Local

Local· 24 Aug 2026

ఆ 'శక్తి' మాకొద్దు.... విద్యార్థుల ధర్నా

జయశంకర్ భూపాలపల్లి కలెక్టర్ ఆఫీస్ ముందు పాలిటెక్నిక్ విద్యార్థులు ధర్నాకు దిగారు. శక్తి స్కీమ్ పేరుతో పాలిటెక్నిక్ విద్యను స్కిల్ యూనివర్సిటీలో విలీనం చేస్తూ వచ్చిన G.O. 97ను వెంటనే రద్దు చేయాలని డిమాండ్ చేశారు. విలీనం వల్ల B.Techలో లాటరల్ ఎంట్రీ (ECET) దెబ్బతింటుందని, ఫీజులు పెరుగుతాయని, డిప్లొమా విలువ తగ్గుతుందని విద్యార్థులు ఆందోళన చెందుతున్నారు. PPP మోడల్లో నడిచే YISU ఫీజులు పెంచే ప్రమాదం ఉందని భావిస్తున్నారు. ఇది పాలిటెక్నిక్ విద్యను ‘జనరల్ లేబర్ ట్రైనింగ్’గా మారుస్తుందని ఆందోళన.

Local· 24 Aug 2026

బల్బులు ఉన్నాయ్.. కానీ లైట్‌లేదు!

ఓబులాపూర్ ఎస్సీ కాలనీలో వీధి దీపాలు డిస్ప్లే కోసమే పెట్టారేమో! రాత్రి పడితే చాలు – కాలనీ మొత్తం చీకటి మయం. లైట్లు వెలగడం లేదు, ప్రజలు కాంతి కోసం ఫోన్ టార్చ్ ఆన్ చేసుకోవాల్సి వస్తోంది. పిల్లలు బయట ఆడుకోవడానికి భయం, వృద్ధులకు కాలుజారే ప్రమాదం, అంతా పరేషాన్ అవుతున్నారు. బల్బులు పాతవా, ట్రాన్స్ఫార్మర్లు ఫెయిలయ్యాయా.. ఎవరికీ తెలియదు. స్థానికుల డిమాండ్ సింపుల్ – పాత లైట్లు ఫిక్స్ చేయాలి, లేకపోతే కొత్త LED దీపాలు వేయాలి. అధికారులు ఇప్పటికైనా స్పందించాల్సిందే, లేకపోతే సమస్య పెద్దదవుతుంది.

Local· 24 Aug 2026

వనపర్తిలో భారీ ధర్నా

TG : గ్రామపంచాయతీ కార్మికుల సమస్యలు వెంటనే పరిష్కరించాలని CITU జిల్లా కమిటీ ఆధ్వర్యంలో వనపర్తిలో ధర్నా నిర్వహించారు. కాంగ్రెస్ ప్రభుత్వం తమ హామీ ప్రకారం పంచాయతీ సిబ్బందిని పర్మినెంట్ చేయాలని, కనీస వేతనం రూ.26 వేలు ఇవ్వాలని CITU నాయకులు డిమాండ్ చేశారు. మల్టీ పర్పస్ విధానం రద్దు చేసి, వేతనాలను గ్రీన్ ఛానల్ ద్వారా నేరుగా అకౌంట్లలో వేయాలన్నారు. సిబ్బందిని అక్రమంగా తీసేస్తున్న సర్పంచ్‌లపై చర్యలు తీసుకోవాలని, కార్మికులందరికీ డబుల్ బెడ్‌రూమ్ ఇండ్లు, సంక్షేమ పథకాలు అందజేయాలని కోరారు.

Local· 24 Aug 2026

రూ.26 వేలు.. 2వ PRCలో గుర్తింపు...

వనపర్తిలో సిఐటియు గ్రామపంచాయతీ కార్మికుల ధర్నా – డిమాండ్లు ఇవే!<br>సోమవారం నిర్వహించిన ఈ ఆందోళనలో యూనియన్ నాయకులు ప్రభుత్వానికి 10 పాయింట్లు ఇచ్చారు. అందులో.. పర్మినెంట్ ఉద్యోగాలు, 2వ PRCలో గుర్తింపు, కనీస వేతనం రూ.26,000, G.O.51 సవరణ, మల్టీపర్పస్ వర్కర్ విధానం రద్దు, గ్రీన్ ఛానల్ ద్వారా ఆన్లైన్ జీతాలు, తొలగింపులపై చట్టపరమైన చర్యలు, ఇందిరమ్మ ఇళ్లు, డబుల్ బెడ్రూం ఇళ్లు కేటాయింపు వంటివి ఉన్నాయి. ఇవన్నీ కాంగ్రెస్ మానిఫెస్టోలేనివేనని సిఐటియు నాయకులు గుర్తు చేశారు. సర్కారు ఎంతకాలం నానుస్తదో చూడాలి.

Local· 24 Aug 2026

కాలేజీలో సడన్‌గా తనిఖీలు

TG : షాద్‌నగర్‌లోని గిరిజన సంక్షేమ Degree,PG కాలేజీలో మానవ హక్కుల కమిషన్ ప్రతినిధి ప్రణయ్ కుమార్ టీమ్‌తో కలిసి తనిఖీలు చేశారు. కాలేజీలో పిల్లలకు వసతులు ఎలా ఉన్నాయి, ఫుడ్ ఎలా ఉందో దగ్గరుండి చూశారు. విద్యార్థులతో నేరుగా మాట్లాడి, 'ఏం కష్టాలున్నా, సమస్యలున్నా మాకు చెప్పండి' అని ధైర్యం చెప్పారు. ఈ కార్యక్రమంలో ప్రేమ్ యాదవ్, అనిల్ కుమార్ పాల్గొన్నారు.

▶

Local· 24 Aug 2026

ఆరోగ్యానికి సామ.. సరైన ధర లేదు!

ఒకప్పుడు ఆదివాసీ ప్రాంతాల్లో విస్తారంగా సాగయ్యే చిట్టిగింజల సామ – ఇప్పుడు అంతరించిపోయే స్థితిలో ఉంది. ముఖ్యంగా అల్లూరి సీతారామరాజు, మన్యం పార్వతీపురం జిల్లాల్లో పాక్షికంగా మిగిలిన ఈ పంట – ఆగస్టు-సెప్టెంబర్లో చేతికొస్తుంది. ఆరోగ్య ప్రయోజనాలు చెప్పుకుంటే – బీపీ, షుగర్ తగ్గించడంలో సామ బియ్యం సూపర్ అంటారు డాక్టర్లు. అయినా సరైన గిట్టుబాటు ధర లేకపోవడం వల్ల ఆదివాసీ రైతులు ఈ పంటను వదిలేస్తున్నారు. ప్రభుత్వం MSP ప్రకటించి, ప్రోత్సాహకాలు ఇస్తేనే ఈ సాంప్రదాయ పంటకు లైఫ్. లేకుంటే హిస్టరీ బుక్స్ కే పరిమితం.

▶

Local· 24 Aug 2026

సొంత ఊరే టార్గెట్.. తీన్మార్ మల్లన్న ఫిక్స్!

యాదాద్రి భువనగిరి జిల్లా ఆలేరు నుంచే పోటీ – అదే తీన్మార్ మల్లన్న చెప్పారు! వచ్చే అసెంబ్లీ ఎన్నికల్లో తన సొంత నియోజకవర్గమైన ఆలేరు నుంచే బరిలో దిగుతానని, ఆ ప్రాంతంతో తనకు ఉన్న ప్రత్యేక అనుబంధాన్ని గుర్తు చేశారు. తన రాజకీయ ప్రయాణం ఇక్కడ్నుంచే కొనసాగుతుందని స్టేట్మెంట్ ఇచ్చారు. ఆలేరు – ఇక్కడి ఓటర్లు, అభిమానులు, రాజకీయ నాయకులు మల్లన్న ఈ ప్రకటనతో ఎలా స్పందిస్తారనేది వేచి చూడాలి. దీంతో ఇక మరో రౌండ్ ఎన్నికల హడావుడి మొదలైనట్టే!

Local· 24 Aug 2026

HP గ్యాస్ నుంచి 'నవ్య' సిలిండర్

HP గ్యాస్ కంపెనీ కొత్తగా ‘నవ్య’ అనే సిలిండర్‌ను తీసుకొచ్చింది. దీనికి ముందుగా బుకింగ్ చేసుకుని సిలిండర్ ఎప్పుడు వస్తుందో అని ఆగాల్సిన పనిలేదు. ఇంట్లో గ్యాస్ అయిపోయి అత్యవసరంగా కావాలనుకున్నప్పుడు నేరుగా ఇచ్చేలా ఈ సదుపాయం తెచ్చారు. ఈ కొత్త సిలిండర్ ఎలా పనిచేస్తుందనే దానిపై HP అధికారులు జనాలకు వివరంగా చెబుతున్నారు.

Local· 24 Aug 2026

చిన్నారులతో భిక్షాటన చేస్తే కఠిన చర్యలు: ఎస్సై

AP: చిన్నారులను ఆసరాగా చేసుకుని భిక్షాటనకు పాల్పడితే కఠిన చర్యలు తప్పవని అనపర్తి ఎస్సై వినయ్ ప్రతాప్ హెచ్చరించారు. తూర్పుగోదావరి జిల్లా అనపర్తి పరిసర ప్రాంతాల్లో పసిపిల్లలను ఎత్తుకుని భిక్షాటన చేస్తున్న మహిళలకు అధికారులు అవగాహన కల్పించారు. చిన్నారులను భిక్షాటనలో ఉపయోగించడం వల్ల వారి భద్రత, భవిష్యత్తుపై ప్రతికూల ప్రభావం పడే అవకాశం ఉందని వివరించారు. ఈ సందర్భంగా మహిళలకు కౌన్సిలింగ్ నిర్వహించి, చిన్నారులను భిక్షాటనకు దూరంగా ఉంచాలని సూచించారు.

Local· 24 Aug 2026

వర్షం లేదు.. పాప్ కార్న్ ఎగుమతి!

వర్షాకాలం దగ్గర పడుతోంది కానీ.. రాష్ట్రంలో ఇప్పటికే 52% వర్షపాతం లోటని సీఎం చంద్రబాబు ఆందోళన వ్యక్తం చేశారు. రైతులకు ఇబ్బంది తప్పకుండా ఉంటుందని, వ్యవసాయ శాఖ అప్రమత్తంగా ఉండాలని ఆదేశించారు. ఇక పాజిటివ్ వార్త ఏంటంటే – ఏలూరు ముసునూరులో దేశంలోనే తొలి నాన్-జీఎంఓ పాప్ కార్న్ హైబ్రిడ్ విత్తనాన్ని సీఎం, ఉపరాష్ట్రపతి సీపీ రాధాకృష్ణన్ కలిసి ప్రారంభించారు. "ఇక్కడి నుంచి పాప్ కార్న్ ప్రపంచానికి ఎగుమతి చేయాలి" అని సీఎం లక్ష్యం పెట్టారు. వ్యవసాయంలో కొత్త ప్రయోగాలు జరుగుతున్నా... వర్షం మాత్రం ఇప్పటికీ కరువే!

Local· 24 Aug 2026

డ్రైవర్‌కు గుండెపోటు.. ట్రాన్స్‌ఫార్మర్‌ను ఢీకొట్టిన బస్సు

AP: గుంటూరు ఎస్‌వీఎన్‌ కాలనీ సమీపంలో ఓ ప్రైవేట్ పాఠశాల బస్సు డ్రైవర్‌కు ప్రయాణిస్తుండగానే తీవ్ర గుండెపోటు వచ్చింది. దీంతో బస్సు అదుపుతప్పి రోడ్డుపక్కన ఉన్న విద్యుత్ ట్రాన్స్‌ఫార్మర్‌ను ఢీకొట్టింది. బస్సులో ఉన్న పాఠశాల చిన్నారులు ఒక్కసారిగా భయంతో కేకలు వేయడంతో స్థానికులు అప్రమత్తమయ్యారు. వెంటనే బస్సు వద్దకు చేరుకుని విద్యార్థులను సురక్షితంగా బయటకు తీసుకొచ్చారు. అనంతరం డ్రైవర్‌ను చికిత్స నిమిత్తం ఆసుపత్రికి తరలించారు. స్థానికులు సమయస్ఫూర్తితో స్పందించడంతో పెను ప్రమాదం తప్పింది.

Local· 24 Aug 2026

ప్రజావాణి ఫిర్యాదులను త్వరగా పరిష్కరించాలి

TG: జగిత్యాల కలెక్టరేట్‌లో సోమవారం నిర్వహించిన ప్రజావాణి కార్యక్రమంలో జిల్లా కలెక్టర్ బి. సత్యప్రసాద్ ప్రజల నుంచి 53 ఫిర్యాదులు, వినతులు స్వీకరించారు. ప్రతి అర్జీపై సమగ్ర విచారణ జరిపి సత్వరమే పరిష్కరించాలని అధికారులను ఆదేశించారు. జిల్లాలో ప్రస్తుతం 182 ప్రజావాణి దరఖాస్తులు పెండింగ్‌లో ఉన్నట్లు తెలిపారు. వీటిలో 93 దరఖాస్తులు 30 రోజులకు పైగా పరిష్కారం కాకుండా ఉన్నట్లు వెల్లడించారు. దీర్ఘకాలంగా పెండింగ్‌లో ఉన్న అర్జీలపై ప్రత్యేక దృష్టి సారించి ప్రాధాన్యత క్రమంలో పరిష్కరించాలని కలెక్టర్ సూచించారు.

▶

Local· 24 Aug 2026

20 ఏళ్ల తర్వాత మళ్లీ రైలు కూత

TG : భద్రాద్రి కొత్తగూడెం జిల్లా ఇల్లందు రైల్వే స్టేషన్‌కు మళ్లీ మంచి రోజులు వచ్చాయి. 20 ఏళ్లుగా ప్యాసింజర్ రైళ్లు ఆగిపోయి, కేవలం బొగ్గు రవాణాకు (గూడ్స్) మాత్రమే వాడుతున్న ఈ ట్రాక్‌పై మళ్లీ ప్రయాణికుల రైళ్లు నడిపేందుకు రైల్వే శాఖ పనులు ప్రారంభించింది. 20 ఏళ్ల తర్వాత తమ ఊరి నుంచి మళ్లీ రైలు ఎక్కవచ్చని ఇల్లందు ప్రజలు చాలా సంతోషపడుతున్నారు.

▶

Local· 24 Aug 2026

బ్రిటిష్ కాలం నాటి స్టేషన్కు మళ్లీ శ్వాస!

భద్రాద్రి కొత్తగూడెం ఇల్లందులో బ్రిటిష్ కాలం నాటి రైల్వే స్టేషన్ మళ్లీ సజీవమవుతోంది! బొగ్గు రవాణాతో పాటు ప్యాసింజర్ రైళ్లు కూడా నడిచే ఈ స్టేషన్లో గూడ్స్ మాత్రమే మిగిలి, ప్యాసింజర్ సేవలు 20 ఏండ్లుగా నిలిచిపోయాయి. ఇప్పుడు ప్రజల విజ్ఞప్తి మేరకు రైల్వే శాఖ పునరుద్ధరణ పనులు ప్రారంభించింది. తొలి దశలో కారేపల్లి నుంచి ఇల్లందు వరకు రైల్వే మార్గం, స్టేషన్ మౌలిక వసతుల పునరుద్ధరణ పనులు మొదలయ్యాయి. స్వాతంత్ర్యానికి ముందే నిజాం కాలంలో విజయవాడ–డోర్నకల్ మీదుగా ఇక్కడ ప్యాసింజర్ రైళ్లు నడిచిన చరిత్ర ఉంది.

Local· 24 Aug 2026

కలెక్టరేట్ ఎదుట పాలిటెక్నిక్ విద్యార్థుల ధర్నా

TG: జీవో 97ను వ్యతిరేకిస్తూ వికారాబాద్ కలెక్టరేట్ ఎదుట పాలిటెక్నిక్ విద్యార్థుల ధర్నా చేశారు. పాలిటెక్నిక్ కళాశాలలను జీవో 97 ద్వారా ‘శక్తి’ యంగ్ ఇండియా స్కిల్ యూనివర్సిటీలో విలీనం చేయడాన్ని నిరసిస్తూ విద్యార్థులు కలెక్టరేట్ ఎదుట ఆందోళన చేపట్టారు. ఈ విలీనంతో పాలిటెక్నిక్ విద్యార్థులకు ECET ద్వారా బీటెక్‌లో లేటరల్ ఎంట్రీ అవకాశం దూరమయ్యే ప్రమాదం ఉందన్నారు. ఇప్పటికే మూడేళ్ల పాలిటెక్నిక్ విద్య పూర్తి చేసిన విద్యార్థుల భవిష్యత్తును దృష్టిలో ఉంచుకుని ప్రభుత్వం నిర్ణయాన్ని పునఃపరిశీలించాలని కోరారు.

Local· 24 Aug 2026

జీవో 97ను వెనక్కి తీసుకోండి

హనుమకొండ జిల్లా పరకాల అంబేడ్కర్ సెంటర్‌లో పాలిటెక్నిక్ కాలేజ్ పిల్లలు రోడ్డు ఎక్కి దర్నా చేశారు. ప్రభుత్వం కొత్తగా తెచ్చిన జీవో నెంబర్ 97 వల్ల తమ చదువులు, భవిష్యత్తు నాశనమైపోతాయని రోడ్డుపైనే కూర్చుని నిరసన తెలిపారు. ఈ జీవో వల్ల ముఖ్యంగా పేద పిల్లలే నష్టపోతున్నారని అంటున్నారు. అంబేడ్కర్ విగ్రహం దగ్గర గట్టిగా నినాదాలు చేస్తూ, ప్రభుత్వం వెంటనే స్పందించి ఈ జీవోను రద్దు చేయాలని విద్యార్థులు డిమాండ్ చేశారు.

Local· 24 Aug 2026

ప్రజావాణిలో ప్రజలున్నారు... అధికారులు?

భీమదేవరపల్లిలో ప్రజావాణి కార్యక్రమానికి అధికారులు సమయానికి రాకపోవడంతో న్యాయవాది తాళ్లపల్లి మధుకర్ ఫిర్యాదు చేశారు. ఈనెల 17న ఎంపీడీవో ఆఫీసులో జరిగిన ప్రజావాణిలో – అధికారులిచ్చిన టైమ్‌కు వాళ్లే రాలేదట. "ప్రజా సమస్యల కోసం వచ్చిన వాళ్లందరూ ఎదురుచూడాల్సిందేనా?" అంటూ మధుకర్ కలెక్టర్కు వినతిపత్రం అందించారు."అధికారులే లేట్ అయితే, ప్రజలు ఎవరికి చెప్పుకోవాలే" – ఇదీ ఆయన ప్రశ్న. ఇప్పుడు ఈ ఫిర్యాదు కలెక్టర్ దృష్టికి వెళ్లింది. సమయానికి రాని అధికారులపై చర్యలు తీసుకుని ఓ క్లియర్ మెసేజ్ ఇస్తారో లేదో చూడాలి.

Local· 24 Aug 2026

రామాయంపేట రోడ్లపై నరకయాతన.. స్థానికుల ఆవేదన

TG: చిన్న వర్షానికే రామాయంపేట రోడ్లు చెరువులను తలపిస్తున్నాయి.. గుంతల్లో నిలిచిపోతున్న వర్షపు నీటితో ప్రజలకు తీవ్ర ఇబ్బందులు. మెదక్ జిల్లా రామాయంపేటలో రోడ్ల పరిస్థితి అధ్వానంగా మారింది. రోడ్లపై ఏర్పడిన భారీ గుంతల్లో చిన్నపాటి వర్షానికే నీరు నిలిచిపోవడంతో వాహనదారులు, పాదచారులు ఇబ్బందులు ఎదుర్కొంటున్నారు. గుంతలు నీటితో నిండిపోవడంతో వాటి లోతు తెలియక ప్రమాదాలు జరిగే అవకాశం ఉందని స్థానికులు ఆందోళన వ్యక్తం చేస్తున్నారు. రోడ్ల దుస్థితిపై పలుమార్లు అధికారుల దృష్టికి తీసుకెళ్లినా చర్యలు చేపట్టలేదన్నారు.