TG

TG· 25 Jul 2026

హైడ్రా కమిషనర్‌కు హైకోర్టు వార్నింగ్

TG: హైడ్రా కమిషనర్ AV.రంగనాథ్ వ్యవహారశైలిపై తెలంగాణ హైకోర్టు తీవ్ర అసంతృప్తి వ్యక్తం చేసింది. కోర్టు ధిక్కరణ కేసులో సమర్పించిన అఫిడవిట్‌లో పశ్చాత్తాపం కనిపించలేదని తెలిపింది. హైడ్రాకు అసాధారణ అధికారాలు ఎలా వచ్చాయని ప్రశ్నిస్తూ, రాష్ట్రంలోని అన్ని శాఖలు హైడ్రాకు మోకరిల్లాయా అని ఘాటు వ్యాఖ్యలు చేసింది. హైడ్రా ఎక్కడికి వెళ్లినా భారీ పోలీసు బలగాలు, వనరులు ఎలా సమకూరుతున్నాయో ప్రభుత్వం వివరించాలని సూచించింది. పూర్తి అఫిడవిట్ దాఖలు చేసిన తర్వాత తదుపరి చర్యలపై ఈ నెల 27న విచారణ చేపడతామని స్పష్టం చేసింది.

TG· 25 Jul 2026

పని దొరికే చోటే ఇల్లు

TG: నిరుపేదలకు కేటాయించే ఇందిరమ్మ ఇళ్లు జనావాసాలకు దూరంగా కాకుండా, ఉపాధి అవకాశాలకు దగ్గరగా ఉండేలా నిర్మించాలని CM రేవంత్‌రెడ్డి అధికారులను ఆదేశించారు. CURE (కోర్ అర్బన్ రీజియన్ ఎకానమీ) పరిధిలోని ఇందిరమ్మ ఇళ్లపై ఆయన ఉన్నతాధికారులతో సమీక్ష నిర్వహించారు. ORR పరిధిలో ప్రభుత్వ నిరుపయోగ స్థలాలను గుర్తించి అక్కడే ఇళ్ల నిర్మాణం చేపట్టాలని అధికారులకు సూచించారు. తొలి దశలో 17 నియోజకవర్గాల్లో 7,680 ఇందిరమ్మ ఇళ్ల నిర్మాణానికి ప్రభుత్వం ప్రణాళికలు సిద్ధం చేసిందన్నారు.

TG· 24 Jul 2026

స్టూడెంట్స్ కు టీజే ఎస్ సంఘీభావం !

జంతర్ మంతర్ దగ్గర స్టూడెంట్స్ పై పోలీసులు జరిపిన లాఠీ చార్జీని ఖండిస్తూ తెలంగాణ జన సమితి హైదరాబాద్ లోయర్ ట్యాంక్ బండ్ లోని అంబేద్కర్ విగ్రహం దగ్గర నిరసన ప్రదర్శన జరిపింది.నీట్ లీకేజీల వల్ల సూసైడ్ చేసుకున్న స్టూడెంట్స్ కుటుంబాలకు రూ. కోటి చొప్పున నష్ట పరిహారం ఇవ్వాలని టీజేఎస్ డిమాండ్ చేసింది. NAT ని తక్షణం రద్దు చేసి పరీక్షల్లో ట్రాన్స్ పరెన్సీని పెంచాలని కోరింది. టీజేఎస్ బృందం ఢిల్లీ వెళ్లి స్టూడెంట్స్ కు మద్దతు ప్రకటిస్తామంది.

TG· 24 Jul 2026

నెక్లెస్ రోడ్ లో స్టూడెంట్స్ కి సంఘీభావ సభ !

జంతర్ మంతర్ దగ్గర స్టూడెంట్స్ ప్రొటెస్ట్ కి కల్చరల్ ఆర్గనైజేషన్స్, ఇతర గ్రూపుల సపోర్ట్ పెరుగుతోంది. హైదరాబాద్ నెక్లస్ రోడ్ లోని పీపుల్స్ ప్లాజా దగ్గర అరుణోదయా కల్చరల్ ఫెడరేషన్, బాబా సాహెబ్ అంబేద్కర్ రీడింగ్ సర్కిల్ కలసి శనివారం సాయంత్రం 5.30కి ఒక గెట్ టుగెదర్ ను ఏర్పాటు చేస్తున్నాయి. రెసిస్ట్, స్పీక్, రిక్లైమ్ పేరుతో నీట్ లీకేజీలపై పాటలు, పద్యాలు, కవితల రూపంలో తమ నిరసనను వ్యక్తం చేయవచ్చు.

TG· 24 Jul 2026

కరెంట్ కోతలపై హరీష్‌రావు ఫైర్

TG: యాదాద్రిభువనగిరి జిల్లా సోలిపేట విద్యుత్ సబ్‌స్టేషన్‌ను సందర్శించిన మాజీ మంత్రి హరీష్‌రావు, రైతులకు కరెంట్ కోతలు విధిస్తున్నారంటూ రాష్ట్ర ప్రభుత్వంపై తీవ్ర విమర్శలు చేశారు. 24గంటల ఉచిత విద్యుత్ ఇస్తున్నామని ప్రభుత్వం చెబుతున్నా, వాస్తవానికి 10–12 గంటలకే పరిమితమవుతోందని ఆరోపించారు. యాదాద్రి, భద్రాద్రి థర్మల్ పవర్ ప్లాంట్లలో విద్యుత్ ఉత్పత్తి నిలిచిపోవడానికి ప్రభుత్వ నిర్లక్ష్యమే కారణమన్నారు. రైతులకు నాణ్యమైన ఉచిత కరెంట్ అందించాలంటే ఉత్పత్తిని పెంచాలని డిమాండ్ చేశారు.

TG· 24 Jul 2026

ఒకవైపు దొంగలు..మరోవైపు పనిచెయ్యవు

TG: కాలుష్యం తగ్గించేందుకు ప్రభుత్వం ఏర్పాటు చేసిన ఈవీ ఛార్జింగ్ స్టేషన్లను దొంగలు రాత్రి వేళల్లో కేబుళ్లు, ఛార్జింగ్ గన్నులను ఎత్తుకెళ్తున్నారు. సీసీ కెమెరాలను కూడా పాడుచేస్తున్నారు. జీహెచ్‌ఎంసీ పరిధిలో పెట్టిన 160 ఫాస్ట్ ఛార్జింగ్ స్టేషన్లలో సగానికి పైగా పనిచేయడం లేదు. చాలాచోట్ల టెక్నికల్ సమస్యలు, మరికొన్ని చోట్ల చోరీలు ఇందుకు కారణం. గూగుల్ మ్యాప్స్ చూసి ఛార్జింగ్ కోసం వస్తున్న వాహనదారులు తీవ్ర ఇబ్బందులు పడుతున్నారు.

TG· 24 Jul 2026

అత్యాచారం కేసులో కోర్ట్ సంచలన తీర్పు

TG: హైదరాబాద్‌ LBనగర్‌లో 13ఏళ్ల బాలికపై అత్యాచారానికి పాల్పడిన కేసులో రంగారెడ్డి జిల్లా ఫాస్ట్‌ట్రాక్ పోక్సో కోర్టు సంచలన తీర్పునిచ్చింది. నిందితుడు కనుకు మహేశ్‌కు 20ఏళ్ల కఠిన కారాగార శిక్షతోపాటు రూ.13వేల జరిమానా విధించింది. బాధితురాలికి రూ.4లక్షల నష్టపరిహారం చెల్లించాలని ఆదేశించింది. 2022లో బాలికను బెదిరించి గదిలో బంధించి అత్యాచారానికి పాల్పడిన ఘటనపై ఎల్బీనగర్ పోలీసులు కేసు నమోదు చేసి నిందితుడిని అరెస్టు చేశారు. విచారణలో నేరం రుజువుకావడంతో పోక్సో కోర్టు కఠిన శిక్ష విధిస్తూ తీర్పు వెలువరించింది.

TG· 23 Jul 2026

'నీట్' పేపర్ లీక్ పై రేపు BRS ప్రొటెస్ట్

TG: దిల్లీలో NEET పేపర్ లీక్‌ ప్రొటెస్ట్‌లో విద్యార్థులపై జరిగిన పోలీసుల అణచివేతను ఖండిస్తూ, సెంట్రల్ మినిస్టర్ ధర్మేంద్ర ప్రధాన్‌ను వెంటనే రాజీనామా చేయాలని డిమాండ్ చేస్తూ BRS పార్టీ నిరసనకు పిలుపునిచ్చింది. వర్కింగ్ ప్రెసిడెంట్ KTRతో కలిసి డాక్టర్ ఆర్‌.ఎస్.ప్రవీణ్ కుమార్ రేపు ఉదయం 10 గంటలకు హైదరాబాద్‌లోని ఇందిరాపార్క్‌లో నిరసనకు హాజరవుతారు. వేలాది విద్యార్థుల భవిష్యత్తును దెబ్బతీస్తున్న NEET లీక్‌ను ఖండిస్తూ, ఈ నిరసనను చేపట్టనున్నారు

TG· 23 Jul 2026

టెక్ మహేంద్రా ఆఫీస్ ముందు టెకీ ధర్నా

TG: మేడ్చల్ జిల్లా దుండిగల్‌లోని టెక్ మహేంద్రా సాఫ్ట్‌వేర్ కంపెనీ ముందు భావన అనే ఉద్యోగిని నిరసనకు దిగింది. తన కుమార్తె అనారోగ్యంగా ఉండడంతో మూడు రోజుల సెలవు కోరగా, అకారణంగా ఉద్యోగం నుంచి తొలగించారని ఆరోపించింది. ముందస్తుగా యాజమాన్యానికి మెసేజ్ పంపి అనుమతి కోరినప్పటికీ, ఉద్దేశపూర్వకంగానే తనను ఉద్యోగం నుంచి తీసేశారని ఆవేదన వ్యక్తం చేశారు. ఈ వ్యవహారంపై ఆమె దుండిగల్ పోలీస్ స్టేషన్‌లో ఫిర్యాదు చేసింది. న్యాయం చేయాలని డిమాండ్ చేస్తూ కంపెనీ ముందు ధర్నా చేశారు.

TG· 23 Jul 2026

ఆదర్శ గ్రామం.. మద్యనిషేధంతో కొత్త సందేశం

TG: సిద్దిపేట జిల్లా వర్గల్ మండలం గిర్మాపూర్ గ్రామం మద్యం నిషేధించింది. గ్రామసభలో మహిళలు మద్యపానంతో కుటుంబాల్లో నెలకొంటున్న సమస్యలను ప్రస్తావించగా, గ్రామస్థులంతా మద్యం విక్రయాలు, వినియోగాన్ని అరికట్టాలని ఏకగ్రీవంగా నిర్ణయించారు. ఎవరైనా మద్యం అమ్మినా లేదా నిషేధాన్ని ఉల్లంఘించినా రూ.5 లక్షల జరిమానా విధించాలని తీర్మానించారు. యువతను చెడు అలవాట్ల నుంచి దూరంగా ఉంచి, గ్రామంలో ప్రశాంత వాతావరణం నెలకొల్పడమే తమ లక్ష్యమని గ్రామ పెద్దలు తెలిపారు.

▶

TG· 23 Jul 2026

లీవ్ తీసుకున్నందుకు మహిళా టెకీకి కంపెనీ షాక్

TG: మేడ్చల్ జిల్లా కుత్బుల్లాపూర్ పరిధిలో ఓ మహిళ సాఫ్ట్‌వేర్ ఉద్యోగిని తన కుమార్తె అనారోగ్యం కారణంగా సెలవు తీసుకున్నందుకు ఉద్యోగం నుంచి తొలగించారని ఆరోపించారు. భావన అనే బాధితురాలు ముందస్తుగా సమాచారం ఇచ్చి, హెల్త్ రిపోర్టులు సమర్పించి మూడు రోజుల లీవ్ తీసుకున్నప్పటికీ ఎలాంటి నోటీసు లేకుండా జాబ్ నుంచి తొలగించారని ఆవేదన వ్యక్తం చేశారు. ట్రైనింగ్ సమయంలో అనారోగ్యంతో 13 రోజుల సిక్ లీవ్ తీసుకున్నప్పుడు కూడా బెదిరింపు మెయిల్స్ వచ్చాయని తెలిపారు. ఈ ఘటనపై నెటిజన్లు తీవ్ర ఆగ్రహం వ్యక్తం చేస్తున్నారు.

TG· 23 Jul 2026

నిరసనలతో దద్దరిల్లిన ధర్నాచౌక్

TG: దిల్లీలో జరుగుతున్న సీజేపీ నిరసనలకు మద్దతుగా హైదరాబాద్ నగరంలోని ధర్నాచౌక్ దగ్గర నిరసన చేపట్టారు. ఇందులో పాల్గొన్న విద్యార్థులు, విద్యార్థి సంఘాల నేతలు కేంద్రంపై తమ ఆక్రోశాన్ని వ్యక్తం చేశారు. ప్లకార్డులపై నినాదాలు రాసి ప్రదర్శించారు. విద్యార్థులు కవితలు, పాటలతో కేంద్రాన్ని విమర్శించారు. చిత్రాల కోసం ఫొటోను స్వైప్ చేయండి. 👆👆

TG· 23 Jul 2026

సీజేపీ మద్దతుగా నిరసన..కేంద్రం ముందు 5 డిమాండ్లు

TG: దిల్లీలో జరుగుతున్న సీజేపీ నిరసనలకు మద్దతుగా హైదరాబాద్ నగరంలోని ధర్నాచౌక్ దగ్గర నిరసన చేపట్టారు. ఇందులో పాల్గొన్న అందరూ కలిసి కేంద్రం ముందు ఐదు డిమాండ్ల ఉంచారు. మంత్రి ధర్మేంద్ర ప్రధాన్ రాజీనామా చేయాలని, ఆత్మహత్యలు చేసుకున్న విద్యార్థుల కుటుంబాలకు ప్రభుత్వం ఒక్కొక్కరికి రూ.కోటి కాన్పన్సేషన్ ప్రకటించాలని, అవినీతితో నిండిపోయిన విద్యావ్యవస్థను మార్చాలని, విద్యార్థులపై పెట్టిన తప్పుడు కేసులను ఉపసంహరించుకోవాలని, భవిష్యత్తులో శాంతియుత నిరసనలపై బెదిరింపులు ఉండకూడదని డిమాండ్ చేశారు.

TG· 23 Jul 2026

CJPకి గాయని చిన్మయి శ్రీపాద సపోర్ట్

TG: సీజేపీ నిరసనలకు మద్దతుగా హైదరాబాద్ నగరంలోని ధర్నాచౌక్ దగ్గర నిరసన చేపట్టారు. గాయని చిన్మయి శ్రీపాద వారికి మద్దతుగా మాట్లాడారు. సోషల్ మీడియాలో జెన్ జీ మీద నెగెటివ్‌గా ప్రచారం చేస్తున్నారని, అది బాధ కలిగించే విషయమని అన్నారు. విద్యార్థులకు ఈ ప్రభుత్వాలు సమాధానం ఇవ్వాలని డిమాండ్ చేశారు.

TG· 23 Jul 2026

ఈ ఉద్యమాన్ని నీరుకార్చే ప్రయత్నం చేస్తారు: విరించి

TG: సీజేపీ నిరసనలకు మద్దతుగా హైదరాబాద్ నగరంలోని ధర్నాచౌక్ దగ్గర నిరసన చేపట్టారు. Dr. విరించి మాట్లాడుతూ Genz విద్యార్థుల పోరాటం తనకు ఎంతో ఉత్సాహాన్నిచ్చిందన్నారు. జెన్‌జీ చాలా అప్రమత్తంగా ఉండాలని, మనలోనే కొంతమంది ఈ ఉద్యమాన్ని నీరుకార్చే ప్రయత్నం చేస్తారని హెచ్చరించారు. గోడీ మీడియా కనిపిస్తే వారిని పట్టుకొని మరీ మన వాయిస్ వినిపించాలని యువతకు సూచించారు.

TG· 23 Jul 2026

సీజేపీ నిరసనలకు మద్దతుగా ఇందిరాపార్క్ ధర్నాచౌక్ వద్ద నిరసన

TG: దిల్లీలో సీజేపీ ఆధ్వర్యంలో జరుగుతున్న నిరసనలకు మద్దతుగా హైదరాబాద్ నగరం ఇందిరాపార్క్ సమీపంలోని ధర్నాచౌక్ దగ్గర నిరసన కార్యక్రమం చేపట్టారు. కార్యక్రమంలో పాత్రికేయులు, సామాజిక కార్యకర్తలు పాల్గొన్నారు. ఇందులో ఒక విద్యార్థిని తన బాధను వ్యక్తం చేస్తూ కన్నీరు పెట్టుకున్నారు. తాను దళిత వర్గం నుంచి వచ్చానని, డాక్టర్ కావాలనే తన కల నీట్ పేపర్ లీక్ వల్ల ఇబ్బందికరంగా మారిందని తెలిపారు. కేంద్ర ప్రభుత్వానికి అందరం కలిసి బుద్ధి చెప్పాలని అన్నారు. ధర్మేంద్ర ప్రధాన్ రాజీనామా చేయాలని డిమాండ్ చేశారు.

TG· 23 Jul 2026

సాగుపై ఫోన్‌లో ఆరా తీసిన మంత్రి సీతక్క

TG: అమెరికా పర్యటనలో ఉన్న మంత్రి సీతక్క ములుగు రైతులతో ఫోన్‌లో మాట్లాడి వర్షాభావ పరిస్థితులు, సాగు విధానాలపై ఆరా తీశారు. అమెరికా తెలంగాణ అసోసియేషన్ సమావేశాల్లో పాల్గొంటున్నప్పటికీ తెలంగాణ రైతుల సమస్యలను ఎప్పటికప్పుడు తెలుసుకుంటున్నట్లు ఆమె తెలిపారు. ప్రస్తుతం కురుస్తున్న వర్షాలు, విత్తనాల విత్తకం, పంటల ఎంపికపై రైతులకు సూచనలు చేశారు. వర్షాభావం కారణంగా రైతులు ఆందోళన చెందాల్సిన అవసరం లేదని, రాష్ట్రప్రభుత్వం చేపట్టిన “జలసిరి” కార్యక్రమాన్ని ఉద్యమంలా ముందుకు తీసుకెళ్లాలని పేర్కొన్నారు.

▶

TG· 23 Jul 2026

దేశంలో జరుగుతున్న అన్యాయాలపై స్పందించండి

నటి, నిర్మాత మంచు లక్ష్మి దేశంలో జరుగుతున్న సామాజిక, ప్రజా సమస్యలపై ప్రతి పౌరుడు బాధ్యతగా స్పందించాలని పిలుపునిచ్చారు. మనకెందుకులే అనే నిర్లక్ష్య ధోరణిని విడిచిపెట్టి, అన్యాయాలపై ప్రతి ఒక్కరూ తమ స్వరం వినిపించాలని కోరారు. రాజ్యాంగ హక్కుల కోసం ఆందోళన చేస్తున్న సోనమ్ వాంగ్‌చుక్‌కు మద్దతుగా ఆమె సోషల్ మీడియాలో వీడియో విడుదల చేశారు. సమస్యలపై మాట్లాడటం, చర్చించడం, స్పందించడం కూడా బాధ్యతాయుతమైన పౌరుడి కర్తవ్యమని పేర్కొన్నారు. దేశ భవిష్యత్తు, రాబోయే తరాల సంక్షేమం కోసం ప్రజలంతా చొరవ చూపాలన్నారు.