Technology

Technology· 16 Sept 2026

AIపై మాజీ గూగుల్ రీసెర్చర్ హెచ్చరిక!

AI సేఫ్టీపై మరో కీలక హెచ్చరిక వెలువడింది. గూగుల్ డీప్‌మైండ్ AGI సేఫ్టీ టీమ్‌లో పనిచేసిన <a href="https://x.com/JoshAEngels/status/2098890712830169115">జోష్ ఎంగెల్స్</a> ఉద్యోగానికి రాజీనామా చేశారు. రాబోయే ఐదేళ్లలో అడ్వాన్స్‌డ్ AI వల్ల మానవాళికి తీవ్ర ముప్పు ఏర్పడే అవకాశముందని ఆయన హెచ్చరించారు. మనుషుల కంటే తెలివైన ఆర్టిఫిషియల్ సూపర్‌ ఇంటెలిజెన్స్ కోసం కంపెనీలు పోటీపడుతున్నాయని ఆందోళన వ్యక్తం చేశారు. AI డెవలప్‌మెంట్ వేగాన్ని తగ్గించి సేఫ్టీ రీసెర్చ్‌కు ఇంపార్టెన్స్ ఇవ్వాలని సూచించారు. Anthropic, OpenAI ఆఫర్లను కాదని METRలో చేరినట్లు తెలిపారు.

▶

Technology· 16 Sept 2026

చైనా వీధుల్లో రోబోల ఎంట్రీ.. జనం షాక్!

చైనా నగరాల వీధుల్లో Humanoid Robots నడుస్తున్నాయి. రోడ్లపై సడెన్‌గా ఎదురొస్తున్న రోబోలను చూసి జనం షాకవుతున్నారు. రోబోలు తమపై దాడి చేస్తాయేమోనని కొందరు స్కూటర్లను వదిలి వెనక్కి పోతున్నారు. మరికొందరు ఏకంగా పరుగులు పెడుతున్నారు. ప్రజలు ఎంతగా భయపడినా, ఆ రోబోలు మాత్రం తమ పని తాము చేసుకుంటూ ముందుకు వెళ్తున్నాయి. హార్డ్‌వేర్ టెక్నాలజీ సొసైటీలోకి ముందే వచ్చేసింది కానీ, కామన్ పీపుల్ దానికి ఇంకా అలవాటు పడలేదని ఈ వీడియో ద్వారా అర్థమవుతోంది.

Technology· 16 Sept 2026

బడ్జెట్ ధరలో Oppo K14 Lite.. ఇవే ఫీచర్లు!

ఒప్పో K14 Liteను రూ.16,999కు విడుదల చేసింది. 4GB+64GB వేరియంట్‌లో 6.75 అంగుళాల HD+ LCD డిస్‌ప్లే, 120Hz రిఫ్రెష్ రేట్, 900 నిట్స్ బ్రైట్నెస్ ఉన్నాయి. Unisoc T7250 ఆక్టాకోర్ ప్రాసెసర్, Android 16 ఆధారిత ColorOS 16తో పనిచేస్తుంది. 13MP+5MP కెమెరాలు, AI ఫీచర్లు, Google Gemini, Assistant సపోర్ట్ ఉన్నాయి. 7000mAh బ్యాటరీ, 15W ఫాస్ట్ ఛార్జింగ్, రివర్స్ ఛార్జింగ్, IP64 రేటింగ్ ఉన్నాయి. ఫ్లిప్‌కార్ట్‌లో లభిస్తుంది. ఎంపిక చేసిన బ్యాంక్ కార్డులపై రూ.1,000 డిస్కౌంట్, 3 నెలల నో-కాస్ట్ EMI ఉంది.

Technology· 16 Sept 2026

రోబోలే రోబోలను తయారు చేస్తున్నాయ్!

చైనాకు చెందిన ఎలక్ట్రిక్‌ వాహనాల సంస్థ XPENG రోబోల తయారీలో కొత్త అడుగు వేసింది. గ్వాంగ్‌జౌలో ప్రపంచంలోనే తొలి Automated Humanoid Robot Production Line‌ను ప్రారంభించింది. ఇక్కడ రోబోల తయారీలో 80 శాతానికిపైగా పనులు ఆటోమేషన్‌ ద్వారా జరుగుతున్నాయి. తొలి ‘IRON’ హ్యూమనాయిడ్‌ రోబో అసెంబ్లింగ్‌ పూర్తయ్యాక, తనంతట తానే Production Line నుంచి బయటకు వచ్చింది. 2026 చివరి నాటికి IRON రోబోల భారీ ఉత్పత్తి ప్రారంభించాలని XPENG లక్ష్యంగా పెట్టుకుంది.

Technology· 14 Sept 2026

పాత గనుల నీటితో AI కూలింగ్?

AI డేటా సెంటర్లలో సర్వర్లు పనిచేసే టైంలో భారీగా వేడి ఉత్పత్తి అవుతుంది. ఈ వేడిని తగ్గించేందుకు నీరు, విద్యుత్ ఎక్కువగా అవసరం. దీనికి ప్రత్యామ్నాయంగా పాత గనుల్లో నిలిచిన నీటిని ఉపయోగించవచ్చా అని అమెరికా శాస్త్రవేత్తలు పరిశోధించారు. పెన్సిల్వేనియాలోని మోరియా గనిలో దీనిపై పరిశీలన చేశారు. గనుల్లోని నీటితో డేటా సెంటర్లను చల్లబరచే అవకాశం ఉందని గుర్తించారు. అయితే నీటి నాణ్యత, ఖర్చు, పర్యావరణ ప్రభావం, అవసరమైన సదుపాయాలపై ముందుగా పరిశీలన చేయాల్సి ఉందని తెలిపారు.

Technology· 14 Sept 2026

AIతో జాగ్రత్త.. సత్యనాదెళ్ల సెన్సేషనల్ పోస్ట్!

AI దుర్వినియోగం వల్ల సైబర్‌ దాడులు, అక్రమ నిఘా, బయోవెపన్స్ తయారీ పరిశోధనలు జరుగుతున్నాయనే ఆందోళనలు వ్యక్తమవుతున్నాయి. ఆంథ్రోపిక్ CEO డారియో అమోడెయ్, ఓపెన్‌AI సామ్‌ ఆల్ట్‌మన్‌, ఎలాన్‌ మస్క్‌ లాంటి వారు AI ప్రమాదకరమని చెప్పారు. మైక్రోసాఫ్ట్ CEO సత్యనాదెళ్ల కూడా ఈ ఒపీనియన్‌ని సమర్థిస్తూ xలో పోస్ట్‌ చేశారు. ‘‘మనం డెవలప్ చేస్తున్న AI.. మనుషులకు యూజ్ అవ్వకపోతే, కంట్రోల్‌లో లేకపోతే దానిపై ఫోకస్ పెట్టడంలో అర్థం లేదు’’ అని ఆయన అన్నారు. AI వేగాన్ని కంట్రోల్ చెయ్యాలనే కామెంట్స్ వినిపిస్తున్నాయి.

Technology· 13 Sept 2026

🏠 మీ ఇల్లు మీ అలవాట్లను గమనిస్తే..?

ఒక్కసారి ఊహించండి… మీరు ఇంటికి చేరుకునేలోపే లైట్లు వెలగడం, గది ఉష్ణోగ్రత మారడం, మీకు ఇష్టమైన సంగీతం ప్లే అవడం. ఇది మ్యాజిక్ కాదు. ఇంట్లోని సెన్సర్లు, పరికరాలు మీరు ఎప్పుడు వస్తారు, ఏ గదిలో ఎంతసేపు ఉంటారు, ఏ సమయానికి ఏ పరికరం వాడతారు వంటి అలవాట్లను గమనిస్తాయి. AI ఈ సమాచారంలో కనిపించే నమూనాలను గుర్తించి, మీ అవసరాలను ముందే అంచనా వేయగలదు. అంటే ఇల్లు కేవలం మన ఆదేశాలు పాటించడం కాదు… మన అలవాట్లను గమనించి, వాటికి తగ్గట్టుగా స్పందించే స్థాయికి మారుతోంది.

Technology· 12 Sept 2026

AI మ్యాజిక్.. 60 సెకన్లలో 60 హెల్త్ టెస్టులు

AP: మంగళగిరి ఇందిరానగర్ అర్బన్ ప్రైమరీ హెల్త్ సెంటర్‌లో AI పవర్‌తో పనిచేసే <a href="https://www.etvbharat.com/amp/en/state/ai-clinic-in-andhra-pradesh-to-deliver-60-health-test-reports-in-just-60-seconds-enn26090904476">వెల్‌నెస్ క్లినిక్‌</a> అందుబాటులోకి రానుంది. Aeros Innovation, IIVPL కలిసి ఏర్పాటు చేసిన ఈ పైలట్ ప్రాజెక్ట్‌లో జస్ట్ 60 సెకన్లలో 60 రకాల హెల్త్ టెస్ట్‌ల డిజిటల్ రిపోర్ట్స్‌ పొందొచ్చు. ఫేస్ స్కాన్ ద్వారా 28 టెస్టులకు బ్లడ్ శాంపిల్ అవసరం లేకుండానే రిజల్ట్స్ ఇస్తుంది. IoT టెక్నాలజీతో మరో 32 టెస్టులు చేయొచ్చు. బీపీ, డయాబెటిస్, హార్ట్ ప్రాబ్లమ్స్, కొన్ని లాంగ్‌టర్మ్ హెల్త్ ఇష్యూస్‌ను ముందుగా గుర్తించడమే దీని టార్గెట్.

Technology· 12 Sept 2026

అమ్మో AI.. కొంపముంచేసేదే.!

తమ AI మోడల్‌ను బయో వెపన్స్ తయారీకి వాడుకోవాలనే ఒక ప్రమాదకరమైన ప్రయత్నాన్ని అడ్డుకున్నట్లు ఆంత్రోపిక్ ప్రకటించింది. కొందరు తమ AI టెక్నాలజీని వాడి బయో వెపన్స్ సమాచారం తెలుసుకోవడానికి యత్నించారనీ, అయితే తమ సెక్యూరిటీ వ్యవస్థలు వెంటనే ఆ దుర్వినియోగాన్ని గుర్తించి బ్లాక్ చేశాయని సంస్థ తెలిపింది. AI టెక్నాలజీ వాడకం పెరుగుతున్న కొద్దీ ఇలాంటి ప్రమాదాలు పెరిగే ఛాన్స్ ఉంది. స్ట్రాంగ్ సెక్యూరిటీ చర్యలు అవసరం. AIని సేఫ్‌గా వాడేందుకు తాము కట్టుబడి ఉన్నామని ఆంత్రోపిక్ తెలిపింది.

▶

Technology· 12 Sept 2026

ఈ ఆర్టిస్టుల ఉద్యోగాలు ఊడినట్లేనా?

పెళ్లిళ్లు, పండుగల్లో డిమాండ్ ఉన్న మెహందీ ఆర్టిస్టుల జాబ్స్‌కి ఆటోమేషన్ సవాల్‌గా మారింది. హ్యాండ్ కింద పెడితే చాలు పర్ఫెక్ట్‌గా డిజైన్ వేసే మెహందీ మెషీన్ వీడియోను బిజినెస్‌మ్యాన్ హర్ష్ గోయెంకా ‘X’ లో షేర్ చేశారు. "మరికొన్ని జాబ్స్ ఊడినట్లే" అని ఆయన చేసిన పోస్ట్ వైరల్ అవుతోంది. దీనిపై నెటిజన్లు రకరకాలుగా రెస్పాండ్ అవుతున్నారు. మెషీన్లు ఎంత స్పీడ్‌గా ఉన్నా చేతితో వేసే మెహందీ అందాన్ని, ఆ హ్యూమన్ టచ్‌ను రీప్లేస్ చేయలేవని కామెంట్స్ చేస్తున్నారు.

▶

Technology· 12 Sept 2026

ఈ రోబో డాన్స్ చూస్తే షాక్ అవ్వాల్సిందే!

రోబోల కదలికలు మనుషుల్లా నాచురల్‌గా ఉండేలా భారత్‌కు చెందిన 'ట్యూస్‌డే ల్యాబ్స్', 'మాస్టర్స్ యూనియన్' కలిసి 'మాయ' అనే హ్యూమనాయిడ్ రోబోను డెవలప్ చేశాయి. 'అవతార్' మూవీలో వాడిన మోషన్ క్యాప్చర్ టెక్నాలజీ, రీఇన్‌ఫోర్స్‌మెంట్ లెర్నింగ్‌తో దీనికి ట్రైనింగ్ ఇచ్చారు. 'వజ్లే కీ బారా' మరాఠీ పాటకు ఒక క్లాసికల్ డ్యాన్సర్‌లా మాయ చేసిన డ్యాన్స్ వీడియో వైరల్ అవుతోంది. మరోవైపు, రోబోలకు నేచురల్ మూవ్‌మెంట్స్ కోసం మేరీల్యాండ్ రీసెర్చర్స్ భరతనాట్యం ముద్రల సాయంతో AI ద్వారా ట్రైనింగ్ ఇస్తున్నారు.

Technology· 11 Sept 2026

యాపిల్ ఐఫోన్ల సేల్స్.. షాడో పెర్‌స్పెక్టివ్!

ఇండియాలో యాపిల్ ఐఫోన్ల సేల్స్ బాగా పెరుగుతున్నా.. ఎక్కువ మంది EMIలో కొంటున్నారని <a href="https://youtu.be/0EKk7HwILEI">ప్రొ. నాగేశ్వర్</a> విశ్లేషించారు. ఆయన ప్రకారం దేశం మూడు భాగాలుగా ఉంది. ఇండియా Aలో టాప్ 10 శాతం జనాభా జాతీయ ఆదాయంలో 58శాతం కలిగివుంది. వీరికి లగ్జరీ సరైనది. ఇండియా Bలో మధ్యతరగతి ఉంది. వీరు EMIల ద్వారా ఋణం తీసుకొని ప్రీమియం ఉత్పత్తులు కొంటున్నారు. ఇండియా Cలో ఎక్కువ మంది పేదలు, ప్రాథమిక అవసరాలకే కష్టపడుతున్నారు.

Technology· 11 Sept 2026

6Gలో భారత్‌ రూల్స్‌ సెట్‌ చేయబోతోందా?

5Gలో మనం టెక్నాలజీ వాడిన దేశంగా ఉంటే.. 6Gలో మాత్రం రూల్స్‌ సెట్‌ చేసే దేశాల్లో ఒకటిగా మారాలని భారత్‌ టార్గెట్‌ పెట్టుకుంది. తాజాగా అమెరికా సహా 20కిపైగా దేశాలతో కలిసి 6G లీడర్‌షిప్‌, సెక్యూరిటీపై భారత్‌ కీలక ఒప్పందానికి మద్దతు ఇచ్చింది. అంతేకాదు, 2030 నాటికి ప్రపంచ 6G స్టాండర్డ్స్‌, పేటెంట్లలో 10 శాతం వాటా సాధించాలని లక్ష్యంగా పెట్టుకుంది. భారత్‌ 6G అలయన్స్‌లో ఇప్పటికే 90 సంస్థలు ఉన్నాయి. 6G వచ్చినప్పుడు కేవలం నెట్‌వర్క్‌ వాడటం కాదు.. అది ఎలా ఉండాలో నిర్ణయించే చర్చల్లోనూ భారత్‌ బలంగా ఉండబోతోంది!

Technology· 11 Sept 2026

iPhone 18 Pro వచ్చింది.. ధర మాత్రం గట్టిగానే ఉంది!

ఐఫోన్‌ 18 ప్రో కోసం వెయిట్‌ చేస్తున్నారా? ఈసారి ధర విషయంలో ఆపిల్‌ కాస్త షాక్‌ ఇచ్చింది. భారత్‌లో ఐఫోన్‌ 18 ప్రో 256GB ధర ₹1,64,900తో మొదలవుతోంది. గత ఏడాది ఐఫోన్‌ 17 ప్రో ప్రారంభ ధరతో పోలిస్తే ఇది ₹30,000 ఎక్కువ. 512GB ధర ₹1,89,900 కాగా, 1TB ₹2,39,900, 2TB ₹3,14,900గా ఉంది. పెరిగిన మెమరీ, స్టోరేజ్‌ చిప్‌ ఖర్చులు ధరలపై ప్రభావం చూపినట్టు రిపోర్టులు చెబుతున్నాయి. ప్రీ-ఆర్డర్లు సెప్టెంబర్‌ 12 నుంచి, అమ్మకాలు సెప్టెంబర్‌ 18 నుంచి మొదలవుతాయి. ఈసారి ఐఫోన్‌ ప్రో కొనాలంటే బడ్జెట్‌ పెంచాల్సిందే!

Technology· 11 Sept 2026

AIకి పని ఇస్తే.. చీటింగ్‌ కూడా చేస్తుందా?

AIకి ఓ పని అప్పగిస్తే.. అది పని చేయడమే కాదు, మరో AIని మోసం చేయడానికి కూడా ప్రయత్నిస్తుందా? Google DeepMind చేసిన ఓ ప్రయోగం ఈ ప్రశ్నను తెరపైకి తెచ్చింది. 100 AI ఏజెంట్లతో మ్యాథ్స్‌ ప్రాబ్లమ్స్‌ పరిష్కరించే ప్రయోగంలో, కొన్ని ఏజెంట్లు రూల్స్‌ను దాటేసి చీటింగ్‌ టెక్నిక్‌ను షేర్‌ చేసుకున్నాయి. ఆసక్తికరంగా, మరికొన్ని ఏజెంట్లు ఈ మోసాన్ని గుర్తించి ఇతర AIలను అలర్ట్‌ చేశాయి. చీటింగ్‌ను పట్టుకున్నా కానీ, ఆపే పవర్‌ వాటికి లేదు! మోసం చేసే AI ఒకవైపు… పట్టుకునే AI మరోవైపు… AIలో కూడ పోలీస్‌, దొంగలు వచ్చేశారు!

Technology· 10 Sept 2026

హోటల్‌ కాదు.. ఇల్లే! హైదరాబాద్‌లో కొత్త ట్రెండ్‌

హైదరాబాద్‌లో ‘హోటల్‌.. హోమ్‌’ కల్చర్‌ ట్రెండ్‌ పెరుగుతోంది. రోజులు, నెలల తరబడి ఉండేవారు కూడా స్టార్‌ హోటళ్లలోని సర్వీస్డ్‌ అపార్ట్‌మెంట్లను చూస్ చేసుకుంటున్నారు. వాషింగ్‌ మెషీన్‌, డిష్‌వాషర్‌, కిచెన్‌ వంటి సేవలు కూడా అందుబాటులో ఉన్నాయి. ఐటీ, ఫార్మా, డేటా సెంటర్లు, ఫైనాన్షియల్‌ సర్వీసెస్‌ నుంచి వీటికి డిమాండ్‌ పెరుగుతోంది. సిటీలో కొత్తగా 42 అపార్ట్‌మెంట్లతో కలిపి మొత్తం సంఖ్య 98కి చేరింది. వీటి రేట్లు రోజుకు రూ.10 వేల - 20 వేల వరకు ఉన్నా.. హోమ్, హోటల్ సర్వీసులు ఒకేచోట ఉండటంతో క్రేజ్ పెరుగుతోంది.

Technology· 9 Sept 2026

ఏఐ మనిషిని చంపుతుందా?

AI వల్ల మనుషులకు ప్రాణ హాని ఉందా? AI కారణంగా పదేళ్లలో మానవాళి అంతరించిపోయే ప్రమాదం 10 శాతానికి పైగా ఉందని ఆంత్రోపిక్ AI రీసెర్చర్ ఇవాన్ హ్యూబింగర్ హెచ్చరించారు. సూపర్ ఇంటెలిజెన్స్ AI వ్యవస్థల అభివృద్ధి వేగానికి తగినట్లుగా.. సెక్యూరిటీ కంట్రోల్స్ లేవని ఆయన అన్నారు. పోటీలో పడి కంపెనీలు, AI సెక్యూరిటీని నిర్లక్ష్యం చేస్తున్నారని ఆగ్రహిస్తూ మరో పరిశోధకుడు జాకోబ్ కాక్సన్.. ఆంత్రోపిక్‌కి రిజైన్ చేశారు. AI సామర్థ్యాలు మనుషుల కంట్రోల్‌ని దాటుతున్నాయనే ఆందోళనలు తీవ్రమవుతున్నాయి.

Technology· 9 Sept 2026

భారత్‌లో Satellite Internet‌కు గ్రీన్ సిగ్నల్

భారత్‌లో Satellite Broadband సేవలు త్వరలో అందుబాటులోకి రానున్నాయి. Digital Communications Commission(DCC) స్పెక్ట్రమ్ కేటాయింపులకు సంబంధించిన ప్లాన్స్‌కు ఆమోదం తెలిపింది. Starlink, Eutelsat OneWeb, Jio Satellite వంటి కంపెనీలకు commercial services ప్రారంభించే దారి ఈజీగా మారింది. సాధారణంగా స్పెక్ట్రమ్ ఛార్జ్ 5 శాతంగా, గ్రామీణ, మారుమూల ప్రాంతాల్లో సేవలందిస్తే 4 శాతంగా ఉండనుంది. స్పెక్ట్రమ్ ఐదేళ్లకు కేటాయించే అవకాశం ఉండగా, మరో రెండేళ్ల పొడిగింపు అవకాశం కూడా ఉంది.