National

National· 5d ago

ప్రియురాలి హత్య.. ఆపై హీటర్‌తో శవాన్ని కాల్చేశాడు

పెళ్లి చేసుకోవాలని పట్టుబట్టిందనే కోపంతో ఓ వ్యక్తి తన ప్రియురాలను దారుణంగా హత్య చేశాడు. మహారాష్ట్రలోని నాగ్‌పూర్‌కు చెందిన జావేద్‌కు పెళ్లయ్యింది. మరో మహిళతో వివాహేతర సంబంధంలో ఉన్నాడు. భార్యను వదిలేసి తనను పెళ్లి చేసుకోవాలని ఆమె జావేద్‌పై తీవ్రంగా ఒత్తిడి తెచ్చింది. ఈ విషయమై వాళ్ల మధ్య గొడవలు జరుగుతున్నాయి. కోపంతో ఆమెను హత్య చేసిన జావేద్ రూమ్ హీటర్‌ను ఉపయోగించి ఆమె శరీరాన్ని దహనం చేశాడు. పోలీసులు అతణ్ని అదుపులోకి తీసుకున్నారు.

National· 5d ago

ఒకప్పుడు అడవుల్లో.. ఇప్పుడు షాపులు, ఫ్యాక్టరీల్లో!

ఒకప్పుడు అడవుల్లో తుపాకులు పట్టిన ఐదుగురు మాజీ మావోయిస్టులు ఇప్పుడు కొత్త జీవితం గడుపుతున్నారు. లొంగిపోయిన తర్వాత భూపతి గిరిజన హక్కులు, ప్రభుత్వ పథకాలపై అవగాహన కల్పిస్తున్నారు. దీపక్ కిరాణా షాప్ నడుపుతున్నారు. ప్రమీల క్యాంటీన్లో వంటపని చేస్తుండగా, సంగటి ఫ్యాక్టరీలో జాబ్ చేస్తున్నారు. సుమన్ కూడా క్యాంటీన్లో పనిచేస్తున్నారు. ఫ్యామిలీతో సంతోషంగా ఉంటూ స్థిరమైన ఇన్‌కమ్ సంపాదించి, పిల్లలకు మంచి ఫ్యూచర్ ఇవ్వడమే తమ గోల్ అని వారు చెబుతున్నారు.

National· 5d ago

BJPకి ఎక్కువ ఓట్లు వచ్చేలా పనిచేస్తా :గవర్నర్‌

ఒడిశా గవర్నర్‌గా నియమితులైన బ్రజ్‌ మోహన్‌ రామ్‌ కామెంట్స్ రాజకీయ వివాదానికి దారితీశాయి. జార్ఖండ్‌లో BJP SC మోర్చాను బలోపేతం చేసిన అనుభవంతో, ఒడిశాలోనూ BJP బలపడేలా కృషి చేస్తానని ఆయన PTIతో చెప్పారు. ఈ కామెంట్స్ పై BJD, కాంగ్రెస్‌ అభ్యంతరం తెలిపాయి. గవర్నర్‌ రాజ్యాంగబద్ధమైన పదవిలో నిష్పక్షపాతంగా ఉండాలని, ఆయన అపాయింట్‌మెంట్‌ని వెనక్కి తీసుకోవాలని కాంగ్రెస్‌ కోరగా, బీజేపీ మాత్రం ఆయన ఇంకా బాధ్యతలు చేపట్టలేదని సమర్థించింది.

▶

National· 5d ago

BJP నేతలపై గ్యాంగ్‌రేప్ ఆరోపణలు!

ఉత్తరప్రదేశ్‌లోని అలీగఢ్‌లో ముగ్గురు BJP నేతలు తనపై గ్యాంగ్‌రేప్‌కు పాల్పడ్డారని ఓ మహిళ ఆరోపించింది.. నిందితుల్లో BJYM జిల్లా ఉపాధ్యక్షుడు సౌరభ్ చౌదరి, BJP-SC మోర్చా ప్రధాన కార్యదర్శి పంకజ్ ఆర్య, కార్యవర్గసభ్యుడు లోకేష్‌నగర్ ఉన్నారని తెలిపింది. FIR ఫైల్ అయినా పోలీసులు వారిని అరెస్ట్ చేయలేదని బాధితురాలు ఆరోపించింది. నిందితులు తనను బెదిరిస్తూ, డబ్బులతో కేసు సెటిల్ చేసుకోవాలని ఒత్తిడి చేస్తున్నారని ఆరోపించింది.

National· 5d ago

SIRపై రాహుల్‌, ఒవైసీ పిటిషన్లు.. నేడు విచారణ

SIRలో అక్రమాలు జరిగాయంటూ ఫైల్‌ చేసిన పిటిషన్లపై సుప్రీంకోర్టు ఇవాళ విచారణ చేపట్టనుంది. రాహుల్‌ గాంధీతో పాటు మరికొందరు ప్రతిపక్ష నేతలు, AIMIM నేత అసదుద్దీన్‌ ఒవైసీ ఫైల్‌ చేసిన పిటిషన్లు విచారణకు రానున్నాయి. ఓటర్ల పేర్ల తొలగింపుపై ఇండిపెండెంట్‌ ఆడిట్‌ నిర్వహించాలని, ఎలక్షన్‌ కమిషన్‌ రికార్డులను పరిశీలించాలని పిటిషనర్లు కోరారు. ఢిల్లీ ప్రొటెస్ట్‌ల టైంలో పోలీసుల చర్యలు, మెట్రో సర్వీసులకు అంతరాయం కలిగిన అంశాలపై పిటిషన్లను కూడా ధర్మాసనం విచారించనుంది.

National· 5d ago

KTRకు అభిజీత్‌ దీప్కే థ్యాంక్స్‌

CJP నేతలు సౌరవ్‌ దాస్‌, ఆశుతోష్‌ రంకాలను ఢిల్లీ జంతర్ మంతర్లో అరెస్టు చేయడంపై BRS వర్కింగ్‌ ప్రెసిడెంట్‌ KTR స్పందించారు. దేశం కోసం నిజంగా పోరాడుతున్నది యువతేనని, ముఖ్యంగా GEN-Z అని అన్నారు. వ్యవస్థలో మార్పు తీసుకురావాలని ప్రయత్నిస్తున్న యువతను జైల్లో పెట్టడం ప్రభుత్వ భయానికి నిదర్శనమని విమర్శించారు. KTR స్పందనపై CJP పౌడర్ అభిజీత్‌ దీప్కే థాంక్స్ చెప్తూ Xలో రీపోస్టు చేసారు.

National· 5d ago

‘మై ఫాదర్ బాలయ్య’ పుస్తక రచయిత కన్నుమూత

‘మై ఫాదర్ బాలయ్య’ పుస్తక రచయిత వైబీ సత్యనారాయణ 82 ఏళ్ల వయసులో కన్నుమూశారు. కొంతకాలంగా అనారోగ్యంతో బాధపడుతున్న ఆయన హైదరాబాద్‌లోని ఓ ప్రైవేట్ హాస్పిటల్‌లో చికిత్స పొందుతూ తుదిశ్వాస విడిచారు. ఉమ్మడి కరీంనగర్ జిల్లా వంగపల్లి ఆయన స్వస్థలం. ఆయన రచించిన ఈ పుస్తకం నిజాం కాలం నాటి తెలంగాణ గ్రామీణ జీవితం, దళితుల పరిస్థితులు, సామాజిక అసమానతలను వివరిస్తుంది. ‘కబాలి’ సినిమాలో రజనీకాంత్ ఈ పుస్తకాన్ని చదువుతున్నట్లు చూపించడంతో మరింత గుర్తింపు పొందింది.

National· 5d ago

ప్రొటెస్టులతో బిజినెస్‌కు బ్రేక్!

S.I.R, CEC జ్ఞానేష్ కుమార్‌కి వ్యతిరేకంగా ఢిల్లీలో జరుగుతున్న ప్రొటెస్ట్‌లతో వ్యాపారాలు దెబ్బతింటున్నాయని వాణిజ్య, పారిశ్రామిక సంస్థలు ఆందోళన వ్యక్తం చేశాయి. నిరసనల కారణంగా ప్రజల రాకపోకలపై రిస్ట్రిక్షన్స్ విధించడంతో పండుగల సీజన్‌లో వ్యాపారాలు ప్రభావితమవుతున్నాయని తెలిపాయి. ఈ మేరకు ప్రధాని మోదీ, CJI జస్టిస్ సూర్యకాంత్, కాంగ్రెస్ నేత రాహుల్ గాంధీకి లెటర్స్ రాశాయి. వాణిజ్య ప్రాంతాల్లో స్వేచ్ఛగా వ్యాపారాలు చేసుకునేలా రక్షణ కల్పించాలని కోరాయి.

National· 5d ago

D. Rajaకు అభిజీత్ దీ‌ప్కే Thanks

CJP లీడర్స్ సౌరవ్ దాస్, అశుతోష్ రంకా అరెస్టును వ్యతిరేకించిన CPI జెనరల్ సెక్రటరీ D. Rajaకు CJP ఫౌండర్ అభిజీత్ దీ‌ప్కే కృతజ్ఞతలు తెలిపారు. రెండు రోజుల క్రితం వరకు నిరసన వేదికగా ఉన్న జంతర్ మంతర్‌లోకి ప్రవేశించారనే కారణంతో CJP లీడర్స్‌ను అరెస్ట్ చేసి జ్యుడీషియల్ కస్టడీకి పంపడం వేధింపులేనని ఆయన విమర్శించారు. నిరసన హక్కును కాపాడేందుకు రాజకీయంగా, న్యాయపరంగా పోరాడతామని తెలుపుతూ, ఇద్దరినీ వెంటనే విడుదల చేయాలని ఆయన డిమాండ్ చేశారు.

National· 5d ago

ద్రువ్ రాఠీకి కోర్టు సమన్లు

ప్రముఖ యూట్యూబర్ ద్రువ్ రాఠీకి ఢిల్లీ కోర్టు సమన్లు జారీ చేసింది. 2018లో ‘BJP IT Cell Part-2’ పేరుతో ఆయన పోస్ట్ చేసిన వీడియోపై BJP IT Cell సభ్యుడు వికాస్ పాండే పరువు నష్టం కేసు వేశారు. వీడియోలో తనపై చేసిన ఆరోపణలు పరువుకు భంగం కలిగించాయని కంప్లయింట్ చేశారు. గతంలో ధ్రువ్ రాఠీ విదేశాల్లో ఉండటంతో సమన్లు అందలేదు. ప్రస్తుతం ఆయన భారత్‌లో ఉండటంతో గురుగ్రామ్ అడ్రెస్‌కి సమన్లు పంపాలని కోర్టు ఆదేశించింది. తరువాత విచారణ ఈనెల 17న జరగనుంది.

National· 5d ago

కాశీ ఆలయంలో బంగారం మాయం.. కోతుల పనా?

వారణాసిలోని కాశీ విశ్వనాథ ఆలయంలోని బంగారం మాయమైందనే వార్త ప్రస్తుతం చర్చగా మారింది. ఆలయ శిఖరం నుంచి కొంత బంగారం గల్లంతయిందని సోషల్ మీడియాలో ప్రచారం సాగడంతో పాటు, దీనిపై ఒక లాయర్ ప్రధాన మంత్రి ఆఫీసుకు, సీఎం ఆఫీసుకు కంప్లైంట్ చేశారు. అయితే, ఆలయ బంగారం చోరీ కాలేదని అధికారులు క్లారిటీ ఇచ్చారు. ప్రాంగణంలో కోతులు ఆడుకుంటున్న సమయంలో శిఖరానికి చెందిన ఒక చిన్న బంగారు కలశం భాగాలు కింద పడిపోయాయని చెప్పారు. దీనిపై విచారణ చేస్తున్నామన్నారు.

National· 5d ago

IDBI బ్యాంక్ వాటాల అమ్మకానికి కేంద్రం గ్రీన్ సిగ్నల్

కేంద్ర ప్రభుత్వం ప్రతిష్టాత్మకంగా భావిస్తున్న IDBI బ్యాంక్ ప్రైవేటీకరణ స్పీడు పెంచింది. IDBI బ్యాంకులో ఉన్న మొత్తం 60.72 శాతం వాటాలను కెనడాకు చెందిన 'ఫెయిర్ ఫాక్స్ ఫైనాన్షియల్ హోల్డింగ్స్' మాతృ సంస్థ కెనడా ఇన్కార్పొరేటెడ్ సంస్థకు అమ్మేందుకు కేంద్ర కేబినెట్ ఆర్థిక వ్యవహారాల కమిటీ ఆమోదం తెలిపింది. ఈ భారీ డీల్ విలువ 52 వేల 878 కోట్లుగా ఉంది. ఎయిర్ ఇండియా అమ్మకం తర్వాత ప్రభుత్వ రంగంలో జరిగిన అతిపెద్ద వాటాల అమ్మకం ఇదే.

▶

National· 5d ago

దుష్యంత్ గౌతమ్‌కు పదవి.. అంకితా భండారి తల్లిదండ్రుల ధర్నా

2022లో ఉత్తరాఖండ్‌లో హత్యకు గురైన 19 ఏళ్ల అంకితా భండారి తల్లిదండ్రులు ఢిల్లీలోని ఇండియా గేట్ దగ్గర ధర్నా చేస్తున్నారు. తమ కూతురి హత్యకేసులో సీబీఐ విచారణ ఎదుర్కొంటున్న దుష్యంత్ గౌతమ్‌ను సిక్కిం గవర్నర్‌గా నియమించడాన్ని వ్యతిరేకిస్తున్నారు. దర్యాప్తు పూర్తయ్యే వరకు గవర్నర్‌గా నియమించకూడదని కోరుతున్నారు. కాంగ్రెస్ ఎంపీ ప్రియాంకా గాంధీ వాడ్రా వారిని కలిసి ఓదార్చారు. రాహుల్ గాంధీ కూడా అక్కడికి వచ్చి వారిలో మాట్లాడారు.

National· 5d ago

లైంగిక వేధింపుల ఆరోపణలు చేసినవారిపై వివేక్ భగత్ ఎదురు కేసు

జంతర్ మంతర్ వద్ద జరిగిన నిరసన ప్రదర్శన కవరేజ్ టైంలో తమపై లైంగిక వేధింపులకు పాల్పడ్డారంటూ ఆరోపణలు చేసిన మహిళా విలేకరి, మరికొందరిపై ఢిల్లీ ACP వివేక్ భగత్ ఎదురు కేసు వేశారు. డ్యూటీ టైంలో ఆ మహిళ తనపై కులవివక్ష కామెంట్స్ చేసి అవమానించారని పార్లమెంట్ స్ట్రీట్ పోలీస్ స్టేషన్‌లో కంప్లైంట్ చేశారు. వివేక్ షెడ్యూల్డ్ కులానికి చెందినవారు. తనపై అబద్ధపు లైంగిక వేధింపుల ఆరోపణలు మోపి మానసికంగా వేధించారని, ప్రతిష్టకు భంగం కలిగించారని ACP కంప్లైంట్‌లో రాశారు.

▶

National· 5d ago

ముస్లిం మహిళలపై ధీరేంద్ర శాస్త్రి వివాదాస్పద కామెంట్స్

మధ్యప్రదేశ్‌ రాష్ట్రం సాగర్ జిల్లాలో జరిగిన 'సనాతన హిందూ ఏకతా రథయాత్ర'లో బాగేశ్వర్ ధామ్ పీఠాధిపతి పండిత్ ధీరేంద్ర కృష్ణ శాస్త్రి సంచలన కామెంట్స్ చేశారు. ‘మన ఆడపిల్లలు దుర్గాదేవి, కాళికాదేవిలా ధైర్యంగా ఉండాలి కానీ, బుర్ఖా వేసుకునేవారిలా మారకూడదు’ అని అన్నారు. నవరాత్రి గర్బా వేడుకల్లోకి వేరే మతాలవాళ్లు పేర్లు మార్చుకుని వచ్చే అవకాశం ఉందని, బయటి వ్యక్తులకు గోమూత్రం ఇచ్చి అనుమతించాలన్నారు. యువత దేశ ప్రతిష్టకు భంగం కలిగించే పనులు చేయవద్దని అన్నారు.

▶

National· 5d ago

జిమ్‌లో వ్యాయామం చేస్తూ..హఠాత్తుగా మృతి

రాజస్థాన్‌లోని చురూ జిల్లా సర్దార్‌షహర్‌లోని ఒక జిమ్‌లో విషాదం జరిగింది. ఓ ఫిట్‌నెస్ జిమ్‌లో ట్రెడ్‌మిల్‌పై వ్యాయామం చేస్తుండగా 49 ఏళ్ల ప్రభుత్వ పాఠశాల ప్రిన్సిపాల్ ఒక్కసారిగా తీవ్ర అస్వస్థతకు గురై కిందపడిపోయారు. చుట్టూ ఉన్నవారు వెంటనే హాస్పిటల్‌కు తరలించగా, అప్పటికే ఆయన మృతి చెందినట్లు డాక్టర్లు చెప్పారు. జిమ్ చేసే టైంలో జాగ్రత్తలు అవసరం అని, డాక్టర్ల సలహా లేకుండా ఎక్కువసేపు వ్యాయామం చేయొద్దని నిపుణులు హెచ్చరిస్తున్నారు.

National· 5d ago

ఇకపై Flightsలో ఈ పవర్ బ్యాంక్ బ్యాన్!

ఫ్లైట్‌లో పవర్ బ్యాంక్ తీసుకెళ్లేవారికి అలర్ట్! MOBIKINS MK-PB-04 మోడల్ పవర్ బ్యాంక్‌ను విమానాల్లో తీసుకెళ్లడంపై DGCA బ్యాన్ చేసింది. ఇటీవల ఇండిగో ఫ్లైట్‌లో ఈ <a href="https://www.theclearcutnews.com/n/vFNDrYE">పవర్ బ్యాంక్‌లో మంటలు</a> చెలరేగడంతో ఈ డెసిషన్ తీసుకుంది. ఇండియా నుంచి వెళ్లే, ఇండియాకు వచ్చే, దేశంలో తిరిగే ఫ్లైట్స్‌లో దీన్ని క్యాబిన్ బ్యాగ్, చెక్-ఇన్ బ్యాగ్‌లోనే కాదు.. కార్గోలోనూ తీసుకెళ్లకూడదు. ఈ బ్యాన్ అన్ని పవర్ బ్యాంకులకు కాదు.. ఈ మోడల్‌కు మాత్రమే అప్లై అవుతుందని DGCA తెలిపింది.

National· 5d ago

సంప్రదాయ విత్తన సంరక్షకుడు చెరువాయల్ రామన్ కన్నుమూత

కేరళంలోని వయనాడ్‌కు చెందిన ప్రముఖ సంప్రదాయ వరివిత్తన సంరక్షకుడు, పద్మశ్రీ పురస్కార గ్రహీత చెరువాయల్ రామన్(74) ఇవాళ కన్నుమూశారు. ఆరోగ్య సమస్యలతో బాధపడుతున్న ఆయన కోళికోడ్ మెడికల్ కాలేజీ హాస్పిటల్లో చికిత్స పొందుతూ మరణించారు. దాదాపు 50కి పైగా అరుదైన సంప్రదాయ వరి రకాలను ఆయన కాపాడారు. దేశీయ విత్తనాల సంరక్షణకు జీవితాన్ని అంకితం చేసిన ఆయనను స్థానికంగా ప్రజలు 'నెల్లాచన్' (వరి విత్తనాల తండ్రి) అని ఆప్యాయంగా పిలుచుకుంటారు.