Local

Local· 26 Aug 2026

జూనియర్ కళాశాలలో సమస్యలు పరిష్కరించాలి

TG: కామారెడ్డి ప్రభుత్వ జూనియర్ కళాశాలలో విద్యార్థులు ఎదుర్కొంటున్న సమస్యలను వెంటనే పరిష్కరించి అదనపు తరగతి గదులు, మౌలిక సదుపాయాలు కల్పించాలని SFI, AISA డిమాండ్ చేశాయి. ఈ మేరకు విద్యార్థి సంఘాల ఆధ్వర్యంలో కళాశాల ఎదుట నిరసన నిర్వహించారు. నాయకులు మాట్లాడుతూ.. కళాశాలలో 8 కోర్సుల్లో 1000 మందికి పైగా విద్యార్థులు చదువుతున్నప్పటికీ వారి సంఖ్యకు అనుగుణంగా తరగతి గదులు లేవన్నారు. దీంతో చెట్ల కింద, తరగతి గదుల బయట కూర్చుని చదువుకోవాల్సిన పరిస్థితి నెలకొందని ఆవేదన వ్యక్తం చేశారు.

Local· 26 Aug 2026

హెచ్‌ఐవీ నివారణకు బాధ్యతగా ముందుకు రావాలి

TG: హెచ్‌ఐవీ/ఎయిడ్స్ నివారణకు ప్రతి ఒక్కరూ బాధ్యతగా భాగస్వాములు కావాలని ఐసీటీసీ కౌన్సిలర్ ఎం. హనుమంతరావు పిలుపునిచ్చారు. పల్నాడు జిల్లా చిలకలూరిపేట మండలం పసుమర్రులో ఆంధ్రప్రదేశ్ రాష్ట్ర ఎయిడ్స్ నియంత్రణ సంస్థ ఆదేశాల మేరకు లింక్ వర్కర్ స్కీమ్ ఆధ్వర్యంలో ‘ఐఈసీ క్యాంపెయిన్–2026’ నిర్వహించారు. ఈ సందర్భంగా హనుమంతరావు మాట్లాడుతూ.. హెచ్‌ఐవీపై ప్రజల్లో అవగాహన పెంచడం, అపోహలను తొలగించడం ద్వారా వ్యాధి వ్యాప్తిని నియంత్రించవచ్చన్నారు.

Local· 26 Aug 2026

తపాలా శాఖలో ఇంటర్నేషనల్ మనీ ట్రాన్స్ఫర్ సేవలు

AP: విదేశాల నుంచి నగదు పంపిణీ చేసుకునే వారికి తపాలా శాఖలో అంతర్జాతీయ మనీ ట్రాన్స్‌ఫర్ సేవలు అందుబాటులోకి వచ్చాయని కోనసీమ జిల్లాలోని అమలాపురం డివిజన్ తపాలా శాఖ డివిజనల్ సూపరింటెండెంట్ చెరుకూరి శ్రీనివాస్ తెలిపారు. భారత ప్రభుత్వం తపాలా శాఖ అనుబంధ సంస్థ ఇండియా పోస్ట్ పేమెంట్స్ బ్యాంక్ ద్వారా రియామి ఇంటర్నేషనల్ మనీ ట్రాన్స్‌ఫర్ సేవలను ప్రజలు వినియోగించుకోవచ్చని పేర్కొన్నారు. గ్రామీణ ప్రాంతాల్లోని బ్రాంచ్ పోస్టాఫీసుల్లోనూ ఈ సదుపాయం అందుబాటులో ఉంటుందని తెలిపారు.

▶

Local· 26 Aug 2026

మంచంపై పడుకున్నావని అడిగినందుకు కిరాతక హత్య

AP: మంచంపై ఎందుకు పడుకున్నావని అడిగినందుకు 90 ఏళ్ల వృద్ధుడిని కత్తితో పొడిచి హత్య చేసిన ఘటనలో నిందితుడు సజీవ్ కుమార్‌ను కలిగిరి పోలీసులు అరెస్టు చేశారు. నెల్లూరు జిల్లా కలిగిరి మండలం నాగిరెడ్డిపాలెం సమీపంలో మూడు రోజుల క్రితం ఈ దారుణ ఘటన చోటుచేసుకుంది. వృద్ధుడు రామిరెడ్డి ప్రశ్నించడంతో ఆగ్రహానికి గురైన సజీవ్ కుమార్ కత్తితో దాడి చేసి హత్య చేసినట్లు పోలీసులు తెలిపారు. నిందితుడిని అరెస్టు చేసిన అనంతరం కలిగిరి సీఐ సుబ్బారావు మీడియా సమావేశంలో వివరాలు వెల్లడించారు.

Local· 26 Aug 2026

పవన్ బర్త్‌డే వేడుకల్లో నిబంధనలు పాటించాలి

AP డిప్యూటీ సీఎం పవన్ కళ్యాణ్ పుట్టినరోజు వేడుకలను పురస్కరించుకుని శాంతిభద్రతలకు విఘాతం కలగకుండా అభిమానులు వ్యవహరించాలని రావులపాలెం రూరల్ సీఐ సిహెచ్. విద్యాసాగర్ సూచించారు. కోనసీమ జిల్లా కొత్తపేట పోలీస్ స్టేషన్‌లో పవన్ కళ్యాణ్ అభిమానులతో సమావేశం నిర్వహించారు. సెప్టెంబర్ 2న పవన్ కళ్యాణ్ పుట్టినరోజు సందర్భంగా ఏర్పాటు చేసే ఫ్లెక్సీలపై వివాదాస్పద లేదా శాంతిభద్రతలకు భంగం కలిగించే రాతలు రాయవద్దని సూచించారు.

Local· 26 Aug 2026

మాచారెడ్డి పీఏసీఎస్ చైర్మన్‌గా నౌసిలాల్ నాయక్

TG: కామారెడ్డి జిల్లా మాచారెడ్డి ప్రాథమిక వ్యవసాయ సహకార సంఘం (పీఏసీఎస్) నూతన చైర్మన్‌గా నౌసిలాల్ నాయక్ నియమితులయ్యారు. బాధ్యతలు స్వీకరించిన అనంతరం మంగళవారం రాష్ట్ర ప్రభుత్వ సలహాదారు మహమ్మద్ అలీ షబ్బీర్‌ను మర్యాదపూర్వకంగా కలిసి కృతజ్ఞతలు తెలిపారు. తనపై నమ్మకం ఉంచి పీఏసీఎస్ చైర్మన్ బాధ్యతలు అప్పగించినందుకు షబ్బీర్ అలీకి ప్రత్యేక ధన్యవాదాలు తెలిపారు. సహకార సంఘం అభివృద్ధికి, రైతుల ప్రయోజనాలకు అనుగుణంగా పనిచేస్తానని నౌసిలాల్ నాయక్ పేర్కొన్నారు. ఈ సందర్భంగా ఆయనను నాయకులు అభినందించారు.

Local· 26 Aug 2026

27న మినీ ఉద్యోగ మేళా

AP: నిరుద్యోగ యువతకు ఉపాధి అవకాశాలు కల్పించేందుకు ఈ నెల 27న (గురువారం) కోనసీమ జిల్లా కలెక్టరేట్‌లోని వికాస కార్యాలయంలో మినీ ఉద్యోగ మేళా నిర్వహించనున్నట్లు జిల్లా కలెక్టర్ డా. మహేష్ కుమార్ రావిరాల తెలిపారు. ఉద్యోగాల కోసం ఎదురుచూస్తున్న యువత ఈ అవకాశాన్ని సద్వినియోగం చేసుకుని తమ అర్హతలకు అనుగుణమైన ఉద్యోగాలను పొందాలని సూచించారు. వికాస జిల్లా మేనేజర్ గోళ్ల రమేష్ మాట్లాడుతూ మినీ జాబ్ మేళాలో నాలుగు ప్రముఖ ఎంఎన్‌సీ కంపెనీలు పాల్గొని అర్హులైన అభ్యర్థులకు ఇంటర్వ్యూలు నిర్వహిస్తాయని తెలిపారు.

Local· 26 Aug 2026

కాల్పుల ఘటనపై భువనగిరిలో కాంగ్రెస్ ఆందోళన

TG: ఢిల్లీలో శాంతియుతంగా నిరసన చేపడుతున్న విద్యార్థులపై కాల్పులు జరిపిన ఘటనను ఖండిస్తూ తెలంగాణ యువజన కాంగ్రెస్ ఆధ్వర్యంలో యాదాద్రి జిల్లాలో భువనగిరిలో నిరసన నిర్వహించారు. జిల్లా యువజన కాంగ్రెస్ అధ్యక్షుడు మంగ ప్రవీణ్ ఆధ్వర్యంలో అంబేద్కర్ విగ్రహం వద్ద చేపట్టిన ఆందోళనలో కాంగ్రెస్ శ్రేణులు కేంద్ర ప్రభుత్వానికి వ్యతిరేకంగా నినాదాలు చేశారు. ఈ సందర్భంగా మంగ ప్రవీణ్ మాట్లాడుతూ.. విద్యార్థులపై కాల్పులు జరపడం ప్రజాస్వామ్య విలువలకు విరుద్ధమన్నారు. ఘటనకు నైతిక బాధ్యత వహిస్తూ అమిత్ షా రాజీనామా చేయాలన్నారు.

Local· 26 Aug 2026

ఆలమూరులో తొలి పోలీస్ పెట్రోల్ బంక్ ప్రారంభం

AP: పోలీసు శాఖ ఆధ్వర్యంలో నిర్వహించే పెట్రోల్ బంకుల్లో కచ్చితమైన నాణ్యత ప్రమాణాలు పాటిస్తామని కొత్తపేట ఎమ్మెల్యే బండారు సత్యానందరావు అన్నారు. ప్రజలు ఈ బంకుల్లోనే పెట్రోల్ కొనుగోలు చేసి పోలీసు శాఖకు సహకరించాలని కోరారు. డా. బీఆర్ అంబేద్కర్ కోనసీమ జిల్లా ఆలమూరులో పోలీసు శాఖ ఆధ్వర్యంలో తొలిసారిగా ఏర్పాటు చేసిన పెట్రోల్ బంకును ఆయన ప్రారంభించారు. కార్యక్రమంలో ఏలూరు రేంజ్ డీఐజీ అశోక్ కుమార్, జిల్లా ఎస్పీ రాహుల్ మీనా, కొత్తపేట డీఎస్పీ సుంకర మురళీమోహన్ తదితరులు పాల్గొన్నారు.

Local· 26 Aug 2026

మల్లన్న నిర్ణయంపై కాంగ్రెస్ నేత ఆగ్రహం

TG: తెలంగాణ రాజ్యాధికార పార్టీ అధినేత తీన్మార్ మల్లన్న వ్యవహారశైలి సరికాదని మోటకొండూరు మండల కాంగ్రెస్ పార్టీ వర్కింగ్ ప్రెసిడెంట్ రఘునాథ రాజు విమర్శించారు. యాదాద్రిభువనగిరి జిల్లా మోటకొండూరు మండల కేంద్రంలో నిర్వహించిన మీడియా సమావేశంలో ఆయన మాట్లాడుతూ.. ఆలేరులో బీసీ సామాజిక వర్గం నుంచి గెలిచిన ఎమ్మెల్యే బీర్ల ఐలయ్యపై మల్లన్న పోటీకి సిద్ధపడటం సమంజసం కాదన్నారు. సొంత వర్గానికి చెందిన ప్రజాప్రతినిధిపైనే పోటీ చేయడం ద్వారా బీసీల మధ్య ఐక్యతను దెబ్బతీసే పరిస్థితి ఏర్పడుతుందని పేర్కొన్నారు.

Local· 26 Aug 2026

విద్యార్థుల హక్కుల కోసం ఐక్యంగా పోరాడాలి: AISA

AP: విద్యార్థుల సమస్యల పరిష్కారం, హక్కుల పరిరక్షణ కోసం ఐక్యంగా ఉద్యమించాలని AISA నాయకులు పిలుపునిచ్చారు. కర్నూలు జిల్లా కమిటీ ఆధ్వర్యంలో వివిధ కళాశాలల్లో ఆల్ ఇండియా స్టూడెంట్స్ అసోసియేషన్ (AISA) సభ్యత్వ నమోదు కార్యక్రమాన్ని నిర్వహించారు. ఈ సందర్భంగా నాయకులు అశోక్, సూర్య, రామ్ మాట్లాడుతూ.. దేశవ్యాప్తంగా విద్యార్థులు ఎదుర్కొంటున్న విద్యారంగ సమస్యలపై AISA నిరంతరం పోరాడుతోందని తెలిపారు. విద్యార్థుల హక్కుల సాధనకు సంఘటితంగా ముందుకు రావాల్సిన అవసరం ఉందన్నారు.

Local· 26 Aug 2026

మిలాద్ ఉన్ నబీ పండుగ వేళ పటిష్ట బందోబస్తు

AP: మిలాద్ ఉన్ నబీ పర్వదినాన్ని పురస్కరించుకుని తూర్పుగోదావరి జిల్లా ఎస్పీ డి. నరసింహ కిషోర్ ముస్లిం సోదర సోదరీమణులకు శుభాకాంక్షలు తెలిపారు. పండుగను ప్రశాంత వాతావరణంలో నిర్వహించేందుకు పోలీసు యంత్రాంగం అప్రమత్తంగా ఉండాలని అధికారులను ఆదేశించారు. ఎలాంటి అవాంఛనీయ ఘటనలకు అవకాశం లేకుండా పటిష్ట బందోబస్తు ఏర్పాటు చేయాలని సూచించారు. ముఖ్యంగా మసీదులు, దర్గాల వద్ద ప్రత్యేక భద్రతా చర్యలు చేపట్టాలని, రద్దీ ప్రాంతాల్లో ట్రాఫిక్ నియంత్రణపై ప్రత్యేక దృష్టి సారించాలని ఆదేశించారు.

Local· 26 Aug 2026

ఆశావర్కర్ల డిమాండ్లు పరిష్కరించాలి: MLA సంజయ్

TG: తమ న్యాయమైన డిమాండ్ల సాధన కోసం ఆశా వర్కర్లు చేపట్టిన ధర్నాకు కోరుట్ల MLA సంజయ్ మద్దతుగా నిలిచారు. హైదరాబాద్‌లోని మెడికల్ కౌన్సిల్ కార్యాలయం ఎదుట ఆశా వర్కర్లు నిర్వహించిన ఆందోళనలో ఆయన పాల్గొని వారికి సంఘీభావం తెలిపారు. ఈ సందర్భంగా సంజయ్ మాట్లాడుతూ.. ఆశావర్కర్ల పట్ల ప్రభుత్వం చిన్నచూపు చూడటం సరికాదన్నారు. కరోనా కష్టకాలంలో ప్రాణాలను సైతం లెక్కచేయకుండా ప్రజలకు అందించిన సేవలను ప్రభుత్వం గుర్తించాలని కోరారు. ఆశా వర్కర్ల న్యాయమైన సమస్యలను వెంటనే పరిష్కరించాలని డిమాండ్ చేశారు.

Local· 25 Aug 2026

🏸గాయత్రి, త్రిసాని అభినందించిన CM రేవంత్

TG : వరల్డ్ బ్యాడ్మింటన్ ఛాంపియన్‌షిప్ ఉమెన్స్ డబుల్స్‌లో కాంస్య పతకం (Bronze Medal) గెలిచిన గాయత్రి గోపీచంద్, త్రిసా జాలీలను CM రేవంత్ రెడ్డి ప్రత్యేకంగా అభినందించారు. కోచ్ పుల్లెల గోపీచంద్, పీవీవీ లక్ష్మితో కలిసి వారు CMని జూబ్లీహిల్స్‌లోని ఆయన నివాసంలో కలిశారు. మెడల్ సాధించినందుకు వీరికి CM బెస్ట్ విషెస్ చెప్పారు.

Local· 25 Aug 2026

🌱 జీవ ఎరువులతో ఖర్చు తక్కువ

AP : అనంతగిరి మండలం చిలకలగెడ్డ రైతు సేవా కేంద్రంలో ఆత్మ (ATMA) ఆధ్వర్యంలో రైతులకు జీవ ఎరువులపై ట్రైనింగ్ ఇచ్చారు. అరకు ఏడీఏ మోహనరావు, ఏఓ రంగారావు పాల్గొని జీవ ఎరువుల రకాలు, వాటిని ఎలా వాడాలి, వచ్చే లాభాలను వివరించారు. ఈ ఎరువులు వాడితే నేల సారం పెరిగి పంట ఖర్చు తగ్గుతుందని చెప్పారు. కెమికల్ ఎరువులు తగ్గించి, ఇష్టంగా ఆర్గానిక్ పద్ధతులు పాటించాలని రైతులకు ఆఫీసర్లు సలహా ఇచ్చారు.

Local· 25 Aug 2026

హాస్పిటల్‌లో తాగే నీళ్ల దగ్గరే తిరుగుతున్న కుక్కలు🐕

TG : జగిత్యాల జిల్లా మెట్‌పల్లి గవర్నమెంట్ హాస్పిటల్‌లో పారిశుద్ధ్యం, సెక్యూరిటీ బాలేదని రోగులు ఇబ్బందులు పడుతున్నారు. హాస్పిటల్‌లో వీధి కుక్కలు తిరుగుతూ భయపెడుతున్నాయి. చివరకు పేషెంట్లు తాగే వాటర్ ట్యాంక్ దగ్గరే కుక్కలు తిరుగుతున్న ఫొటోలు బయటపడ్డాయి. దీనివల్ల ఇన్ఫెక్షన్లు వచ్చే ఛాన్స్ ఉందని జనాలు భయపడుతున్నారు. అధికారులు రోజూ చూస్తున్నా పట్టించుకోవడం లేదని, ఇప్పటికైనా చర్యలు తీసుకోవాలని డిమాండ్ చేస్తున్నారు.

Local· 25 Aug 2026

📄 ఒరిజినల్ సర్టిఫికెట్లు మిస్సింగ్.. దొరికితే హెల్ప్ చేయండి

TG : వరంగల్ జిల్లా పర్వతగిరి మండలానికి చెందిన అగ్గండుల అనిత తన 10వ తరగతి ఒరిజినల్ సర్టిఫికెట్లు పోగొట్టుకున్నారు. నర్సంపేట బస్టాండ్ దగ్గర ఒరిజినల్ TC, Original Memo, Short Memo ఉన్న కవర్ పోయింది. దీనిపై ఇప్పటికే నర్సంపేట పోలీస్ స్టేషన్‌లో కంప్లయింట్ చేశారు. ఎవరికైనా ఈ సర్టిఫికెట్స్ దొరికితే వెంటనే నర్సంపేట పోలీస్ స్టేషన్‌లో లేదా సంబంధిత పర్సన్‌కి ఇచ్చి హెల్ప్ చేయాలని కోరుతున్నారు.

Local· 25 Aug 2026

📚 నవోదయ విద్యాసంస్థల డెవలప్‌మెంట్‌కు స్పెషల్ ప్లాన్

TG : నాగర్‌కర్నూల్ జవహర్ నవోదయ విద్యాలయంలో స్టూడెంట్స్‌కి బెటర్ ఎడ్యుకేషన్, ఫెసిలిటీస్ అందించేందుకు స్పెషల్ ప్లాన్ రెడీ చేయాలని కలెక్టర్ హేమంత్ కేశవ్ పాటీల్ అధికారులను ఆదేశించారు. కలెక్టరేట్‌లో జరిగిన అడ్వైజరీ కమిటీ మీటింగ్‌లో ఆయన మాట్లాడారు. పాఠశాలకు రోడ్ రిపేర్లు, విద్యార్థుల కోసం 20 కొత్త కంప్యూటర్లు కావాలని ప్రిన్సిపాల్ కోరగా, అన్ని వసతులకు ప్రపోజల్స్ రెడీ చేస్తే జిల్లా యంత్రాంగం నుంచి ఫుల్ సపోర్ట్ ఇస్తామని కలెక్టర్ హామీ ఇచ్చారు.