Entertainment

Entertainment· 16 Aug 2026

సూపర్‌స్టార్‌కి 51 ఏళ్లు.. ఆగస్ట్ 15న మరో స్పెషల్‌ మూమెంట్!

సూపర్‌స్టార్‌ రజనీకాంత్‌ సినీ ఫీల్డ్‌లోకి అడుగుపెట్టి 51 ఏళ్లు పూర్తయ్యాయి. ఆగస్ట్ 15న ఆయన 51వ ఫిల్మ్ యానివర్సరీ సెలబ్రేషన్స్‌ను ‘ధర్మన్‌’ సినిమా సెట్స్‌లో గ్రాండ్‌గా జరుపుకున్నారు. డైరెక్టర్ అశ్వత్‌ మారిముత్తు, మూవీ టీమ్ స్పెషల్‌గా కేక్‌ కట్‌ చేసి సెలబ్రేషన్స్‌ చేసుకున్నారు. 1975 ఆగస్ట్ 15న ‘అపూర్వ రాగంగళ్‌’ సినిమాతో రజనీకాంత్‌ సినీ జర్నీని స్టార్ట్ చేశారు. ఐదు దశాబ్దాలుగా ఇండియన్ సినిమాల్లో ఆయన తనకంటూ ప్రత్యేక స్థానాన్ని సంపాదించుకున్నారు.

Entertainment· 15 Aug 2026

‘ఫౌజీ’ నుంచి అదిరిపోయే పోస్టర్!

'Independence Day' సందర్భంగా ‘ఫౌజీ’ మూవీ నుంచి మేకర్స్ కొత్త పోస్టర్ రిలీజ్ చేశారు. ప్రభాస్ చేతుల్లో తుపాకులు, రక్తంతో తడిసిన బట్టలతో కనిపించడం వల్ల సినిమా పై ఆసక్తిని పెంచుతోంది. మహాత్మా గాంధీ పాత్ర కూడా పోస్టర్‌లో కనిపిస్తోంది. స్వాతంత్య్రం కోసం పోరాడిన ప్రతి సైనికుడి స్ఫూర్తికి వందనం అంటూ చిత్రబృందం శుభాకాంక్షలు తెలిపింది. డిసెంబర్ 3న ఈ మూవీ రిలీజ్ కానుంది.

Entertainment· 15 Aug 2026

Royal Enfield పై ‘సైరాబాను'

హీరో ఆది సాయికుమార్ నటిస్తున్న కొత్త సినిమా ‘సైరాబాను’ ఫస్ట్ లుక్ పోస్టర్‌ను స్వాతంత్ర్య దినోత్సవం సందర్భంగా విడుదల చేశారు. ఇందులో ఆది సంప్రదాయ తెల్లటి దుస్తులు, రుద్రాక్ష మాలలతో రాయల్ ఎన్‌ఫీల్డ్ బైక్ నడుపుతుండగా, వెనుక హిజాబ్ ధరించిన హీరోయిన్ బంధవి శ్రీధర్ కూర్చుని ఆకట్టుకుంటున్నారు. ఈ సినిమా ఒక ఆసక్తికరమైన హిందూ-ముస్లిం ప్రేమకథలా అనిపిస్తోంది. ఫణి కృష్ణ సిరికి దర్శకత్వంలో హాస్య మూవీస్ బ్యానర్‌పై రాజేష్ దండా ఈ చిత్రాన్ని నిర్మిస్తున్నారు.

Entertainment· 15 Aug 2026

‘కామ్రేడ్ కళ్యాణ్’ రిలీజ్ డేట్ ఫిక్స్!

శ్రీవిష్ణు కొత్త సినిమా ‘కామ్రేడ్ కళ్యాణ్’ రిలీజ్ డేట్ వచ్చేసింది. ఈ సినిమాను అక్టోబర్ 9న విడుదల చేస్తున్నట్లు మేకర్స్ అనౌన్స్ చేశారు. 1990 కాలంలో ఆంధ్రా-ఒడిశా బోర్డర్ బ్యాక్‌డ్రాప్‌లో వచ్చే కామెడీ అండ్ యాక్షన్ సినిమా. ఇందులో మహిమా నంబియార్ హీరోయిన్‌గా నటిస్తుండగా, సత్య, ముక్కు అవినాష్‌ ముఖ్య పాత్రల్లో కనిపిస్తారు. జానకిరామ్ మారెళ్ల దర్శకత్వంలో, కోన వెంకట్ సమర్పణలో వస్తున్న ఈ సినిమాకి విజయ్ బుల్గానిన్ మ్యూజిక్ అందిస్తున్నారు.

Entertainment· 15 Aug 2026

విజయ్ ‘రణబాలి’ పోస్టర్!

'Independence Day' సందర్భంగా విజయ్ దేవరకొండ ‘రణబాలి’ సినిమా పోస్టర్ విడుదల చేశారు. రాహుల్ సంకృత్యాన్ దర్శకత్వంలో 1854–1878 నాటి రాయలసీమ బ్రిటిష్ పోరాటం ఆధారంగా ఈ సినిమా వస్తోంది. పోస్టర్‌లో విజయ్ ఒంటిపై గాయాలు, రక్తం, మట్టి మరకలతో కనిపిస్తున్నారు. భుజంపై ఉన్న జాతీయ జెండా రక్తపు మరకలతో త్యాగాన్ని గుర్తుచేస్తోంది. ఇందులో రష్మిక మందన్న, హాలీవుడ్ నటుడు ఆర్నాల్డ్ వోస్లూ ముఖ్య పాత్రల్లో నటిస్తున్నారు.

▶

Entertainment· 15 Aug 2026

థియేటర్లలో మళ్లీ 'శంకర్‌దాదా' హంగామా!

మెగాస్టార్ చిరంజీవి కెరీర్‌లో ఎప్పటికీ నిలిచిపోయే బ్లాక్‌బస్టర్ హిట్ మూవీ 'శంకర్ దాదా MBBS' రీ-రిలీజ్‌కు సిద్ధమైంది. ఈ సందర్భంగా మేకర్స్ రీ-రిలీజ్ ట్రైలర్‌ను విడుదల చేశారు. చిరంజీవి కామెడీ, దేవిశ్రీ ప్రసాద్ మాస్ పాటలు, 'ATM'గా శ్రీకాంత్ చేసిన అల్లరితో ఈ ట్రైలర్ ప్రేక్షకులను మళ్లీ పాత రోజుల్లోకి తీసుకెళ్లింది. ఈ సినిమాను చిరంజీవి పుట్టినరోజు (ఆగస్ట్ 22) సందర్భంగా 4K క్వాలిటీతో థియేటర్లలో భారీగా విడుదల చేయడానికి మేకర్స్ ప్లాన్ చేస్తున్నారు.

Entertainment· 15 Aug 2026

‘పంజా’ మళ్లీ థియేటర్లలో!

పవన్ కళ్యాణ్ బర్త్‌డే సందర్భంగా ‘పంజా’ సినిమా మరోసారి థియేటర్లలోకి రాబోతోంది. సెప్టెంబర్ 2న 4K క్వాలిటీలో ఈ సినిమాను రీరిలీజ్ చేసేందుకు మేకర్స్ ఏర్పాట్లు చేస్తున్నారు. ఇప్పటికే పోస్టర్‌ను కూడా విడుదల చేశారు. దీంతో పవన్ ఫ్యాన్స్ థియేటర్ల వద్ద భారీ సెలబ్రేషన్స్‌కు సిద్ధమవుతున్నారు.

Entertainment· 15 Aug 2026

FIRST DAY కలెక్షన్లు!

హీరో సూర్య, దర్శకుడు వెంకీ అట్లూరి కలిసి తీసిన 'విశ్వనాథ్ & సన్స్' సినిమా థియేటర్లలో బాగా ఆడుతోంది. మొదటి రోజే తెలుగు రాష్ట్రాల్లో ఈ సినిమాకి రూ. 3.66 కోట్ల కలెక్షన్లు వచ్చాయి. అన్ని భాషల్లో కలిపి తొలిరోజే రూ.10.03 కోట్లు వసూలు అయింది. సినిమా స్టోరీ నచ్చడంతో జనం థియేటర్లకు బాగా వెళ్తున్నారు.

Entertainment· 15 Aug 2026

OTT లోకి 'చెన్నై లవ్ స్టోరీ'

కిరణ్ అబ్బవరం, శ్రీ గౌరి ప్రియ జంటగా నటించిన 'చెన్నై లవ్ స్టోరీ' థియేటర్లలో మంచి విజయాన్ని అందుకుంది. ఇప్పుడు ఈ సినిమా డిజిటల్ ఆడియన్స్ ను అలరించేందుకు ఓటీటీలోకి రావడానికి సిద్ధమైంది. ఈ సినిమా డిజిటల్ హక్కులను ఓటీటీ సంస్థ 'సోనీ లివ్' దక్కించుకుంది. ఆగస్టు 21 నుంచి ఓటీటీలో స్ట్రీమింగ్‌ కానుంది.

Entertainment· 14 Aug 2026

సూర్య ఖాతాలో మరో ఫ్యామిలీ హిట్!

వెంకీ అట్లూరి దర్శకత్వంలో సూర్య, మమితా బైజు జంటగా వచ్చిన సినిమా 'విశ్వనాథ్ అండ్ సన్స్' కి పాజిటివ్ టాక్ వస్తున్నది. 40 ఏళ్ల ఒలింపియన్ సంజయ్ (సూర్య), తన బిడ్డ వైద్యం కోసం సరోగసి మదర్ మ్యాడీ (మమిత)ని ఇంటికి తీసుకువచ్చిన తర్వాత... వారి మధ్య జరిగే ఎమోషన్ల ప్రయాణమే ఈ సినిమా. సూర్య, మమితా నటన, జీవీ ప్రకాష్ సంగీతం సినిమాకు ప్రధాన బలం. సెకండాఫ్ కాస్త నెమ్మదించినా, కుటుంబ బంధాలతో ఆకట్టుకుంటుంది. ఫ్యామిలీతో కలిసి చూడదగ్గ మంచి సినిమా అని ప్రేక్షకులు అంటున్నారు.

Entertainment· 10 Aug 2026

2026లో ఉన్నా.. మళ్లీ 2016కి వెళ్లిపోయారా?

2026 వచ్చేసింది.. కానీ సోషల్ మీడియాలో మాత్రం చాలామంది మళ్లీ 2016 రోజుల్లోకి వెళ్లిపోతున్నారు! 😂 “2026 is the new 2016” అంటూ నాస్టాల్జియా ట్రెండ్ మళ్లీ వైరల్ అవుతోంది. అప్పట్లో పాపులర్ అయిన Snapchat Filters, పాటలు, ఫ్యాషన్, మీమ్స్, ఛాలెంజ్‌లను Gen Z మళ్లీ షేర్ చేస్తోంది. అప్పటి ఇంటర్నెట్ కల్చర్‌ను గుర్తు చేసుకుంటూ పాత ఫొటోలు, జ్ఞాపకాలను కూడా పోస్టు చేస్తున్నారు. కొత్త ట్రెండ్స్ ఎన్ని వచ్చినా.. 2016 నాటి ఆ ఓల్డ్ ఇంటర్నెట్ వైబ్‌కు మాత్రం ఇంకా క్రేజ్ తగ్గలేదన్నమాట! ❤️

Entertainment· 10 Aug 2026

GTA 6 Gamersకి గుడ్ న్యూస్! 🎮

గేమింగ్ లవర్స్, మీ వెయిటింగ్ దాదాపు ముగింపుకి వచ్చేసింది! రాక్‌స్టార్ గేమ్స్ నుంచి గ్రాండ్ థెఫ్ట్ ఆటో 6 కి సంబంధించిన మోస్ట్ అవేటెడ్ 'స్పెషల్ ఎక్స్‌టెండెడ్ లుక్' ఆగస్టు 27న అధికారికంగా ప్రపంచవ్యాప్తంగా రాబోతోంది. అయితే ఈసారి యూట్యూబ్ కంటే 6 గంటల ముందే నెట్‌ఫ్లిక్స్ ఓటిటిలో దీన్ని ప్రత్యేకంగా స్ట్రీమ్ చేయనున్నారు. ఇక నవంబర్ 19న ప్లేస్టేషన్ 5 మరియు ఎక్స్‌బాక్స్ సిరీస్‌లలో ఈ ప్రతిష్టాత్మక గేమ్ గ్రాండ్‌గా రిలీజ్ కానుంది. గేమింగ్ హిస్టరీలోనే ఇది ఒక బిగ్గెస్ట్ మైల్‌స్టోన్ కాబోతోంది !

Entertainment· 6 Aug 2026

ప్రభాస్ 60+ Days ఈ సినిమాకే!

ప్రభాస్ నెక్స్ట్ 60 రోజులకు పైగా ‘ఫౌజీ’కే ఇచ్చేస్తున్నారా..? 🔥హను రాఘవపూడి దర్శకత్వంలో తెరకెక్కుతున్న ఈ భారీ ప్రాజెక్ట్ ఇప్పుడు కీలక దశకు చేరుకుంది. ఇటలీ ట్రిప్ తర్వాత ప్రభాస్ హైదరాబాద్‌కు తిరిగి వచ్చి 60 రోజులకు పైగా షూటింగ్ చేయనున్నట్లు సమాచారం. ఇందులో ప్రభాస్ సైనికుడి పాత్రలో కనిపించనున్నారు. ఇప్పటికే విడుదలైన పోస్టర్స్ సినిమాపై ఆసక్తిని పెంచగా, ఈ లాంగ్ షెడ్యూల్‌తో కీలకమైన సీన్స్‌ను పూర్తి చేయాలని టీమ్ ప్లాన్ చేస్తున్నట్లు తెలుస్తోంది.

Entertainment· 6 Aug 2026

‘వారణాసి’ షూటింగ్ వీడియో మళ్లీ Leak?

రాజమౌళి–మహేష్ బాబు ‘వారణాసి’ నుంచి మరో లీక్.. ఫ్యాన్స్‌కే టెన్షన్! 👀🎥 సినిమా షూటింగ్‌కు సంబంధించినవిగా చెబుతున్న కొన్ని కొత్త విజువల్స్ సోషల్ మీడియాలోకి వచ్చాయి. భారీ సెక్యూరిటీ మధ్య షూటింగ్ జరుగుతున్నా ఇలా కంటెంట్ బయటకు రావడంతో, వాటిని షేర్ చేయొద్దంటూ మహేష్ ఫ్యాన్స్ కోరుతున్నారు. గతంలో జరిగిన లీక్‌పై రాజమౌళి తీవ్ర అసంతృప్తి వ్యక్తం చేసిన విషయం తెలిసిందే. ఈ తాజా లీక్‌పై మూవీ టీమ్ నుంచి ఇప్పటివరకు అధికారిక స్పందన కనిపించలేదు.

Entertainment· 5 Aug 2026

“Delulu is the Solulu”.. అసలు దీని అర్థం ఏంటి?🤔

“Delulu is the Solulu”.. సోషల్ మీడియాలో ఈ మాట ఎప్పుడైనా చూశారా..? అసలు డెలులు అంటే డెల్యూషనల్ నుంచి వచ్చిన జెన్ జీ స్లాంగ్. నిజంగా జరిగిందా లేదా అనేది పక్కనపెట్టి.. మనకు నచ్చినట్టు ఊహించుకుని, అదే జరుగుతుందని నమ్మేయడాన్ని సరదాగా డెలులు అంటారు. ఇక సొలులు అంటే సొల్యూషన్కి ఫన్నీ వెర్షన్. “Delusional is the solution” అంటే “ఎలాంటి కష్టపరిస్థితుల్లోనైనా మనకు నచ్చిన భ్రమలో లేదా పాజిటివ్ ఆలోచనల్లో బతకడమే సమస్యకు పరిష్కారం” అని భావించడం. కలలు కనడానికి ట్యాక్స్ ఏం లేదుగా బ్రో.. సో నచ్చినట్టు కనేద్దాం! 😂

Entertainment· 4 Aug 2026

స్కిట్‌లో డైలాగ్స్ మర్చిపోయిన బాబూ మోహన్!

‘జబర్దస్త్’ షోలో ఈ వారం ‘శ్రీనివాస మంగాపురం’ మూవీ జంట జయకృష్ణ, రషా తడాని సందడి చేశారు. ఈ సెలబ్రిటీ స్పెషల్ ఎపిసోడ్‌లో సీనియర్ యాక్టర్ బాబూ మోహన్ ఎంట్రీ ఇచ్చి ఫుల్ ఫన్ క్రియేట్ చేశారు. రాకెట్ రాఘవ స్కిట్‌లో ఎంట్రీ ఇచ్చిన ఆయన, డైలాగులు చెప్పడంలో కన్‌ఫ్యూజ్ అయ్యారు. స్కిట్ చేస్తూ చేస్తూ ‘నా 41 ఏళ్ల సినీ కెరీర్‌లో ఎప్పుడూ ఇలా చేయలేదు’ అంటూ అందరినీ నవ్వించేశారు.

▶

Entertainment· 3 Aug 2026

ప్రొటెస్ట్‌లో మొదలైన ట్రెండ్.. బాలీవుడ్‌కి చేరింది!

ప్రొటెస్ట్‌లో వైరల్ అయిన ట్రెండ్.. ఇప్పుడు బాలీవుడ్ స్టార్స్ కూడా చేసేస్తున్నారు! 😂🎬 సోషల్ మీడియాలో వైరల్ అయిన ‘మేరే మెహబూబ్ ఖయామత్ హోగీ’ ట్రెండ్‌లో అనుపమ్ ఖేర్ కూడా జాయిన్ అయ్యారు. ఆయనతో పాటు బొమన్ ఇరానీ, రణవీర్ షోరే, పర్విన్ దబాస్ కలిసి ఫన్నీ రీక్రియేషన్ వీడియో చేశారు. ఖోస్లా కా ఘోస్లా 2 ఆగస్టు 26 రిలీజ్‌కు ముందు వచ్చిన ఈ వీడియో అభిమానుల్లో నోస్టాల్జియా పెంచుతూ వైరల్ అవుతోంది. ప్రొటెస్ట్ నుంచి మొదలైన ట్రెండ్ ఇప్పుడు సినిమా ప్రమోషన్ వరకు వచ్చేసింది!

▶

▶▶

Entertainment· 31 Jul 2026

మైండ్ బ్లాకింగ్ డ్యాన్స్!

విజయనగరం జిల్లా భోగాపురంలో గిరిజన కళాకారులు చరిత్ర సృష్టించారు. దాదాపు 13 వేల మంది గిరిజన బాలికలు ఒక్కసారిగా థింసా నృత్యం చేసి గిన్నిస్ బుక్ ఆఫ్ వరల్డ్ రికార్డ్స్‌లో స్థానం సంపాదించారు. గిన్నిస్ ప్రతినిధులు ఈ డ్యాన్స్ పర్ఫార్మెన్స్‌ను స్వయంగా పరిశీలించి రికార్డ్ కన్ఫర్మ్ చేయగా, మంత్రి సంధ్యారాణి ఆ అవార్డును అందుకున్నారు. ఆమె కూడా గిరిజన బాలికలతో కలిసి డ్యాన్స్ చేయడం విశేషం. అంతేకాదు, రేపు ఏపీకి రానున్న ప్రధాని మోదీకి ఇదే థింసా నృత్యంతో గ్రాండ్ వెల్‌కమ్ చెప్పడానికి ఏర్పాట్లు చేస్తున్నారు.