Technology

Technology· 29 Jul 2026

స్మార్ట్ వాచ్ లు, ఫిట్ నెస్ యాప్ ల డేటా తో రిస్క్ !

ఫిట్ నెస్ కోసం, హెల్త్ కోసం స్మార్ట్ వాచ్ లు, ఫిట్ నెస్ యాప్ లపై డిపెండ్ అయ్యేవారు జర జాగ్రత్త అంటున్నారు హెల్త్ ఎక్స్ పర్టులు. ఇవి అందించే కేలరీలు, నిద్ర, హార్ట్ బీట్ వివరాలు ఎప్పుడూ హండ్రెడ్ పర్సంట్ కరెక్ట్ గా ఉంటాయని చెప్పలేమంటున్నారు. ఈ డివైజ్ లిచ్చే డేటాపై డిపెండ్ అయితే అనవసరమైన స్ట్రెస్, టెన్షన్ పెరిగే ఛాన్స్ ఉంది. కాబట్టి వాటిని కేవలం ఒక గైడ్ గా నే చూడాలి. మన బాడీ ఇచ్చే సంకేతాలు, డాక్టర్ల అడ్వైజ్ లనే మనం లెక్క లోకి తీసుకోవాలి.

Technology· 29 Jul 2026

మల్టీ టాస్కింగ్, అదిరిపోయే ఫీచర్లతో కొత్త ల్యాప్ టాప్స్

ప్రీమియం లుక్, పవర్‌ఫుల్ పెర్ఫార్మెన్స్ సమానంగా బ్యాలెన్స్ చేస్తూ కొత్త బిజినెస్ ల్యాప్‌టాప్‌లు మార్కెట్‌లోకి వస్తున్నాయి. ఇవి ఆఫీస్ ప్రొఫెషనల్స్ అవసరాలకు తగ్గట్టుగా స్లిమ్ డిజైన్, లైట్‌వెయిట్ బాడీతో పాటు మల్టీటాస్కింగ్ కోసం అధునాతన ప్రాసెసర్లతో రూపుదిద్దుకున్నాయి. రోజంతా వర్క్ చేసుకోవడానికి వీలుగా లాంగ్ బ్యాటరీ లైఫ్, డేటా రక్షణ కోసం అడ్వాన్స్డ్ AI సెక్యూరిటీ ఫీచర్లను అందిస్తున్నాయి. ట్రావెల్ చేస్తూ వర్క్ చేసేవారికి ఈ డివైజ్‌లు పర్ఫెక్ట్ ఛాయిస్‌గా మారుతున్నాయి.

Technology· 29 Jul 2026

పుస్తకాలు కూడా మాట్లాడతాయా..?

ఒక పుస్తకం చదువుతుంటే.. "ఈ క్యారెక్టర్ ఇలా ఎందుకు చేశాడు?" అనే డౌట్ ఎప్పుడైనా వచ్చిందా? ఇక నుంచి గూగుల్‌లో వెతకాల్సిన అవసరం లేకపోవచ్చు. కొత్తగా వస్తున్న AI Book Companion టూల్స్‌తో పుస్తకాన్నే నేరుగా ప్రశ్నించొచ్చు. క్యారెక్టర్ల గురించి, కథలోని సంఘటనలు, హిస్టరీ లేదా కష్టమైన కాన్సెప్ట్స్ గురించి అడిగితే.. అదే పుస్తకంలోని సమాచారంతో AI సమాధానం చెబుతుంది. ఇప్పటికే Amazon Kindle, Audible, ElevenLabs లాంటి కంపెనీలు ఇలాంటి ఫీచర్లను తీసుకొచ్చాయి. ఇక డౌట్ వస్తే.. పుస్తకమే మీతో మాట్లాడుతుంది.

Technology· 28 Jul 2026

ఐఐటీ మద్రాస్ కొత్త కూలింగ్ టెక్నాలజీ

IIT మద్రాస్ రీసెర్చర్స్ ఎలక్ట్రానిక్ వస్తువులు వేడెక్కకుండా సరికొత్త కూలింగ్ టెక్నాలజీ కనిపెట్టారు. 'ఫ్లాట్ ప్లేట్ పల్సేటింగ్ హీట్ పైప్' అనే డిజైన్ ద్వారా ఎలక్ట్రిక్ వస్తువుల వేడిని ఈజీగా కంట్రోల్ చెయ్యొచ్చు. దీన్ని రాగికి బదులు అల్యూమినియంతో తయారు చేశారు. దీని వల్ల బరువు తగ్గింది. వేడిని తగ్గించే సామర్థ్యం 20% పెరిగిందని IIT మద్రాస్ ప్రకటించింది. ఈ టెక్నాలజీ ఫ్యూచర్లో EV, ఏరోస్పేస్, డేటా సెంటర్లకు బాగా ఉపయోగపడుతుందనేది అంచనా.

▶

Technology· 28 Jul 2026

వావ్..అంతరిక్షంలో యోగా అదుర్స్!

యూరోపియన్ స్పేస్ ఏజెన్సీ(ESA) Astronaut సోఫీ అడెనోట్ అంతర్జాతీయ అంతరిక్ష కేంద్రంలోని డెయిలీ లైఫ్ గురించి ఇన్‌స్టాగ్రామ్‌లో ఓ వీడియో షేర్ చేశారు. అడెనోట్ మైక్రోగ్రావిటీలో తన యిన్ యోగా రొటీన్‌ను చూపించారు. అంతరిక్షంలో తేలుతూ ఎలా యోగా చేయాలో అందులో వివరించారు. రోజూ యోగా చేయడం అడెనోట్‌కు అలవాటు. ఆ అలవాటును స్పేస్‌లో కూడా ఆమె విజయవంతంగా కొనసాగించారు.

Technology· 27 Jul 2026

AIకి మీ గురించి ఎంత తెలుసో తెలుసా..?

ChatGPT, Gemini లాంటి AI chatbots మనం టైప్ చేసే ప్రతి ప్రశ్నను మాత్రమే కాదు.. మన లైక్స్, ఇంట్రెస్ట్స్, పర్సనాలిటీ, అలవాట్లు లాంటి విషయాలను కూడా అంచనా వేయగలవని The New York Times కథనం చెబుతోంది. టెక్ జర్నలిస్ట్ బ్రియన్ ఎక్స్. చెన్.. కేవలం నాలుగు promptsతో AI తన గురించి ఎంత తెలుసుకుందో టెస్ట్ చేయగా, తాను ఎప్పుడూ చెప్పని కొన్ని విషయాలను కూడా AI గుర్తించిందని వెల్లడించారు. AIతో ఎక్కువగా చాట్ చేసే యూజర్లు.. అది తమ గురించి ఎంత సమాచారం అర్థం చేసుకుంటుందో చెక్ చేసుకోవాలని ఎక్సపెర్ట్స్ చెబుతున్నారు.

Technology· 26 Jul 2026

ఆర్టిఫిషియల్ ఇంటెలిజెన్స్ మనల్ని ఎంతవరకు పసిగడుతోంది?

ఆర్టిఫిషియల్ ఇంటెలిజెన్స్ (ఏఐ) అసిస్టెంట్లు మన వ్యక్తిగత వివరాలు, ఇష్టాయిష్టాలను ఎంతవరకు గుర్తు పెట్టుకుంటున్నాయో తెలుసుకునేందుకు నాలుగు ప్రత్యేక చాట్‌బాట్ ప్రాంప్ట్‌లు ఎంతగానో ఉపయోగపడతాయి. మన డైలీ చాటింగ్ ఆధారంగా ఏఐ తయారు చేసుకునే డిజిటల్ ప్రొఫైల్ లోతు పాతులను ఇవి బయటపెడతాయి. ఏఐ పరిజ్ఞానం మన అలవాట్లను, థింకింగ్ స్టైల్ ని అతి దగ్గరగా గమనిస్తోందనే విషయాన్ని ఈ ప్రాంప్ట్‌ల ద్వారా పసిగట్టవచ్చని టెక్నికల్ ఎక్స్ పర్టులు అంటున్నారు.

Technology· 25 Jul 2026

Perfect Match కోసం.. Loveలోకి AI ఎంట్రీ!

డేటింగ్ ప్రపంచంలో ఇప్పుడు AI కొత్త గేమ్ స్టార్ట్ చేసింది. Wavelength, Tinder, Bumble, Hinge లాంటి Appsలో AI bots.. మీ లైక్స్, ఇంట్రెస్ట్స్, పర్సనాలిటీ, లైఫ్‌స్టైల్ చూసి మీకు సూట్ అయ్యే పర్ఫెక్ట్ మ్యాచ్‌ని సజెస్ట్ చేస్తున్నాయి. అంతేకాదు.. ఫ్లర్టింగ్ టిప్స్, చాట్ స్టార్టర్స్, డేట్ ప్లానింగ్లో కూడా హెల్ప్ చేస్తున్నాయి. లవ్, ట్రస్ట్, కెమిస్ట్రీ లాంటి విషయాలను AI పూర్తిగా అర్థం చేసుకోలేదని ఎక్స్‌పర్ట్స్ చెబుతున్నారు.

▶

Technology· 24 Jul 2026

AI బ్లాక్‌ బోర్డ్‌ను ఆవిష్కరించిన చైనా సంస్థ

షాంఘైలో జరిగిన WAIC 2026లో iFLYTEK సంస్థ AI ఆధారిత బోధనా సాధనమైన AI బ్లాక్‌బోర్డ్‌ను ఆవిష్కరించింది. ఈ డిజిటల్ బోర్డ్ టీచర్ల ప్లేస్‌ను భర్తీ చేయడానికి కాకుండా వారికి సాయపడటానికి రూపొందించారు. ఈ స్మార్ట్ బోర్డు చేతిరాతను సరిదిద్దడం, 3D నమూనాలు చూపించేలా టీచర్లకు ఉపయోగపడుతుంది. వాయిస్ కమాండ్‌లతో కంట్రోల్ చేయడం, ఆటోమేటిక్‌గా పాఠాలను సేవ్ చేయడం లాంటి ఫీచర్లను అందిస్తుంది.

Technology· 20 Jul 2026

గ్లాసులో నీటితో కరెంట్ తయారు చేసుకోవచ్చా?

గ్లాసులోని నీటితో మన ఇంట్లోకి కావాల్సిన కరెంట్ తయారు చేసుకోవచ్చా? అసాధ్యం అంటారా? భారత సంతతికి చెందిన ఒక శాస్త్రవేత్త ఇదంతా సాధ్యమేనని అంటున్నారు. తన ప్రయోగాలు గనుక ఆశించిన ఫలితాన్ని ఇస్తే అనంతమైన విద్యుత్తు మన సొంతమవుతుందని అంటున్నారు. ఆయన పేరు యోగేంద్ర నారాయణ్ శ్రీవాత్సవ. తన సిద్ధాంతాన్ని రుజువు చేసేందుకు సొంత ఖర్చులతో ప్రయోగాలకు కూడా ఆయన సిద్ధం అవుతున్నారు.

▶

Technology· 17 Jul 2026

షెన్‌జెన్‌లో రోబోల బాక్సింగ్ ఫైట్ నైట్

చైనాలోని షెన్‌జెన్ నగరం సరికొత్త రికార్డుకు వేదికైంది. 'ఇంజన్ ఏఐ' (EngineAI) సంస్థ ఆధ్వర్యంలో ప్రపంచంలోనే మొట్టమొదటి హ్యూమనాయిడ్ రోబోల బాక్సింగ్ టోర్నమెంట్ (URKL) ఘనంగా ప్రారంభమైంది. మొత్తం 32 అంతర్జాతీయ జట్లు తమ T800 రోబోలతో రింగులో తలపడ్డాయి. ఈ పోటీల్లో రోబోలు బ్రూస్ లీ శైలిలో పర్ఫెక్ట్ లో-కిక్స్, పంచ్‌లతో అలరించాయి. కేవలం వినోదం కోసమే కాకుండా, విపత్కర పరిస్థితుల్లో రోబోల సమతుల్యత, కదలిక,నియంత్రణ సామర్ధ్యాలను టెస్ట్ చేసి , వాటి టెక్నాలజీని మరింత మెరుగుపరచడానికి ఈ రౌండ్-ది-క్లాక్ ఫైట్ నైట్‌ను పరిశోధకులు నిర్వహిస్తున్నారు.

Technology· 17 Jul 2026

Jio Satellite Internet‌కు గ్రీన్ సిగ్నల్

జియో భారీ Satellite Internet ప్రాజెక్ట్‌కు IN-SPACE నుంచి టెక్నికల్ అప్రూవల్ వచ్చింది. ఈ ప్రాజెక్ట్‌లో భాగంగా 1,600 శాటిలైట్స్‌ను అంతరిక్షంలోకి పంపేందుకు కంపెనీ ప్లాన్ చేస్తోంది. ఈ నెట్‌వర్క్ ద్వారా దేశవ్యాప్తంగా హై-స్పీడ్ ఇంటర్నెట్ అందించాలనేది జియో లక్ష్యం. గ్రామాలు, కొండ ప్రాంతాలు, ఫైబర్ నెట్‌వర్క్ లేని ప్రాంతాల్లో కూడా ఇంటర్నెట్ అందుబాటులోకి రానుంది. ఈ ప్రాజెక్ట్‌తో స్టార్లింక్‌కు గట్టి పోటీ ఇవ్వాలని జియో చూస్తోంది.

Technology· 16 Jul 2026

AI జాబ్స్ బోలెడు.. టాలెంట్ మాత్రం షార్ట్!

భారత్‌లో రోబోటిక్స్, ఇండస్ట్రియల్ AI రంగాల్లో 9,000+ ఉద్యోగాలు ఖాళీగా ఉన్నా, వాటికి సరిపోయే స్కిల్స్ ఉన్న నిపుణులు దొరకడం కంపెనీలకు పెద్ద సవాల్‌గా మారింది. దేశంలో 3.7 లక్షల AI టాలెంట్ పూల్ ఉన్నా, AIతో పాటు రోబోటిక్స్, ఎంబెడెడ్ సిస్టమ్స్, IoT, క్లౌడ్ స్కిల్స్ కలిగిన వారే ఎక్కువ డిమాండ్‌లో ఉన్నారు. ముఖ్యంగా తయారీ, ఆటోమొబైల్, లాజిస్టిక్స్ రంగాల్లో అవకాశాలు భారీగా పెరుగుతున్నాయి.

Technology· 15 Jul 2026

మీ పర్సనల్ డేటాపై కన్నేసిన AI కంపెనీలు!

ఇకపై AI టూల్స్ గూగుల్, మెటా వంటి టెక్ జెయింట్స్ మీ సెర్చ్ హిస్టరీ మాత్రమే కాదు.. మీ చాట్స్, ఫొటోస్, వాయిస్ రికార్డింగ్స్‌ను కూడా ట్రాక్ చేయనున్నాయి. తమ AI మోడల్స్ ట్రైనింగ్ కోసం ఈ డేటాను వాడుకోనున్నట్లు ప్రకటించాయి. గూగుల్ జూలై 2026 నుండి కొత్త సెర్చ్ హిస్టరీ సెట్టింగ్స్ తెచ్చింది. ఒకవేళ మీ డేటా AI ట్రైనింగ్‌కు వెళ్లకూడదనుకుంటే, సెట్టింగ్స్‌లోకి వెళ్లి 'Opt-out' (ఆఫ్) చేసుకోవచ్చు. అయితే మెటా, చాట్‌జీపీటీ, మైక్రోసాఫ్ట్ కోపైలట్ వంటి డిఫరెంట్ ప్లాట్‌ఫామ్స్‌లో ఈ ప్రైవసీ కంట్రోల్స్ వేర్వేరుగా ఉన్నాయి. యూజర్స్ అలర్ట్‌గా ఉండాలని ఎక్స్పర్ట్ చెప్తున్నారు.

Technology· 15 Jul 2026

AIని నమ్మితే ఇంజినీర్ల నైపుణ్యాలకు దెబ్బ

AIని నమ్మితే ఇంజినీర్ల నైపుణ్యాలకు దెబ్బ తప్పదని నాస్కామ్ సీనియర్ ప్రెసిడెంట్, చీఫ్ స్ట్రాటజీ ఆఫీసర్ సంగీత గుప్తా అభిప్రాయపడ్డారు. దిల్లీలో జరిగిన కార్యక్రమంలో ఆమె మాట్లాడుతూ ఇంజినీరింగ్ నైపుణ్యాలను పెంపొందించుకోవడంలో విద్యాసంస్థలు విఫలమైతే ఇంజీనీర్లు AIని రూపొందించేవారిగా కాకుండా, దానిపై ఆధారపడి ఉద్యోగాలు చేసే ప్రమాదం ఉందని వివరించారు. ఇప్పటికే 90 శాతం మందికి పైగా AIని వాడుతున్నారని, వారి నైపుణ్యాలు దెబ్బతినకుండా పరిశ్రమ ఆన్ బోర్డింగ్ మెంటార్షిప్లను మెరుగుపరచాలని అన్నారు.

Technology· 13 Jul 2026

గొడ్డలికి గురయ్యే చెట్లకు సెకండ్ లైఫ్..! 🌱

రోడ్లు, నిర్మాణాల కోసం నరికి వేయాల్సిన భారీ చెట్లను బతికేలా మరోచోటికి తరలిస్తూ తెలంగాణకు చెందిన వ్యాపారవేత్త ఉదయ్ కృష్ణ పెద్ది రెడ్డి ప్రత్యేక మిషన్ చేపట్టారు. వేర్లతో సహా చెట్లను జాగ్రత్తగా తీసి ట్రైలర్లలో తరలించి గార్డెన్లు, కాలనీలు, శ్మశానాల్లో మళ్లీ నాటుతున్నారు. ఇప్పటివరకు వేలాది చెట్లను కాపాడారు. ఒక్కో చెట్టును సురక్షితంగా మార్పిడి చేయడానికి సుమారు 21 రోజులు పడుతుందని ఆయన చెబుతున్నారు.

Technology· 10 Jul 2026

HIVకి ఎండ్ కార్డ్? వ్యాక్సిన్ ట్రయల్స్ సక్సెస్!

HIV నివారణకి ఒక కొత్త వ్యాక్సిన్ రెడీ అవుతోంది. సైంటిస్టులు జంతువులపై చేసిన ప్రయోగాల్లో సూపర్ రిజల్ట్స్ వచ్చాయి. ఈ వ్యాక్సిన్ మన బాడీలో వైరస్‌తో పోరాడే పవర్‌ఫుల్ యాంటీబాడీలను తయారు చేస్తుంది. దీనికి సంబంధించిన డీటెయిల్స్ ప్రఖ్యాత 'నేచర్' జర్నల్‌లో కూడా పబ్లిష్ అయ్యాయి. జంతువులపై ప్రయోగాలు సక్సెస్ అవ్వడంతో, నెక్స్ట్ మనుషులపై కూడా క్లినికల్ ట్రయల్స్ స్టార్ట్ చేయబోతున్నారు. ఎయిడ్స్ నివారణలో ఇదో పెద్ద గుడ్ న్యూస్.

▶

Technology· 9 Jul 2026

అంతరిక్షం నుండి సేఫ్‌గా భూమికి.. ఇస్రో ఖాతాలో మరో మైలురాయి!

ఇండియా ఫస్ట్ టైం మనుషులను అంతరిక్షంలోకి పంపే 'గగన్‌యాన్' ప్రాజెక్ట్‌లో ఇస్రో మరో బిగ్ సక్సెస్ కొట్టింది. స్పేస్ లోపలికి వెళ్లిన వ్యోమగాములు మళ్లీ భూమికి సేఫ్‌గా తిరిగి రావడం కోసం ఒక స్పెషల్ పారాచూట్ సిస్టమ్‌ను సైంటిస్టులు రెడీ చేశారు. దీన్ని 2.5 కిలోమీటర్ల ఎత్తు నుండి కిందకు వదిలి టెస్ట్ చేయగా, చాలా సురక్షితంగా ల్యాండ్ అయింది. అప్‌కమింగ్ గగన్‌యాన్ మిషన్‌కు ఈ పారాచూట్ టెస్ట్ సక్సెస్ అవ్వడం చాలా కీలకం అని ఇస్రో చెప్పింది.