వరకు పోరాటం చేస్తామని హెచ్చరించారు.
ప్రశ్న రావణ్‌పై మరో కేసు
AP: ఏలూరు జిల్లా నూజివీడులో ప్రముఖ యూట్యూబర్, ప్రశ్న రావణ్ అలియాస్ జోసెఫ్‌పై మరో కేసు నమోదైంది. డిప్యూటీ CM పవన్ కల్యాణ్‌‌పై రావణ్ సోషల్ మీడియాలో అసభ్యకరమైన వ్యాఖ్యలు చేశారని జనసేన పార్టీ నాయకులు ఫైరయ్యారు. వ్యక్తిగత దూషణలే కాకుండా, కూటమి ప్రభుత్వంపై ప్రజల్లో తీవ్ర ద్వేషాన్ని, వ్యతిరేకతను రెచ్చగొట్టేలా ఆయన కుట్రపూరితంగా వ్యవహరించారని ఆరోపించారు. వెంటనే కఠిన చర్యలు తీసుకోవాలని జనసేన నాయకులు నూజివీడు పోలీస్‌స్టేషన్‌లో ఫిర్యాదు చేశారు. రావణ్‌పై ఇప్పటికే ఉపా, దేశద్రోహం కేసులు నమోదైన విషయం తెలిసిందే.
CM రేవంత్ రెడ్డి కంటిపరీక్ష చేయించుకోవాలి
TG: హైడ్రాను అడ్డం పెట్టుకుని హైదరాబాద్‌లోని నిరుపేదల ఇళ్లను రేవంత్ సర్కార్ బుల్డోజర్ల కింద నలిపేస్తోందని తెలంగాణ రక్షణ సేన(TRS) చీఫ్ కల్వకుంట్ల కవిత ఫైరయ్యారు. ట్విట్టర్‌ వేదికగా ఆమె రాష్ట్రప్రభుత్వంపై తీవ్ర విమర్శలు చేశారు. MIM అధినేత అసదుద్దీన్ ఒవైసీకి చెందిన విద్యాసంస్థలను కాపాడటానికి ఏకంగా కోర్టులను కూడా ప్రభుత్వం తప్పుదోవ పట్టిస్తోందని ఆరోపించారు. ఒవైసీ విద్యాసంస్థల నిర్మాణాలు చెరువులను కబ్జా చేసి కట్టారనే విషయం స్పష్టంగా కనిపిస్తున్నా రేవంత్ రెడ్డికి మాత్రం కన్పించడం లేదన్నారు. దీన్ని బట్టి చూస్తే తక్షణమే ఆయన కంటిపరీక్ష చేయించుకోవాలని ఎద్దేవా చేశారు.
జైలు భోజనం వద్దన్న ఖైదీ.. నా వంట నేనే చేసుకుంటా!
జైలు ఫుడ్ తినలేకపోతున్నానంటూ తిహాడ్ జైల్లోని అమెరికన్ ఖైదీ మాథ్యూ ఆరన్ వాన్‌డైక్ ఢిల్లీ కోర్టులో పిటిషన్ దాఖలు చేశాడు. జైలు ఆహారంలో మసాలా, కారం ఎక్కువ కావడంతో 50 రోజులుగా పస్తులు ఉంటున్నానని, 14 కేజీల బరువు తగ్గానని ఆరోపించాడు. సొంతంగా వంట చేసుకునేందుకు అనుమతివ్వాలని, తనకిష్టమైన సరుకులు, ఇండక్షన్ కుక్కర్ సమకూర్చాలని కోరాడు. టెర్రర్ ఆరోపణలతో మార్చిలో అరెస్టయిన మాథ్యూ పిటిషన్‌పై స్పందించాలని జైలు అధికారులను కోర్టు ఆదేశించింది. తదుపరి విచారణ జులై 21కి వాయిదా పడింది.
అఖిల్‌కు సమంత ఆల్ ది బెస్ట్.. 'లెనిన్' బ్లాక్‌బస్టర్ టాక్!
మూడేళ్ల గ్యాప్ తర్వాత హీరో అఖిల్ 'లెనిన్' సినిమాతో థియేటర్లలోకి వచ్చారు. మురళీకిశోర్ అబ్బూరు డైరెక్షన్‌లో వచ్చిన ఈ మూవీ పాజిటివ్ టాక్ సొంతం చేసుకుంది. ఈ నేపథ్యంలో సమంత 'లెనిన్' ట్రైలర్‌ను షేర్ చేస్తూ టీమ్‌కు ఆల్ ది బెస్ట్ చెప్పారు. ఇప్పటికే సినిమాకు బ్లాక్‌బస్టర్ టాక్ వినిపిస్తోందని పోస్ట్ పెట్టారు. మరోవైపు, సమంత లేటెస్ట్ హిట్ 'మా ఇంటి బంగారం' మూవీపై అఖిల్ స్పందిస్తూ.. ఆమె పవర్‌ఫుల్ యాక్షన్ సీన్స్ అద్భుతంగా చేశారంటూ ప్రశంసించారు.
వరుసగా రెండో రోజు పెరిగిన బంగారం ధరలు!
భారత్‌లో బంగారం ధరలు ఈరోజు కూడా స్వల్పంగా పెరిగాయి. అయితే మునుపటి రికార్డులతో పోలిస్తే రేట్లు ఇంకా తక్కువగానే ఉన్నాయని మార్కెట్ ఎక్స్‌పర్ట్స్ చెప్తున్నారు. హైదరాబాద్ మార్కెట్‌లో 24 క్యారెట్ల 10 గ్రాముల బంగారం ధర రూ.380 పెరిగి రూ.1,44,820కి చేరింది. అలాగే, 22 క్యారెట్ల 10 గ్రాముల గోల్డ్ ప్రైస్ రూ.350 వరకు పెరిగి ప్రస్తుతం రూ.1,32,750కు చేరుకుంది.
నటుడు ధర్మ మహేష్ ఇంట్లోకి దూసుకెళ్లిన కారు
TG: హైదరాబాద్‌లోని ఫిల్మ్‌నగర్‌లో గురువారం అర్ధరాత్రి ఓ కారు బీభత్సం సృష్టించింది. కొంతమంది యువకులు కారులో అతివేగంగా ఫిల్మ్‌నగర్ రోడ్డుపై ప్రయాణిస్తున్నారు. ఓవర్ స్పీడ్‌తో వచ్చిన కారు మలుపు వద్ద అదుపుతప్పి రోడ్డు పక్కనున్న డివైడర్‌ను దాటి నేరుగా నటుడు ధర్మ మహేష్ ఇంటి కాంపౌండ్ గోడను, గేటును ఢీకొట్టి లోపలికి దూసుకెళ్లింది. భారీ శబ్దం రావడంతో నటుడు ధర్మ కుటుంబసభ్యులు, స్థానికులు బయటకు పరుగులు తీశారు. ఎవరికీ ఎలాంటి గాయాలు కాలేదు. ఘటనపై నటుడు ధర్మ పోలీసులకు ఫిర్యాదు చేశారు. కారులో ఉన్న యువకులు మద్యం మత్తులో ఉన్నట్లుగా పోలీసులు గుర్తించారు.
దుల్కర్-పూజా మూవీకి క్లాసిక్ టైటిల్
దుల్కర్ సల్మాన్ మరియు పూజా హెగ్డే జంటగా నటిస్తున్న కొత్త సినిమాకు క్లాసిక్ టైటిల్ ఖరారు చేశారు. ఈ ప్రేమకథ చిత్రానికి శ్రీకారం చుట్టిన క్రేజీ స్టార్స్ సంతోషం వ్యక్తం చేశారు. టైటిల్ వివరాలు త్వరలో అధికారికంగా ప్రకటించనున్నారు.
ప్రశ్నిస్తే కేసులా?.. CPM రాష్ట్ర కార్యదర్శి ఫైర్
AP: ప్రశ్న రావణ్‌పై పెట్టిన UAPA, దేశద్రోహం కేసులను వెంటనే ఎత్తి వేయాలని CPM రాష్ట్ర కార్యదర్శి V.శ్రీనివాసరావు డిమాండ్ చేశారు. ప్రజాస్వామ్యంలో ప్రభుత్వాలు, ప్రజాప్రతినిధులపై విమర్శలను రాజకీయంగా ఎదుర్కోవాలి తప్ప, క్రిమినల్ కేసులు పెట్టడం సరికాదని ఆయన ఫైరయ్యారు. ప్రశ్నిస్తే ఉగ్రవాదులుగా ముద్రించడం అప్రజాస్వామికమని, రావణ్‌పై పెట్టిన ఈ అక్రమ కేసులను వెంటనే ఉపసంహరించుకోవాలని అన్నారు. APలో సోషల్ మీడియా పోస్టులకే 1,500కిపైగా కేసులు నమోదు చేసి, 1,300 మందికి పైగా అరెస్టు చేశారని ఆరోపించారు.