Local

Local· 23 Apr 2026

ఒంటరి యువతికి కేరళ ఆర్టీసీ బస్సు రక్షణ !

కేరళలోని అలప్పుజి జిల్లాలో మానవత్వం వెల్లి విరిసింది.కోజి కోడ్ నుంచి పత్తనం తిట్ట వెళుతున్న కేఎస్ ఆర్టీసీ సూపర్ ఫాస్ట్ బస్సు అర్ధరాత్రి 12 గంటల సమయంలోఎస్ ఎల్ ఆర్ పురం అనే నిర్మానుష్య ప్రాంతంలో ఆగగా ఓ మహిళ బస్సు దిగింది. కానీ చుట్టుపక్కల తనను రిసీవ్ చేసుకునేవారు లేకపోవడంతో అలాగే నిలబడింది. బస్సు డ్రైవర్ పెద్ద మనసు చేసుకుని ఆమె సంబంధికులు వచ్చే వరకూ బస్సును అక్కడే నిలిపివేశాడు. బస్సులో ప్రయాణికులు కూడా సహకరించారు. ఆమె బంధువులు రాగానే ఆమె బయల్దేరింది. ఆ తర్వాతే బస్సు బయల్దేరింది.

▶

Local· 23 Apr 2026

ప్రభాస్ ఫ్యాన్స్‌పై దాడి!

హైదరాబాద్‌లోని సుదర్శన్ థియేటర్ వద్ద ప్రభాస్ అభిమానులు, థియేటర్ మేనేజ్‌మెంట్‌కు మధ్య పెద్ద గొడవ జరిగింది. డార్లింగ్ సినిమా రీ-రిలీజ్ సందర్భంగా ఒక సాంగ్ విషయంలో ఇరువర్గాల మధ్య గొడవ జరిగింది. ఈ క్రమంలో థియేటర్ స్టాఫ్ ఫ్యాన్స్‌పై దాడికి దిగారు. దీనికి సంబంధించిన videos ఇప్పుడు సోషల్ మీడియాలో వైరల్ అవుతుంది.

Local· 23 Apr 2026

రాబోయే 4 రోజులు జాగ్రత్త.. పెరగనున్న ఎండలు!

రాష్ట్రంలో వచ్చే 4 రోజులు ఎండలు భారీగా పెరగనున్నాయి. మామూలు కంటే టెంపరేచర్ మరో 2 నుండి 3 డిగ్రీలు ఎక్కువగా ఉంటుందని వాతావరణ శాఖ హెచ్చరించింది. కొన్ని జిల్లాల్లో వర్షాలు పడే ఛాన్స్ ఉన్నా, మిగిలిన చోట్ల ఎండలు మండిపోతాయి. రాజధాని చెన్నైలో ఉష్ణోగ్రత 38 డిగ్రీల వరకు చేరుకోవచ్చు. ప్రజలు ఈ హీట్ వేవ్ పట్ల జాగ్రత్తగా ఉండాలి.

Local· 22 Apr 2026

చిత్ర పరిశ్రమలో తీవ్ర విషాదం.. 30 ఏళ్లకే యువ నటి మృతి!

యువ నటి దివ్యాంక సిరోహి కన్నుమూశారు. మంగళవారం రాత్రి ఉత్తర ప్రదేశ్‌లోని తన ఇంట్లో ఆమెకు హార్ట్ ఎటాక్ వచ్చింది. హాస్పిటల్ కి తీసుకెళ్తుండగా మార్గమధ్యలోనే ఆమె చనిపోయింది. TikTok వీడియోలతో పాపులర్ అయిన దివ్యాంక, ఇప్పుడిప్పుడే సినిమాల్లో అవకాశాలు అందుకుంటున్నారు. కేవలం 30 ఏళ్ల వయసులోనే ఆమె మరణించడం పట్ల సినీ ప్రముఖులు ఆందోళన వ్యక్తం చేస్తున్నారు.

▶

Local· 22 Apr 2026

3 నెలల పసికందును బంధించిన కోతి..

ఉత్తర ప్రదేశ్‌లో ఒక వింత ఘటన జరిగింది. తన బిడ్డను కోల్పోయిన ఒక కోతి, మంచంపై పడుకున్న 3 మంత్స్ బేబీ ని బంధించింది. దీంతో కుటుంబ సభ్యులు భయంతో కేకలు వేసినా, సుమారు 2 గంటల పాటు ఆ బిడ్డను వదల్లేదు. చివరికి అనిమల్ రెస్క్యూ టీమ్ వచ్చి చాకచక్యంగా పసికందును క్షేమంగా కాపాడారు. దీనికి సంబంధించిన వీడియొ ఇప్పుడు సోషల్ మీడియాలో వైరల్ అవుతోంది.

Local· 22 Apr 2026

ఏపీలో పలు జిల్లాలకు పిడుగుపాటు హెచ్చరిక

🔴 రాగల మూడు గంటల్లో అల్లూరి సీతారామరాజు, అనకాపల్లి జిల్లాల్లో అక్కడక్కడ పిడుగులతో కూడిన మోస్తరు వర్షాలు కురిసే అవకాశం 🟡 కర్నూలు, నంద్యాల, ప్రకాశం, మార్కాపురం జిల్లాల్లో అక్కడక్కడ పిడుగులతో కూడిన తేలికపాటి వర్షాలు కురిసే అవకాశం 40-60కిమీ వేగంతో బలమైన ఈదురు గాలులు వీచే అవకాశం ప్రజలు అప్రమత్తంగా ఉండాలని ఏపీ విపత్తుల నిర్వహణ సంస్థ తెలిపింది.

Local· 22 Apr 2026

నాదెండ్ల భాస్కరరావు కన్నుమూత

ఉమ్మడి ఆంధ్రప్రదేశ్ మాజీ ముఖ్యమంత్రి నాదెండ్ల భాస్కరరావు కన్నుమూశారు. ఆయన వయసు 90 ఏళ్లు. వృద్ధాప్య సమస్యలతో బాధపడుతున్న ఆయన కొద్ది రోజులుగా ఒక ఆస్పత్రిలో చికిత్స పొందుతూ ఇవాళ తుది శ్వాస విడిచారు. 1984లో అప్పటి సీఎం ఎన్టీఆర్ హార్ట్ సర్జరీకి అమెరికా వెళ్లినప్పుడు సీఎంగా గద్దెనెక్కారు. కేవలం నెల రోజులు మాత్రమే ఆయన ఆ పదవిలో ఉన్నారు. జనసేన నేత, ఏపీ పౌరసరఫరాల శాఖ మంత్రి నాదెండ్ల మనోహర్ ఆయన కుమారుడే.

Local· 22 Apr 2026

ఆర్టీసీలో తాత్కాలిక డ్రైవర్లు, కండక్టర్లకు అవకాశం

ఆర్టీసీ సమ్మెతో తెలంగాణ ప్రభుత్వం అద్దె బస్సుల్ని నడిపిస్తోంది. హైదరాబాద్ నగరంలో కండక్టర్లు లేకుండా వాటిని తిప్పుతోంది. మరోవైపు తాత్కాలిక పద్ధతిలో డ్రైవర్లు, కండక్టర్లను నియమించడానికి సిద్ధమవుతోంది. పదో తరగతి సర్టిఫికెట్, ఆధార్ కార్డు, హెవీ డ్రైవింగ్ లైసెన్స్ ఉంటే చాలు ఎవరైనా ఆర్టీసీ డిపోల్లో సంప్రదిస్తే టెంపరరీ డ్రైవర్లగా నియమిస్తున్నారు.

Local· 22 Apr 2026

కర్ణాటకలో ఘోరం.. అమెరికన్ మహిళా టూరిస్టుపై అత్యాచారం !

విదేశాల్లో భారత్‌ ప్రతిష్టని దిగజార్చే మరో అత్యాచార ఘటన కర్ణాటకలో వెలుగుచూసింది. కూర్గ్‌కు విహారయాత్రకు వచ్చిన ఒక అమెరికన్ మహిళపై హోమ్‌ స్టే యజమాని వృజేష్ కుమార్ అఘాయిత్యానికి పాల్పడ్డాడని ఆమెకు మత్తుమందు ఇచ్చి అత్యాచారం చేశాడని ఆరోపణలు వచ్చాయి. ఎవరికీ ఫిర్యాదు చేయకుండా ఉండేందుకు మూడు రోజుల పాటు వైఫై (WiFi) కనెక్షన్‌ను కట్ చేసి బాధితురాలిని బంధించాడు. అతి కష్టమ్మీద తప్పించుకున్న ఆ టూరిస్ట్ ఫిర్యాదు మేరకు పోలీసులు వృజేష్ కుమార్, అతని అసిస్టెంట్ ని అరెస్ట్ చేసి విచారణ జరుపుతున్నారు.

Local· 22 Apr 2026

కాళేశ్వరం అంశంలో కేసీఆర్ కు బిగ్ రిలీఫ్

కాళేశ్వరం ప్రాజెక్టు అంశంలో బీఆర్ఎస్ అధినేత కేసీఆర్, ఎమ్మెల్యే హరీశ్ రావుకు హైకోర్టులో బిగ్ రిలీఫ్ వచ్చింది. జస్టిస్ పీసీ ఘోష్ కమిషన్ నివేదిక ఆధారంగా ఎలాంటి చర్యలు తీసుకోవద్దని హైకోర్టు ఆదేశించింది. ఆ కమిటీ ఎలాంటి నిబంధనలు పాటించకుండా నివేదిక రూపొందించిందని కోర్టు చెప్పింది. ఈ రిపోర్ట్ చెల్లదని, సీబీఐ కూడా ఈ అంశంలో ఎలాంటి చర్యలు తీసుకోకూడదని స్పష్టం చేసింది. కాళేశ్వరం ప్రాజెక్టులో అవకతవకలపై 2025 జులైలో రేవంత్ రెడ్డి ప్రభుత్వానికి ఘోష్ కమిషన్ రిపోర్ట్ ఇచ్చింది.

Local· 22 Apr 2026

ఎక్కడి బస్సులు అక్కడే.. ప్రయాణికుల ఇక్కట్లు

తెలంగాణలో బస్సులు డిపోల్లో నిలిచిపోయాయి. బస్సుల్లేక బస్టాండులు బోసిగా కనిపిస్తున్నాయి. దీంతో ప్రయాణికులు తీవ్ర ఇబ్బందులు ఎదుర్కొంటున్నారు. ప్రభుత్వ చర్చలు విఫలం కావడంతో ఆర్టీసీ కార్మికులు మంగళవారం అర్ధరాత్రి 12 నుంచి సమ్మెకు దిగారు. డిపోల దగ్గరే ధర్నా చేస్తున్నారు. ఎన్నికల సమయంలో కాంగ్రెస్ ఇచ్చిన 32 హామీలను వెంటనే అమలు చేయాలని ఆర్టీసీని ప్రభుత్వంలో విలీనం చేసి ప్రభుత్వ ఉద్యోగులతో సమానంగా అన్ని ప్రయోజనాలు కల్పించాలన్నది వారి ప్రధాన డిమాండ్. దశలవారీగా వారి డిమాండ్లు తీరుస్తామని ఆర్టీసీ యాజమాన్యం చెబుతోంది.

Local· 22 Apr 2026

తెరుచుకున్న కేదార్ నాథ్ ఆలయ ద్వారం

చార్ ధామ్ యాత్ర ఇవాళ్టి నుంచి ప్రారంభమైంది. ద్వాదశ జ్యోతిర్లింగాల్లో ఒకటైన కేదార్ నాథ్ ఆలయ ద్వారాలు ఉదయం 8 గంటలకు తెరుచుకున్నాయి. శీతాకాలంలో ఆరు నెలల పాటు మూసుకునే ఈ ఆలయాన్ని మళ్లీ అక్షయ తృతీయ తర్వాత రెండు మూడు రోజులకి తీస్తారు. ఈ ఏడాది చార్ ధామ్ యాత్రకి అంటే యమునోత్రి, గంగోత్రి, బద్రీనాథ్, కేదారానాథ్ సందర్శనకి రికార్డు స్థాయిలో 14.5 లక్షల మంది భక్తులు రిజిస్ట్రేషన్ చేయించుకుంటే కేదారాథ్ లో మహా శివుడి దర్శనం కోసమే ఏకంగా 4.5 లక్షల మంది రిజిస్ట్రేషన్ చేయించుకున్నారు.

Local· 22 Apr 2026

ఉద్యోగుల బదిలీలపై నిషేధం ఎత్తివేత

తెలంగాణలో ప్రభుత్వ ఉద్యోగుల బదిలీలపై ఉన్న నిషేధాన్ని ప్రభుత్వం ఎత్తివేసింది. మే 1 నుంచి 31 లోగా బదిలీల ప్రక్రియ పూర్తి కావాలని జీవో నెంబర్ 38 జారీ చేసింది. ఒకే చోట నాలుగేళ్లుగా వర్క్ చేస్తున్న వాళ్లని బదిలీ చేయనున్నారు. ఎవరైనా బదిలీ కోరుకుంటే కంటిన్యూస్ గా మూడేళ్లు ఒకే చోట పని చేసి ఉండాలి. ఉద్యోగులు బదిలీల ఉత్తర్వులు అందుకున్న తర్వాత మూడు రోజుల్లోగా కొత్త చోట జాయిన్ కావాల్సి ఉంటుంది. జనగణన వర్క్ లో ఉన్న ఉద్యోగులకు మాత్రం బదిలీ నుంచి మినహాయింపు ఉంటుంది.

Local· 21 Apr 2026

ఆర్టీసీపై హై లెవెల్ కమిటీ ఏర్పాటు... అయినా సమ్మె ఆగదు...

తెలంగాణ ఆర్టీసీ (TGSRTC) ఉద్యోగుల దీర్ఘకాలిక సమస్యల పరిష్కారం కోసం రాష్ట్ర ప్రభుత్వం నలుగురు సభ్యులతో కూడిన ఉన్నత స్థాయి కమిటీని ఏర్పాటు చేసింది. అయినా ఈ అర్ధరాత్రి నుంచి ఆర్టీసీసమ్మె మొదలు అవుతుందని ఉద్యోగులు తెలిపారు.. ప్రభుత్వంలో ఆర్టీసీ విలీన ప్రక్రియ ఇంకా చేయకపోవడం, పీఆర్సీ అమలు చేయకపోవడం, వారి ప్రధాన డిమాండ్లు. ప్రభుత్వం స్పందించి నలుగురు సభ్యుల హై లెవెల్ కమిటీ ఏర్పాటు చేసినా సమ్మె యధాతధంగా కొనసాగుతుందని ఉద్యోగులు అంటున్నారు.

Local· 21 Apr 2026

కర్నూలులో భారీ సోలార్ పవర్ ప్రాజెక్ట్ !!

ఏపీలోని కర్నూలులో భారీ సోలర్ పవర్ ప్రాజెక్ట్ ప్రారంభించారు.2,400 ఎకరాల విస్తీర్ణంలో రెండు భాగాలుగా ఈ ప్లాంట్ ను ఆపరేట్ చేస్తారు. మొత్తం 600 మెగా వాట్ల సామర్ధ్యం కలిగిన ఈ ప్లాంట్ ను చెరి మూడు వందల యూనిట్ల చొప్పున రెండు యూనిట్లుగా పనిచేయిస్తారు.12 లక్షల TOPCon బైఫేషియల్ సోలార్ మాడ్యూల్స్ తో ప్లాంట్ పనిచేస్తుంది. సోలార్ ఎనర్జీ కార్పొరేషన్ ఆఫ్ ఇండియాతో కుదిరిన ఒప్పందం ప్రకారం ఈ ప్రాజెక్ట్ 25 ఏళ్లు కొనసాగుతుంది. మొత్తం 11 లక్షల టన్నుల కర్బన్ ఉద్గారాలను తగ్గిస్తుంది. గ్రీన్ ఎనర్జీకి దోహద పడుతుంది.

Local· 21 Apr 2026

ఏపీలో దేశంలోనే తొలి ప్రైవేట్ బంగారు గని !!

కర్నూలు జిల్లా జొన్నగిరిలో దేశంలోని తొలి ప్రైవేట్ బంగారు గని ప్రారంభం మొదలైంది. జొన్నగిరిలో598 హెక్టార్లలో 13 టన్నుల విలువైన బంగారు నిక్షేపాలను జియలాజికల్ సర్వే ఆఫ్ ఇండియా గుర్తించింది. 2027 నాటికి కనీసం 600 కిలోల బంగారాన్ని తవ్వి తీయాలని నిర్ణయించారు. జియోమైసూర్ సర్వీసెస్ సంస్థ ఈ తవ్వకాలు చేపడుతుంది. ప్రాజెక్టు కాలం 15 ఏళ్లు. యేటా వెయ్యి కిలోల వార్షిక ఉత్పత్తిని టార్గెట్ గా పెట్టుకున్నారు. ఇప్పటి వరకూ గనులన్నీ కేంద్ర ప్రభుత్వ అధీనంలోనే ఉన్నాయి. తొలిసారిగా ఈ గని నిర్వహణను ప్రైవేటు కంపెనీలకు ఇచ్చారు.

Local· 21 Apr 2026

కేదార్ నాథ్ లో మొబైల్ ఫోన్ల నిషేధం...

కేదార్ నాధ్ ఆలయ పరిసరాల్లో మొబైల్ ఫోన్లను నిషేధించారు. కొండపై వీడియోలు, ఫోటో షూట్స్, రీల్స్ ఇక ఎంత మాత్రం అనుమతించబోమని ఆలయ కమిటీ తెలిపింది. భక్తులు ఆలయ పరిసరాల్లోకి వచ్చే ముందే తమ మొబైల్స్ ను బయటే డిపాజిట్ చేయాలని కోరింది. కొండపై మొబైల్స్ అనుమతి వల్ల దర్శనాలకు భంగం కలుగుతోందని, ఆధ్యాత్మికత తగ్గుతోందని ఆలయ నిర్వాహకులు ఈ నిర్ణయం తీసుకున్నారు.. ఈనిర్ణయాన్ని ఇంటర్నెట్ యూజర్స్ సమర్ధించారు.

Local· 21 Apr 2026

కుల మతాలపై పార్తీబన్ విక్టరీ

తమిళ నటుడు, దర్శకుడు ఆర్.పార్తీబన్ ఒక కీలకమైన అంశంలో విజయం సాధించారు. నాకు ఏ కులం, ఏ మతం వద్దని నో కాస్ట్, నో రిలీజియన్ సర్టిఫికేట్ ఇవ్వాలని ఆయన వేసిన పిటిషన్ కు మద్రాస్ హైకోర్టు గ్రీన్ సిగ్నల్ ఇచ్చింది. ఏప్రిల్ 29 లోపు ఆయనకు ఆ సర్టిఫికేట్ జారీ చేయాలని అధికారులను ఆదేశించింది. కులమతాలకు అతీతంగా ఉండాలనే తన నిర్ణయం సమాజంలో మార్పు తెస్తుందని పార్తీబన్ ఆశిస్తున్నారు. రియల్ లైఫ్ లో కూడా పార్దిబన్ కొత్త బాట వేస్తున్నారంటూ జెన్ జీ నెటిజన్లు ప్రశంసిస్తున్నారు.