Latest
తుని చిన్నారి మిస్సింగ్ కేసుపై హైకోర్ట్ సీరియస్
AP: కాకినాడ జిల్లా తుని మండలం CH అగ్రహారానికి చెందిన రెండేళ్ల చిన్నారి జ్ఞానేశ్వరి మిస్సింగ్ కేసుపై హైకోర్ట్ సీరియస్ అయింది. పాప ఆచూకీ కనుగొనేందుకు తీసుకున్న చర్యల వివరాలు, ప్రస్తుత దర్యాప్తు పరిస్థితిపై సమగ్ర స్థాయి నివేదిక ఇవ్వాలని పోలీసులను ఆదేశించింది. మిస్సైన పిల్లల విషయంలో సుప్రీంకోర్టు నిర్దేశించిన స్టాండర్డ్ ఆపరేటింగ్ ప్రొసీజర్‌ను పాటించారా లేదా తెలపాలని కోరింది. చిన్నారి ఆచూకీ కనుగొనడంలో పోలీసులు విఫలమయ్యారని లాయర్ శ్రీకాంత్ దాఖలు చేసిన పిటిషన్‌పై హైకోర్ట్ ఈ ఆదేశాలను జారీ చేసింది.
మెగాస్టార్ చిరంజీవి, రామ్ చరణ్‌ల క్యూట్ వైరల్ వీడియో!
మెగాస్టార్ చిరంజీవి, రామ్ చరణ్‌ల క్యూట్ వీడియో ఒకటి సోషల్ మీడియాలో తెగ వైరల్ అవుతోంది. రీసెంట్ సూపర్ హిట్ 'పెద్ది' మూవీ సక్సెస్ మీట్‌లో చరణ్‌ను చూపిస్తూ.. "న్యూ ఏజ్ మెగాస్టార్ అయిన నా కొడుకును ముందుంచి, నేను వెనక ఉండడమే కరెక్ట్" అంటూ చిరు పుత్రోత్సాహాన్ని ఎంజాయ్ చేశారు. 'చరణ్-జీవి' అంటూ మురిసిపోయారు. తండ్రీకొడుకుల ఈ అద్భుతమైన క్యూట్ మూమెంట్‌ని చూసి మెగా ఫ్యాన్స్ ఫుల్ ఖుషీ అవుతున్నారు.
సాయికృష్ణ మిస్సింగ్ కేసు.. CI నాగరాజుపై సిట్ సీరియస్
AP: విజయవాడ సాయికృష్ణ మిస్సింగ్ కేసులో అరెస్టైన CI నాగరాజును సిట్ సుదీర్ఘంగా విచారిస్తోంది. అధికారులు సాయికృష్ణ అదృశ్యంపై ప్రశ్నల వర్షం కురిపించారు. CI నాగరాజు నోరు మెదపకపోవడం, సమాధానాలు దాటవేస్తుండటంతో ఈ కేసు మరింత మిస్టరీగా మారింది. సీఐ నుంచి ఎలాంటి సమాధానం రాకపోవడం, సాయికృష్ణ ఆచూకీ దొరకకపోవడం, CC ఫుటేజ్ మాయమవ్వడం వంటి పరిణామాలు ఇది లాకప్‌డెత్ అన్న అనుమానాలకు బలం చేకూరుస్తున్నాయి. నాగరాజును నేడు కోర్టులో ప్రవేశపెట్టనుండడంతో పటిష్ట బందోబస్తు ఏర్పాటు చేశారు.
రూ.158 కోట్ల భారీ రైస్‌మిల్ కుంభకోణం గుట్టురట్టు
TG: కరీంనగర్ కట్టరాంపూర్ భగత్‌నగర్‌కు చెందిన సౌభాగ్య లక్ష్మి రైస్ ఇండస్ట్రీస్ మేనేజర్ బండారి మారుతి, పార్ట్‌నర్ అంజయ్య వీరిద్దరూ పౌరసరపరాల జిల్లా మేనేజర్ ముప్పిడి శ్రీకాంత్‌తో CMR ధాన్యం ఒప్పందాన్ని కుదుర్చుకున్నారు. ప్రభుత్వానికి 2023 సంవత్సరంలో ఇవ్వాల్సిన 3116.360 మెట్రిక్ టన్నులు, 2024లో 2119.125 మెట్రిక్ టన్నుల బియ్యం ప్రభుత్వానికి అందించాల్సి ఉంది. తప్పించుకు తిరుగుతున్న ఇద్దరిని సుల్తానాబాద్ పోలీసులు అరెస్ట్ చేశారు. అక్రమ విక్రయాలకు పాల్పడి రాష్ట్రవ్యాప్తంగా మొత్తం రూ.158కోట్ల ప్రభుత్వ సొమ్మును పక్కదారి పట్టించినట్లు పోలీసులు నిర్ధారించారు.
పెద్దపులి సంచారం.. భయం భయం
AP: ఏలూరు జిల్లాలో సంచరిస్తున్న పెద్దపులి బుట్టాయగూడెం మండలంలోకి రావడంతో ప్రజలు భయాందోళనకు గురవుతున్నారు. నిమ్మలగూడెం శివారు పాలకుంట చెరువు వద్ద పులి దాడిలో 2ఆవులు మృతి చెందాయి. అటవీ ప్రాంతాల్లో ఎవరూ ఒంటరిగా తిరగవద్దని అటవీ అధికారుల సూచించారు. పులికి అమర్చిన రేడియో కాలర్‌తో కదలికలను సిబ్బంది పరిశీలిస్తున్నారు. పులిని పట్టుకునేందుకు మత్తుమందు, బోన్లు సిద్ధం చేశారు. సమీప అటవీ ప్రాంత ప్రజలను అధికారులు అప్రమత్తం చేశారు.
YCP నేతపై హత్యాయత్నం.. తాడిపత్రిలో ఉద్రిక్తత
AP: అనంతపురం జిల్లా తాడిపత్రి PS దగ్గర YCP నేత గంగులకుంట కేశవరెడ్డిపై కొంతమంది దాడి చేశారు. ఈ దాడిలో ఆయనకు తీవ్రగాయాలు అవడంతో స్థానికులు హాస్పిటల్‌కు తరలించగా ఆస్పత్రి వద్ద కూడా కేశవరెడ్డిపై దాడి జరిగింది. ఈ క్రమంలో కేతిరెడ్డి పెద్దారెడ్డి, JC ప్రభాకర్ రెడ్డి వర్గీయులు పరస్పరం దాడులు చేసుకున్నారు. దీంతో ఓ స్పార్పియో వాహనం, ఆస్పత్రి అద్దాలు ధ్వంసమయ్యాయి. తాడిపత్రిలో JC, కేతిరెడ్డి వర్గాల మధ్య చాలా కాలంగా గొడవలు జరుగుతున్న విషయం తెలిసిందే.
హత్య చేసి ఆపై అంత్యక్రియల్లో పాల్గొని
TG: మెదక్ జిల్లా రామాయంపేటకు చెందిన వృద్ధురాలు దోమకొండ సాయవ్వ ఈనెల 17న అనారోగ్యంతో మృతి చెందిందని అంత్యక్రియలు చేశారు. ఆమె మెడపై గాయం కనిపించడం, బంగారం కనిపించకపోవడంతో కుటుంబసభ్యులు పోలీసులకు ఫిర్యాదు చేశారు. సాయవ్వ రెండో కుమార్తె లక్ష్మి పెద్ద కుమారుడు విశాల్‌పై అనుమానం రాగా, అతడిని విచారించారు. అతడు హత్య చేసినట్లు అంగీకరించాడు. విశాల్, తన ఫ్రెండ్ ప్రశాంత్‌తో కలిసి సాయవ్వకు గొంతు నులిపి హత్య చేశారు. బంగారు ఉంగరం, చెవికమ్మలు, రూ.7,000 తీసుకొని హైదరాబాద్ పారిపోయారు. తర్వాత అమ్మమ్మ అంత్యక్రియల్లోనూ పాల్గొన్నట్లు CI సైదా తెలిపారు.
మత్తు ఇంజెక్షన్ తీసుకుని డాక్టర్ మృతి
TG: APలోని విశాఖపట్నానికి చెందిన మొహ్మద్ ఇమాయతుల్లా, అతని కుమారుడు ఖాసిం (27) HYD పాతబస్తీలోని యాకుత్‌పురాలో నివాసముంటున్నారు. డాక్టర్ ఖాసీం మల్లాపూర్‌లోని ఓ ప్రైవేట్ హాస్పిటల్‌లో నైట్ డ్యూటీ చేస్తున్నాడు. రాత్రి విశ్రాంతికని ఆసుపత్రిలోని తన గదిలోకెళ్లి గడియపెట్టుకున్నాడు. ఖాసీం ఎంతసేపటికీ బయటకు రావడం లేదని ఆసుపత్రి సిబ్బంది తలుపులు విరగ్గొట్టారు. అప్పటికే ఆయన మృతి చెంది ఉన్నట్లు గుర్తించారు. తనకు నిద్ర పట్టడం లేదని ఖాసిం చెప్పేవారని ఆయన తండ్రి పోలీసులకు తెలిపారు. నిద్ర కోసం మాత్రలతోపాటు మత్తు ఇంజెక్షన్ తీసుకున్నట్లు పోలీసులు గుర్తించారు.
నలుగురు దారుణ హత్య... వీడని మిస్టరీ
TG: నల్గొండ పట్టణంలోని సాగర్ రోడ్డు తెలంగాణ కాలనీలో నలుగురు కుటుంబసభ్యులు దారుణ హత్య మిస్టరీ వీడడం లేదు. నాలుగు హత్యలు ప్లాన్ ప్రకారమే జరిగినట్లు పోలీసులు నిర్ధారించారు. నలుగురి హత్యలకు సంబంధించి ఇద్దరు లేదా ముగ్గురు వ్యక్తులు ఈ ఘాతుకానికి పాల్పడినట్లు అనుమానిస్తున్నారు. తండ్రి సుల్తాన్‌కు ఆరు కత్తిపోట్లు, కుమారుడు ముజామ్మిల్‌కు 12, హసీనాకు 8, కూతురు అప్సర్‌ శరీరంపై తొమ్మిది కత్తిపోట్లు ఉన్నట్లు పోస్టుమార్టం నివేదికలో వెల్లడైంది. కానీ హత్యలకు గల కారణాలు మాత్రం తెలియరాలేదు. ఘటనకు సంబంధించిన ఆనవాళ్లు సేకరించడం పోలీసులకు సవాల్‌గా మారింది.
ఉద్యమానికి సిద్ధం కావాలి: AP JAC
AP: రాష్ట్ర ప్రభుత్వ ఉద్యోగులకు జాప్యం లేకుండా మధ్యంతర భృతి ప్రకటించాలని, 12వ PRC కమిషనర్‌ను నియమించాలని AP JAC ఛైర్మన్ బొప్పరాజు వెంకటేశ్వర్లు డిమాండ్ చేశారు. విజయవాడలో ప్రభుత్వ ఉద్యోగుల JAC, అనుబంధ ఉద్యోగ సంఘాల రాష్ట్ర, అధ్యక్ష ప్రధాన కార్యదర్శులతో నిర్వహించిన సమావేశంలో ఆయన మాట్లాడారు. పెండింగ్ DAలను విడుదల చేయాలని, 11వ PRC ఎరియర్స్ తదితర ఆర్థికపరమైన సమస్యలు, పెండింగ్ డిమాండ్లను పరిష్కరించాలన్నారు. దీర్ఘకాలిక సమస్యల పరిష్కారానికి రాష్ట్ర ప్రభుత్వ ఉద్యోగులు ఉద్యమానికి సన్నద్ధం కావాలని AP JAC పిలుపునిచ్చింది.
యువరైతు ఆత్మహత్యాయత్నం
AP: చిత్తూరు జిల్లా గంగాధర నెల్లూరు మండలంలో బొమ్మవారిపల్లి విలేజ్‌కు చెందిన యువరైతు లోకేశ్ నాయుడు నాలుగురోజుల క్రితం మామిడి లోడ్‌తో జైన్ మామిడి గుజ్జు పరిశ్రమకు చేరుకున్నాడు. వరుసలో ఉన్నప్పటికీ ఇప్పటివరకు సీరియల్ నంబర్ ఇవ్వలేదు. కానీ అర్ధరాత్రి వేళ సిఫారసులతో వచ్చిన వాహనాలను వరుసగా ఫ్యాక్టరీలోకి వెళ్తుండటంతో ప్రశ్నించగా, అక్కడి సిబ్బంది, దళారులు ఇక్కడి నుంచి వెళ్లిపో అంటూ దురుసుగా ప్రవర్తించారు. కుంగిపోయిన లోకేశ్ ఒంటిపై డీజిల్ పోసుకుని ఆత్మహత్యాయత్నానికి పాల్పడ్డాడు. అక్కడున్న రైతులు అడ్డుకున్నారు.
నేరస్థులను తయారు చేసే కర్మాగారం YCP: మంత్రి నిమ్మల
AP: నేరస్థులను తయారు చేసే కర్మాగారం YCP అని, నేతలను తయారు చేసే పార్టీ TDP అని మంత్రి నిమ్మల రామానాయుడు అన్నారు. సచివాలయంలో ఆయన మీడియాతో మాట్లాడారు. కాపులకు ద్రోహం చేసింది, చేస్తుంది YS జగన్మోహన్ రెడ్డేనని, కేంద్రం EWS కింద 10% రిజర్వేషన్లు ఇస్తే గత TDP ప్రభుత్వంలో చంద్రబాబు ఎవరికీ ఇబ్బంది లేనివిధంగా అందులో 5% కాపులకు కేటాయించారు. జగన్ CM అయ్యాక వాటిని రద్దు చేశారు. YCPలో కాపు నాయకులు అప్పుడు ఎందుకు ఆయన్ను నిలదీయలేదన్నారు. ఏ చెంపదెబ్బలు తినాల్సి వస్తుందోనని భయపడ్డారు అని మంత్రి నిమ్మల ప్రశ్నించారు.
బస్తీ దవాఖానాల్లో కార్పొరేట్‌ వైద్యం
హైదరాబాద్‌‌లోని పేదలకు ఖరీదైన వైద్యం ఇక ఉచితం కానుంది. నేషనల్‌ అర్బన్‌ హెల్త్‌ మిషన్‌ ఆధ్వర్యంలో తెలంగాణ ప్రభుత్వం అర్బన్‌ హెల్త్‌ సెంటర్లను పాలీ క్లినిక్‌లుగా మారుస్తూ ఈ డిసెషన్ తీసుకుంది. వీటికి ‘ఆరోగ్య దీపిక పాలీ క్లినిక్‌’ అనే పేరు పెట్టింది. త్వరలోనే వీటిని ప్రారంభించేందుకు వైద్యఆరోగ్య, కుటుంబ సంక్షేమ విభాగం అన్ని ఏర్పాట్లు చేసింది. వీటిలో ఉస్మానియా, గాంధీ వంటి ప్రతిష్ఠాత్మక వైద్య కళాశాలల నిపుణులతో బస్తీల్లోనే సేవలందించనున్నారు. పెరుగుతున్న జనాభాకు అనుగుణంగా నాణ్యమైన, ఉచిత వైద్యం అందించడమే లక్ష్యంగా రాష్ట్ర వైద్య ఆరోగ్యశాఖ సరికొత్త ప్రణాళికను సిద్ధం చేసింది.
సీఎం విజయ్ బర్త్ డే కు త్రిష ఎమోషనల్ విషెస్ !
నటి త్రిషకు, తమిళనటుడు, సీఎం విజయ్ కు మధ్య బ్రేకప్ అయిందన్న రూమర్లకు త్రిష ఎట్టకేలకు ఫుల్ స్టాప్ పెట్టారు. సీఎం విజయ్ పుట్టిన రోజైన 22న కాకుండా మరుసటి రోజున ఆమె ఆయనకి బర్త్ డే విషెస్ చెబుతూ పోస్ట్ పెట్టారు. అత్యంత విలువైన వ్యక్తికి హ్యాపీ బర్త్ డే అంటూ హార్ట్ సింబల్ గుర్తులతో మెసేజ్ చేశారు. ఆ క్యాప్షన్ వెంటే విజయ్ తనతో ఇంటిమేట్ గా ఉన్న ఒక ఫోటోను షేర్ చేశారు. అందులో విజయ్ కేక్ వంక చూస్తుండగా త్రిష విజయ్ వంక చూస్తున్నట్లుగా ఉంది. ఈ ఒక్క బర్త్ డే మెసేజ్ తో వీరిద్దరికి మధ్య బ్రేకప్ అయిందన్న వార్తలకు చెక్ చెప్పినట్లయింది.
కీలక ప్రాజెక్టులకు AP కేబినెట్‌ ఆమోదం
రాష్ట్రంలో యువతకు ఉద్యోగావకాశాలు కల్పించే పలు కీలక ప్రాజెక్టులకు AP కేబినెట్‌ ఆమోదం తెలిపింది. రూ.30,353 కోట్ల పెట్టుబడితో 34,610 మందికి ఉద్యోగావకాశాలు కల్పించే ప్రాజెక్టుల ఏర్పాటుకు మంత్రిమండలి గ్రీన్ సిగ్నల్ ఇచ్చింది. డేటా సెంటర్లు, సోలార్ ప్రాజెక్టులు, ఎనర్జీ రంగంలో పెట్టుబడుల ఆమోదంపై చర్చించి నిర్ణయం తీసుకుంది. అమరావతిలోని క్వాంటమ్ వ్యాలీలో పెట్టుబడులు ఊపందుకున్నాయి. C-డాట్, ఆటోమియామిక్స్ ఇండియా, క్యూపీఐ AI ఇండియా, ప్రూగల్ AI హబ్ సహా 11 సంస్థలు ఇక్కడ పెట్టుబడి పెట్టే ప్రతిపాదనలకు మంత్రివర్గం ఆమోదం తెలిపింది.
లంచం తీసుకుంటూ ఏసీబీకి పట్టుబడ్డ ఎస్సై
హైదరాబాద్ లో మరో పోలీస్ అధికారి అవినీతికి పాల్పడుతూ ఏసీబీకీ దొరికిపోయాడు..! సిటీ పోలీస్ కమిషనరేట్ పరిధిలోని గాంధీనగర్ పోలీస్ స్టేషన్ లో ఎస్సై అధికారిగా విధులు నిర్వహిస్తున్న నరసింహ అవినీతికి పాల్పడ్డాడు..! ఒక కేసులో నిందితుడికి బెయిల్ ఒప్పించడానికి లక్ష రూపాయలు డిమాండ్ చేశాడు..! అయితే అంత ఇచ్చుకోలేనని కాస్త తగ్గించాలని కోరినప్పటికీ నరసింహ ససేమిరా అన్నాడు..! దీంతో ముందుగా రూ. యాబై వేలు ఇచ్చేందుకు ఒప్పందం కుదిరింది..! అప్పటికే అతన్ని ఏసీబీకి పట్టించాలని డిసైడ్ అయిన నిందితుడి తరపువాళ్ళు ముందస్తు సమాచారంతో పక్కాగా ట్రాప్ చేసి పట్టుకున్నారు.
నటుడు ప్రకాశ్ రాజ్ కు నాన్ బెయిలబుల్ అరెస్ట్ వారెంట్ జారీ
నటుడు ప్రకాశ్ రాజ్ కు ఒకటి కంటే ఎక్కువ ఓటరు గుర్తింపు కార్డులున్నాయన్న ఆరోపణల కేసులో నాన్ బెయిలబుల్ అరెస్ట్ వారెంట్ జారీ అయింది. 2019లో దిలీప్ కుమార్ అనే లాయర్ ప్రకాశ్ రాజ్ కు నాలుగు ఓటర్ ఐడీ కార్డులున్నాయని కేసు పెట్టారు. కర్ణాటక, తెలంగాణ, తమిళనాడు, ఏపీలలో ఓటు హక్కు ఉందని ఆయన ఫిర్యాదు చేశారు.ఈ విషయంపై బెంగళూరు మున్సిపాలిటీకి కూడా కంప్లయింట్ చేశారు. అయినా ఫలితం లేకపోవడంతో ఆ లాయర్ కోర్టును ఆశ్రయించారు. కోర్టు అనేక మార్లు విచారణకు రావాలని పిలిచినా ప్రకాశ్ రాజ్ స్పందించలేదు. దాంతో బెంగళూరు హై కోర్టు ఆయనకు అరెస్టు వారెంట్లు జారీ చేసింది.
శ్రీశైలం హైవేపై దారుణం.. 3 పరిస్థితి సీరియస్!
నాగర్ కర్నూల్ జిల్లా అమ్రాబాద్ వద్ద హైదరాబాద్-శ్రీశైలం మెయిన్ రోడ్డుపై ఘోర ప్రమాదం జరిగింది. ఓ ప్రైవేట్ జీపు కంట్రోల్ తప్పి ఏకంగా 100 అడుగుల లోయలోకి దూసుకెళ్లింది. అమ్రాబాద్ నుండి గవర్నమెంట్ టీచర్స్, చిన్నపిల్లలతో అచ్చంపేట వస్తుండగా ఈ యాక్సిడెంట్ జరిగింది. ఈ ఘటనలో 10 మందికి తీవ్ర గాయాలు కాగా, ముగ్గురి పరిస్థితి చాలా క్రిటికల్‌గా ఉంది. ప్రస్తుతం బాధితులందరినీ ట్రీట్‌మెంట్ కోసం అచ్చంపేట ఏరియా హాస్పిటల్‌కు తరలించారు. ఈ యాక్సిడెంట్ న్యూస్ లోకల్‌గా తీవ్ర కలకలం రేపుతోంది.
ప్రీ-వెడ్డింగ్ షూట్‌లో దారుణం.. కాబోయే భర్తను చంపేసిన యువతి!
పుణెలో జరిగిన కేతన్ విశాల్ డెత్ కేస్‌లో షాకింగ్ ట్విస్ట్ బయటపడింది. కొండ పైన ప్రీ-వెడ్డింగ్ షూట్ చేస్తూ కేతన్ ప్రమాదవశాత్తు లోయలో పడిపోయాడని అంతా అనుకున్నారు. కానీ, ఇదొక ప్లాన్డ్ మర్డర్ అని పోలీస్ ఇన్వెస్టిగేషన్‌లో తేలింది. కేతన్ కాబోయే భార్య, తన లవర్ చేతన్ చౌదరితో కలిసి ఈ మర్డర్ చేసినట్టు పోలీసులు అనుమానిస్తున్నారు చేస్తున్నారు. ఈ ఇయర్ నవంబర్‌లో వీరికి జైపూర్‌లో గ్రాండ్ గా వెడ్డింగ్ ప్లాన్ చేశారు. ఇంతలోనే లవర్‌తో కలిసి కాబోయే భర్తను కొండపై నుండి నెట్టేసింది.
మురళీ మోహన్‌కు ‘పద్మశ్రీ’.. టాలీవుడ్‌లో ప్రౌడ్ మూమెంట్!
ప్రముఖ టాలీవుడ్ నటుడు, నిర్మాత, మాజీ ఎంపీ మాగంటి మురళీ మోహన్‌కు ప్రతిష్టాత్మక ‘పద్మశ్రీ’ పురస్కారం లభించింది. మూవీ ఇండస్ట్రి లో ఆయన అందించిన అద్భుతమైన సేవలకు గుర్తింపుగా కేంద్ర ప్రభుత్వం ఈ అవార్డును ప్రెజెంట్ చేసింది. నటుడిగా ఎన్నో సూపర్ హిట్ మూవీస్ చేయడమే కాకుండా, ప్రొడ్యూసర్‌గానూ టాలీవుడ్‌లో మురళీ మోహన్ తనదైన మార్క్ క్రియేట్ చేశారు. ఈ వండర్‌ఫుల్ ఆనర్ దక్కడంతో తెలుగు సినిమా ఇండస్ట్రీతో పాటు ఫ్యాన్స్ ఆయనకు సోషల్ మీడియా వేదికగా హార్ట్‌ఫుల్ కంగ్రాట్స్ చెప్తున్నారు.
యాక్టర్ మాధవన్‌కు 'పద్మశ్రీ' అవార్డు!
వర్సటైల్ యాక్టర్ మాధవన్‌కు రేర్ హానర్ దక్కింది. ఇండియన్ సినిమాలో ఆయన అందించిన వండర్‌ఫుల్ కాంట్రిబ్యూషన్‌కు గుర్తింపుగా కేంద్ర ప్రభుత్వం ‘పద్మశ్రీ’ అవార్డుతో గౌరవించింది. ఢిల్లీలో జరిగిన గ్రాండ్ ఈవెంట్‌లో ప్రెసిడెంట్ ద్రౌపది ముర్ము చేతులమీదుగా మాధవన్ ఈ అవార్డు అందుకున్నారు. లవర్ బాయ్‌గా, విలన్‌గా, డైరెక్టర్‌గా ఎన్నో సూపర్ హిట్ మూవీస్ చేసిన మాధవన్‌కు ఈ హానర్ దక్కడంపై ఫ్యాన్స్ ఫుల్ హ్యాపీగా ఉన్నారు.